Morgunblaðið - 14.05.1993, Page 15

H
15
Smámál eða stórmál
eftir Gísla Jónsson
Forsætisráðherra gaf um það
afar skýra yfirlýsingu á alþingi
og enn afdráttarlausari í sjón-
varpsviðtali á sunnudagskvöld, að
umdeildur innflutningur landbún-
aðarvara eða iðnvara úr landbún-
aðarhráefnum væri eftir sem áður
á forræði landbúnaðarráðherra.
Hvers vegna? Vegna þess að
nokkrir ráðherrar ríkisstjórnarinn-
ar brugðu á síðustu stundu stuðn-
ingi við stjórnarfrumvarp sem
meiri hluti var fyrir í landbúnaðar-
nefnd alþingis og bersýnilega á
alþingi í heild sinni. Ekki hafði í
nokkru verið farið á bak við ráð-
herra viðskiptamála, utanríkis-
mála og fjármála. Breytingartil-
lögur landbúnaðarnefndar höfðu
verið sýndar fulltrúum allra ráðu-
neytanna.
í öllu þófinu um EES hafði for-
maður landbúnaðarnefndar, Egill
Jónsson, sýnt ríkisstjórninni fulla
hollustu, eins og af honum var að
vænta, en ég ætla þá líka að hann
hafi treyst því, að slíku yrði mætt
á sama hátt af öllum ráðherrum.
En raunin varð önnur. í hveijum
fréttatímanum á fætur öðrum hef-
ur utanríkisráðherra reyndar verið
á undanhaldi eftir stórfurðuleg
ummæli í kvöldfréttum Utvarps
eftir að þingi var frestað. Hann
hefur talað um innflutning fáeinna
blómategunda sem svo sem engu
skiptu. Málið snýst bara ekki um
þetta. Utanríkisráðherra, formað-
ur annars stjórnarflokksins, kem-
ur í bakið á forsætisráðherra með
gagnstæðum yfirlýsingum við
fyrsta tækifæri og lætur að því
„Ég hef í áratugi ekki
þekkt í mínum flokki
eindregnari stuðnings-
mann samstarfs við Al-
þýðuflokkinn en sjálfan
mig. Ég tel mig vera
dæmigerðan Viðreisn-
ar-Sjálfstæðismann. Ef
utanríkisráðherra og
iðnaðarráðherra tekst
að gera mig talsmann
einhvers annars, er það
líka nokkurt afrek.“
liggja, að ekki þurfi að breyta
„úreltum búvörusamningi" sem
reyndar hefur lagagildi. Þetta er
ekki smámál um fimm eða sex
tegundir blóma. Drengskapars-
korturinn gagnvart landbúnaðar-
ráðherra og formanni landbúnað-
arnefndar er stórmál, en ekki
smámál um blóm.
Fyrir utan þetta er svo hið al-
varlegasta eftir. Utanríkisráð-
herra fullyrðir að ekki þurfi að
breyta búvörulögunum, þó að
samningurinn um EES taki gildi.
Hvers vegna þá öll fylgifrumvörp-
in sem búið er að samþykkja og
leggja í alla þá vinnu sem við
þekkjum? Er utanríkisráðherra að
gera sjálfan sig og alla stuðnings-
menn EES óábyrga orða sinna og
gerða?
Seint á þjóðveldisöld var í lög
leitt á íslandi að þar sem „guðs-
lög“ (=kirkjulög) og landslög
greindi á, skyldu „guðslög“ ráða.
Er utanríkisráðherra, að breyttu
breytanda, að segja að þar sem
landslög og hans „guðslög“ (=regl-
ur EES) greini á, skuli „guðslög“
hans ráða? Ég sé ekki betur en
þetta sé óvinafagnaður af afar
vondu tagi. Ég sé ekki betur en
þarna sé verið að leggja andstæð-
ingum vopn í hendur. Ég sé ekki
betur en þarna sé utanríkisráð-
herra í stundarreiði yfir því að
geta ekki beygt landbúnaðarráð-
herra', formann landbúnaðar-
nefndar og meiri hluta alþingis að
segja, að það sem andstæðingar
EES hafa haldið fram, hafi verið
satt og rétt.
