Morgunblaðið - 26.03.1993, Blaðsíða 20
20
MORGUNBLAÐIÐ FÖSTUDAGUR 26. MARZ 1993
Bandaríkjastj órn
Kanna stefn-
una. gagnvart
E1 Salvador
Washinglon. Reuter.
WARREN Christopher, utan-
ríkisráðherra Bandaríkjanna,
skipaði í gær nefnd til að
gera úttekt á skýrslu Samein-
uðu þjóðanna um mannrétt-
indabrot í EI Salvador á með-
an á borgarastyijöldinni þar
stóð.
Sagði Christopher að þó að í
skýrslunni væri ríkisstjórn Banda-
ríkjanna eða fulltrúar hennar ekki
beinlínis gagnrýnd hlyti hún að
hafa áhrif á framkvæmd ijanda-
rískrar utanríkisstefnu.
í skýrslunni kemur m.a. fram
að stjórnarher E1 Salvador, sem
naut stuðnings Bandaríkjamanna,
hafí myrt að minnsta kosti 700
manns í þorpinu E1 Mozote og
nágrenni árið 1981.
Warren Christopher sagði að
meðal þess sem nefndinni yrði
fálið að kanna væri þáttur utanrík-
isþjónustunnar í málefnum E1
Salvador meðan á borgarastyijöld-
inni stóð.
Reuter
Eldgos á Filippseyjum
ELDFJALLIÐ Mayon á Filippseyjum, sem er um 2.400 metrar að hæð og rúma 330 km suðaustur af höfuð-
borginni Manila, spýr ösku og hraunleðju um sólsetursbil í gær. Margir jarðskjálftar hafa orðið í fjallinu og
nágrenni þess. Gosið hefur staðið yfír í tæpa viku en ekki er vitað um neinn mannskaða. Alls hafa um 60.000
manns flúið heimili sín en óttast er að gosið sé undanfari mun öflugri hamfara. Fremst sést klukkuturn kirkju
sem grófst undir ösku í gosi árið 1814.
Bílhlass
af ís til
Nyrups
Kaupmannahöfn. Reuter, frá Sig-
rúnu Davíðsdóttur, fréttaritara
Morgunblaðsins.
DANSKIR bændur og fiski-
menn eru mjög óánægðir
með ráðstafanir ríkisstjórn-
arinnar í málum þeirra og
eru byrjaðir að gera alvöru
úr hótunum um að grípa til
aðgerða. I gær lögðu sex
þúsund sjómenn niður vinnu
í Danmörku til að mótmæla
kvótaskerðingu. Björn
Westh, sjávarútvegs- og
landbúnaðarráðherra hefur
varað þessa aðila við að gera
neitt sem bitnar á almenn-
ingi.
Þegar Westh kom út úr húsi
sínu á miðvikudagsmorgun
hafði hálft tonn af hálmi verið
skilið eftir í innkeyrslunni.
Sömu kveðju fengu nokkrir
aðrir stjómmálamenn frá and-
ófsmönnum. Sama morgun
sturtuðu sjómenn tuttugu tonn-
um af ís við Kristjánsborgar-
höll í Kaupmannahöfn, þar sem
þingið er til húsa. í gær sturt-
uðu svo sjómenn bílfarmi af ís
fyrir utan heimili Pouls Nyrups
Rasmussens forsætisráðherra.
Spillingarmál stjómmálamanna á ítalíu
Tengsl við maf-
íuna rannsökuð
Róm. Reuter.
RANNSÓKNIN á spillingarmálunum á Ítalíu beindist í gær aðallega
að tengslum mafíunnar og spilltra stjórnmálamanna eftir játningar
tveggja manna sem stjórnuðu helstu glæpaborgum landsins, Napólí
og Palermo.
Þingnefnd í Róm lagði til að
Raimondo Maira, þingmaður Kristi-
legra demókrata, yrði sviptur þing-
helgi svo hægt yrði að sækja hann
til saka fyrir meint tengsl við maf-
íuna. Leonardo Messina, fyrrver-
andi mafíósi sem hefur fallist á
samvinnu við lögregluna, hafði sagt
að þingmaðurinn hefði verið „fram-
bjóðandi mafíunnar" í þingkosning-
unum 1991. Maira vísar þessu á
bug og óskaði sjálfur eftir því að
verða leystur undan þinghelgi svo
hann gæti hreinsað sig sem fyrst.
Fyrrverandi ráðherra
viðriðinn mafíuna
Margir af þekktustu fjármála-
og stjórnmálamönnum landsins eru
nú í fangelsi og rannsókn á tengsl-
unum við mafíuna gæti valdið enn
meiri sprengingu í ítölskum stjóm-
málum. Atkvæðamesti stjómmála-
maðurinn sem til þessa hefur verið
handtekinn vegna tengsla við maf-
íuna er Riccardo Misasi, fyrrverandi
menntamálaráðherra og áhrifa-
mesti þingmaður Kristilegra demó-
krata í Napólí. Hann hefur neitað
sakargiftunum og þingið á eftir að
ákveða hvort hann verði sviptur
þinghelgi.
