Morgunblaðið - 05.05.1993, Blaðsíða 27

MORGUNBLAÐIÐ MIÐVIKUDAGUR 5. MAÍ 1993
27
Þýska skútan Dagmar Aaen við Torfunefsbryggju
Þriðja sumarið sem siglt
er í ís um norðlægar slóðir
FYRSTA útlenda skútan á
þessu sumri sigldi inn Pollinn
og lagði að Torfunefsbryggju
síðdegis á mánudag. Þar er á
ferðinni leiðangurinn Icesail,
sem eins og nafnið gefur til
kynna sérhæfir sig í siglingum
í is.
Arved Fuchs er leiðangursstjóri
um borð í skútunni, sem heitir
Dagmar Aaen, en hún var smíðuð
í Esbjerg í Danmörku árið 1931.
Arved Fuchs keypti bátinn fyrir
12 árum í heldur bágbornu ásig-
komulagi og endurbyggði nann.
„Báturinn kostaði ekki mikið, en
það var dýrt að endumýja hann,“
sagði Arved í samtali við blaðið í
gær.
í samfloti suður
I áhöfn eru sjö menn og er
þetta þriðja árið sem leiðangur
þeirra stendur yfir. Lagt var úr
höfn frá Hamborg í Þýskalandi
sumarið 1991 og stefnan tekin á
Svalbarða, þaðan sigldu félagam-
ir í austurátt og fóm meðfram
eyjaklasanum Frans Jósefslandi
og Novaya Zemlya og þaðan var
siglt upp eftir fljótinu Janisse inn
í Síberíu og höfðu þeir vetursetu
í borginni Igarka.
Næsta sumar var siglt til baka
og veturseta höfð í Tromsö í Nor-
egi, en þaðan lagði leiðangurinn
upp að nýju í vor og sigldi að Jan
Mayen. Síðan lá leiðin að íslandi
og til Akureyrar komu ísleiðang-
ursmenn á mánudag, 3. maí, og
verða hér fram á sunnudag, 9.
maí. í dag, miðvikudaginn 5. maí
er skólaskútan Friðþjófur Nansen
væntanleg til hafnar á Akureyri
og sagði Arved að ætlunin væri
að sigla í samfloti suður til
Reykjavíkur á sunnudaginn.
Bók um ferðalagið
Arved sagði að frá Reykjavík
yrði siglt eftir vesturströnd Græn-
lands og að Alaska þar sem fyrir-
hugað er að dvelja næsta vetur
og sigla síðan að vori aftur til
6aka og til Þýskalands.
Arved er með tölvu með sér
> Morgunblaðið/Rúnar Þór
IsleiðaiigTirsmenn
ÁHÖFNIN á skútunni Dagmar Aaen sem liggur við Torfunefsbryggju, frá vinstri: Arved skip-
stjóri, Jön, Slava, sem er Rússi, Helmut og Hartmut, allt Þjóðverjar.
um borð, en að leiðangri loknum
ætlar hann að gefa út bók um
ferðalagið og viðburði þess.
Breytt götumynd
Morgunblaðið/Rúnar >ór
Á þessu svæði, Höepfnerssvæðinu, verður léttur iðnaður og þjónusta í framtiðinni, þegar er búið að
reisa blómaskála, og þvottahús er í byggingu.
Léttur iðnaður og þjón-
usta á Höepfnerssvæðinu
Á HÖEPFNERSSVÆÐINU, flötinni neðan við Samkomuhúsið á
Akureyri, hafa að undanförnu staðið yfir framkvæmdir, bæði við
byggingu nýrra húsa og eins er verið að leggja þar stuttan vegar-
spotta sem tengir Drottningarbraut við Hafnarstræti.
Kirkjulistavika
TVÖ atriði eru í dag á dagskrá
Kirkjulistaviku í Akureyrarkirlqu
sem nú stendur yfir.
Rósa Júlíusdóttir myndlistarmað-
ur og kennari við Myndlistarskólann
á Akureyri flytur erindi um gildi
myndsköpunar fyrir ung börn í Safn-
aðarheimili Akureyrarkirkju kl. 10
fyrir hádegi.
í kvöld kl. 20.30 verður flutt leik-
lesin dagskrá um Hallgrím Péturs-
son í Akureyrarkirkju og er þetta
önnur sýning á verkinu.
Jón Geir Ágústsson, bygginga-
fulltrúi Akureyrarbæjar, sagði að á
þessu svæði væri fyrirhugað að
veita sex lóðir, en þarna yrði léttur
iðnaður og þjónusta, auk þess sem
gert er ráð fyrir að byggð verði á
svæðinu hreinsistöð vegna nýs frá-
veitukerfis á Akureyri.
