Morgunblaðið - 09.06.1993, Blaðsíða 5

5
MORGUNBLAÐIÐ MIÐVIKUDAGUR 9. JÚNÍ 1993
Umsátur vegna sprengjuhótunar í veðdeild Landsbankans við Suðurlandsbraut
„Sprengjan“ reyndist
óvirkur áburðarkj ;mii
KLUKKAN 12 á hádegl í gær barst lögreglunni tilkynning um að
maður hefði komið inn á veðdeild Landsbankans við Suðurlands-
braut, tilkynnt að hann hefði sprengiefni meðferðis og óskað eftir
viðtali við forstöðumann stofnunarinnar. Maðurinn var með skjalat-
ösku og lá vír úr töskunni í rofabúnað á líkama mannsins og þótti
því ástæða til að ætla að um hættuástand væri að ræða. Maðurinn
óskaði eftir að ná tali af fréttamanni frá Stöð 2 til að taka við sig
viðtal um stefnu Bandaríkjastjórnar í hvalveiðimálum en maðurinn
hafði meðferðis yfirlýsingu á þremur blaðsíðum um þau efni. Eftir
því sem Morgunblaðið kemst næst er lögreglu ekki kunnugt um að
maðurinn hafi afdráttarlaust hótað að sprengja ef ekki yrði orðið
við þessari kröfu hans. Stofnunin var rýmd, en þó urðu tveir starfs-
menn veðdeildarinnar eftir í húsinu.
Víkingasveit lögreglunnar var
send á staðinn auk fjölda annarra
lögreglumanna. Athuganir leiddu í
ljós að „sprengjubúnaður“ sá sem
maðurinn var með var túnáburður-
inn kjami án íburðarefnis og hvell-
hettubúnaðar, þannig að útilokað
er að sprenging hefði getað hlotist
af, að sögn Jóns Bjartmarz, aðal-
varðstjóra. í bíl mannsins við húsið
fundust tæp 50 kíló af kjama.
Nota má kjama til að búa til
sprengjur með ákveðnum aðferð-
um.
í samtölum lögreglunnar við
manninn kom fljótlega í ljós að
ekki þætti ástæða til að óttast að
hann ynni mikil spjöll með spreng-
ingum þar sem hann sló úr og í
með áform sín og lagði aðaláherslu
á að ná tali af fréttamanni sem
þó mátti ekki koma á staðinn með
myndavél. Eftir viðræður féllst
maðurinn á að koma út og gefa
sig lögreglunni á vald, sem hann
og gerði, og kom út í fylgd víkinga-
sveitarmanna með lambhúshettu á
höfði um klukkan hálftvö, eftir
hálfs annars tíma setu.
Maðurinn, sem er 48 ára gam-
all, var færður í yfirheyrslur á lög-
reglustöðina. Hann á við geðræn
vandamál að stríða og hefur verið
undir læknishendi af þeim sökum.
Hann verður yfirheyrður af Rann-
sóknarlögreglu ríkisins vegna
málsins. Eftir því sem næst verður
komið er ástæða þess að hann valdi
veðdeild Landsbankans til að koma
á framfæri mótmælum við hval-
verndarstefnu Bandaríkjanna vera
sú að hann átti þátt í hönnun húss-
ins.
Þar sem ástandið var talið alvar-
legs eðlis var umferð um Suður-
landsbraut stöðvuð milli Vegmúla
og Grensásvegar, og lögregla sá
um að halda fólki í fjarlægð.
Sigríður Ketilsdóttir, afgreiðslu-
stjóri, sagði manninn hafa komið
Morgunblaðið/Kristinn
Gat ekki sprungið
Haukur Ásmundsson, varð-
sljóri, sýnir hér búnað þann
sem maðurinn var með innan
klæða og í tösku.
inn í deildina, gengið að einni
starfsstúlkunni, og spurt hvort
„píanóleikarinn" væri við. „Við sem
höfum unnið þarna lengur hefðum
strax skilið hvað hann átti við, því
einn yfirmanna okkar er organisti.
En stúlkan, sem er þarna í afleys-
ingum, vissi ekki hvað hann var
að tala um,“ sagði Sigríður.
Tryggvi Hjörvar hjá vanskilainn,-
Morgunblaðið/Júlíus
Umsátrinu lokið
Liðsmenn víkingasveitarinnar leiða á milli sin manninn eftir að
umsátrinu lauk. Sett var á hann svört hetta éins víkingasveitar-
mannsins áður en hann var fluttur í lögreglubíl.
heimtudeild tók á móti manninum
og bað hann setjast niður og bíða
eftir afgreiðslu, hvað hann og
gerði. Tryggvi sagði manninn hafa
farið að tala um sprengjur og þess-
háttar og hafí hann fært hann til
fundar við forstöðumann deildar-
innar.
Var með rofa í hendinni
og vír upp í ermina
Jens Sörensen, forstöðumaður
veðdeildar Landsbankans, tók á
móti manninum á skrifstofu sinni
og sat þar ásamt honum og Jóni
Péturssyni, skrifstofustjóra, uns
lögreglan leiddi manninn á brott.
„Maðurinn var rólegur, og við
spjölluðum um heima og geima,
eins og gert er í afmælum og ferm-
ingarboðum," sagði Jens. „Hann
tilkynnti mér að hann væri með
sprengiefni innan á sér og í tösku
sem hann var með á borðinu, og
að hann væri með rofa í hendinni.
