Morgunblaðið - 29.12.1992, Blaðsíða 42
42
MORGUNBLAÐIÐ ÞRIÐJUDAGUR 29. DESEMBER 1992
Jón Guðjónsson
Scheving - Minnmg
Fæddur 1. mars 1924
Dáinn 19. desember 1992
í gær mánudaginn 28. desember
var til moldar borinn frá Neskirkju
í Reykjavík Jón Guðjónsson Schev-
ing starfsmaður Eimskipafélags ís-
lands, síaðst til heimilis að Greni-
mel 9, Reykjavík.
Jón var fæddur í Vestmannaeyj-
um 1. mars 1924 sonur hjónanna
Guðjóns Sveinssonar Scheving og
Ólafíu Jónsdóttur, sem lengst af
bjuggu í Eyjum, uns þau fluttust
til Reykjavíkur á efri árum.
Bernskuheimili Jóns stóð því í Vest-
mannaeyjum þar sem hann ólst upp
í hópi þriggja systkina, en systkini
hans tvö, þau Aðalheiður Steina og
Sveinn eru bæði á lífi og búa hér
í Reykjavík, og var Jón elstur systk-
inanna. Heimili þeirra Guðjóns og
Ólafíu stóð föstum fótum í rótgró-
inni menningu eyjarskeggja og var
þekkt og rómað fyrir myndarskap
húsfreyjunnar og höfðingsskap
þeirra beggja. Jón ólst upp við
venjuleg störf og áhugamál ungra
eyjasveina og bast heimabyggð
-sinni traustum böndum strax á
æskuárum. Margar hans bestu
minningar voru frá æsku hans og
uppvexti í Eyjum og rifjaði hann
þær æ oftar upp eftir því sem á
ævina leið. Jón gerðist snemma
virkur þátttakandi í íþróttum og lék
m.a. í meistaraflokki Knattspymu-
félags Týs, þar sem hann var for-
maður um árabil og einnig um
nokkurt skeið formaður íþrótta-
bandalags Vestmannaeyja. Jón var
á síðasta ári heiðraður af Knatt-
-spyrnufélaginu Tý fyrir þátttöku
sína og góða frammistöðu í íþrótt-
um. Var ánægjulegt að hlusta á Jón
segja frá þessum góðu gömlu dög-
um því að hann var góður sögumað-
ur, fróður um menn og málefni í
heimabyggð sinni og eignaðist þar
góða kunningja og vini. Jón hélt
ævinlega sambandi við Vestmanna-
eyjar þó að hann flyttist á brott og
fylgdist vel með því sem þar fór
fram.
Árið 1948 gekk Jón að eiga unn-
ustu sína, Guðrúnu Sesselju Guð-
mundsdóttur, ættaða frá Suðureyri
við Súgandafjörð, en hún var fóst-
urdóttir hjónanna séra Halldórs
Kolbeins og frú Láru Kolbeins, en
séra Halldór var um langt skeið
sóknarprestur Vestmannaeyinga,
svo sem kunnugt er. Þau Jón og
Guðrún stofnuðu heimili sitt á Há-
steinsvegi í Vestmannaeyjum og
bjuggu þar fyrstu ár hjúskapar síns
uns þau fluttust til Reykjavíkur
árið 1954. Meðan þau hjón áttu
heima í Vestmannaeyjum var Jón
lengst af starfsmaður í útibúi Út-
vegsbanka íslands en eftir að til
Reykjavíkur kom var hann skrif-
stofumaður hjá Eimskipafélagi ís-
lands, sjómaður og iðnrekandi, en
þau hjón ráku þvottahús um all-
langt skeið.
Síðustu æviár sín stundaði Jón
verkamanna vinnu og gæslustörf á
vegum Eimskipafélags Islands. Þau
Jón og Guðrún slitu samvistum árið
1975 og varð þeim fjögurra barna
auðið. Börnin eru þessi, talin í ald-
ursröð: Guðmundur Oli fæddur 7.
janúar 1949, vélstjóri. Hann er
kvæntur Jónínu Stefánsdóttur og
eiga þau fjögur börn, Kristínu, Jón
Stefán, Guðrúnu Sesselju og Guð-
mund Óla. Ómar fæddur_17. ágúst
1953, bifvélavirki. Börn Ómars eru
þau Svanhildur, Anton og Daníel.
