Morgunblaðið - 15.08.1993, Blaðsíða 17

búninga, leikmynd og kvikmynda-
töku. Við erum ekki aðeins að
segja sögu heldur að skapa heim,
myndheim.“
Og áfram hélt Þorsteinn:„Þetta
er græn mynd. Umhverfísvæn.
| Hún er svolítið um mikilvægi nátt-
úrunnar og tengsla við dýrin.
Myndin er ekki hugsuð með ein-
I hvern ákveðinn boðskap í huga
heldur sém skemmtileg saga en
þó geta flestir séð að hún hvefyr
I til meiri tengsla við náttúruna.
Þetta er fyrst og fremst saga um
tilfínningar þessa fólks sem lendir
í andstöðu hvert við annað án
þess að einhver sé vondur. Dreng-
inn langar í hvolp en foreldrarnir
vilja ekki fá hund í húsið. Dreng-
urinn þarf að velja. Ef hann hlýð-
ir foreldrum sínum þá svíkur hann
hvolpinn og þá svíkur hann líka
afa sinn því hvolpurinn virkar á
drenginn sem arftaki gamla
Skunda afa hans.“
Kvikmyndatökur standa yfir til
16. október og sagði Hlynur Ósk-
arsson annar af framkvæmda- og
fjármálastjórum myndarinnar það
I óvenju langan tökutíma en þannig
væru tökudagarnir þægilegri því
ekki má gleyma að aðalhlutverkið
I er í höndum tíu ára drengs.„Við
eigum fullt í fangi með að muna
það en við vinnum helst ekki meira
( en tíu tíma á dag og okkur hefur
tekist nokkurn veginn að halda í
þá reglu. Við höfðum lítinn aðlög-
unartíma en hér er valinn maður
í hveiju rúmi og okkur hefur verið
tekið sérstaklega vel þar sem við
höfum komið. Við lögðum áherslu
á að allur aðbúnaður og fæði og
aðstaða yrði eins og best yrði á
kosið og okkur fínnst það skila sér
í betri vinnu og betri vinnuanda,"
sagði Hlynur.
Skýjahöllin er sjöunda bíómynd-
in sem Sigurður Sverrir Pálsson
kvikmyndatökumaður myndar en
síðast vann hann við Sódómu
Reykjavík, sem var sannarlega
mjög ólík þessari. „Hér er allt
annar taktur," sagði Sigurður
( Sverrir. „Sódóma var hrá og hröð
en þessi er mjúk og róleg og miklu
agaðri mynd. Einn af stóru höfuð-
I verkjunum hjá mér er að ná hvolp-
inum á mynd þar sem hann á að
vera. Við erum með þunga og
stóra 35 mm vél, Moviecam
Compact, og það vinnur alveg
gegn hvolpinum.“
Til er nokkuð á kvikmyndatöku-
máli sem heitir „dag fyrir nótt“
og þýðir að degi er breytt í nótt
í kvikmyndatökunni svo hægt er
að taka næturatriði yfir hábjartan
daginn. Sigurður Sverrir sagði að
hann hefði ekki lent í því áður að
þurfa að nota daginn fyrir sumar-
nóttina eins og gerðist í Húnaveri
en kvöldin eru orðin svo stutt að
ekki var um annað að ræða. „Ég
| hugsa að ég sé ekki búinn að bíta
úr nálinni með það,“ sagði Sigurð-
ur Sverrir og bætti því við að að-
I staða íslenskra kvikmyndagerðar-
manna hefði alltaf verið þannig
að þeir hafi aldrei getað séð upp-
I tökumar fyrr en mörgum dögum
eða jafnvel vikum eftir að þær
hafa verið gerðar og hann hafi
ekki séð neina töku enn. „Við
ættum allir að vera komnir með
magasár af biðinni."
