Morgunblaðið - 24.06.1993, Blaðsíða 21
MORGUNBLAÐIÐ FIMMTUDAGUR 24. JUNI 1993
21
Rússnesk slóórnvöld hafa ekki efni á að eyða kjarnorkuvopnum
Reuter
Eldflaugum eytt
Hér er að vísu ekki verið að eyða kjarnaoddum eða -sprengjum, heldur meðaldrægum kjarnorkuflaugum
í tilraunastöð í Sarjozek í Kazakhstan.
Spillingin getur
kostað menn húsin
Róm. The Daily Telegraph.
ÍTALSKIR stjórnmálamenn sem
hafa verið sakaðir um spillingu
eiga nú á hættu að hald verði lagt
á eignir þeirra og fasteignir
þeirra kyrrsettar.
Lögreglan í Napolí hefur fram-
kvæmt kyrrsetningu í einbýlishúsi
Paolos Cirinos Pomicinos, atkvæða-
mikils þingmanns Kristilegra demó-
krata og fyrrverandi fjárlagaráð-
herra. Cirino Pomicino er sakaður
um að hafa þegið jafnvirði 200 millj-
óna króna í mútur fyrir samninga
um byggingu neðanjarðarlestakerfis
í Napolí. Saksöknarar segja að
launatekjur hans og konu hans,
kennara, hafi ekki nægt til að kaupa
fasteignina sem er metin á 40 millj-
ónir króna. Hún hafi því verið greidd
með mútufé. Reynist svo vera kann
hann að missa húsið.
Þetta er í fyrsta sinn sem gripið
er til slíkra aðgerða vegna rannsókn-
ar spillingarmálanna á ítaliu og
heimildarmenn í dómskerfinu segja
að fasteignir fleiri stjórnmálamanna
verði kyrrsettar á næstu dögum.
Hundruð stjórnmálamanna, þeirra á
meðal fjórir fyrrverandi forsætisráð- •
herrar og margir fyrrverandi ráð-
herrar, sæta nú rannsókn vegna
meintrar spillingar eða tengsla við
mafíuna.
20 handteknir
Saksóknarar sem stjórna rann-
sókninni í Mílanó fyrirskipuðu í
fyrradag handtöku 20 manna, aðal-
lega iðnrekenda, vegna ásakana um
að lyíjafyrirtæki hefðu mútað emb-
ættismönnum í heilbrigðisráðuneyt-
inu til að tryggja að verð lyfja yrði
hækkað.
ítaiska ríkissjónvarpið sagði að
iögreglan hefði leitað að skjölum
varðandi mútugreiðslur sem einn
framkvæmdastjóra Fininvest á að
hafa greitt embættismönnum heil-
brigðisráðuneytisins fyrir auglýs-
ingasamning vegna baráttunnar
gegn alnæmi. Stjórnendur Fininvest
segjast ekki bera ábyrgð á greiðsl-
unum, framkvæmdastjórinn hafi
ákveðið þær upp á eigin spýtur.
Kjarnorkuvísinda-
menn hóta verkfalli
Moskvu. Reuter.
RÚSSNESKIR vísindamenn sem hafa þann starfa að eyða kjarn-
orkuvopnum, hafa hótað að hætta störfum frá og með deginum
í dag. Vilja þeir þannig mótmæla launakjörum og aðbúnaði á vinnu-
stað. Talsmaður orkumálaráðuneytisins segir að þar sé ekkert
fjármagn að hafa til að bæta úr málum vísindamannanna.
Vísindamennirnir sinna störfum
sínum í leyniborginni Arszamas-16,
þar sem Andrei Sakarov og fleiri
vísindamenn hönnuðu fyrstu atóm-
sprengju Rússa og er miðstöð kjarn-
orkuáætlunar þeirra. Sergei Jerm-
akov, talsmaður orkumálaráðuneyt-
isins, sagði að yfirvöld réðu ekki
yfir fjármagni til þess að verða við
kröfum vísindamannanna, hvorki
þeirra í Arszamas-16, né heldur í
þrem öðrum kjarnorkumiðstöðvum
sem eru í leyniborgum sem hvergi
hafa verið merktar á landakort. Þar
er unnið er að eyðingu kjarnorku-
vopna, samkvæmt samkomulagi
Rússa og Bandaríkjamanna.
Fyrr í þessum mánuði skrifuðu
vísindamennirnir opið bréf til Jelts-
íns Rússlandsforseta, þar sem þeir
kvörtuðu yfir „niðurdrepandi“ að-
stæðum og að þeir hefðu ekki feng-
ið laun greidd í tvo mánuði. í bréf-
inu sagði ennfremur, að ef ríkis-
stjórnin hefðist ekki að, myndi skap-
ast hætta á kjarnorkuslysi á borð
við það sem varð í Tsjernoby! árið
1986. Málgagn rússneska þingsins
sagði að vísindamennirnir hygðust
funda á dag og gefa út yfirlýsingu
þess efnis að þeir gætu ekki ábyrgst
að engin hætta stafaði af kjarnorku-
vopn Rússlands. Þeir hefðu sérstak-
ar áhyggjur af því að kjarnorkuvopn-
in væru flutt til þeirra á járnbrautar-
lestum.
Freistandi að flytja
í bréfi vísindamannanna í Arsz-
amas til forsetans kemur fram, að
það gæti orðið freistandi kostur fyr-
ir sérfræðinga að flytjast úr landi
og hafa þá þekkingu sína á brott
með sér þangað sem þeir gætu unn-
ið við mannsæmandi kjör. Þar segir
að það sé óveijandi að stjórnvöld
leiti skammtímalausna við rann-
sóknir og öryggisráðstafanir, því að
það gæti kostað sem svarar rúmlega
þrem milljörðum íslenskra króna að
bregðast við alvarlegu slysi við þó
ekki væri nema eitt einstakt vopn.
Rússneskri kjarnorkuvísindamenn
nutu margháttaðra forréttinda og
voru hálaunaðir á tímum Sovétríkj-
anna, en eftir að kalda stríðipu lauk
hafa þeir ekki notið sama álits, né
lífskjara. Vestrænar ríkisstjórnir eru
áfram um að tryggja að þessir vís-
indamenn muni ekki selja þekkingu
sína til ríkja á borð við Lýbíu eða
írak, en allar áætlanir um vestrænar
styrkveitingar til rússnesku vísinda-
mannanna vegna framkvæmda á
nýjum sviðum, eins og til dæmis í
læknisfræði, bíða enn samþykkis
rússneska þingsins.
PARÍS
Upplifðu töfra Parísar í sumar
Parísarferðir Heimsferða á einstökum kjörum í
samvinnu við stærstu ferðaskrifstofur Frakklands.
Vika í París: Flug og hótel frá kr. 29.900
m.v. 2 í herbergi.
Flug og bíll: Frá kr. 24.900,-
Vikulegar brottfariv frá 7. júlí til 25. ágúst.
Flugvallarskattar:
Viö fargjald hætasl flugvallarskattar og forfallatrygging.
Fullorönir kr. 3.090,-, börn 12 ára ogyngri kr. 1.865,-.
Takmarkað sætamagn
HEIMSFERÐIR hf.
Austurstraeti 17,2. haeð • Sími 624600
Tjaldadagar í Skátabúðinni
Alla fimmtudaga í sumar sýnum Við
þær 50 tegundir af tjöldum sem fást í
Skátabúðinni. Pá færðu tjaldið sem þig
vantar með 10% staðgreiðsluafslætti.