Morgunblaðið - 08.05.1993, Blaðsíða 50
50
MORGUNBLAÐIÐ IÞROTTIR LAUGARDAGUR 8. MAÍ 1993
KNATTSPYRNA
Luca Kostic, Izudin Dervic og Salih Porca íslenskir ríkisborgarar:
Tilbúnir að leika fyrir ísland
LUCA Kostic, Izudin Dervic og
Salih Porca, knattspyrnumenn-
irnir frá fyrrum Júgóslavfu sem
öðluðust íslenskan ríkisborg-
ararétt ífyrrakvöld eins og
Morgunblaðið greindi frá í
gær, eru mjög ánægðir með
að vera orðnir íslendingar.
„Þetta er stærsti dagur lífs
míns,“ sagði Kostic við Morg-
unblaðið í gær og félagar hans
*tóku í sama streng. Þeir sögð-
ust eiga íslandi allt að þakka
og vildu helst borga fyrir sig
með því að leika fyrir hönd
þjóðarinnar. Ásgeir Elíasson,
landsliðsþjálfari, sagði að þeir
kæmu til greina eins og aðrir
og samkeppnin hefði aukist.
Kostic, sem var kjörinn besti leik-
maður íslandsmótsins í fyrra,
er á þriðja ári sínu með íslandsmeist-
urum Skagamanna, en áður var
hann í tvö ár hjá Þór á Akureyri.
„Þetta hefur verið stórkostlegur
dagur og mjög óvenjulegur — allt í
einu orðinn íslendingur. Mér hefur
liðið vel á íslandi og gengið vel. ís-
land hefur gert mikið fyrir mig og
ef Ásgeir Elíasson telur mig nógu
góðan fyrir landsliðið er ég meira
en tilbúinn. Eg hef æft vel í vetur,
en ekki með landsliðinu og því getur
reynst erfitt að komast í hópinn.
Luca Kostic
Engu að síður er ég á tánum og
gæti ekki hugsað mér betri leið til
að borga fyrir mig en leika með
landsliðinu, en Ásgeir ræður því.“
„Það er gaman að vera íslending-
ur,“ sagði Dervic. „Við Porca feng-
um okkur kaffi saman og ræddum
málin í kjölfar fréttanna og vorum
sammála um að reyna af fremsta
megni að endurgjalda Islandi það
sem Island hefur gert fyrir okkur,
en spurningin er hvernig við gerum
Izudin Dervic
það best. Vissulega væri gaman að
spila fyrir landið og fái ég tæki-
færi segi ég já, en það er erfitt að
komast í landsliðshópinn.“
„Nú er ég íslendingur og ef
landsliðsþjálfarinn kallar á mig er
ég tilbúinn,“ sagði Porca. „Ég reyni
að gera mitt besta, en það verður
erfitt að komast að því landsliðið
er gott og við eigum marga unga
og efnilega leikmenn."
„Ásgeir Elíasson sagði að vel
Salih Porca
gæti verið að þremenningarnir
myndu styrkja landsliðið, en hann
hefði ekki fylgst með þeim sérstak-
lega og þar sem þeir hefðu ekki
verið með í undirbúningnum yrðu
þeir ekki með gegn Lúxemborg 20.
maí hvað sem síðar yrði.
„Þetta er gott mál og þeir hljóta
að koma til greina eins og aðrir,“
sagði Ásgeir. „Þetta er hlutur, sem
verður að skoða, og nú hef ég úr
þremur fleiri mönnum að velja.“
Serbiá
Skagann
Skagamenn fá nýjan leik-
mann til liðs við knatt-
spyrnulið sitt í dag. Það er 24
ára sóknarmaður frá Serbíu,
Mihajlo Bibercic, sem kemur til
landsins í dag og mun væntan-
lega fá að sýna hvað hann kann
fyrir sér í leik með ÍA gegn
Grindvíkingum í úrslitum litlu
bikarkeppninnar en úrslitaleik-
urinn verður á Akranesi á morg-
un kl. 14.
Myndir af
mönnum
1. deildar
Samtök 1. deildar félaga í knatt-
spyrnu og Nói-Sýríus hafa
gert með sér samning um að fyrir-
tækið hafí einkaleyfí á framleiðslu,
dreifingu og sölu mynda af leik-
mönnum 1. deildar í sumar. Gerðar
verða myndir af 15-20 leikmönnum
hvers liðs ásamt þjálfurum og verða
myndirnar ekki færri en 170 tals-
ins. Þær verða seldar í pökkum og
verða ellefu myndir í pakka.
