Morgunblaðið - 04.05.1993, Blaðsíða 3

MORGUNBLAÐIÐ IÞROI IIR-PRIBJUPAGUR 4, MAÍ 1993
HANDKNATTLEIKUR / ISLANDSMOTIÐ
Sóknarieikur Vals betri
og gæti ráðið úrslitum
- segirÞorbergurAðalsteinsson, landsliðsþjálfari, er spáir í spilin fyrir úrslitin
Leikstjórnendurnir
Dagur Sigurðsson (t.v.) stjómar spilinu hjá Val, en Guðjón fyrirliði Árnason hjá FH. „Þeir eru jafnir. Báðir skora mikið
utan af velli, Guðjón er með mun meiri reynslu, en Dagur er sterkari vamarmaður," segir landsliðsþjálfarinn.
ÚRSLITAKEPPNI Vals og FH
um íslandsmeistaratitil karla í
handknattleik hefst í Laugar-
dalshöll kl. 20 í kvöld. Fimmtu-
dagskvöld verður leikið í Kapla-
krika, á laugardag aftur að
Hlíðarenda og síðan í næstu
viku á þriðjudag í Kaplakrika
og fimmtudag að Hlíðarenda
ef þörf krefur, en þrjá sigra
þarf til að tryggja titilinn. Þor-
bergur Aðalsteinsson, lands-
liðsþjálfari, sagði aðspurður að
liðin væru áþekk, en sóknar-
leikurinn hjá Val væri fvið betri
og hann gæti gert útslagið, þó
fjóra eða fimm leiki þyrfti til
að fá f ram úrslit.
orbergur var beðinn um að bera
saman leikmenn liðanna, sem
eru í sömu stöðum. Að því loknu
tók hann fyrir liðsheildimar og
spáði síðan í úrslitin.
Markverðimir jafnir
Landsliðsþjálfarinn sagði að að-
almarkverðir liðanna, Guðmundur
Hrafnkelsson hjá Val og Bergsveinn
Bergsveinsson hjá FH, stæðu jafnir
að vigi.
„Þeir eru með sterkar varnir fyr-
ir framan sig og hafa yfir líkum
kostum að ráða. Staðsetningarnar
eru góðar hjá þeim og þeir eru fljót-
ir að koma boltanum í umferð, en
báðir eiga einna erfiðast með skot
í gólfið niðri og eins hafa þeir ekki
náð að sýna sitt besta eftir HM.
En það gæti breyst í þessari lotu.“
Gunnar sterkari
Þorbergur sagði vinstri horna-
mennina, Jakob Sigurðsson hjá Val
og Gunnar Beinteinsson hjá FH,
frekar jafna, en Gunnar hefði vinn-
inginn.
„Jakob er stöðugt að ná sér og
stendur fyllilega fyrir sínu í vöm-
inni eins og Gunnar, en Gunnar
hefur enn snerpuna í hraðaupp-
hlaupunum framyfir og skorar
meira úr hominu."
Gelr besti línumaðurinn
„Geir [Sveinsson] er besti línu-
maður landsins að öðrum ólöstuðum
og er helsta driffjöðurin hjá Val,“
sagði Þorbergur. „Hálfdán [Þórðar-
son] sækir stöðugt í sig veðrið, en
er ekki eins líkamlega sterkur og
Geir, sem skiptir oft sköpum."
Valdimar betri
„Valdimar [Grímsson hjá Val]
og Bjarki [Sigurðsson] eru bestu
hægri homamenn landsins. Valdi-
mar er gífurlega fljótur í hraðaupp-
hlaupum og skorar mikið — sóknar-
leikur Vals endar oft hægra megin
eftir stimplanir, sem heflast vinstra
megin. Valdi er sterkari og reynslu-
meiri leikmaður en Sigurður Sveins-
son og hefur því vinninginn."
Jón lykilmaður
Jón Kristjánsson og Alexej Trúf-
an em skyttur liðanna vinstra meg-
in, en Jón skiptir samt oft við Dag
á miðjunni hjá Val.