Hann tók undir orð Þorsteins
um að helsta breytingin frá því
fyrstu íslensku bíómyndirnar voru
gerðar sé sú að nú sé komið til
starfa „pottþétt lið í kringum
mann sem er til aðstoðar. Nú er
í fyrsta sinn sem ég fínn gegnum
gangandi atvinnumennsku og
áhuga. Þetta hefur verið að smá-
þróast en er núna orðið gegnheilt."
Dagur var kominn að kveldi þar
sem kvikmyndatökuliðið var sam-
ankomið á Hótel Blönduósi. Á
( morgun kæmi nýr dagur með nýj-
um tökum og vandamálum sem
þurfti að leysa. Kári Gunnarsson
I tekur því öllu með stóískri ró eftir
volkið í ánni.„Á morgun á að taka
eitthvað með minki sem á að ráð-
ast á mig,“ sagði hann og brá
hvergi. „
MORGUNBLAÐIÐ SUNNUDAGUR 15. ÁGÚST 1993
B 17
Útimarkaður á Dalvík fimmta sumarið í röð
Frystíhúsplauið tek-
ur stakkaskiptum
Norðlensk vætutíð andstæð starfseminni
^ Dalvík.
ÚTIMARKAÐUR var haldinn á Dalvík um helgina en þetta
var í fjórða sinn í sumar sem hann er haldinn. Kulda- og
vætutíðin sem verið hefur á Norðurlandi í ár hefur verið
fremur andstæð slíkri starfsemi. Þrátt fyrir það er ávallt líf-
légt við sölustaðina og lífgar upp á bæjarlífið.
Útimarkaður hefur verið starf-
ræktur á Dalvík í fimm sumur.
Söluaðilar koma víða að þó flestir
séu þeir frá Dalvík. Vöruúrval er
fjölbreytt, matvara, minjagripir og
fatnaður, vörur sem einkum eru
framleiddar í tómstundum í heima-
húsum.
I skjóli fyrir norðanátt
Markaðurinn var á planinu við
Frystihúsið á Dalvík en svæðið
umhverfis það hefur tekið miklum
stakkaskiptum á undanförnum
árum. Búið er að malbika í kring
og setja niður blóm og trjágróður
í steypt ker og koma fyrir lýsingu,
þó hennar sé ekki þörf yfir hásum-
arið. Allt umhverfið er hið þrifa-
legasta og hentar vel fyrir starf-
semi eins og útimarkað á sumrum
þar sem gott skjól fyrir norðanátt
myndast af húsbyggingum.
Unrnæstu helgi verður markað-
urinn haldinn í fímmta og síðasta
sinn á þessu sumri. Að sögn Ólafs
Árnasonar forstöðumanns mark-
aðarins var mikið um ferðamenn
að þessu sinni sem komu að skoða
vöruúrvalið og versla en lítið hefur
verið um þá til þessa á Dalvík
miðað við undanfarin ár. Víst er
að þeir sem í ferðaþjónustu standa
kætast ef ferðamönnum íjölgar á
staðnum.
- Fréttaritari
HÚSGÖGN
FYRIRHAGSÝNA
Úrval fataskápa.
Verðfrá kr. 10.600.
Kommóðurfrá kr. 4.900.
Skrifborð frá kr. 5.900.
Ennfremur bókahillur kr. 2.900,
hillusamstæður kr. 29.900
og margt fleira á ótrúlegu verði.
Sendum f póstkröfu.
Lyngási 10, sími 654535.
Opið virka daga frá kl. 12-17.
TILBOÐ
ÓSKAST
í Chevrolet Corsica LTZ, árgerð ’90
(ekinn 40 þús. mílur), Ford Bronco IIXLT
4x4, árgerð ’89 og aðrar bifreiðar,
er verða sýndar á Grensásvegi 9
þriðjudaginn 17. ágúst kl. 12-15.
Tilboðin verða opnuð á sama stað kl. 16.
SALA VARNARLIÐSEIGNA
fWgtgroiftliiftifr
Metsölublad á hveijum degi!
Tjöld, bakpok
ar, svefnpokar,
sólstólar og borö, gönguskór,
dýnur, fatnaöur o. m. fl.
SEGLAGERÐIN