Morgunblaðið - 27.06.1993, Blaðsíða 40
FORGANGSPOSTUfí
UPPLYSINGASIMI 63 71 90
--------K--------------
MORGUNBLAÐIÐ, KRINGLAN 1, 103 REYKJAVÍK SIMI 691100, SÍMBRÉF 691181, PÓSTHÓLF 1555 / AKUREYRI: HAFNARSTRÆTI 85 SUNNUDAGUR 27. JÚNÍ 1993 VERÐ í LAUSASÖLU 110 KR.
Mannfjöldi við höfnina í Bolungarvík þegar Guðný ÍS kom til hafnar með ísbjörninn
Björninn
seldur hæst-
bjóðanda
SKIPVERJAR á Guðnýju ÍS komu til heimahafnar í
Bolungarvík klukkan 13 í gær með hræ ísbjarnarins
sem þeir unnu á um 60 mílur norður af Homi á fimmtu-
dag. Hræið verður selt hæstbjóðanda og að sögn Rögn-
valds Guðmundssonar stýrimanns á Guðnýju er þegar
komið fram tilboð frá aðila sem er reiðubúinn að greiða
500 þúsund krónur fýrir. Rögnvaldur sagði að þegar
þeir félagar hefðu séð bjamdýrið á sundi hefðu þeir
upphaflega ætlað að ná því lifandi en bangsi var ekki
á því og lét hann öllum illum látum við síðu bátsins.
Svo mikill var hamagangurinn að báturinn lék á reiði-
slq'álfi er björninn lamdi hrömmum sínum í síðu báts-
ins, sem er úr stáli.
Rögnvaldur sagði að þá hefðu þeir tekið þá ákvörðun
að binda enda á líf dýrsins með þvf að hengja það og
tók það fljótt af. Frá því að þeir náðu ísbirninum og þar
til hann var allur sagði Rögnvaldur að hefðu liðið um
15 til 20 mínútur.
Stjórn Sambands dýraverndunarfélaga sendi í gær
kæm til RLR á hendur Jóni Péturssyni skipstjóra á
Guðnýju ÍS vegna þessa máls þar segir að ísbimir séu
friðaðir og er gerð krafa um að lagt verði hald á hræ-
ið. Þá var umhverfisráðherra sent bréf og óskað aðstoð-
ar hans við að koma í veg fyrir að þeir „sem unnu ofan-
greint níðingsverk,“ eins og segir í bréfinu, geti gert
sér það að féþúfu.
Morgunblaðið/Gunnar Hallsson
BOLVIKINGAR höfðu á orði að það hefði verið álíka mannfjöldi og á sjómannadaginn samankominn við höfnina
þegar Guðný ÍS kom til hafnar með isbjarnarhræið.
Fulltrúar ASÍ og VSÍ funduðu í gær með forsætisráðherra
Hugmyndir kyuntar um
gengislækkun og kvóta
FULLTÚAR ASÍ og VSÍ fóru á fund forsætisráðherra í gær
þar sem ráðherra kynnti m.a. hugmyndir ríkisstjórnarinnar
um tillögur um afla á næsta fiskveiðiári og i tengslum við
það var einnig rætt um möguleika á gengislækkun. Ríkis-
stjórnin kemur saman í dag, sunnudag, þar sem sjávarútvegs-
ráðherra leggur væntanlega fram tillögurnar um aflahá-
markið.
Forsætisráðherra, Davíð Odds-
son, sagði í viðtali við Morgunblað-
ið að ríkisstjórnin myndi funda í
dag, sunnudag. „Á fundinum verð-
ur rætt um tillögur um aflamark
á næsta fiskveiðiári, þær aðgerðir
'sem hljóta að fylgja í kjölfar þess
og í kjölfar þeirrar almennu stöðu
sem er í sjávarútvegi núna vegna
mjög lækkandi verðs á afurðum."
Hann sagðist ekki geta sagt um
hvaða tillögur yrðu gerðar um
a/lamark, sjávarútvegsráherra
myndi leggja þær fram á fundin-
um.
Rætt um gengislækkun
Forsætisráðherra sagði að engin
^ákvörðun hefði verið tekin um
gengislækkun en aðspurður um
hvort gengislækkun kæmi til
greina sagði forsætisráðherra:
„Menn fara yfir alla þætti og stöðu
gengisins líka.“
Aðspurður um hvort kæmi til
greina að leyfa t.d. fijálsan inn-
flutning landbúnaðarafurða, til að
"•‘koma til móts við gengislækkun,
sagðist forsætisráðherra ekki sjá
að það tengdist þessu máli.
