Morgunblaðið - 09.06.1993, Blaðsíða 3

MORGUNBLAÐIÐ MIÐVIKUDAGUR 9. JÚNÍ 1993
3
Stjórnarandstaðan tilbúin til samráðs en hafnar forsendum forsætisráðherra
Ekkert verður úr sam-
ráði um efnahagstiUögur
DAVÍÐ Oddsson forsætisráðherra segir að hugmyndir um samráð
við stjórnarandstöðuna um gerð efnahagstillagna vegna slæmrar
stöðu sjávarútvegsins, séu úr sögunni og ríkisstjórnin muni vinna
að málinu upp á eigin spýtur. Stjórnarandstaðan hefur lýst sig til-
búna til samráðs, en á öðrum forsendum en forsætisráðherra hafði
lagt til. Stjórnarandstöðuflokkarnir vilja viðræður forystumanna
allra stjórnmálaflokkanna og að Alþingi verði kallað saman nú í
mánuðinum. Þetta kallar forsætisráðherra fyrirslátt. „Það er mat
allra í ríkisstjórninni að með þessu sé verið að hafna þessu, þrátt
fyrir orðalagið," sagði Davíð í samtali við Morgunblaðið í gær.
Talsmenn stjómarandstöðunnar
sögðu á blaðamannafundi í gær að
þeim hefði verið ætlað að skipa
fulltrúa í „blandaða nefnd“ embætt-
ismanna og stjórnmálamanna, en
stjórnarflokkarnir hefðu ekki ætlað
að eiga fulltrúa í nefndinni. Slíkri
samsetningu nefndarinnar hefði
verið hafnað í bréfi til ríkisstjómar-
innar.
Davíð Oddsson sendi stjórnar-
andstöðunni svarbréf að loknum
ríkisstjórnarfundi í gærmorgun, þar
sem hann segist harma að stjórnar-
andstöðuflokkarnir þiggi ekki boð
sitt um „að vinna ásamt stjórnar-
flokkum og stærstu aðilum vinnu-
markaðar að undirbúningi erfiðra
ákvarðana“.
Þátttaka á frumstigi
Davíð sagði í samtali við Morgun-
blaðið að svör stjórnarandstöðunnar
hefðu komið á óvart. „Þeir höfðu
viðrað svona sjónarmið í þeim við-
ræðum, sem ég átti við þá, en það
var útskýrt af minni hálfu að þetta
væri ekki hugmyndin. Hugmyndin
var að gefa mönnum kost á að taka
þátt í þessari vinnu á frumstigi,"
sagði Davíð. „Sh'kt hefðf verið lík-
legra til að ná einhverri samstöðu
um niðurstöðuna á síðari stigum."
Forsætisráðherra orðaði það svo
að ekki hefði verð ætlunin að hefja
„stjórnarmyndunarviðræður for-
ystumanna flokkanna". Hins vegar
hefði ekki verið um það að ræða
að skipa annars vegar embættis-
menn í nefndina og hins vegar
stjórnmálamenn frá stjómarand-
stöðunni. „Þetta hefðu getað orðið
hvers konar fulltrúar sem þeir vildu
tilnefna og svo ráðherrarnir, sem
koma að málinu," sagði Davíð.
Hann sagði það flögra að sér að
stjómarandstaðan vildi ekki leggja
neitt til málanna, „að hún vilji ekki
þurfa að taka ábyrgð á erfíðum
ákvörðunum, heldur standa utan
við og geta gagnrýnt. Það er þeirra
mál og látum það vera,“ sagði Dav-
íð Oddsson.
Sjá bls. 22: „Bréfið „nánast
skætingur"...“
Morgunblaðið/Þorkell
Annir á smíðavelli
MIKLAR annir era á smíðavöllum borgarinnar þessa dagana. Þaðan
berast hamarshögg og eins gott að vanda sig við húsbyggingarnar
eins og hann Hákon Freyr, sem sveiflar hamrinum hanskaklæddur á
vellinum við Melaskóla.
Hreindýrum
smalað úr
húsagarði
VAKTHAFANDI lögregluþjón-
um á Egilsstöðum barst óvenju-
Ieg beiðni þegar óskað var að-
stoðar þeirra við að smala sjö
hreindýrum úr garði í Fellabæ
aðfaranótt mánudags.
Jón Þórarinsson, annar lögreglu-
þjónanna, hafði eftir garðeigandan-
um að dýrin hefðu gert sig heima-
komin í garðinum á hverri nóttu um
hálfsmánaðar skeið, traðkað niður
og étið gróður. Þau hefðu síðan tek-
ið sér nokkurt hlé og hefði garðeig-
andinn þá notað tækifærið og end-
urnýjað eitthvað af plöntunum. Hon-
um hefði hins vegar þótt nóg um
þegar þau hefðu snúið aftur i fyrri-
nótt og ákveðið að leita fulltingis
lögreglunnar.
Jón hefur verið níu ár í lögregl-
unni á Egilsstöðum en aldrei áður
þurft að sinna verkefni af þessu tagi.
Hann segir að lögreglumennirnir
hafí ekki alveg vitað hvernig þeir
hefðu átt að bera sig að en að lokum
hefðu þeim tekist að hrekja hrein-
dýrin úr garðinum og hurfu þau upp
í Fell.
♦ ♦ ♦---
Ríkissáttasemjari
Biðstaða
í viðræðum
EKKI hafa verið haldnir samninga-
fundir í kjaradeilu Flugvirkjafélags
Islands og Flugleiða hjá ríkissátta-
semjara frá 27. maí og er ekki búist
við að boðað verði til fundar á næst-
unni samkvæmt upplýsingum sem
fengust á skrifstofu ríkissáttasemj-
ara í gær.
wo
E X VIÐARVÖRN
SKAGFJORÐ
ii 'j <j d j n o j\ j <3 r u jj í j i D:
*

WOODEX viðarvörnin frá Hygæa er frábærlega endingargóð
og áferðarfalleg auk þess sem hún fellur vel að íslenskum
aðstæðum. Woodex fæst bæði sem grunn- og yfirborðsefni úr
acryl- eða olíuefnum.
WOODEX MULTITRÉGRUIMNUR er vatnsblendin grunnviðar-
vörn á allt tréverk. Hann gengur vel inn í viðinn og eykur
stöðugleika hans og endingu.
WOODEX HYDRA er hálfþekjandi, vatnsblendin, lyktarlítil viðar-
vörn með Ijósþolnum litarefnum sem nota má úti sem inni.
WOODEX ACRYL er yfirborðsefni á allt tréverk. Það myndar
þunna en seiga og mjög veðrunarþolna húð. WOODEX ACRYL
þekur mjög vel og er létt að vinna með.
WOODEX INTRA smýgur djúpt í viðinn og veitir góða vörn
gegn fúa, sveppum og raka. Góð grunnvörn.
WOODEX ULTRA er lituð en gagnsæ viðaravörn úr olíuefnum
sem nota má innanhúss sem utan.
Fæst í flestum málninga- og byggingavöruverslunum um allt land.
FYRIR
AUGAO-FYRIR