Saksóknarar, sem stjórna rann-
sókninni, segja að stjórnmálamenn
hafi stofnað svokallaða „viðskipta-
nefnd“ með foringjum mafíunnar í
Calabriu til að undirbúa samninga
um opinberar framkvæmdir í höfuð-
stað héraðsins, Reggio Calabria.
Giuseppe Santoro sendiherra,
sem hafði yfirumsjón með aðstoð
ítala við þróunarlönd, var handtek-
inn í gær, sakaður um að hafa
misnotað fé sem ætlað var til þróun-
araðstoðar.
Laugavegi 95, sími 25260
SÍDASTIDAGUR
VERSLUNARINNAR
laugardaginn 27. mars.
Opið frá kl. 10-14 - Misstu ekki af því!
|||L ■ »w*' jp| i .
Sarah Andrés
Sarah Ferguson
Hef farið
illa að
ráði mínu
London. Reuter.
SARAH Ferguson eða „Fergie“,
hertogaynja af Jórvík, segir í við-
tali við breska dagblaðið Sun, að
hún hafi farið heldur illa að ráði
sínu og biður alla landsmenn sína
afsökunar. Þá segir hún, að Andr-
és prins sé mesta gæðablóð og
hennar besti vinur.
„Okkur verður öllum á í mess-
unni en við lærum af mistökunum.
Eg hef klúðrað mörgu í lífi mínu
og mér þykir það leitt,“ segir Fergie
í viðtalinu en hún segist þó vera
hamingjusamari nú en nokkru sinni.
Hún býr með dætrum sínum tveim-
ur og vinnur að hjálparstarfi fyrir
börn í Bosníu. Um Andrés, eigin-
mann sinn, segir hún, að hann sé
góðmenni, sannur vinur í raun og
dætrunum yndislegur faðir.
í viðtalinu kveður við nokkuð
nýjan tón hjá Fergie en áður hefur
hún borið konungsfólkinu dálítið
misjafna söguna og kvartað yfir
því, að hún hafí engan stuðning
fengið í hjónabandinu með Andrési.
Samkvæmt blaðafréttum mun
Fergie fá um 200 milljónir króna í
sinn hlut komi til lögskilnaðar með
þeim hjónum.
Vísbending'-
arumlíf á
Venusi
Bandaríska geimferðastofn-
unin (NASA) sagði í gær að
upplýsingar sem rannsóknar-
farið Pioneer hefði sent til jarð-
ar bentu til þess að líf hefði
verið að finna á reikistjörnunni
Venusi. Mælingar gæfu til
kynna að þar hefðu verið út-
höf. Vatnsmagn plánetunnar
hefði verið nær fjórum sinnum
meira en áður var talið.
Deyr af völd-
um sprengju-
tilræðis IRA
TÓLF ára drengur dó í gær af
meiðslum sem hann hlaut í
sprengjutilræði írsku hryðju-
verkasamtakanna IRA í versl-
unarmiðstöð í borginni Warr-
ington í Englandi um síðustu
helgi. Þriggja ára drengur beið
bana er sprengjan sprakk og
56 manns slösuðust.
Tilræðismað-
ur gómaður
JÓRDANI sem búsettur er í
Bloomfield í New Jersey-ríki
var handtekinn í gær en hann
er grunaður um aðild að
sprengjutilræðinu í World
Trade Center byggingunni í
New York fyrir mánuði. Hann
heitir Bilai Alkaisi, er 27 ára
og hefur starfað sem leigubíl-
stjóri í New York-borg.
Þrír kaþólikk-
ar myrtir í
Belfast
ÞRÍR kaþólskir verkamenn
voru myrtir og tveir særðust
lífshættulega í tilræði í strand-
bænum Castlerock á norður-
strönd Norður-írlands í gær.
Menn sem taldir eru vera í sam-
tökum öfgasinnaðra sambands-
sinna sátu fyrir bifreið þeirra
og létu skothríðina dynja á
henni er þeir voru á leið til
vinnu.
Fylgi hrynur
af frjálslynd-
um
FYLGI hrynur af japanska
stjórnarflokknum, Fijálslynda
lýðræðisflokknu, miðað við úr-
slit skoðanakönnunar sem birt
voru í gær. Styðja 35,5% flokk-
inn nú sem er 3,8% lækkun á
einum mánuði. Ennfremur
sýndi könnunin að aðeins 21%
Japana styður ríkisstjórn Kiichi
Miyazawa forsætisráðherra og
er það lækkun um 5% á mán-
uði. 68,6% aðspurðra sögðust
óánægð með frammistöðu
stjórnarinnar.
Nýr leiðtogi
Likud
BENJAMIN Nethanyahu, for-
maður ísraelsku sendinefndar-
innar í viðræðum ísraela og
araba um frið í Miðausturlönd-
um, var í gær kjörinn leiðtogi
Likud-flokksins í ísrael. Net-
hanyahu er 43 ára en samt vel
þekktur í heimalandinu þar sem
hann gengur manna á meðal
undir nafninu BiBi. Hann tekur
við formennsku af Yitzhak
Shamir fyrrum forsætisráð-
herra. Hann er fyrrum víkinga-
sveitarmaður í ísraelska hern-
um og sendiherra hjá Samein-
uðu þjóðunum.