Morgunblaðið - 09.06.1993, Blaðsíða 19

MORGUNBLAÐIÐ MIÐVIKUDAGUR 9. JÚNÍ 1993
19
Skipstjórinn á Torfa ÍS sem fórst undan Malarrifi
Tróð marvaðann frá
bremiandi bátnum
„ÞAÐ var greinilega kominn eldur þarna við eldavélina, en ég
veit ekki hve lengi hann hefur kraumað þar. Þegar eldvarnakerf-
ið fór í gang um borð í bátnum var kominn þykkur reykur niðri
í lúkarnum,“ sagði Kristinn Jónsson, eigandi Torfa ÍS.
Torfi ÍS er yfirbyggður 10 tonna
plastbátur, smíðaður á Akranesi,
sá eini sinnar tegundar, að sögn
Kristins. Hann sagði að báturinn
hefði reynst afar vel. Þessi sami
bátur sökk hins vegar skammt
undan Rifí 23. september 1990,
en þá hét hann Armann SH. Þá
voru einnig tveir menn á bátnum
og björguðust þeir við illan leik í
björgunarbát. Báturinn var hífður
tveimur dögum síðar af hafsbotni.
Lét vaða í kófið
Kristinn var ásamt félaga sín-
um, Sveini Páli Sveinssyni, aftur
á bátnum að afgreiða handfærar-
úllur sínar þegar eldvarnarkerfið
fór í gang. „Eg stökk fram í og
greip slökkvitæki sem er við dyrn-
ar á lúkamum. Ég lét vaða í kófið
en fékk þá um leið hitagusuna á
móti mér og var rekinn öfugur út.
Ég þreifaði mig áfram á talstöðina
og vissi sem betur fer hvar takk-
inn á henni var fyrir rás 16 (neyð-
arrásina), því ég sá ekki út úr
augunum. Reykjavíkurradíó bað
mig um að kalla upp á rás 6 í
næstu báta, en það var engin leið
að reyna að skipta um rás. Ég
rétt hafði tíma til að tala við þá
því eldurinn var strax kominn í
stýrishúsið og um allan bát,“ sagði
Kristinn.
Olíumaskína
Eldavélin í bátnum brenndi olíu
og í kringum hana var plast og
timbur, en sjálf eldavélin var
klædd af með ryðfríu stáli. „Það
hefur eitthvað skeð, en ég bíð með
allar ályktanir þar til ég hef gefið
sjóslysanefnd skýrslu."
Kristinn sagði að varla hefði lið-
ið lengri tími en 3-4 mínútur frá
því hann reyndi að slökkva eldinn
með handslökkvitækinu þar til
báturinn var orðinn alelda.
Fundu ekki árarnar
„Við drifum björgunarbátinn
strax út því við sáum strax að við
réðum ekkert við þetta. Það gekk
eins og í sögu að komast í bátinn,
en ég blotnaði af eintómu hugsun-
arleysi. Við fundum ekki árarnar
strax til að róa okkur frá brenn-
andi bátnum, svo ég stökk í sjóinn
og tróð marvaðann með gúmmí-
bátinn frá honum. Ég óttaðist
þegar ég sá að stýrishúsið var
orðið alelda að eldurinn bærist
hratt aftur með bátnum, enda kom
það á daginn þegar við vorum
komnir 8-10 metra frá að þakið
var farið að loga á yfirbygging-
unni og allur báturinn orðinn al-
elda þegar Haförninn kom að okk-
ur.“
Morgunblaðið/Alfons
Björgunarmaðurinn með árina
Guðmundur Jóhannesson skipstjóri á Mána HF sem bjargaði áhöfn-
inni á Torfa ÍS. Guðmundur er með ár sem skipbrotsmennirnir not-
uðu til að ýta gúmbjörgunarbátnum frá brennandi bátsflakinu en
þeir færðu Guðmundi árina að gjöf til minningar um björgunina.
Guðmundur Jóhannesson skipstjóri á Mána
Sáum reykjarmökk-
inn stíga frá bátnum
„VIÐ vorum í um einnar mílu fjarlægð þegar kviknaði í bátnum.
Við sáum bara reykjarmökkinn stíga frá bátnum og þegar við
snerum við var hann orðinn alelda,“ sagði Guðmundur Jóhannes-
son, skipstjóri á Mána HF 149, sem slökkti í Torfa ÍS með sjódælum.
„Við sáum eldtungurnar stíga
upp frá bátnum en þá voru menn-
irnir komnir í gúmmíbátinn. Um
leið og reykurinn steig upp frá
bátnum skutu mennirnir út
gúmmíbát og komust klakklaust
í hann. Báturinn varð alelda strax
og er sokkinn núna,“ sagði Guð-
mundur í gærkvöldi, en þá var
hann staddur skammt suðvestur
af Malarrifi þar sem Torfi ÍS sökk.
Sót og brak
Hann sagði að sót og brak hefðu
verið á svæðinu þar sem báturinn
sökk um kl. 19 í gær. „Við vorum
búnir að slökkva í honum með
dælum, en hann var svo mikið
brunninn að það flæddi inn í hann.
Við vorum í um tvo tíma að
slökkva í honum og lágum þá
samsíða bátnum, enda er veðrið
það gott núna,“ sagði Guðmundur.
AKUREYRI
Ari Albertsson heldur á selkóp.
Morgunblaðið/Sigurður Björnsson
N állúrugripasafn
opnað í Ólafsfirði
NÁTTÚRUGRIPASAFN var formlega opnað á Ólafsfirði síðastlið-
inn sunnudag. Safnið, sem er til húsa á efstu hæð sparisjóðsins,
hefur að geyma um 200 gripi og eru það að stærstum hluta upp-
stoppaðir fuglar en einnig verður þar allgott eggjasafn. Ýmis villt
dýr er þar einnig að finna.
Eggjasafnið og um fimmtíu
fuglar eru úr einkaeigu en börn
Jóns Siguijónssonar, gamals Ól-
afsfirðings sem látinn er fyrir
nokkru, gáfu safn föður síns til
minningar um hann og var það
fyrsti vísir að náttúrugripasafninu.
Ari Albertsson skipstjóri hefur
lagt hinu nýja safni til flesta grip-
ina. Hann setti safnið þar að auki
upp, mótaði landslag og kom grip-
um fyrir. í meira en áratug hefur
hann stundað fuglasöfnun og unn-
ið að því að stoppa _ upp dýr og
fugla í tómstundum. í safninu eru
margir forvitnilegir gripir. Má þar
nefna svartan svan, gráhegra, sel-
kóp, margæs, refi á greni og alla
algenga mófugla, vaðfugla og
bjargfugla.
Safn Jóns heitins Siguijónsson-
ar er orðið allgamalt en þar eru
auk eggjasafnsins fágætir fuglar,
s.s. uglur og fálkar.
SB
Ólafsfjörður
Oskar hættir
^ Ólafsfirði.
ÓSKARI Þór Sigurbjörnssyni for-
seta bæjarstjórnar Ólafsfjarðar
var á fundi bæjarstjórnar í gær
veitt lausn frá störfum í bæjar-
stjórn, en hann er nú á leið til
Kanada til framhaldsnáms.
Við störfum Óskars í bæjarstjórn
tekur fyrsti varamaður Sjálfstæðis-
flokksins, Haukur Sigurðsson, en við
störfum forseta tekur Þorsteinn Ás-
geirsson.
Óskar hefur verið oddviti Sjálf-
stæðisflokksins í bæjarstjóm Ólafs-
fjarðar um árabil.
M « <í ' • ' ' ' ■

