Morgunblaðið - 06.04.1993, Blaðsíða 27
MORGUNBLAÐIÐ ÞRIÐJUDAGUR 6. APRÍL 1993
27
'
Takk fyrir
BORÍS Jeltsín Rússlandsforseti (t.v.) og Bill Clinton Bandaríkjaforseti Ijá sig með höndun-
um á sameiginlegum blaðamannafundi leiðtoganna við lok fundar þeirra í Vancouver á
sunnudag.
magn í umferð var aukið tífalt í fyrra, hefur verkað
sem olía á verðbólgubálið.
Meira í vændum
Búist er við að Rússum verði veitt frekari efnahags-
aðstoð og að fréttir um þær verði vandlega tímasett-
ar með tilliti til þjóðaratkvæðis 25. apríl sem kann
að ráða pólitískri framtíð Jeltsíns. Utanríkis- og fjár-
málaráðherrar sjö helstu iðnríkja heims, G7-ríkjanna,
hittast í Tókíó 14.-15. apríl til þess að reyna að ná
samkomulagi um allt að 30 milljarða dollara aðstoð.
Ætlast er til að sú upphæð komi að miklu leyti í
gegnum Alþjóðabankann og Alþjóðagjaldeyrissjóðinn
en þessar stofnanir hafa verið tregar til að auka
aðstoð við Rússa fyrr en þeir ná tökum á verðbólgu.
Clinton lagði einnig áherslu á að iðnríkin sjálf, önnur
en Bandaríkin, yrðu hvert um sig að leggja meira
að mörkum til hjálpar Rússum. Það hafa Kanada-
menn og Bretar gert síðustu daga en Þjóðveijar hafa
verið hikandi og segjast hafa lagt sitt af mörkum.
Japanir eru líklega betur settir en önnur G7-ríki að
aðstoða en hafa farið sér hægt vegna deilna við
Rússa um Kúrileyjar. Clinton sagði hins vegar á
sunnudag að Japanir hefðu nú fullvissað sig um að
þeir myndu veita þá aðstoð sem þeim bæri.
Eystrasalts-
þjóðir reið-
ast Jeltsín
STJÓRNVÖLD í Eistlandi og Lett-
landi gagnrýndu I gær ummæli
Borís Jeltsíns, forseta Rússlands,
frá því á sunnudag þess efnis að
Lettar og Eistar yrðu að tryggja
réttindi rússneska minnihlutans í
löndum sínum ef Rússar ættu að
standa við áformin um brottflutning
hermanna þaðan. „Við skipuleggj-
um brottflutningana í samræmi við
það sem þeir ákveða á mannrétt-
indasviðinu," sagði Jeltsín á blaða-
mannafundi með Bill Clinton, for-
seta Bandaríkjanna, í Vancouver.
„Þetta er alvarleg íhlutun í innan-
ríkismál okkar," sagði Valdis
Birkavs, forseti lettneska þingsins.
Morð í
réttarsal
MÓÐIR barns, sem hafði verið mis-
notað kynferðislega, tók lögin í sín-
ar hendur á föstudag þegar réttað
var í máli kynferðisafbrotamanns-
ins og skaut hann til bana fyrir
framan dómarann. Maðurinn var
ákærður fyrir að misnota sjö drengi.
Varist glæpa-
menn í Miami
BRESKAR ferðaskrifstofur og bíla-
leigur hvöttu í gær ferðamenn sem
heimsækja Florída til að vera á
varðbergi gagnvart glæpamönnum,
forðast hættuleg svæði og skilja
verðmæti eftir á öruggum stað.
Stigamenn höfðu myrt þýska konu
að tveimur börnum hennar aðsjá-
andi á föstudag, aðeins tveimur
klukkustundum eftir komu hennar
til Miami.
Norðmenn
ræða við EB
AÐILDARVIÐRÆÐUR Norð-
manna við Evrópubandalagið (EB)
hófust formlega á fundi utanríkis-
ráðherra bandalagsins í Lúxemborg
í gær. Björn Tore Godal, viðskipta-
ráðherra Noregs, sagði í ávarpi sínu
á fundinum að Norðmenn sæktu
um aðild að EB vegna þess að hugs-
munum þeirra væri best borgið með
því að þeir hefðu áhrif á framtíðar-
mótun Evrópu.
Samdráttur í
bílasölu
SÆNSKU bílafyrirtækin Volvo og
Saab seldu mun færri bifreiðar í
Bandaríkjunum í mars miðað við
sama mánuð I fyrra. Sala Saab
minnkaði um 32% og Volvo um 23%.
23 drepnir í
S-Afríku
MENN vopnaðir byssum myrtu í
gær 10 stuðningsmenn Afríska
þjóðarráðsins í svefni í húsi í suður-
hluta Durban. Að minnsta kosti 23
menn, allir blökkumenn nema einn,
höfðu þar með verið drepnir vegna
átaka stríðandi fylkinga í Suður-
Afríku frá því á föstudag. Átökin
hafa kostað rúmlega 7.000 manns
lífið.
Fangi slapp
á skriðdreka
DÆMDUR morðingi braust úr
fangelsi á stolnum skriðdreka í
Þýskalandi á sunnudag. Vinir fang-
ans, sem er 52 ára, stálu skriðdrek-
anum og óku honum í gegnum þrjú
fangelsishlið. Skriðdrekinn fannst
skömmu síðar mannlaus í grennd
við fangelsið. Lögreglan hóf mikla
leit að morðingjanum og vinum
hans.
Nýju Bakarabrauðin
eruþéttísér
enþó svo mjúk
ogsvo eruþau líka
öðruvisi í laeinul
- bakar brauðið þitt!