„Jón er sterkari. Hann hefur spil-
að mjög vel í deildinni og leikið
stórt lykilhlutverk, verið vítamín-
sprauta fyrir Val. Trúfan er einn
besti varnarmaður deildarinnar, en
hann er ekki eins sterkur í sókninni
og Jón.“
Kristján alhliða
Kristján Arason, þjálfari FH, og
Olafur Stefánsson em í skyttuhlut-
verkum hægra megin. „Kristján er
mun sterkari. Hann er alhliða vam-
armaður, reynslumikill og veit hvað
þetta snýst um, gríðarlega útsjónar-
samur í hraðaupphlaupum. Hann
er líka öflugur í sókninni þrátt fyr-
ir að fullan styrk vanti í skotarm-
inn.“
Jafnir leikstjómendur
Dagur Sigurðsson stjómar spil-
inu hjá Val, en Guðjón fýrirliði
Árnason hjá FH. „Þeir eru jafnir.
Báðir skora mikið utan af velli,
Guðjón er með mun meiri reynslu,
en Dagur er sterkari vamarmaður."
Samkvæmt þessu hafa Valsmenn
vinninginn, 4:3, og sagði Þorbergur
að fjöldi leikja yrði í sömu hlutföll-
um. „Ég hef trú á að liðin byiji á
að sigra á heimavelli, en síðan er
allt opið. FH-ingar hafa geysilega
reynslu og vita hvernig á að sigra
í mótum og svona úrslitakeppni.
Valsmenn hafa verið með yfirburð-
arlið í vetur, þeir eru með mestu
breiddina og allt hefur gengið vel,
en spurningin er hvort þeir halda
áfram á sömu braut.
Með þetta í huga er ljóst að ekk-
ert má útaf bregða. Smámeiðsl í
fyrsta eða öðmm leik geta haft
afgerandi áhrif á framhaldið og í
raun má ekkert óvænt koma uppá,
en fyrri leikir hafa engin áhrif. Lið-
in em mjög áþekk vamariega og
jafngóð í hraðaupphlaupum, en
sóknarleikurinn hjá Val er ívið betri
og hann gæti ráðið úrslitum."
Tvær framlengingar þegar
ÍR-ingar unnu Selfyssinga
Gústaf Bjarnason flutturá sjúkrahús í Reykjavík meiddurá auga
KNATTSPYRNA
Valur í úrslit
Þórður Birgir Bogason tryggði
Val sigur gegn KR, 1:0, í undan-
úrslitum Reykjavíkurmótsins í
knattspyrnu með marki sjö mín.
fyrir leikslok í gærkvöldi eftir
slæm varnarmistök. Fj'ölmargir
áhorfendur fylgdust með leikn-
um; yfír 1.000. Valur mætir ann-
að hvort Fram eða Fylki í úrslita-
leik mótsins, en félögin mætast
annað kvöld kl. 20. Leikurinn var
á dagskrá í kvöld, en var frestað
vegna handboltaleiks Vals og FH
í Höllinni.
ÍR náði sigri gegn Selfyssingum ítvíframlengdum leik þar sem
það hékk á bláþræði á lokasekúndunum hvers leikkafla hvoru
megin sigurinn félli. Liðin voru mjög jöfn og náðu bæði tveggja
marka forskoti en tókst ekki að hrista andstæðinginn af sér.
Eftir venjulegan leiktíma var staðan 26:26, eftir fyrri framleng-
ingu 29:29 og lokatölurnar urðu síðan 33:34.
Selfyssingar misstu Gústaf
Bjarnason útaf í fyrri hálfleik
en hann meiddist á auga og var
■■■■■ fluttur á sjúkrahús
Sigurður til Reykjavíkur eftir
Jónsson að hafa farið fyrst á
Sjúkrahúsið á Sel-
fossi. Hann fékk
fingur eins leikmanna ÍR liðsins í
augað þegar hann var í hraðaupp-
hlaupi o g ÍR-ingurinn hugðist
stöðva hann. Annar leikmaður úr
Selfossliðinu, Davíð Ketilsson,
skrifar frá
Selfossi
þurfti einnig að fara útaf vegna
sams konar áverka. Greinilegt er
að dómarar verða að fínna svar við
því að leikmenn slái eða poti í and-
lit andstæðinganna.
.Leikurinn var allan tímann mjög
spennandi en með örlítið meiri
heppni hafði sigurinn legið Selfoss-
megin ef marka má fjölda stangar-
skota. Hins vegar léku ÍR-ingqar
vel og eru greinilega með lið sem
ekki lætur bugast í mótlæti.
í lok fyrri framlengingarinnar
fengu Selfyssingar aukakast og
Sigutjón Bjarnason náði að skora
nánast um leið og tíminn rann út
en dómararnir dæmdu markið ekki
gilt. Þetta var mjög umdeilt og
greinilegt að þeir voru of hikandi í
dómgæslunni og ekki nógu vakandi
til þess að ráða við álagið síðustu
sekúndurnar.