Viðar fæddur 11. nóvember 1956,
múrarameistari, kvæntur undirrit-
aðri. Hrafnhildur fædd 3. júlí 1961,
dætur hennar eru Guðrún Þóra,
t
Elskulegur eiginmaður minn, faðir okkar, tengdafaðir, afi og langafi,
GUNNAR JÖRUNDSSON,
dvalarheimilinu Höfða,
Akranesi,
lést í Sjúkrahúsi Akraness 25. desember sl.
Jarðarförin verður auglýst siðar.
Jóhanna Guðjónsdóttir,
börn, tengdabörn, barnabörn
og barnabarnabörn.
t
Faðir minn og tengdafaðir,
RAGNAR RÓBERTSSON BÁRÐDAL,
Holtakoti,
Ljósavatnshreppi,
lést í FSA að morgni 26. desember.
Jarðarförin fer fram frá Ljósavatnskirkju þann 2. janúar kl. 14.00.
Þórhallur Ragnarsson,
Aðalheiður Kjartansdóttir.
t
Ástkær eiginkona mín, móðir okkar, dóttir, systir og fóstursýstir,
LINDA PAGE GUÐMUNDSSON,
Flórída,
lést í Flórída 27. desember.
Úlfar Guðmundsson,
Sverrir Guðmundsson, Guðmundur Guðmundsson,
Hulda Weichenhain, Gunnar Ragnars,
Ragnar Ragnars, Ólafur Ragnars.
t
Móðir okkar, tengdamóðir, amma og langamma,
ANNA MJÖLL ÁRNADÓTTIR,
Hávallagötu 36,
lést 12. desember síðastliðinn.
Jarðarförin hefur farið fram í kyrrþey að ósk hinnar látnu.
Fyrir hönd aðstandenda,
María Ingvarsdóttir, Árni Ingvarsson.
Ragnhildur Magnús-
dóttir - Minning
Sigurósk Tinna og Heiðrún Sara.
Jón Scheving var fríður maður
og karlmannlegur og ætíð hrókur
alls fagnaðar. Eg sem þessar línur
skrifa kynntist ékki Jóni fyrr en á
efri árum hans en hann kom mér
jafnan fyrir sjónir sem glaður mað-
ur og æðrulaus þó að líf hans hafi
ekki alltaf verið dans á rósum. hann
var jafnan hress í bragði og hafði
gamanmál á takteinum, sjálfum sér
og öðrum til uppörvunar. En þrátt
fyrir gamansemi sína og glaðværð
tel ég að hann hafi verið alvörumað-
ur undir niðri og viðkvæmur tilfinn-
ingamaður. Ríkur þáttur í skapgerð
Jóns var viðmótshlýja og greiða-
semi. En þrátt fyrir vingjarnleik
sinn og þægilegt viðmót var Jón
skoðanafastur og ákveðinn og gat
verið æði fastur fyrir ef honum
þótti hallað réttu máli eða gengið
á góðan málstað. Jón var alla ævi
sjálfstæðismaður og fylgdi þeiri
sannfæringu fast eftir. Hann trúði
á málstað sjálfstæðis og mannfrels-
is og var ódeigur við að láta þá
skoðun í ljósi við hvern sem í hlut
átti. Með Jóni Guðjónssyni Scheving
er genginn góður maður og hrein-
skiptinn. Þess er gott að minnast,
þegar við nú kveðjum hann hinstu
kveðju.
Blessuð sé minning hans.
Elín Guðjónsdóttir.
