Morgunblaðið - 12.05.1993, Blaðsíða 32
32
MORGUNBLAÐIÐ MIÐVIKUDAGUR 12. MAÍ 1993
Bjarnveig Bjarnadóttir
ung störf hjá Bæjarsíma Reykjavík-
ur, gekk svo að eiga Jóhannes
Loftsson skipstjóra á Stýrimanna-
stíg 5. Jóhannes vann skrifstofu-
störf, hann var hið mesta glæsi-
menni í sjón. Var eftir því tekið og
um það talað hvað þau sem par
voru samstæð og glæsileg á götum
Reykjavíkur. Þau eignuðust tvo
syni, Loft og Bjarna Markús, sem
færðu þeim mikla hamingju sem
börn og fulltíða menn. Báðir hafa
þeir fetað sömu slóðina, hafa starf-
að í áraraðir sem atvinnuflugmenn
á erlendri grund.
Bjarnveig og Jóhannes slitu sam-
vistir, en árið 1952 gekk hún að
eiga hinn mæta skólamann og
námsstjóra, Snorra Sigfússon. Mun
upphafið að þeirra kynnum hafa
verið þeirra sameiginlegi vilji og
áhugi til að vernda íslenska æsku
frá óhollum áhrifum af öllu tagi,-
en laða hana til menntunar og auk-
ins manndóms. Fullyrða má að síð-
ari maður hennar, Snorri Sigfússon,
og allt hans mæta fólk, varð henni
til mikillar gæfu og gleði meðan líf
hans entist.
í nóvember 1980 varð Bjarnveig
fyrir þeirri sáru raun að fá alvar-
lega aðkenningu af heilablóðfalli,
sem leiddi til alvarlegrar lömunar
og málleysis, en með undraverðum
viljastyrk og sjálfsögun náði hún
máli og að nokkru líkamsstyrk.
Kom sér nú vel að á árum áður
hafði hún komist í kynni við mikil-
^ mennið Ragnar Jónsson í Smára,
meðal annars unnið að bókaþýðing-
um fyrir hann og tókst með þeim
og börnum hans traust vinátta. Má
segja að þar hafi sannast máltækið
„Vinur er sá sem í raun reynist".
Edda Ragnarsdóttir og maður
hennar Arni Guðjónsson lögfræð-
ingur hafa verið hennar vökulu
verndarar og styrku stoðir í stóru
og smáu, sem meðal annars í fjar-
veru sonanna hafa gert henni kleift
að lifa lífi sem var hennar lífsmáti,
að fylgjast með listalífi, menningar-
straumum og hræringum þjóðlífs-
ins. Og aftur fyrir tveimur árum
varð hún fyrir áfalli af sama tagi,
og alltaf var það Edda og hennar
hjartarúm sem hjúkraði og vernd-
aði. Allt horfði nú til bata og betri
tíðar þegar kallið kom. Næst henni
Eddu mun hún Sigga hans Axels
uppeldisbróður Bjarnveigar hafa
með sinni fórnarlund og þýða við-
móti hjúkrað henni og stutt.
Bjarnveig var góðum gáfum
gætt, heijsteypt andlega og trú
uppruna sínum. Á efri árum frænda
hennar, Ásgríms málara, önnuðust
þær frænkur hann, Bjarnveig og
Guðlaug, mikið. Það var fyrst og
fremst hennar verk að Ásgrímssafn
var komið á framfæri til sýningar,
og vann hún safni hans allt það er
hún mátti og veitti því forstöðu um
árabil. Hún hafði sjálf eignast í
gegnum árin vandað málverkasafn,
það safn færði hún Árnessýslu að
gjöf þjóðhátíðarárið 1974, meðal
annars til minningar um uppruna
sinn, það skyjdi verða fyrsti vísir
að listasafni Árnesinga. Henni var
annt um þenna vísi og sýndi það í
verki með frekari gjöfum. Samfelld
samvera Bjarnveigar með sonum
sínum rofnaði að nokkru vegna
náms þeirra og atvinnu á erlendri
grund, en hún var svo mikill íslend-
ingur eins og Gunnar á Hlíðarenda
forðum, þegar hann mælti til Kol-
skeggs, „Hér vil ég lifa alla mína
daga, alla sem guð mér gefur, far
því vel bróðir og vinur“.
Svo sannarlega naut hún sona
sinna, þeir sáu vel fyrir öllu, sköff-
uðu henni húsnæði sem hentaði,
með fullkominni þjónustu. Og gerðu
henni kleift að eiga húseignina, ein-
býlishúsið á Stýrimannastíg 5, ætt-
arheimilið með gögnum og gæðum,
og njóta þess þegar það átti við. Á
hverju ári fór hún, þrátt fyrir fötlun-
ina, til dvalar hjá þeim um jól og
að sumri. Til Frakklands, Englands
og Bandaríkjanna. Loftur á franska
konu og eina dóttur. Bjarni Markús
á enska koriu og tvö börn.
