Morgunblaðið - 15.08.1993, Blaðsíða 9

: ■ MOft&VfrBlAtyW- Hfy-Á®Ú$T,1993
ST ANGVEIÐI/ ab gefa slaka eda bregdast strax vibf
Aðsetfaílax
KUNNINGIMINN kom heim úr
veiðiferð um daginn. Hann setti
í sjö laxa á flugu en náði engum.
Þeir héngu á sem snöggvast en
voru óðar lausir. Hann varð
hugsi út af þessu og velti fyrir
sér hvað hefði farið úrskeiðis
en sagðist hafa farið að eins og
kennt væri, gefið slakt og beðið
áður en hann brá við þeim.
að hafði verið töluverður
vatnskuldi, mikið vatn og lax-
inn gengið hægt og tregt. Á veiði-
svæðinu sem um ræðir háttar
þannig til að vaða þarf út ofan við
veiðistaðina og tökustaðir eru víða
beint niður af
veiðimanninum.
Var þetta hluti af
skýringunni? Ég
hafði lent í svip-
uðu á sama stað.
Þegar hlýindi
eru, hæfilegt vatn
og nóg af laxi er
algengt að hann sé vel við og fáir
tapast ef sæmilega er að veiðinni
staðið. Byrjað er að kasta efst á
hyl skáhallt út í strauminn, þess
gætt að línan bugist sem minnst
til að fluguna beri rétt að fiskinum
á eðlilegum hraða.
Laxinn sér fluguna koma svíf-
andi, tökufískurinn syndir móti
henni opnum kjafti, tekur hana upp
í sig, snýr við og ætlar aftur á
legustaðinn. Við það dregst flugan
aftur í kjaftvikið og þá fyrst má
strengja á línunni, bregða við, en
í raun má segja að fískurinn festi
sig sjálfur. Þessu þarf veiðimaður
alltaf að vera viðbúinn, hvert ein-
asta sinn meðan flugan er í vatn-
inu.
Þess vegna er veiðiskapur ein-
beiting hugans en ekki andlaust
gauf eins og sumir halda. Sé tekið
of fljótt í línuna en þó hikandi er
hætt við að flugunni sé kippt út
úr fiskinum eða hún festist fremst
í kjafttotunni þar sem lítið hald er
í nýgengnum físki og hann hristir
fljótlega úr sér.
Til að vera viðbúinn finnst mér
best að halda hægri hönd um
stangarskaptið og láta línuna leika
á vísifingri. Þegar fiskur tekur leyfí
ég honum að draga út línu þangað
til ég held að hann hafí snúið sér
við þannig að taumurinn sé aftur
Svona á hann að taka.
úr kjaftvikinu og línan liggi sam-
síða fiskinum. Þá klemmi ég línuna
að skaptinu og reisi stöngina hægt
en ákveðið. Agnhald öngulsins
gengur þá inn fyrir kjaftbeinið.
Þar er tryggasta festan. Við þetta
þarf engin átök eða rykki, þungi
fisksins og ferð sér um að öngull-
inn sökkvi í holdið sé tekið á móti
andartak.
Tímalengdin sem ég læt líða þar
til ég bregð við fer eftir ofsa tök-
unnar og sundhraða físksins. Ég
er hættur að telja upp að fjórum
eins og fyrstu árin. Ég er líka
hættur að gefa honum lausar
lykkjur við tökuna. Mér finnst ég
missa við það öryggistilfinningu
að hafa ekki tengsl við fískinn og
svo hef ég einfaldlega misst of
marga laxa með þeirri aðferð.
Þegar veitt er með flotlínu sést
takan á yfirborðinu. Þá ríður á að
forðast æsing og taka ekki á móti
fyrr en strengist á línunni. Þetta
eru ákjósanlegustu aðstæður og
vandinn byijar ekki fyrr en laxinn
hafnar flugunni jafnvel eftir að
hafa tekið í hana nokkrum sinnum.
Þetta á sér oft stað þar sem flug-
an „hangir“ eins og sagt er. Lax-
inn hefur þá fylgt flugunni skárann
á enda og línan hefur að fullu rétt
úr sér. Oft gerist þetta þegar hita-
stig vatnsins er lágt. Það er eins
og komið sé við fluguna, nartað,
tekið í hana og svo ekkert meir.
Þetta nefna sumir „skotttöku" og
telja að laxinn bíti í vængendann
sem stendur aftur af önglinum.
eftir Gylfa
Pólsson
,íj3. 9
Þetta kann að vera rétt en Craw-
ford Little, þekktur enskur veiði-
sérfræðingur, hefur sína skoðun á
þessu máli. Hann telur að fiskurinn
taki fluguna í munn sér andartak
en í stað þess að snúa sér með
hana eins og áður er greint frá,
opni hann kjaftinn, láti sig sakka
og losi sig þannig við fluguna.
Little álítur, þegar flugan hefur
staðnæmst, ráð að draga hana
nokkrum sinnum hratt móti
straumi eins og lítill fiskur sé að
forða sér undan hættulegum óvini.
Þá vakni rándýrseðli laxins, hann
ráðist á fluguna og taki hana með
tilþrifum!
Little segist einnig hafa reynt
við þessar aðstæður að slaka til
hans línu til að freista þess að festa
í munnvikinu en gengið illa og
hefur sínar skýringar á því. En
best telur hann þegar veiðimaður-
inn finnur fyrir fiski við þessar
aðstæður að bregða snöggt við.
Sé flugan enn í kjafti fiskinum sé
næsta víst að önguloddur fái festu
einhvers staðar í munnholinu. Best
sé því að bregða strax við.