ÍR-ingar tóku Sigurð Sveinsson
úr umferð eftir að hann hafði tekið
sig til og gert nokkúr mörk í röð.
Þá vantaði Selfossliði tilfinnanlega
Gústaf til þess að láta mótleikinn
gegn því ganga upp.
Jóhann Ásgeirsson og Matthías
Matthíasson voru atkvæðamestir í
ÍR-liðinu en þeir Sigurður Sveins-
son og Einar Gunnar Sigurðsson
hjá Selfyssingum.
__________________B 3
ÍÞRfamt
FOLX
■ MAGNÚS Matthíasson miðherji
Valsmanna í körfuknattleiknum
verður ekki með liðinu á næsta vetri.
Matthías mun halda til framhalds-
náms í Bandaríkjunum í haust.
■ BIRGIR Mikaelsson mun sjá
um þjálfun Skallagríms á næsta
keppnistímabili eins og hann gerði
í vetur._ Þá hefur verið gengið frá
því að Ukraníumaðurinn Alexand-
er Ermolínskíj leiki áfram með fé-
laginu.
■ HAUKAR hafa gert John
Rhodes tilboð um að vera áfram hjá
félaginu. Rhodes er nú í Frakk-
landi þar sem hann freistar þess að
komast að hjá þarlendu félagi.
■ ÁRSÞING KKÍ verður haldið í
Keflavík um næstu helgi og þar
munu Haukar leggja fram tillögu
um að erlendum leikmönnum verði
ekki heimilt að leika hér á landi
næsta vetur. Ekki er búist við að
tillagan verði samþykkt.
I ÍVAR Ásgrímsson sem þjálfaði
lið Snæfells í fyrra verður ekki með
Hólmurum næsta vetur. ívar mun
líklega fara aftur til Hauka.
■ RÚNAR Guðjónsson er einnig
fyrrum Haukamaður og hann mun
líklega leika með Hafnarfjarðarlið-
inu næsta vetur. Rúnar gekkst und-
ir skurðaðgerð á dögunum og er nú
að jafna sig í öxlinni eftir hana.
■ BÁRÐUR Eyþórsson mun að
öllum líkindum leika áfram með
Snæfelli en hann hafði í hyggju að
helja nám í Reykjavík næsta vetur.
|
Rússar
heims-
meistarar
RÚSSAR endurheimtu
heimsmeistaratrtilinn í fs-
hokkí, þegar þeir unnu frá-
farandi meistara Svfa 3:1 f
úrslitaleik í Munchen í
Þýskalandi á sunnudag.
Þetta er f 23. sinn, sem
Rússar (áöur Sovétríkin)
standa í efsta þrepl fþróttar-
innar aö loknu heimsmeist-
aramóti.
Andrej Trevilov átti stórieik
í marki Rússa, sem byij-
uðu vel með mörkum frá Ger-
man Titov og Andrej Nikolitsjin
í fýrsta leikhluta. Andrej Khom-
utov skoraði í öðrum leikhluta,
en Mikael Renberg minnkaði
fyrst muninn fýrir Svía, þegar
langt var liðið á síðasta leik-
hluta og ljóst hvert stefndi.
Fyrrum Sovétmenn sigruðu
Svía í úrslitum 1990, en þeir
síðar nefndu hefndu ófaranna
ári síðar í átta liða úrslitum,
sigruðu þá í keppninni og vörðu
titilinn í fyrra. Hins vegar sýndu
Rússarnir að þessu sinni að þrátt
fyrir fjarveru margra sterkra
leikmanna, sem spila í NHL-
deildinni, eru þeir öflugir sem
fýiT. Varnarleikurinn var agað-
ur í úrsiitunum og mörkin vel
gerð.
„Þetta var góður úrslitaleik-
ur,“ sagði Boris Mikhailov, þjálf-
ari Rússa. „Við lékum vel í vörn
sem sókn, en ég er ánægðastur
með að hafa náð. takmarkinu,
sem við höfum stefnt að í þijú
ár.“
Svíar tóku tapinu karlmann-
lega. „Rússarnir voru betri og
við gátum ekki leyft okkur að
taka neina áhættu,“ sagði varn-
armaðurinn Peter Popovic. „Ég
er óánægður, en annað sætið
er samt ekki svo slæmt.“