HLAUP
Tekurþáttí
86,7 km hlaupi
EIÐUR Aðalgeirsson hefur einn
íslendinga tekið þátt í 86,7 kíló-
metra hlaupi — rúmlega tvö-
földu maraþoni — sem haldið
er árlega f Suður Afríku, og
stefnir að þátttöku öðru sinni
undir lok mánaðarins.
að var í fyrra sem Eiður tók
þátt í mótinu, Comrades mar-
athon, eins og það er kallað, sem
gæti útlagst Vinamaraþon. Hann
bjó ytra um tíma. „Ég fór til Suður
Afríku til að fara í trúboð, en ekk-
ert varð úr því vinnan var ekki eins
mikil og ég hefði viljað.“ Hann frétti
af hlaupinu og langaði að taka þátt,
„en ég kom í janúar og fyrirvarinn
var of stuttur," segir Eiður, sem
greip svo tækifærið í fyrra. Þá var
hann búsettur í Suður Afríku ásamt
eiginkonu og tveimur börnum. „Ég
hafði reyndar verið meiddur í tvær
vikur fyrir hlaupið og hálf veikur.
En þó ég vaknaði með höfuðverk
daginn sem hlaupið fór fram gat
ég ekki annað en verið með. Ég
hafði æft í níu mánuði fyrir þetta,
og sagðist við sjálfan mig að hlaup-
Inu gæti ég ekki sleppt!“
Hraðinn í hlaupi sem þessu er
eðlilega ekki mikill, þar sem vega-
lengdin er svo gífurleg. Eiður hljóp
á 10 klukkustundum og 21 mínútu,
en segist örugglega hafa hlaupið á
mun betri tíma ef meiðsli og veik-
indi hefðu ekki sett strik í reikning-
inn. Hlaupið hefst kl. sex að morgni
og stendur í ellefu klukkustundir.
Að þeim tíma liðnum er gefið hljóð-
merki við endamarkið, og keppni
lýkur; menn teljast ekki hafa klárað
þó svo þeir eigi ekki nema einn
metra eftir í markið — og talsvert
er um slíkt að sögn Eiðs.
„Ég var í íþróttum sem ungling-
ur, en kom svo ekki nálægt íþróttum
á tíu ára tímabili. Fyrir tíu árum
fór ég svo að hlaupa aftur og hef
gert mikið af því, og sérstaklega
mikið eftir að ég kom heim í júlí í
fyrra.“
Hlaupið hefur verið þreytt í mörg
Morgunblaðið/Kristinn
Eidur Aðalgeirsson æfir sig í
Reykjavík fyrir ferðina til Suður Afr-
íku, sem hann vonast til að komast í.
ár. Eiður segir þátttakendur yfír-
leitt um 16-18 þúsund og stemmn-
inguna kringum hlaupið frábæra.
Sannkölluð fjölskyldustemmning
skapist.
Eiður segist varla geta útskýrt
hvers vegna hann fór að hlaupa
svona óvenju langt. „Ég hef reynd-
ar alltaf verið meira fyrir að brjóta
kílómetrafjölda en tíma. Ég hef
gaman af að eyða deginum í að
hlaupa — hef gaman af að skoða
það sem fyrir augu ber,“ sagði þessi
húsvíski hlaupagikkur, sem reyndar
er búsettur í höfuðborginni nú.
Meistarakeppnin
verður á Akranesi
Vakmenn féllust á tilboð Skagamanna um að meistarakeppnin, leikur
íslands- og bikarmeistara fyrra árs, fari fram á Akranesi. í kjölfar-
ið setti mótanefnd KSÍ leikinn þar n.k. fimmtudag, 13. maí, kl. 20.
Guðmundur Stefán Maríasson verður dómari, en línuverðir Þorvarður
Björnsson og Gísli Björgvinsson.
Páll áfram hjá
Færeyingum
Um helgina
Handknattleikur
Laugardagur:
Úrslitaleikur tslandsmótsins
Höllin: Valur-FH..........16.30
Körfuknattleikur
Vináttulandsleikur
Digranes: ísland - England...14
Knattspyrna
Reykjavíkurmótið
Leikur um 3. sætið i dag:
Gervigras: KR-Fylkir.........14
Leikur um 1. sætið á morgun:
Gervigras: Fram-Valur........20
Litla bikarkeppnin
ÍA og Grindavík leika tii úrslita á
Akranesi á sunnudaginn og hefst
leikurinn kl. 14 ef veður leyfir, ann-
ars verður leiknum frestað í viku.