Fundað með aðilum
vinnumarkaðar
Fulltrúar ASÍ funduðu með for-
sætisráðherra kl. 11.00 í gær og
að fundi loknum sagði Benedikt
Davíðsson, forseti ASÍ, að for-
sætisráðherra hefði gert fulltrúum
ASÍ grein fyrir þeim hugmyndum
sem uppi væru í sambandi við sjáv-
arútvegsmálin. Benedikt vildi ekki
tjá sig efnislega um hvernig hon-
um hefði litist á hugmyndir ríkis-
stjórnarinnar. „Það liggja ekki
fyrir formlega tillögur og engar
endanlegar tölur um kvóta voru
nefndar. “
Aðspurður um hvort rætt hefði
verið um lækkun gengis sagði
Benedikt að vissulega hefði verið
minnst á það. Hann vildi þó ekki
svara því hvort forsætisráðherra
hefði greint frá ákvörðun ríkis-
stjórnarinnar um gengislækkun.
Fulltrúar VSÍ, þeir Þórarinn V.
Þórarinsson og Kristinn Bjöms-
son, áttu einnig fund með forsæt-
isráðherra í gær.
Jón Baldvin Hannibalsson, formaður Alþýðuflokksins
Ekkert ofríki heldur
leynileg atkvæðagreiðsla
JÓN Baldvin Hannibalsson kveðst ekki hafa sýnt Jóhönnu Sig-
urðardóttur neitt ofríki við val á nýjum ráðherrum Alþýðu-
flokksins, heldur hafi hann efnt til leynilegrar atkvæða-
greiðslu um málið. Jóhanna Sigurðardóttir hafi engan ágrein-
ing gert við stefnu Alþýðuflokksins né ríkisstjómarsamstarfið.
Hún haldi því áfram störfum í þingflokki, ráðherraliði flokks-
ins og í ríkisstjórn og þar með í forystusveit flokksins. Þetta
kemur fram i ummælum formanns Alþýðuflokks á bls. 6 í
Morgunblaðinu í dag um afsögn Jóhönnu Sigurðardóttur.
Jón Baldvin Hannibalsson sagði
að í 77 ára sögu Alþýðuflokksins
hefðu tillögur flokksformanns um
val í ráðherraembætti verið sam-
þykktar. Varaformaður flokksins
hefði hins vegar hótað afsögn á
flokksstjórnarfundi, ef tillaga for-
manns um val í embætti umhverfis-
ráðherra yrði henni ekki að skapi.
Tii þess að firra vandræðum hefði
hann ákveðið að víkja frá hefð-
bundnum reglum og efna til leyni-
legrar atkvæðagreiðslu innan þing-
flokksins milli Rannveigar Guð-
mundsdóttur og Össurar Skarphéð-
inssonar. Formaður Alþýðuflokks-
ins kvaðst ekki geta fallizt á, að
hann hefði með þessum vinnu-
brögðum sýnt varaformanni flokks-
ins ofríki eða borið hana ráðum.
Sjá ummæli Jóns Baldvins
Hannibalssonar í heild á bls. 6.
Tap í gjald-
þrotumum
milljarður
á mánuði
SAMKVÆMT grófri áætlun
má gera ráð fyrir að einn
milljarður króna hafi tapast
á mánuði á síðustu fimm
árum eða frá því efnahags-
lægðin sem nú stendur hófst
árið 1988 og fram að síðustu
áramótum. Heildarfjárhæðin
sem tapast hefur á þessu
fimm ára tímabili er um 65
milljarðar króna. Af þessari
fjárhæð er hlutur lánastofn-
ana um 29 milljarðar, ríkis-
sjóðs um 16 milljarðar og
áætlað hefur verið að hlutur
viðskiptalífsins í töpuðum
kröfum geti verið um 20
milljarðar.
í úttekt blaðsins á umfangi
gjaldþrota kemur fram að bank-
ar og sparisjóðir hafa lagt alls
um 15,1 milljarð á afskrift-
arreikninga á síðustu 5 árum
til að mæta útlánatöpum vegna
gjaldþrota og greiðsluerfiðleika
viðskiptamanna, og fjárfesting-
arlánasjóðir hafa með sama
hætti lagt tæpa 14 milljarða til
hliðar.
Ríkissjóður hefur þurft að
afskrifa verulegar fjárhæðir
vegna ógoldinna skatta gjald-
þrota fýrirtækja. Á tímabilinu
1988-92 nema beinar og óbein-
ar afskriftir ríkissjóðs af þess-
um ástæðum um 15 milljörðum
og Ábyrgðarsjóður launa hefur
þurft að greiða rúmlega 1,3
milljarða á sama tíma vegna
ríkisábyrgðar á launum.
Áætiað er að einkageirinn
afskrifi um 3,5 til 4 milljarða
króna á ári eða um 20 milljarða
á þessu fimm ára tímabili.
Sjá bls. 10: „Milljarður á
mánuði...“