Morgunblaðið - 08.05.1993, Blaðsíða 31
Kammerhljómsveit-
in flytur Sálumessu
KAMMERHLJÓMSVEIT Akureyrar lýkur starfsári sínu með tónleikum
sem haldnir verða á kirkjulistaviku í Akureyrarkirkju á sunnudaginn,
9. maí kl. 17. Hápunktur tónleikanna verður flutningur á sálumessu,
Requiem eftir franska tónskáldið Gabriel Fauré, en verkið flytja ásamt
hljómsveitinni Kór Akureyrarkirkju og einsöngvararnir Margrét Bóas-
dóttir og Michael Jón Clarke, en stjórnandi Kammerhljómsveitar
Akureyrar á þessum tónleikum er Guðmundur Óli Gunnarsson.
Tónleikarnir eru lokaatriði á
kirkjulistaviku Akureyrarkirkju og
jafnframt síðustu tónleikar á starfs-
ári Kammerhljómsveitarinnar og
þriðju tónleikar hennar frá áramót-
um. Björn Steinar Sólbergsson,
stjórnandi Kórs Akureyrarkirkju,
hefur annast raddkennslu og þjálfun
kórsins.
Samfelldur þráður
Kammerhljómsveit Akureyrar
hefur starfað í 5 ár og haldið á þeim
tíma 26 tónleika. Framtíðarhorfur
hennar mótast af því hvernig til tekst
um samning með þátttöku ríkis og
bæjar um fjárhagslegan stuðning við
hljómsveitina. Jón Hlöðver Áskels-
son, framkvæmdastjóri Kammer-
hljómsveitar Akureyrar, sagði að
starfsemin væri afar viðamikil og
ljóst að hljómsveitin gæti ekki starf-
að af sama krafti nema til kæmi
örugg íjárveiting. „Það gera sér all-
ir grein fyrir þessu og við höfum
alltaf mætt skilningi, en ef málin
fara ekki að skýrast á næstu dögum
þá gæti svo farið að starfsemi hljóm-
sveitarinnar verði lögð niður næsta
haust. Það hljóta allir að sjá hversu
bagalegt það yrði, margra ára upp-
byggingu kastað á glæ, en það er
mjög mikilvægt fyrir svona hijóm-
sveitir að þráðurinn sé samfelldur,“
sagði Jón Hlöðver.
Ráðstefna haldin um
áhrif atvinnuleysis
SAMBAND íslenskra sveitarfé-
laga efnir til ráðstefnu um áhrif
atvinnuleysis og sérstakar aðgerð-
ir sveitarfélaga til að sporna við
því í Alþýðuhúsinu á Akureyri
mánudaginn 10. maí kl. 9.30.
Á ráðstefnunni verður greint frá
störfum atvinnumálanefndar sam-
bandsins og fulltrúum þess í stjórn
atvinnuleysistryggingasjóðs. Fjall-
að verður um umsóknir sveitarfé-
laga um styrki úr atvinnuleysis-
tryggingasjóði til sérstakra verk-
efna sveitarfélaga til að draga úr
atvinnuleysi og sagt frá reynslu
sveitarfélaga af slíkum verkefnum
og samskiptum þeirra við sjóðinn.
Formaður stjómar atvinnuleysis-
tryggingasjóðs og deildarstjóri í heil-
brigðis- og tryggingamálaráðuneyt-
inu munu einnig ræða samstarf sjóðs-
ins og sveitarfélaganna og gera grein
fyrir reglum um úthlutun styrkja.
Áhrif atvinnuleysis frá sjónarmiði
atvinnulausra verða einnig til um-
fjöllunar, nám og fræðsla fyrir at-
vinnulausa, áhrif atvinnuleysis á fé-
lagsþjónustu sveitarfélaga, end-
urskoðun laga um vinnumiðlun og
nýsköpun atvinnulífs í tengslum við
verkefnastyrki atvinnuleysistrygg-
ingasjóðs.
Lystigarðurinn á Akureyri
Morgunblaðið/Rúnar Þór
Undirbúningur
KOLBRUN Sveinsdóttir við störf í Lystigarðinum á Akureyri, en
hún vinnur að ýmsum störfum er tengjast undirbúningi sumarsins.
Fræ send til yfir
300 skrúðgarða
um allan heim
UNDIRBÚNINGUR vegna
eiginlegrar sumarkomu
stendur nú yfir í Lystigarðin-
um á Akureyri.
Kolbrún Sveinsdóttir var við
vinnu sína í gróðurhúsi í garðin-
um, hún var að hreinsa mosa úr
blómabökkum og að grisja í þeim.