Golf
Opið golfmót verður hjá Golf-
klúbbnum Keili í dag og verð-
ur ræst út frá kl. 8. Höggleik-
ur með og án forgjafar.
Skráning í s. 653360.
Sund
Ægir verður með unglingasundmót
á sunnudaginn í Sundhöll Reykjavík-
ur og hefst mótið kl. 13.30.
Félagslíf
Ársþing Körfuknattleikssambandins
verður í Keflavík um helgina.
Ársþing tslenska sundþjálfara-
sambandsins hefst kl. 13 í dag í
íþróttamiðstöðinni Laugardal.
Skvass
íslandsmótið í skvassi verður í Vegg-
sporti í dag og á morgun. 16 manna
úrslit karla verða í dag og hefjast
þau kl. 13 en á morgun verða leikir
í karla og kvennaflokki um 3. sætið
kl. 13 og úrslitaleikur kvenna hefst
síðan kl. 15 og karla kl. 16.
PALL Guðlaugsson landsliðs-
þjálfari Færeyinga hefur ekki í
hyggju að hætta sem landsliðs-
þjálfari fyrr en samningur hans
rennur út. Sögusagnir um að
hann hefði verið rekinn eiga
ekki við rök að styðjast.
Eg skrifaði undir samnig við fær-
eyska knattspymusambandið
1. janúar 1992 og samningurinn gild-
ir til 1. október í ár og ég ætla starfa
þar til samningurinn rennur út,“
sagði Páll í samtali við Morgunblaðið
í gær.
Páll sagði að verið væri að byggja
upp nýtt og ungt lið í Færeyjum en
það væri erfitt því flest ungt fólk
færi til náms í Danmörku. „Það eru
þrettán leikmenn frá því í landsliðs-
hópnum í fyrra sem eru hættir og
meðalaldurinn er 21,8 ár í liðinu núna.
Þetta hefur gengið upp og ofan en
það er ekki rétt að ég hafi verið rek-
inn. Menn hafa haft alla möguleika
á að reka mig og ég hef haft tæki-
færi til að segja upp en ég verð hér
þar til samningurinn rennur út.
Ég er búinn að starfa fyrir sam-
bandið í sjö ár og verið með öll yngri
liðin auk þess sem ég hef verið með
félagslið. I haust gæti ég vel hugsað
mér að breyta til og það blundar
alltaf í mér að koma heim,“ sagði
Páll.
KORFUKNATTLEIKUR / NBA
Allt opið í vesturdeildinni
ALLT er enn opið uppá gátt í úrslitakeppninni í vesturdeildinni
i NBA. Staðan er 2-2 íviðureignunum fjórum og allt getur gerst.
í austurdeildinni eru Chicago, Knicks og Charlotte hins vegar
komin áfram.
Phoenix Suns hefur risið úr ösk-
unni eftir að hafa tapað tveim-
ur fyrstu leikjunum gegn L.A. La-
gggggggggg kers. Barkley og fé-
Gunnar lagar gerðu sér lítið
Valgeirsson fyrir og unnu næstu
skrifar frá tvo leiki í Los Angel-
Bandarikjunum eg Qg þvf þurfa ,iðin
að leika hreinan úrslitaleik um hvort
þeirra kemst áfram. Leikurinn verð-
ur um helgina í Phoenix.
Leikurinn í fyrrinótt var æsi-
spennandi og staðan var 51:51 um
tíma en þá gerð Phoenix 11 stig i
röð og þann mun náðu leikmenn
Lakers ekki að vinna upp. Lokatöl-
ur urðu 86:101. Þetta er fyrsti leik-
urinn í úrslitakeppninni þar sem
Phoenix sýnir hvað liðið getur í
raun.
Barkley var að vanda sterkur og
gerði 28 stig og nýliðinn Miller gerði
16. Hjá heimamönnum var Divac
með 17 stig í annars jöfnu liði.
Seatle jafnaði metin í baráttunni
við Utah, staðan nú 2:2. Leikurinn
var jafn og spennandi en gestirnir
voru sterkari á lokasprettinum og
þeir unnu 80:93. Eddie Johnson
gerði 24 stig fyrir gestina en Karl
Malone 21 fyrir Utah. Fimmti leik-
urinn verður í Seattle.
New York Knicks tryggði sér
áframhaldandi keppnisrétt er liðið
sigraði Indiana 100:109 í framleng-
ingu og lauk viðureigninni því 3-1
fyrir Knicks. Bakvörðurinn Doc
Rivers fór á kostum í framlenging-
unni og gerði þá þijár þriggja stiga
stiga forskot. Knicks mætir Charl-
otte í næstu umferð.