Fædd 17. október 1903
Dáin 7. ágúst 1992
Mig langar, þó seint sé, að minn-
ast nágrannakonu minnar Ragn-
hildar Magnúsdóttur, Vesturvegi
13 b, Vestmannaeyjum, sem andað-
ist hinn 7. ágúst sl. Aldurinn var
orðinn hár. Hún stóð meðan stætt
var. Þrátt fyrir mörg áföll á undan-
förnum árum, þá komst hún alltaf
á fætur aftur, og segja má, að hún
hafí búið við ótrúlega góða heilsu
fram á mitt þetta ár. Hún var ró-
lynd og bjartsýn að eðlisfari. Það
var fyrst í júlí si., sem hún kvart-
aði yfir leiðinlegu tíðarfari, og þeg-
ar ég kvaddi hana 20. júlí, þegar
ég var að fara í nokkurra daga frí,
sagði hún mér að nú væri lífsþrótt-
urinn búinn. Nokkrum dögum
seinna fékk hún áfall, og var flutt
á sjúkrahús, þar sem hún andaðist,
eins og fyrr segir 7. ágúst. Ragn-
hildur fæddist 17. október 1903 á
Hryggjum í Mýrdal. Foreldrar
hennar voru Sigríður Sigurðardóttir
og Magnús Bjömsson, hjón á
Hryggjum. Ragnhildur átti þrjú
systkini og er eitt þeirra á lífi, Sig-
urbjörg, sem býr á Selfossi. Ragn-
hildur ólst upp á góðu heimili. Hún
varð snemma að taka til hendinni,
eins og þá var siður. Hún var alin
upp við mikla vinnusemi og dugn-
að. í fjóra vetur var hún í barna-
skóla að Litla-Hvammi, frékari
menntun var ekki að hafa í æsku.
En seinna fór hún á matreiðslu- og
saumanámskeið í Vík í Mýrdal, og
þar lærði hún margt nytsamlegt.
Hingað til Eyja fluttist Ragnhildar
1931, en hafði áður dvalist hér sum-
arlangt, í vist, árið 1924. Hún
kynntist hér Bergi Loftssyni, sem
ættaður var úr Vestur-Landeyjum.
Þau gengu í hjónaband 1936. Berg-
ur var vélstjóri_ yfir 40 ár. Þau
bjuggú fyrst í Ásnesi, en síðan á
Hjalteyri, Vesturvegi 13b. Þau
eignuðust þrjú mannvænleg böm.
Elst þeirra er Karl varaslökkviliðs-
stjóri, kvæntur Emu Siguijónsdótt-
ur. Þau eru búsett á Selfossi. Þá
Þórey hjúkrunarfræðingur, gift Jóni
Tómassyni. Þau em búsett á Akur-
eyri. Tvíburabróðir Þóreyjar, Magn-
ús, rafvirki, einhleypur og er hann
búsettur í Vestmannaeyjum. Barna-
börnin eru 8 og bamabarnabörnin
3.
Ragnhildur missti mann sinn í
janúar 1985, og var það henni mik-
ið áfall. En þá kom líka hinn mikli
trúarstyrkur og æðruleysi hennar í
ljós. Ragnhildur bjó áfram að Hjalt-
eyri með Magnúsi syni sínum. Börn-
in og tengdabörn reyndust henni
mjög vel, ekki síst Þórey og maður
hennar, sem dvöldu hér árlega lang-
dvölum.
Við hjónin áttum því láni að
fagna, að eiga Ragnhildi að vinkonu
og nágranna um langt skeið. Síð-
ustu árin heimsótti ég hana dag-
lega, ef ég var hér í bænum. Vera
má, að í fyrstu, hafí ég gert þetta
af skyldurækni, og að beiðni Magn-
úsar sonar hennar. En fljótt varð
það svo, að þessar heimsóknir urðu
mér mikils virði. Ragnhildur var
óvenjuleg kona, vel gerð og yfir
henni hvíldi ró og friður. Við spjöll-
uðum margt saman. Hún var fróð,
og fylgdist vel með málum bæði
innanlands og utan. En við gátum
líka setið hljóð, ég yfir blaðalestri
og kaffíbolla, og hún yfir prjónum
sínum. Þessar stundir voru mér
mikils virði, og ég vona að ég hafí
glatt hana með heimsóknum mín-
um. Þeir voru ótrúlega margir, sem
litu til hennar, og var hún þakklát
fyrir það. En hún sagði mér, að hún
væri aldrei ein. Ragnhildur var trú-
uð kona, og hún sagði okkur hjón-
unum, að hana hafí, á unglingsár-
um langað til að gerast trúboði.