„Það er verið að undirbúa fyrir
sumarið. Það er ekki nóg að setja
plöntumar ofan í moldina, það eru
fjölmörg handtök önnur sem inna
þarf að af hendi,“ sagði Kolbrún.
Fræ um allan heim
Kolbrún hóf störf í Lystigarð-
inum um miðjan mars og í fyrstu
var hún að taka til fræ og senda
til skrúðgarða um allan heim, en
að sögn Elínar Gunnlaugsdóttur,
grasafræðings, sem starfar við
garðinn er skipst á fræjum við
rúmlega 300 skrúðgarða víðs veg-
ar um heiminn.
Gestir Lystigarðsins á Akureyri
geta skoðað 5.162 plöntutegundir
eða tegundarafbrigði og þá eru
einnig í garðinum um 400 íslensk-
ar plöntutegundir.
Sem stendur eru þær Kolbrún
og Elín tvær að störfum í garðin-
um, en þær fá fljótt félagsskap
sumarfólksins, sem kemur til
starfa í lok þessa mánaðar og
byijun þess næsta.
Burtfarartón^
leikar frá Tón-
listarskólanum
BURTFARARTÓNLEIKAR Hall-
dórs Más Stefánssonar verða í
Akureyrarkirkju á sunnudags-
kvöld, 9. maí kl. 21.00.
Halldór hefur stundað tónlist-
arnám frá 8 ára aldri, fyrst á blokk-
flautu, síðan píanó og trommur, en
frá árinu 1986 hefur hann lagt stund
á klassískan gítarleik við Tónlistar-
skólann á Akureyri. Kennari hans*.
er Örn Viðar Erlendsson.
Halldór hefur tekið þátt í opnum
námskeiðum hjá Einari Kristjáni Ein-
arssyni, Kristni Árnasyni og Amaldi
Arnarsyni og fengið góða dóma fyrir
leik sinn. Hann hefur nýlega lokið
8. stigs prófí með ágætum og er
fyrsti gítarnemandinn frá Tónlistar-
skóla Akureyrar sem náð hefur þeim
áfanga.
Til Barcelona
í vor útskrifast hann af tónlistar-
braut Menntaskólans á Akureyri og
stefnir á framhaldsnám vð Luthier
tónlistarskólann í Barcelona á hausti
komanda.
Á efnisskrá tónleikanna eru verk _
eftir Leo Brouwer, Manuel Ponce,
J. S. Bach, J. Dowland, Femando
Sor, H. Villa-Lobos. Aðgangur er
ókeypis.
Gítarleikarinn
HALLDÓR Már Stefánsson
Könnun á atvinnuhorfum framhaldsskólanema í sumar
Flestir í fiskvinnslu
og við afgreiðslustörf
FLESTIR framhaldsskólanemar og nemendur 10. bekkjar sem feng-
ið hafa atvinnu í sumar munu starfa við fiskvinnslu og afgeiðslu-
störf. Þetta kemur fram í könnun sem gerð var á atvinnuhorfum
framhaldsskólanema og nemenda 10. bekkjar á Akureyri sumarið
1993, en 62% þeirra sem spurðir voru höfðu vísa vinnu í sumar.
Alls tóku 1.177 nemar þátt í könnuninni.
Þeir nemar sem höfðu vísa vinnu
í sumar voru m.a. spurðir að því í
hvaða atvinnugrein þeir myndu
starfa. Flestir nemanna sem búsett-
ir eru á Akureyri hafa fengið vinnu
við afgreiðslustörf eða 21% þeirra,
þá höfðu rúm 5% vinnu við landbún-
að og tæp 5% við fiskveiðar. Alls
Kirkjulistavika
Kirkjulistaviku í Akureyrar-
kirkju lýkur á morgun, sunnu-
daginn 9. maí.
Hátíðarmessa verður í kirkjunni
kl. 14 þar sem sj\ Pétur Sigurgeirs-
son biskup predikar. Sr. Bolli Gú-
stafsson vígslubiskup á Hólum í
Hjaltadal, sr. Birgir Snæbjörnsson
og sr. Þórhallur Höskuldsson þjóna
fyrir altari. Jón Þorsteinsson tenór-
söngvari syngur einsöng og Kór
Akureyrarkirkju syngur undir
stjórn Bjöms Steinars Sólbergsson-
ar.
Kirkjulistaviku lýkur með tón-
leikum Kammerhljómsveitar Akur-
eyrar og Kórs Akureyrarkirkju en
þeir hefjast kl. 17.
hafa um 10,9% nema sem búsettir
eru á Akureyri fengið störf við físk-
vinnslu og 9% við byggingar, en
rúm 11% við annan iðnað. Þá hafa
tæp 6% vinnu við ferðaþjónustu,
7,7% við heilsugæslu og tæp 10%
í opinbera geiranum , en 14,6% eru
við önnur störf.