Menn verða að þola að taka
ósigri án þess að grípa til þvílíkra
óyndisúrræða. Og þetta er ekki
smámál upp á fáein blóm. Þetta
varðar að sjálfsögðu kjarna ríkis-
stjórnarsamstarfsins. Og mér er
spurn: Hvað hefði Jón Baldvin
gert, ef' forsætisráðherra hefði
komið aftan að honum eins og Jón
aftan að Davíð í kvöldfréttum út-
varps eftir þingfrestun?
Á þessari stundu er traust mitt
á orðum utanríkisráðherra í sam-
bandi við EES þorrið. Og takist
formanni Alþýðuflokksins að gera
mig að andstæðingi EES, þá er
það ofurlítið afrek.
Ég hef í áratugi ekki þekkt í
mínum flokki eindregnari stuðn-
ingsmann samstarfs við Alþýðu-
flokkinn en sjálfan mig. Ég tel
mig vera dæmigerðan Viðreisnar-
Sjálfstæðismann. Ef utanríkisráð-
Gísli Jónsson
herra og iðnaðarráðherra tekst að
gera mig talsmann einhvers ann-
ars, er það líka nokkurt afrek.
Ég hef frá tvítugsaldri ævinlega
stutt ríkisstjórn, þar sem formaður
flokks míns hefur verið í fyrir-
rúmi. Ef forystu samstarfsflokks-
ins tekst að gera mig hvikulan
stuðningsmann þvílíkar ríkis-
stjórnar, þá finnst mér það afrek
út af fyrir sig. Ég þykist hins veg-
ar vita að utanríkisráðherra þyki
það ekki stórmál, heldur muni það
í huga hans metið til fárra blóma.
En ég fagna yfirlýsingum sem
forsætisráðherra hefur gefið í
þessu máli og ég votta Halldóri
Blöndal og Agli á Seljavöllum virð-
ingu mína og stuðning. Og það
mega Jónarnir í ríkisstjórninni
vita, að það eru fleiri bændur á
íslandi en þeir sem búskap stunda.
Höfundur var
menntaskólakennari.
Fuglaskoð-
unarferð á
Suðurnes
Hið íslenska náttúrufræðifélag
og Ferðafélag íslands efna sameig-
inlega til fuglaskoðunarferðar suð-
ur á Garðskaga og víðar um Reykja-
nesskaga laugardaginn 15. maí nk.
Nú eru hánorrænu farfuglarnir á
ferðinni frá vetrarstöðvum sínum í
Evrópu til varpstöðvanna í Græn-
landi og Kanada: Rauðbrystingur,
tildra, sanderla, margæs o.fl. Auk
þess eru íslenskir far- og varpfuglar
þarna á sveimi. Leiðsögumenn
verða þeir Gunnlaugur Þráinsson,
Gunnlaugur Pétursson og Guð-
mundur A. Guðmundsson, sem hélt
fræðslufundarerindi um þessa há-
norrænu gesti landsins á síðastliðn-
um vetri.
Lagt verður upp frá Umferðar-
miðstöðinni austanverðri kl. 9, en
stefnt er að endurkomu fyrir kvöld-
mat. Gjald fýrir fullorðna í ferðina
er kr. 1.600. Þátttaka í ferðina er
öllum opin, en skráning fer fram
við brottför. Venjulegir gönguskór
eiga að duga í ferðina, en fólk er
minnt á að hafa með sér sjónauka,
nesti og skjólföt, því að ennþá er
árla VOrS. (Fréttatilkynning)
HARÐVIÐARVAL HF.
KRÓKHÁLSI 4 R. SÍMI 671010
Vor- og sumarfatnaður
í miklu úrvali
Við seljum ennþa varahluti
í 1974 árgerðina af Honda.
Það segir meira en mörg orð
iim endingu bilanna og
varahlutaþjónustu okkar.
Við erum til þjónustu reiðubúnir á
varahlutaverslun okkar frá kl. 9 á
morgnana fram til kl. 6 síðdegis.
Það sem við eigum ekki á lager
útvegum við innan örfárra daga.
0
HONDA
VATNAGÖRÐUM - SÍMI 689900
-tilþjónustu reiðubúinn