Blóm, þvottur og ís
Þegar hefur verið reistur þar
blómaskáli sem væntanlega verður
opnaður bráðlega og þá eru fram-
kvæmdir hafnar við byggingu
þvottahúss og fatalitunar.
Þá hafa eigendur verslunarinnar
Brynju fengið vilyrði fyrir syðstu
lóðinni á svæðinu, þ.e. þar sem nú
stendur gamla tunnuverksmiðjan
svonefnda. Siglingamenn hafa haft
þar aðstöðu, en ljóst er að húsið
verður rifið þó ekki liggi endanlega
fyrir hvenær það verður gert, að
sögn byggingafulltrúa.
Þrjár lóðir eftir
Ekki er búið að úthluta þeim
þremur lóðum sem fyrirhugað er
að veita til viðbótar á þessu svæði.
Nú er verið að grafa fyrir götu-
spotta, sem tengir Drottningar-
braut við Hafnarstræti, en götu-
mynd nyrsta hluta Hafnarstrætis
mun breytast mikið að loknum
framkvæmdum á svæðinu.
Ataksverkefni Vaki
Hagr*æðing í búvéla-
rekstri og uppbygg-
ing verktakaþjónustu
UM ÞAÐ bil eitt er nú eftir af
þeim tíma sem átaksverkefninu
Vaka, atvinnuátaki í Eyjafjarðar-
sveit, Svalbarðsströnd, Háls-
hreppi og Grýtubakkahreppi var
gefinn í upphafi. Frá því á leitar-
ráðstefnu sl. haust hafa verkefn-
ishópar verið að störfum og einn
þeirra, sem starfað hefur undir
nafninu Búverk, mun í vikunni
efna til opinna funda með bænd-
um.
Ætlunin er að kynna hugmyndir
sem hópurinn hefur, en meginverk-
efni hans er að hagræða í búvéla-
rekstri í landbúnaði og byggja upp
verktakaþjónustu í greininni. Þjón-
usta af þessu tagi er ekki ný af
nálinni enda styðst landbúnaður víða
erlendis við öfluga þjónustuaðila sem
sjá að mestu um vélaþáttinn fyrir
bændur. Auk búvélaþáttarins hafa
fleiri þjónustuverkefni verið til um-
ræðu hjá Búverkshópnum, s.s.
afleysingaþjónusta í sveitum.
Sparnaður
í samvinnu við Búnaðarsamband
Eyjafjarðar hafa í vetur verið gerðir
hagkvæmniútreikningar með það
fyrir augum að leiða í ljós á hvaða
sviðum væri mestur hagur fyrir
bændur að notfæra sér þjónustu
verktaka. Fyrstu niðurstöður benda
til að í sumum greinum geti bændur
sparað sér umtalsverða fjármuni.
Allir þættir sem gefa færi á sparn-
aði fyrir bændur hljóta að verða til
skoðunar þegar á bændum hvílir
krafa um 5% framleiðniaukningu á
næstu þremur árum. Náist hún ekki
verður tekjuskerðing þeirra þung.
Til að kanna hugmyndir bænda
og áhuga þeirra á aðild að uppbygg-
ingu verktakaþjónustu í landbúnaði
verða haldnir þrír fundir á svæðinu,
sá fyrsti verður í dag, miðvikudaginn
5. maí, í Sólgarði, EyjaQarðarsveit,
og hefst kl. 13.30, annar í Laugar-
borg, Eyjafjarðarsveit, kl. 20.30 í
kvöld og sá þriðji verður í Gamla
skólahúsinu á Grenivík á fimmtu-
dagskvöld, 6. maí, kl. 20.30.
(Fréttatilkynning.)
Morgunblaðið/Rúnar Þór
Næstelst
VALGERÐUR Steinunn Frið-
riksdóttir, næst elsti Ak-
ureyringurinn, á 104. afmæl-
isdaginn.
Valgerðnr S.
Friðriksdótt-
ir 104 ára
VALGERÐUR Steinunn Frið-
riksdóttir varð 104 ára í fyrra-
dag, en hún er næst elsti Ak-
ureyringurinn, rúmri viku
yngri en Rannveig Jósefsdótt-
ir sem varð 104 ára fyrir
skömmu.
Valgerður fæddist á Hánefs-
stöðum í Svarfaðardal 3. mai
árið 1889. Hún giftist Jónasi
Franklín Jóhannssyni árið 1913,
en hann lést árið 1956. Þau áttu
tvö böm, Jóhann Friðrik Frankl-
ín og Þóru Rósu Franklín, en
þau eru bæði látin.