Þeir nemar sem búa á Eyjafjarð-
arsvæðinu utan Akureyrar eru fjöl-
mennari í undirstöðuatvinnuvegum
þjóðarinnar, rúm 12% starfa við
landbúnað, 14% við fiskveiðar og
um 22% við fiskvinnslu. Þá verða
rúm 13% þeirra við störf í ferða-
þjónustu og 10,5% í afgreiðslustörf-
um, en færri við önnur störf.
Sama mynstrið er einnig upp á
teningnum þegar skoðuð er sumar-
vinna þeirra nema sem ekki búa á
Akureyri eða Eyjafj arðarsvæðinu,
flestir starfa við fiskvinnslu, land-
búnað, ferðaþjónustu og afgreiðslu.
Piltar eru í meirihluta þeirra sem
starfa við landbúnað, fiskveiðar,
byggingarvinnu og í iðnaði, en
stúlkur eru fjölmennari í fisk-
vinnslu, ferðaþjónustu, heilsugæslu
og við afgreiðslustörf.
Halló 1951
Allir þeir, sem eru fæddir '51 eða voru i 2. bekk '66, 3. bekk '67
og 4. bekk '68 í Gagnfræðaskóla Akureyrar, takið eftir.
Nú er komið að þvíl
Við ætlum að hittast í tilefni 25 áranna, sem eru liðin frá því við
yfirgáfum okkar ágæta skóla.
Staður: Hamar, höfuðstöðvar Þórsara, 28. maíkl. 20.
Dagskrá: Matur, skemmtiatriði, dans og djamm.
AllirGAGGÓ-fræðingar, prestar, kaffibrúsakarlar, alþingismenn, lög-
fræðingar,. bændur og sjóræningar, hvað sem þið heitið: Það slepp-
urenginn. Við höfum kiaddann! Makarvelkomnir.
Þátttaka tilkynnist fyrir 15. maí til: Árna Gunnars., s. 12080 (12-13),
Möggu Stínu, s. 25385, Siggu Finns., hs. 26665, vs. 24222, Öddu
Ólafs., s. 21827, Kristjáns Davíðs., s. 24499 á kvöldin.
MÓDEL »51.
Jöré til sölu
Til sölu er jörðin Merkigil í Eyjafjarðarsveit.
Á jörðinni er 1 1 5 fm nýuppgert íbúðarhús, 58 bása fjós
með mjaltabás. Lausagöngurými fyrir allt að 90 gripi og
áföst 2.700 rúmmetra hlaða.
Ræktað land er um 57 ha auk beiti- og upprekstrarlands.
Jörðin er án kvóta.
Upplýsingar gefur Eignakjör, sími 96-26441.
v______________________________________________________/
Akureyrarbær auglýsir
eftirtaldar deiliskipulagsstillögur:
Deiliskipulag Strandgötu: Deiliskipulagstillagan sýn-
ir legu nýrrar tengibrautar sunnan Strandgötu milli
Glerárgötu og Hjalteyrargötu sbr. aðalskipulag Akur-
eyrar 1990-2010. Einnig er gerð grein fyrir frágangi
núverandi götu sem húsagötu, bílastæðum við hana
svo og frágangi svæðisins og gönguleiðar við Pollinn.
Deiliskipulag v/kirkjugarðsbyggingar: Deiliskipu-
lagstillagan sýnir tillögu að staðsetningu kirkjugarðs-
húss og umhverfi þess við norðurjaðar kirkjugarðs
Akureyrar. Tillagan er í megindráttum í samræmi
við samþykkt skipulagsnefndar Akureyrar frá 9. apríl
1992.
Deiliskipulagstillögur þessar, uppdrættir og greinar-
gerðir, liggja frammi almenningi til sýnis á Skipulags-
deild Akureyrarbæjar, Geislagötu 9, 3. hæð, næstu
4 vikur frá birtingu þessarar auglýsignar, þ.e. til
mánudagsins 7. júní 1993, þannig að þeir sem þess
óska geti kynnt sér tillögurnar og gert við þær at-
hugasemdir sbr. grein 4.4. í skipulagsreglugerð.
Þeir, sem telja sig verða fyrir bótaskyldu tjóni vegna
skipulagsgerðarinnar, er bent á að gera athuga-
semdir innan tilgreinds frests, ella teljast þeir sam-
þykkir tillögunum.
Skipulagsstjóri Akureyrar.