Morgunblaðið - 15.08.1993, Blaðsíða 16
16 B
MORGUNBLAÐIÐ SUNNUDAGUR 15. ÁGÚST 1993
Undirbúningur
upptöku; Þor-
steinn Jónsson
ræðir við lið sitt
umnæstaskot.
SKÝJAHÖLLIN
ÍHÚNA VERI
eftir Arnald Indriðason
KVIKMYNDAHÓPUR Þor-
steins Jónssonar var staddur í
Húnaveri um síðustu helgi við
upptökur á barna- o g fjöl-
skyldumyndinni Skýjahöllinni
eftir sögu Guðmundar Ólafs-
sonar, Emil og Skunda. Hópur-
inn var þá nýkominn frá Ólafs-
firði sem er sögusvið myndar-
innar. Þar var sett á svið óveð-
ur með hjálp slökkviliðsins á
staðnum en verkefnið þessa
helgi var að setja á svið útihá-
tíð, einskonar verslunarmanna-
helgi, I Húnaveri með hjálp leik-
félagsins á Blönduósi. Og í einu
atriðinu henti Emil, sem Kári
Gunnarsson leikur, sér í Svart-
ána á eftir hvolpinum Skunda
besta vini sínum. „Það var allt
í lagi,“ sagði Kári í samtali við
Morgunblaðið. „Þeir voru með
hitara á bakkanum.“
Þorsteinn /ar ánægður
með framvindu mála.
Afköstin höfðu verið
góð. Erfíðir tökudagar
voru að baki og mynd-
in var á áætlun og
gott betur. Þeir höfðu
verið mjög heppnir með veður,
fengið ýmist dumbung eða sólskin
þegar þeir þurftu á því að halda.
„Veðurguðirnir hafa verið okkur
mjög hliðhollir," sagði Þorsteinn.
„Kuldinn sést ekki á mynd.“
Hann vildi byrja tökur úti á
landi til að ná sumarbirtunni en
brátt fer hópurinn í upptökuver í
Reykjavík þar sem leikmyndir
hafa verið smíðaðar fyrir innitök-
umar. Með aðalhlutverkin í mynd-
inni auk Kára fara Guðrún Gísla-
dóttir og Hjalti Rögnvaldsson sem
Ieika foreldra Emils, Ólafía Hrönn
Jónsdóttir (Inga), Sigurður Sigur-
jónsson (Álfur), Steindór Hjörleifs-
son (afi), Jón Júlíusson (ferðamað-
ur), Gísli Halldórsson (Jósi), Rób-
ert Amfínnsson (forstjóri), Flosi
Ólafsson (verkstjóri) og Ámi
Tryggvasson (bóndi). Kvikmynda-
tökumaður er Sigurður Sverrir
Útihátíðarstemmning í Húnaveri; Sigurður vekur for-
vitni hvolpsins.
Einn á útihátíð; Kári Gunnarsson kannar að-
stæður í Húnaveri.
Tökur standa nú
yfir á barna- og
fjölskyldumynd-
inni Skýjahöll-
inni norður í
landi undir leik-
stjórn Þorsteins
Jónssonar
Stund milli stríða; Þorsteinn, Kári og Sigurður taka sér hvíld.
Mýkri og rólegri mynd; Sigurður Sverrir veltir skotinu fyrir sér.
Pálsson, um framkvæmda- og
fjármálastjóm sjá Hlynur Óskars-
son ,og Martin Schliiter, Sigurður
Sigurðsson sér um hljóðupptöku,
Geir Óttarr Geirsson um búninga
og Erla Óskarsdóttir er leik-
myndahönnuður.
Fyrirtækið Gulifingur (engin
tengsl við James Bond) sér um
framleiðslu myndarinnar hér á
landi en á bak við það stendur
fyrirtæki Þorsteins, Kvikmynd,
sem áður gerði Punktur, punktur,
komma, strik og Atómstöðina.
Aætlaður kostnaður við gerð
myndarinnar er 105 milljónir og
er stefnt að frumsýningu næsta
haust. Myndin er fjármögnuð með
styrkjum úr meðal annars Kvik-
myndasjóði íslands og Kvik-
myndasjóði Evrópu og af Trans-
Film í Berlín og Per Holst Film í
Danmörku sem stóð að baki ósk-
arsverðlaunamyndarinnar Pella
sigursæla. Handritið var valið úr
15 umsóknum í samkeppni Kvik-
myndasjóðs um norrænt barna-
verkefni og sagði Þorsteinn það
hafa fengið mjög góðar viðtökur
erlendis.