Hann sýndi mér rofa sem hann
hafði í lófanum, með leiðslum sem
lágu upp í ermina, og með þessu
sagðist hann geta sett af stað
sprengingu, bæði hér inni og í bíl
sínum á stæðinu fyrir utan.“
Jens sagði manninn hafa hneppt
frá sér skyrtunni og sýnt sér plast-
pakkningar sem hann var með inn-
an á sér. „Hann sagði mér að til-
efni þessarar heimsóknar væri að
vekja athygli á ákveðnum málum,
það er hvalveiðibanninu. Hann
hafði ákveðnar áætlanir um hvern-
ig hann ætlaði að gera það og ósk-
aði eftir að við hefðum samband
við lögregluna og Stöð tvö. Ég
sagði honum að ég skyldi hafa
samband við lögregluna, hvað ég
og gerði.“
Jón Pétursson, skrifstofustjóri,
sagði manninn aldrei hafa hótað
neinu illu. „Ég heyrði hann aldrei
hóta að sprengja eitt eða annað í
loft upp — hann bara sagðist vera
með þetta, og ætlaði að ná athygii.“
Friðrík Ólafsson á skákmóti
Jafntefli og* tap í
fyrstu umferðum
FRIÐRIK Ólafsson gerði jafntefli við fyrrum heimsmeistara kvenna,
Maju Tsjíburanidze, í fyrstu umferð skákmóts í Vínarborg sem hófst
á mánudag. í annarri umferð í gær tapaði hann fyrir Zsuzsu Polgar
frá Ungverjalandi.
„Ég lék illa af mér í byijun og
átti ekki viðreisnar von eftir það,“
sagði Friðrik um skákina við
Zsuzsu. Hann sagðist þó vona að
þetta væru byijunarörðugleikar
sem hann kæmist yfir, en Friðrik
hefur ekki teflt á alþjóðlegu skák-
móti í áratug.
Mótið í Vín er einskonar einvígi
sex af sterkustu kvenskákmönnum
heims og gamalla meistara en hol-
lenskur auðmaður hefur veg og
vanda af mótinu. Auk Friðriks tefla
Geller, Smyslov, Larsen, Ivkov og
Driickstein í liði gömlu meistaranna
en kvennaliðið er skipað Sofiu og
Zsuzsu Polgar, Tsjúburdanidze,
Gallimovu, Arakamiu og heims-
meistara kvenna, Xie Jun. Eftir
tvær umferðir hafa konurnar fengið
7 vinninga og gömlu meistararnir
5 en alls verða tefldar 12 umferðir.
„Það er gaman að sjá gömlu fé-
lagana aftur eftir öll þessi ár, og
hitta þessar ungu skákkonur sem
eru að leggja undir sig skákheim-
inn. Það hefði ekki þótt líkleg þróun
þegar við vorum upp á okkar
besta,“ sagði Friðrik Ólafsson.
Fannst látin í Hvítá
STÚLKAN sem féll í Hvítá við
Húsafell í Borgarfirði í fyrra-
kvöld fannst látin á móts við
bæinn Þorgautsstaði í Hvítársíðu
í gærmorgun, en sá staður er um
það bil 25 km neðar í ánni. Stúlk-
an hét Brynhildur Jónsdóttir.
Brynhildur var 22 ára gömul,
fædd 1. september 1970. Hún bjó
í foreldrahúsum í Brekkuseli 33 í
Reykjavík.
Stúlkan dvaldi með foreldrum
sínum í sumarbústað í Húsafelli. í
fyrrakvöld féll hún í Hvítá þegar
hún óð hana. Skammt fyrir neðan
slysstaðinn fer áin í þrengsli og er
straumhörð. Strax var hafin leit,
meðal annars með þyrlu Landhelg-
isgæslunnar og einkaflugvél, og
tóku björgunarsveitir Slysavarnafé-
lagsins og fólk úr nágrenninu þátt
í leitinni.
Brynhildur Jónsdóttir
Dæmi
um sparnað með ATLAS:
sparnaður!
Eftirfarandi dæmi er um hjón í þriggja vikna orlofsferð á Spáni að
andvirði 120 þús. kr. Ferðin er greidd a.m.k. 8 vikum fyrir brottför.
6.000 ATLAS - afsláttur af ferðinni
+ 10.669 Andvirði samsvarandi tryggingapakka
+ 1.2QO Afsláttur af forfallagjaldi
10.069
5.900 Árgjald - Greitt einu sinni á ári.
14.169
Dæmi mn aiman sparnað með ATLAS;
Kortasími Eurocard getur sparað þér há símagjöld á hótelum erlendis. Aðild
að Hotel Express International, sem stendur þér til boða gegn greiðslu auka-
gjalds, veitir 50% afslátt af gistingu á 4.000 hótelum um allan heim. Sama
gildir um klúbbinn One for Two, sem veitir tveimur þjónustu á verði fyir einn
á veitingahúsum, hótelum og bílaleigum.
Það er sama hvernig þú reiknar
dæmið. Það margborgar sig að vera
með ATLAS kreditkortið!
(Qfíf) flugleidir/SSr
skynsemui r*ður ferðinfli7
Upplýsingar og umsóknir má fá hjá ferðaskrifstofum, sökskrifstofum Flugleiða,
í öllum bönkum, sparisjóðum og hjá Eurocard, Armúla 28, Reykjavík.