Morgunblaðið - 09.06.1993, Blaðsíða 12
12
MORGUNBLAÐIÐ MIÐVIKUDAGUR 9. JÚNÍ 1993
-14
Barnasöngiir
Morgunblaðið/Einar Falur
Tónleikar barnakóra prófastsdæmanna voru haldnir á vegum Kirkjulistahátíðar í Langholtskirkju sl.
laugardag.
Dómkórinn
________Tónlist______________
Jón Ásgeirsson
Tónleikar barnakóra prófasts-
dæmanna voru haldnir á vegum
Kirkjulistahátíðar í Langholtskirkju
sl. laugardag. Kirkjumar eru að
verða virkir aðilar í tónlistaruppeldi
barna og að nokkru farnar að keppa
við skólana. Þær kirkjur sem þarna
áttu kóra voru Hallgrímskirkja,
Háteigskirkja, Seljakirkja, Lang-
holtskirkja og Grensáskirkja, auk
þess sem Skólakór Kársness tók
þátt í þessari sönghátíð bamanna.
Fimm kóranna komu fram sér og
skiptust kórstjóramir á að leika
undir, ásamt nokkrum barnanna,
sem léku á flautur og fiðlur, og
Eiríki Erni Pálssyni trompetleikara.
Á efnisskránni voru íslensk og
erlend lög. Barnakór Hallgríms-
kirkju, undir stjórn Kristínar Sig-
fúsdóttur, hóf tónleikana með sálmi
Hallgríms Péturssonar, Vetu Guð,
faðir, faðir minn. Þar næst söng
kórinn Heilræðavísumar og Eigi
stjömum ofar eftir Hans Puls og
voru öll lögin mjög vel sungin.
Barna- og stúlknakór Seljakirkju,
undir stjóm Margrétar Gunnars-
dóttur, flutti Lofsyngið Drottni eft-
ir Handel og tvo suður-ameríska
trúarsöngva, Sancto, sancto og
Kyrie, og var töluverð reisn yfir
söng kórsins.
Kór Kórskóla Langholtskirkju,
undir stjóm Jóns Stefánssonar, var
mjög góður og auðheyrt að mikil
vinna hefur verið lögð í söngþjálfun
bamanna, enda mun hlutverk kórs-
ins að hluta til byggjast á sam-
starfi við aðalkór Langholtskirkju,
m.a. með þátttöku í tónleikum hans.
Á efnisskránni voru Máríuvers eftir
Pál ísólfsson, negrasálmur og Senn
kemur vor eftir Kabalevskí.
Bamakór Grensáskirkju, undir
stjórn Margrétar J. Pálmadóttur,
flutti Ave Maris Stella, sem er úr
Piae Cantiones, og Wir eilen, úr
Kantötunni Jesu der du meine Seele
eftir J.S. Bach. í seinna laginu
mátti heyra einstaklega skýra tón-
mótun og gaman að heyra þetta
erfíða söngverk svona vel flutt,
Skólakór Kársness, undir stjóm
Þórunnar Björnsdóttur, er einn af
bestu barnakórunum um þessar
mundir og flutti hann aldeilis ágætt
lag eftir Jakob Hallgrímsson, Ó,
undur lífs, er á um skeið, við texta
eftir Þorstein Valdimarsson og tón-
verkið Salutaris Maria eftir Jón
Nordal. Það þarf lítið annað en að
hæla þessum ágæta kór, sem ásamt
öðrum þeim kórum er stóðu að þess-
ari góðu söngskemmtan, söng frá-
bærlega vel.
Barnakór prófastsdæmanna er
lýsandi fyrir gróandi starfsemi
kirknanna og þarna er í rauninni
unnið grasrótarstarf, sem á eftir
að skila sér til kirkjunnar, eins og
segir í dæmisögunni um þjónana,
sem áttu að gæta fjármuna hús-
bónda síns. Má segja nú hafi kirkj-
an séð að sér og skilji, að enginn
ábati er að því að grafa pund sitt
í jörðu. Tónleikarnir enduðu með
samsöng allra kóranna, er sungu
saman fímm sálmalög og tvö þeirra
í nýjum raddsetningum. Það var
glæsilegur hljómur í þessum fallega
hópi, sem á eftir að erfa landið, og
það er sannarlega gefandi starf,
sem stjómendur kóranna vinna.