Fluga sem situr í efri gómi eða
tungurótum hefur gott hald og
losnar ekki svo auðveldlega. Gott
er að nota sílhvassar þríkrækjur
með útstæða odda. Þeir grípa vel
eins og veiðimenn hafa óviljandi
margoft reynt á sjálfum sér.
Hvort sem aðferð Littles er reist
á óyggjandi rökum eður ei ætla
ég að reyna „snöggt viðbragð11
næst þegar ég fæ „skotttöku“.
ÞfÓDLÍFSÞANKAR
/Þarf ab afmá leibi frá þessari 'óld?
Þær voru svo
fallegar...
Um daginn kom ég að Stað í
Steingrímsfirði þar sem langafi
minn var prestur snemma á þess-
ari öld. Ég var í einskonar píla-
grímsferð, langaði að sjá kirkj-
una sem gamli maðurinn predik-
aði í og fjöllin sem börn hans
höfðu fyrir augunum á sínum
mótunarárum. Síðast en ekki síst
ætlaði ég að sjá leiði tveggja
ömmusystra minna, sem dóu úr
berklum rétt tvítugar að aldri.
Amma talaði oft um þessar
skammlífu systur sínar,„Þær
voru svo fallegar báðar tvær,
sérstaklega hafði sú yngri fal-
Iega blá og stór augu“, sagði hún
og sýndi mér mynd af þeirri síð-
arnefndu, af hinni er engin mynd
til, svo ég viti.
Hátíðleg í bragði steig ég út úr
bílnum á hlaðinu á Stað. Vel
sást til fjalla og kirkjan virtist nán-
ast með sömu ummerkjum og hún
var á gamalli mynd sem danskur
landmælingamaður málaði árið
1911. Ég gekk um
kirkjugarðinn með
spurn í huga. Hvar
skyldu frænkur
mínar liggja? Ég
gekk um allan
garðinn en fann
leiðin þeirra
hvergi. Þá gaf sig

Guðrúnu
Guðlaugsdóttur
á tal við mig eldri kona úr nágrenn-
inu, sem þarna var stödd, og spurði
hvers ég leitaði. “Það veit ábyggi-
lega enginn lengur hvar þær systur
liggja, það er búið að slétta yfir
garðinn og ekkert af því gamla
fólki sem þekkti leiðin þeirrra er
lengur á lífí“, sagði hún þegar ég
hafði útskýrt fyrir henni hvers ég
leitaði. Döpur í huga yfirgaf ég litla
kirkjugarðinn og hugsaði um hve
slæmt það væri að menn skuli ekki
leggja vinnu í að kortleggja kirkju-
garða áður en ráðist er í að slétta
yfír gömul leiði. Raunar skil ég
ekki af hverju verið er að slétta
yfir kirkjugarða og eyðileggja þar
með dýrmætar minjar í landi þar
sem nóg landrými er til þess að
stækka eða færa kirkjugarða. í
Reykjavík hefur mér vitanlega ekki
verið rætt um að slétta yfír gamla
kirkjugarðinn við Suðurgötu enn
sem komið er og það varð hér uppi
fótur og fit þegar spurðust þau tíð-
indi að Danir ætluðu að slétta yfir
gamlan kirkjugarð í Kaupmanna-
höfn, þar sem ýmsir þekktir landar
okkar liggja. Eru þetta þó þéttbýlli
staðir en íslenskar sveitir.
Á tækniöld ætti það að vera til-
tölulega lítið mál að gera kort af
kirkjugörðum og merkja þekkt leiði
þar inná áður en farið er að hrófla
við þeim. Nú spyijast þær fréttir
að farið sé að kortleggja álfabyggð-
ir í hinum ýmsu kaupstöðum. Úr
því að menn leggja fé í að merkja
inn á kort svo vafasamar tilvistar-
minjar má ætla að framvegis verði
þekkt leiði kortlögð áður en þeim
er rutt um koll af stórtækum vinnu-
vélum. Annars finnst mér einhver
kuldasvipur yfir slíkum aðförum og
nöturlegt að fólk skuli ekki geta
gengið að leiðum vísum sem jarðað
hefur verið í á þessari öld. Burt séð
frá allri tilfínningasemi þá ætti frá
sögulegu sjónarmiði fremur að hlúa
að slíkum minjum en jafna þær við
jörðu. Það ætti fremur að kapp-
kosta að merkja leiði heldur en afmá
tilvist þeirra. Við íslendingar eigum
nóg landrými til þess að bæta við
grafstæðum þegar fullgrafið er í
kirkjugarða.
VZterkur og
k./ hagkvæmur
auglýsingamidill!
fMiOTjpmMafojfo
■ SÉRHÆFT
Skrifstofutækninám
■I HNITMIÐAÐRA
■i ÓDÝRARA
B VANDAÐRA
STYTTRI NÁMSTÍMI
KENNSLUGREINAR:
- Windows gluggakerfi
- Word ritvinnsla íyrir Windows
- Excel töflureiknir
- Áætlanagerð - Tölvufjarskipti
- Umbrotstækni
- Teikning og auglýsingar
- Bókfærsla o.fl.
Verð á námskeið
er 4.956,-krónur á mánuði!*
Sérhæfð skrifstofutækni er markvisst nám fyrir alla,
þar sem sérstök áhersla er lögð á notkun tölva i atvinnulífinu.
Nýjar veglegar bækur fylgja með náminu.
Engrar undirbúningsmenntunar er krafist.
Innritun fyrir haustönn er hafin. Hringdu og fáðu
sendan bækling eða kíktu til okkar í kaffi.
[ Tölvuskóli Reykiavíkur
If.v.v.v.v.vj B BORGARTÚNI 28. 105 REYKJAUÍK. sími 616699. fax 616696
•Skuldabréf í 20 mán. (19 afborganir), vextir eru ekki innifaldir.