Við ættingjar Bjarnveigar kveðj-
um hana með mikilli virðingu.
Far þú í friði,
friður Guðs þig blessi,
hafðu þðkk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Nú legg ég aftur augun mín,
en öndin hvarflar, Guð, til þín,
þinn almáttugan ástarvæng
lát yfir skyggja mína sæng.
(M. Joch.)
Jón Ingvarsson,
Skipum.
Góð vinkona er látin. Hugur minn
reikar yfir langa ævi því að við
höfum þekkst frá barnsaldri og
ávallt verið bundnar sterkum vin-
áttuböndum. Eg undrast hve vin-
átta okkar var ætíð snurðulaus,
trygg og föst fyrir.
Bjarnveig Bjarnadóttir hafði
mjög fastmótaða skapgerð. Hún var
viljasterk og svo áhugasöm um
ýmis málefni sem sóttu á huga
hennar, að undrun sætti. Oft virt-
ust viðfangsefni hennar vera tor-
leyst, en hún hætti ekki við þau
fyrr en þau voru komin í höfn.
Bjarnveig var Reykjavíkurstúlka.
Hún var einkabarn foreldra sinna.
Móðir hennar var Guðlaug Hannes-
dóttir frá Skipum í Stokkseyrar-
hreppi, en faðir hennar var Bjami
Bjarnason málari frá Þykkvabæ í
Landbroti. Fósturbróðir hennar,
Axel Bjarnason og Siguijóna eigin-
kona hans, reyndust Bjarnveigu
alla tíð frábærlega vel.
Ung giftist hún Jóhannesi verzl-
unarmanni, Loftssonar skipstjóra
frá Bollagörðum á Seltjarnamesi.
Saman eignuðust þau tvo drengi,
Loft og Bjarna Markús, sem báðir
eru atvinnuflugmenn og starfa er-
lendis. Þau slitu samvistir. Þá varð
Bjarnveig ein með drengina sína
unga. En það var hennar lán að
hún bjó í sama húsi og foreldrar
hennar og naut hún þar í ríkum
mæli kærleika og umönnunar Guð-
laugar móður sinnar, sem sannar-
lega var hin góða amma á heimilinu.
Bjarnveig var vel greind kona.
Hún lauk prófi frá Kvennaskólanum
í Reykjavík. Áhugamál hennar voru
mörg, en helst tel ég þau hafa ver-
ið á sviði myndlistar, tónlistar og
ferðalaga, sem hún stundaði af
kappi lengi. Bjarnveig átti stóran
hóp góðra vina sem aldrei brást.
Þar vil ég nefna fjölskylduna á
Húsafelli, Ásgrím listmálara Jóns-
son og Ragnar Jónsson. Seinna
varð Edda Ragnarsdóttir stoð henn-
ar og stytta. Bjamveig starfaði hjá
Helgafelli í mörg ár við prófarkalest-
ur og vélritun. Og hjá Ásgrími vann
hún líka um árabil, aðstoðaði hann
á ferðalögum er hann var að mála.
Hún varð forstöðukona við Ásgríms-
safn frá stofnun þess í 20 ár, og
þar vann hún mjög merkilegt starf.
Árið 1952 verður mikil breyting
á högum Bjarnveigar þegar hún
giftist Snorra Sigfússyni náms-
stjóra frá Akureyri. Þetta var mikil
hamingja fyrir heimilið, ekki hvað
sízt fyrir Bjarna Markús, sem þá
var 13 ára gamall. Með Snorra eign-
aðist Bjarnveig stóra fjölskyldu,
sem var henni alla tíð mjög kær.
Nú tóku við góð og hamingjurík
ár. Synirnir höfðu stofnað heimili í
Englandi og Frakklandi. Barna-
börnin fæddust og urðu henni mikl-
ir gleðigjafar. Eftir fráfall Snorra
1978, heimsótti Bjarnveig syni sína
oft, og um hver jól var hún ýmist
í London eða Frakklandi. Hún var
sonum sínum góð móðir og þeir
mátu hana mikils og sýndu það í
verki.
Bjarni Markús er kvæntur enskri
konu, sem heitir Olivia og eiga þau
tvö börn, dreng og stúlku. Sophie
eiginkona Lofts er frönsk og eiga
þau eina dóttur barna.
Eins og segir hér að framan var
myndlistin helzta áhugamál Bjarn-
veigar. Ásgrímur frændi hennar
kenndi henni að meta góða list.
Snemma tók hún að safna málverk-
um eftir nokkra af fremstu mynd-
listarmönnum þjóðarinnar. Það var
undrunarefni hve miklu hún kom í
verk í þeim efnum. Hún ánafnaði
Árnessýslu safnið til minningar um
móður sína, og 1963 var myndunum
komið fyrir í Safnahúsinu á Sel-
fossi. Árnesingar sýndu henni þann
sóma að láta Siguijón Ólafsson
gera bijóstmynd af henni, sem nú
prýðir safnið. Ásgeir forseti sæmdi
hana riddarakrossi fálkaorðunnar.