Þama blasti við tónleikagestum
fögur og heillandi framtíðarsýn.
Framlag Dómkórsins til Kirkju-
listahátíðar, fyrir utan þátttöku í
setningarhátíðinni, voru tónleikar í
Dómkirkjunni, þar sem flutt voru
verk eftir César Franck, Felix
Mendelssohn, Siegfried Thiele,
Benjamin Britten, Petr Eben, Jakob
Hallgrímsson og Atla Heimi
Sveinsson. Flytjendur auk kórsins,
undir stjórn Marteins H. Friðriks-
sonar, voru Margrét Bóasdóttir
sópran, málmblásarakvartett með
Ásgeiri Steingrímssyni og Eiríki
Erni Pálssyni, báðum á trompett,
svo og básúnuleikaramir Sigurður
Þorbergsson og Oddur Björnsson.
Fyrsta verkið var 150. sálmur
Davíðs eftir César Franck, háróm-
antískt verk, þar sem heyra má
krómatískt tónferli útfært af mik-
illi kunnáttu. Aðstaðan fyrir stóran
kór á orgelpallinum er ekki góð en
þrátt fyrir það var söngur kórsins
og samleikur orgelleikarans ágæt-
lega útfærður.
Marteinn lék mjög vel tvö verk
eftir Mendelssohn, kontrapúnktískt
verk, sem ber nafnið Con moto
maestoso, og síðan undurfagurt
smáverk, Andante tranquillo, sem
er einskonar ljóð án orða. Kórinn
færði sig um set og söng frá altar-
inu lag eftir Jakob Hallgrímsson,
Ó, undur lífs, er á um skeið, ágætt
lag og mjög vel sungið. Multum
facit eftir Thiele er vel unnið verk,
en var á köflum svolítið losaralegt
í flutningi.
Margrét Bóasdóttir söng tvö lög
eftir Atla Heimi Sveinsson, það
fyrra er Skímarsálmur til Illuga
en seinna lagið er í raun sálmur
og nefnist In memoriam Ingvar
Vilhjálmsson. Skírnarsálmurinn er
byggður á fallega ofnum tónlínum
um liggjandi tvíundir og var þetta
hugþekka lag og sömuleiðis In
memoriam mjög vel flutt af Mar-
gréti Bóasdóttur.
Te deum, í C, eftir Britten er
reisulegt verk og í síðasta verkinu,
Missa cum popolo eftir tékkneska
tónskáldið Petr Eben naut kórinn
sín sérstaklega vel. Missa cum pop-
olo er hugsuð með þátttöku safnað-
ar en til þess að það geti gengið,
þarf að foræfa söfnuðinn, sérstak-
lega er varðar innkomur, þrátt fyr-
ir að málmblásarakvartettinn leiki
með. Söfnuðinum er ætlað að
syngja stutt þrástef en á móti syng-
ur kórinn mjög skemmtilegan og
frjálslega unninn tónvef. Dómkór-
inn er í góðu formi og var söngur
hans i heild góður, sérstaklega í
síðasta verkinu og lagi Jakobs.
BMBHHn
Nú getur þú eignast amerískar körfuboltamyndir
um leið og þú færð þér Ijúffenga, ekta Pizza Hut pizzu.
Hver pizza gefur ákveðinn fjölda stiga og þegar þú hefur safnað
8 STI6IIM FÆRÐU RAKKA AF
K0RFUB0L1AMYNDUM
SEMINNIHELDUR 12 MYNDIR.
Svona skorar þú körfur á Pizza Hut:
- Lítil pizza gefur 2 stig
-Mið pizza gefur4stig
-Stórpizza gefur 6 stig
- Fjölskyldupizza gefur 8 stig
Komdu í körfubolta á Pizza Hut.