Skýjahöllin er fyrsta bíómynd
Þorsteins í níu ár eða frá því Atóm-
stöðin var frumsýnd en Þorsteini
finnst eins og hann hafí verið að
hætta við Atómstöðina í gær. „Ég
hef engu gleymt. Helsta breyting-
in sem orðið hefur á þessum tíma
er að nú er miklu meira af fag-
fólki sem vinnur við kvikmynda-
gerðina sem hefur mikla reynslu.
Það vinnur við þetta eins og hvert
annað fag. Þetta er ekki íhlaupa-
vinna. Þetta er fólk með nokkrar
myndir að baki og þetta er gott
lið sem vinnur mjög vel.“
Vinnudagurinn hefst fyrir sjö á
morgnana en tökur hefjast klukk-
an átta. Unnið er í tíu tíma á dag
en það getur farið í 15 tíma í löng-
um og erfiðum atriðum. Allt krefst
þetta mikils skipulags 17 manna
hópsins sem stendur að baki vélar-
innar og þarf að sjá um að allt sé
á sínum stað á sínum tíma hvort
sem það er mjólkurbrúsi eða mink-
ur. Alls koma um 150 manns fram
í myndinni.
„Það sem vakir fyrir mér,“ sagði
Þorsteinn, „er að fá sem flesta inn
á bíó aftur. Þetta er mynd fyrir
alla fjölskylduna. Hún er fyrir fólk
sem vill sjá mynd um tilfínningar
venjulegs fólks. Þetta er spenn-
andi saga og dramatísk. Ég veit
að það er hungur eftir myndum
af þessu tagi. Áhorfendur vilja
ekki lengur þessar ofbeldismyndir.
Þetta er saga uni átta ára strák
sem lendir uppá kant við foreldra
sína. Báðir hafa nokkuð til síns
máls en það endar með því að
drengurinn strýkur að heiman með
litlum hvolpi."
Þegar kvikmyndaliðið er statt í
Húnaveri er Emil strokinn að
heiman og staddur á útidansleik á
staðnum að hitta Álf, kunningja
sinn sem Sigurður Siguijónsson
leikur. Hann finnur vin sinn
dauðadrukkinn, týnir hvolpnum,
eltir hann út í á og lendir í miklum
hrakningum. Kári Gunnarsson
segir það bæði gaman og erfitt
að leika Emil. Hann er tíu ára
nemandi í Víðistaðarskóla í Hafn-
arfírði og sá auglýst eftir strák í
hlutverkið í Morgunblaðinu. „Ég
hringdi í Þorstein,“ sagði Emil, „og
hann kom í skólann minn og tók
myndir af öllum í bekknum en
valdi mig úr mínum bekk. Ég bjóst
ekkert við að fá hlutverkið. Mér
skilst að hann hafí farið í alla
skóla í Reykjavík en ég var valinn
á endanum." Kári sagðist hafa
lesið bókina um Emil og Skunda
tvisvar og sagði Emil ákveðinn
pilt og segir það lýsa honum vel
þegar hann stekkur út í ána á
eftir hvolpinum sínum. „Nei“,
sagði Kári, „það er ekkert erfítt
að muna textann. Það er oftast
ekki mikið sem þarf að læra.“
Þegar Þorsteinn var spurður að
því að hvaða leyti bíómyndin verð-
ur öðruvísi en saga Guðmundar
Ólafssonar svaraði hann:„Ég bæti
talsvert við hlut Ólafsfjarðar og
sveitarinnar og geri hann sterk-
ari. Og ég geri allt stærra; drama-
tískara og hættulegra. Ég skýri
söguna til að gera hana einfaldari
og bæti inni nokkrum atriðum til
að auka spennuna. Stíllinn er
þannig að þeir fullorðnu eru eldri
en þeir eiga að vera, litla gatan
er stærðar borg. Frásögnin á að
vera sem næst upplifun end-
urminninga þar sem öll smáatriði
hafa þurrkast út. Litaskalinn er
takmarkaður. Það eru aðeins
ákveðnir litir sem við vinnum með
og aðrir litir eru aðeins inni í
myndinni í ákveðnum tilgangi;
rauður er aðeins notaður sem að-
vörun til dæmis. Þetta gengur í
gegnum alla þætti myndarinnar,