Bjarnveig átti fagurt heimili á
Stýrimannastíg 5. Það var yfir því
menningarlegur blær. Það var prýtt
fögrum listaverkum, bókum og
hannyrðum móður hennar. Þar var
oft gestkvæmt og rætt af kappi um
menn og málefni. Þaðan á ég marg-
ar góðar minningar. Fyrir fáum
árum fluttist Bjarnveig að Vestur-
götu 7 í nýja íbúð sem Loftur sonur
hennar gaf henni.
Ég heimsótti vinkonu mína laug-
ardaginn fyrir páska. Við sátum
lengi og spjölluðum. Hún sagði mér
frá barnabörnunum og henni fannst
tíminn líða fljótt því nú væri sonur
Bjarna búinn að fá bílpróf. Við
töluðum aftur saman í síma sunnu-
daginn 25. apríl. Þá sagðist hún
vera að fara í fermingarveizlu
drengs sem ber nafn þeirra beggja,
Snorra og hennar. Hún hlakkaði tií
að hitta fjölskylduna og gleðjast
með henni. Daginn eftir var hún öll.
Með Bjarnveigu Bjarnadóttur er
góð kona og merk gengin. Guð láti
henni raun lofi betri.
Katrín Helgadóttir.
t
Sambýliskona mín og móðir okkar,
ALICE FOSSÁDAL,
Víftihlíð,
Grindavík,
andaðist 9. maí á sjúkradeild Víðihlíðar.
Ragnar Magnússon,
Ragna, Rannvá, Atli, Helgi og Ásla Fossádal.
t
Ástkær móðir okkar, tengdamóðir og amma,
KATRÍN MAGNEA GUÐMUNDSDÓTTIR,
Stórholti 28,
Reykjavík,
andaðist í Borgarspítalanum 11. þ.m.
Haukur Helgason, María Kristoferssen,
Nanci Arnold Helgason, Steen Kristoferssen,
Mikael Kristoferssen, Daniel Kristoferssen,
Robert Kristoferssen.
t
Hjartkær móðir okkar,
VIGDÍS BENEDIKTSDÓTTIR,
Hrafnistu,
Laugarási,
lést í Landspítalanum mánudaginn 10. maí.
Fyrir hönd aðstandenda.
Bjarndis Albertsdóttir,
Margrét Albertsdóttir,
Snjáfríður Árnadóttir.
t
Móðir mín, dóttir og systir,
ERNA JAKOBSDÓTTIR
aðstoðarlyfjafræðingur,
Kotárgerði 10,
Akureyri,
verður jarðsungin frá Akureyrarkirkju fimmtudaginn 13. maí
kl. 13.30.
Þeim, sem vilja minnast hennar, er bent á Krabbameinsfélagið
og Zontaklúbb Akureyrar.
Ólöf Jakobína Þráinsdóttir,
Margrét Jónsdóttir,
Hrefna Jakobsdóttir.
t
Systir okkar, fóstursystir og mágkona,
SÓLVEIG ÞORSTEINSDÓTTIR,
Kleppsvegi 40,
lést í Borgarspítalanum föstudaginn 7. maí.
Loftur Þorsteinsson, Erna Matthíasdóttir,
Leifur Þorsteinsson, Friðrika Geirsdóttir,
Helga Snæbjörnsdóttir.
t
Eiginkona mín,
ODDA MARGRÉT JÚLIUSDÓTTIR,
Helgamagrastræti 48,
Akureyri,
lést á heimili okkar þriðjudaginn 11. maí.
Jón Laxdal Halldórsson.
t
Ástkær móðir mín, tengdamóðir, systir, mágkona og amma,
HALLDÓRA HELGADÓTTIR,
Bólstaðarhlíð 62,
sem lést 1. maí, verður jarðsungin frá Fossvogskirkju fimmtudag-
inn 13. maí kl. 15.00.
Fríða S. Haraldsdóttir,
Hólmfríður Helgadóttir,
Kristín Helgadóttir,
Þrúður Helgadóttir,
Þóra Sigurbjörnsdóttir,
Sigurbjörn Helgason,
Guðrún Helgadóttir,
Haraldur Sigurðsson,
Óskar Einarsson
Helgi Sigurbjörnsson.
t
mai
Eiginkona mfn, móðir, tengdamóðir, amma og langamma,
JÚLÍA G. GÍSLADÓTTIR,
Furugerði 1,
Reykjavík,
verður jarðsungin frá Fossvogskapellu föstudaginn 14
kl. 10.30.
Blóm vinsamlegast afþökkuð, en þeim, sem vilja minnast henn
ar, er bent á líknarfélög.
Guðni Guðmundsson,
Ingvi Guðnason, Hulda Þorsteinsdóttir,
barnabörn og barnabarnabörn.