P|jG6>
41111
Hótel Esja sími 680809
Mjódd simi 682208
Franc Booker skorar glæsilegar körfur
og gæðir sér á ekta Pizza Hut pizzum. Fri heimsendingarþjonusta
Helstu aðstandendur Óháðu listahátíðar.
Óháð listahátíð ’93
700 þátttakendur
ÓHÁÐ listahátíð hefst í dag í Reykjavík og er þetta í annað skipti sem
hún er haldin. Hátíðin hefur hlotið nafnið Ólétt ’93 en um 700 lista-
menn taka þátt í hátíðinni, þar af um 100 myndlistarmenn og um 85
hljómsveitir, og er hátíðin byggð að stærstum hluta upp á ungu fólki.
Hátíðin stendur til 27. júní næstkomandi.
Hátíðin var fyrst haldin í fyrra-
sumar og þá hugsuð sem nokkurs
konar mótleikur gegn Listahátíð í
Reykjavík. í ár styrkir Reykjavíkur-
borg hátíðina um 500 þúsund krónur
og Æskulýðsráð hana um 150 þús-
und, en ekki er um aðra opinbera
styrki að ræða. Að sögn Sveins Ósk-
ars Sigurðssonar, fjármálastjóra há-
tíðarinnar, hefur samvinna þeirra
mörgu aðila sem standa að hátíðinni
verið til fyrirmyndar og „kjarninn
er frjósamur. Óháð listahátíð verður
eitt stórt listaverk, hún varð til í
hugarheimi sem við lifum í og fáum
nú aðra til að lifa í.“
Fyrr í vor var auglýst eftir þátt-
tökuaðilum og fengu allir þeir inn-
göngu sem vildu. Þátttökugjald er
ekkert en að sögn forráðamanna
hátíðarinnar þurfa þátttakendur að
leggja fram ómælda sjálfboðavinnu
til þess að hrinda henni af stokkun-
um. „Með þessu framtaki og þátttöku
nýrra listamanna,“ segir Sveinn Ósk-
ar, „eykst vonandi sjálfstraust lista-
fólks sem er að stíga sín fyrstu skref
á listabrautinni. Við viljum með há-
tíð okkar skapa vettvang þar sem
fólk getur komið sér á framfæri."
Hátíðin hefst í dag kl. 16.03 þeg-
ar frumflutt verður á útitaflinu við
Lækjargötu „Slagverksorgía“ á veg-
um Regnhlífarsamtaka um almennan
spuna. í kynningu hátíðarinnar segir
að „um er að ræða spunasamtök sem
hafa það markmið æðst í huga að
efla samstarf milli listgreina. Allt
sem ekki heftir sköpun og hugar-
flug, tónlist, myndlist, dans, bók-
menntir - í raun er ekki um nein
takmörk að ræða í verkefnavali sam-
takanna. Hver og einn getur sett
fram sínar óskir um eðli hverrar
framkomu hópsins fyrir sig, óskað
eftir þátttakendum o.s.frv." Síðar í
kvöld, eða kl. 20.08 heíjast rokktón-
leikar í Faxaskála við Reykjavíkur-
höfn, þar sem meðal annarra koma
fram hljómsveitimar Todmobile,
Reptillicus, Súkkat og „The dum
Blonde brunette duet.“ Um hálftíma
síðar, eða kl. 20.30 heíjast tónleikar
ungra tónskálda í Tjamarsal Ráð-
hússins, þar sem m.a. koma fram
karlakórinn Silfur Egils. Helga Sig-
hvatsdóttir, Þórunn Björnsdóttir,
Ragnheiður Haralddsóttir og Helga
Jónsdóttir, flautuleikarar, flytja einn-
ig Flautufuglinn eftir Elínu Gunnars-
dóttur, og Hildigunnur Rúnarsdóttir,
Hildigunnur Halldórsdóttir, sópran-
söngkonur, og Sigurður Halldórsson
flytja verkið Um ljóð og notendur
eftir Hildigunni Rúnarsdóttur, en það
er byggt á samnefndu ljóði Stefáns
Harðar Grímssonar.
1