TOLVUR® TOLVUBUNAÐUR » SKRIFSTOFUTÆKI
Nýherji hf. og Tölvutæki-Bókval bjóða til
stórsýningar á tölvum, tölvubúnaði og
skrifstofutækjum dagana 11.-12. júní n.k. í
húsnæði Tölvutækja-Bókvals að Furuvöllum 5.
Gestum gefst kostur á að kynna sér það
nýjasta og framsæknasta á sviði tölvubúnaðar
og skrifstofutækja og auk þess að sækja
sérstakar kynningar þar sem sérfræðingar
Nýherja hf. munu fjalla sérstaklega
einstakar vörutegundir.
um

■
s ■< :>
■
KYNNINGAR
Föstudaginn 11. júní munu sérfræðingar frá
Nýherja hf. halda kynningar um eftirtalin efni:
io.oo-i2.oo LOTUS hugbúnaður
cc: MAIL Tölvupóstur
NOTES Hópvinnukerfi
AmiPro Ritvinnsiukerfi
Improv / 1-2-3 Töflureiknar
Organizer Tímaskipulagning
Freelance Graphics Grafísk framsetning
► i3.oo-i4.oo Tölvustudd hönnun
Fyrir tæknimenn
► 14.30-15.30 Tölvustudd hönnun
Fyrir grafíska hönnuöi
► i6.oo-i7.3o Afgreiðslukerfi
ÞATTTAKA A KYNNINGAR
TILKYNNIST í SÍMA 261 00
SYNING
Sýningin verður opin kl. 10.00-18.00 föstudag
og frá kl. 10.00-16.00 laugardag. Á meðal
þess búnaðar sem kynntur verður má nefna:
► Tölvur
■ Faxtæki
► Prentarar
► Hugbúnaður
■■ Afgreiðslukerfi
Ljósritunarvélar
Pappírstætarar
Brotvélar f. umslög
Plotterar
og fleira og fleira...
NÝHERJI
SKAFTAHLlÐ 24 - SÍMI 69 77 00
Alltaf skrefi á undan
LOTUSHUGBÚNAÐUR
Við vekjum sérstaka athygli á LOTUS
hugbúnaði sem á vaxandi vinsældum að
fagna um allan heim, t.d. AmiPro sem
viðurkennt tölvutímarit hefur valið besta
ritvinnslukerfið . AmiPro býður ritvinnslu-
og umbrotsmöguleika sem fá önnur
ritvinnslukerfi geta státað af.