En hvað er trúboð? Er það ekki
trúboð, að lifa vammlausu lífi, og
vera öðrum fyrirmynd. Einn af
gleðigjöfum Ragnhildar var að hlú
að blómum, og öðrum gróðri. Henni
tókst, með mikilli vinnu, að hreinsa
burt öskuna eftir gosið, og koma
upp fallegum garði, sér og öðrum
til yndisauka, og fékk hún viður-
kenningu fyrir þetta starf sitt. Hún
ræktaði garðinn sinn, bæði í eigin-
legri og óeiginlegri merkingu. Við
hjónin söknum Ragnhildar mikið.
Okkur verður oft litið yfír að Hjalt-
eyri, eins og við búumst við, að sjá
henni bregða fyrir í eldhúsglugg-
anum. Ragnhildur hlakkaði alltaf
til jólanna. Nú er hún ekki lengur
á meðal okkar, en það er von mín,
og trú, að hún lifi jólagleði. Ég vil
fyrir mína og hennar hönd, enda
þessa síðbúnu kveðju, á lokaversi
úr jólasálmi, í þýðingu Helga Hálf-
danarsonar.
Ó, virstu góði Guð, þann frið,
sem gieðin heims ei jafnast við,
í allra sálir senda.
Og loks á himni lát oss fá
að lifa jólagleði þá,
sem tekur aldrei endá.
Við hjónin sendum börnum
Ragnhildar og öðrum aðstandend-
um okkar bestu jólakveðjur.
Jóhann Björnsson.
t
Hjartkær móðir mín, tengdamóðir og amma,
MARGRÉT JÓNSDÓTTIR,
Hólagötu 36,
Vestmannaeyjum,
áður Tobbakoti, Þykkvabæ,
andaðist í Sjúkrahúsi Vestmannaeyja að kveldi jóladags.
Jarðarförin auglýst síðar.
Örn Bragi Tryggvason, Sigurlín Guðný Ingvarsdóttir,
Ingvar Örn Arnarson.
t
Eiginmaður minn, faðir okkar, tengdafaðir, afi og langafi,
JÓN V. ÁSGEIRSSON,
Drápuhlið 42,
verður jarðsungin frá Háteigskirkju miðvikudaginn 30. desember
kl. 10.30.
Þeim, sem vilja minnast hans, er bent á Minningarsjóð Slysavarna-
félags íslands.
Guðrún Á. Jónsdóttir, Sigurbjartur Helgason,
Ásgeir Jónsson, Ragnhildur Benediktsdóttir,
Þorvaldur F. Jónsson, Guðrún E. Aðalsteinsdóttir,
Margrét Á. Jónsdóttir, Brynjólfur Jónsson,
barnabörn og barnabarnabörn.
t
Móðir okkar, tengdamóðir, amma og langamma,
ANNA KRISTJÁNSDÓTTIR,
Bjarkarlundi,
Kirkjuiundi 6,
Garðabæ,
verður jarðsungin frá Garðakirkju 30. desember kl. 13.30.
Blóm afþökkuð, en þeim, sem vijdu minnast hennar, er bent á
líknarstofnanir, t.d. Rauða kross íslands.
Sara Jóhannsdóttir, Sigurberg H. Elentínusson,
Helga Jóhannsdóttir, Halldór H. Jónsson,
Jóhann Ingi Jóhannsson, Ásthildur Einarsdóttir,
Guðríður Hallsteinsdóttir, Stefán Valdimarsson,
barnabörn og barnabarnabörn.
Eitidnkkjur
Glæsileg kiiii-
hlaðborð íiillcgir
salir og mjög
giið þjóniksta.
Upplýsingar
ísúua22322
FLUCLEIDIR
léTEL MFTUIÍIK