Morgunblaðið - 02.11.1993, Blaðsíða 2
2
MORGUNBLAÐIÐ ÞRIÐJUDAGUR 2. NÓVEMBER 1993
Ríkisstjórnin ræðir í dag við banka og lífeyrissjóði um vexti og ríkisbréf
Lífeyrissjóðir krafðir svara
um hvort þeir hyggist kaupa
Seðlabankinn lækkaði ávöxtunarkröfu sína um 1% í gær
RÁÐHERRAR úr ríkisstjórn Dav-
íðs Oddssonar munu í dag eiga
viðræður við fulltrúa viðskipta-
banka og lífeyrissjóða, til þess að
fylgja eftir þeirri vaxtalækkun
sem orðið hefur á ríkisbréfum
undanfarna daga. Samkvæmt
upplýsingum Morgunblaðsins
verða lífeyrissjóðirnir krafðir
svara um hvort þeir hyggist
kaupa ríkisbréf með þeirri ávöxt-
un sem Seðlabankinn býður nú
upp á. Mun ríkisstjórnin vilja fá
afdráttarlaus svör, þar sem ætl-
unin .er að undirbúa Iántöku er-
lendis, verði svör lífeyrissjóðanna
neikvæð. Seðlabanki íslands til-
kynnti við opnun verðbréfamark-
aða í gærmorgun að hann hefði
lækkað ávöxtunarkröfu sína við
sölu ríkisbréfa á eftirmarkaði um
0,8%. Sú lækkun er til viðbótar
0,15% lækkun sem varð strax á
föstudag eftir að ríkissljórnin til-
kynnti um ákvörðun sína. Á há-
degi í gær var krafan aftur lækk-
uð um p,2%, en þá höfðu að sögn
Birgis Isleifs Gunnarssonar seðla-
bankastjóra selst ríkisbréf fyrir
um 100 milljónir króna. Samtals
hefur ákvöxtunarkrafa Seðla-
bankans því lækkað um 1,15% frá
því á föstudag.
Við þessa lækkun hefur ávöxtun-
arkrafa bankans á Verðbréfaþinginu
lækkað úr 6,25%-6,75% í 5,25%-
5,75% Seðiabankinn lækkaði 21.
október sl. vexti í endurkaupavið-
skiptum sínum við banka og spari-
sjóði um 1% til 1,5% og í gærmorg-
un voru þeir vextir lækkaðir um 0,5%
að auki. Þar með er það mat Seðla-
bankans að vextir Seðlabankans séu
orðnir ívið lægri en sambærilegir
vextir á Norðurlöndum og hafi lækk-
að á ríkisvíxlum úr 7% í 6,5% og á
öðrum ríkistryggðum bréfum úr 8%
í 7,5%.
Seðlabankinn leggur til
lagabreytingu
Seðlabankinn hefur þar að auki
ákveðið að rýmka reglur um lausa-
fjárskuldbindingu banka, þannig að
allar ríkisskuldbindingar, allt að tólf
mánuðum, er bönkunum nú heimilt
að telja með lausu fé, en hingað til
hefur aðeins verið heimilt að telja
ríkisvíxla til 90 daga til lausafjár.
Þetta eru fyrstu viðbrögð Seðla-
banka við erindi ríkisstjómarinnar
um Iækkun á vöxtum og rýmkun á
lausafjárstöðu.
í undirbúningi er nú röðun útboða
hjá Seðlabankanum og verið er að
ganga frá reglum um aukna fyrir-
greiðslu við viðskiptavaka á verð-
bréfamarkaði. Seðlabankinn hefur
þegar hafið viðræður við verðbréfa-
fyrirtæki um húsbréfamarkaðinn,
hvemig hægt er að gera hann að-
gengilegri og sýnilegri, að sögn Sig-
hvatar Björgvinssonar viðskiptaráð-
herra. Sighvatur segir að Seðlabank-
inn leggi til við ríkisstjórnina að hún
hlutist til um lagabreytingar, þannig
að fjárfestingalánasjóðirnir öðlist
aðild að millibankamarkaði.
Sighvatur sagði í samtali við
Morgunblaðfð í gær að hann og
Davíð Oddsson forsætisráðherra
myndu í dag eiga viðræður við við-
skiptabankana um framhaldið.
„Þessi lækkun Seðlabankans á
ávöxtunarkröfu sinni við sölu ríkis-
bréfa á eftirmarkaði er mjög í sam-
ræmi við það sem ríkisstjórnin gerði
sér í hugarlund. Seðlabankinn segir
í bréfi sínu til okkar að svo muni
hann halda áfram vax'talækkun sinni
eftir því sem tilefni gefist til,“ sagði
Sighvatur, „þannig að það er ekki
bara 7%-múrinn sem nú er rofinn,
heldur 6%-múrinn líka.“
Jólasveinn í
búðarglugga
JÓLASVEINNINN er kominn
í bæinn. Hann hefur aðsetur í
glugga verslunar Islensks
heimilisiðnaðar í Hafnarstræti
3 eins og sést á þessari mynd
sem tekin var af honum í gær.
Nauðgarinn
ófundinn
LEIT Rannsóknarlögreglu
ríkisins að manninum sem
nauðgaði 16 ára stúlku við hús
Landvéla við Skemmuveg að-
faranótt laugardagsins hafði
ekki borið árangur í gær.
Lögreglunni höfðu borist ýmsar
vísbendingar frá almenningi eftir
að lýsing stúlkunnar á manninum
birtist í fjölmiðlum og er verið að
vínna úr þeim upplýsingum, að
sögn lögreglunnar.
Eins og fram kom í Morgun-
blaðinu á sunnudag taldi stúlkan
að maðurinn hefði verið á að giska
17-18 ára, um 175 cm á hæð,
klæddur í svartar gallabuxur,
svartan taujakka og brúna skó.
Hann var með bláa derhúfu með
áletruninni VIKING gulum stöf-
um.
Morgunblaðið/RAX
Undirgöng undir Reykjanesbraut
UMFERÐ verður í næstu viku hleypt á Reykjanesbraut; þar sem nú er unnið að gerð undirganga við
íþróttasvæði Hauka í Hafnarfirði. Ef veður leyfir verður framkvæmdum við undirgöngin lokið og þau
tekin í notkun í desember, að sögn Péturs Ingólfssonar verkfræðings hjá Verkfræðistofu Stefáns Olafs-
sonar sem hefur eftirlit með verkinu. Undirgöngin eru samstarfsverkefni Vegagerðar ríkisins og Hafn-
arfjarðarbæjar. Verktakar eru ístak sem byggði brúna og J.V.J. verktakar sem sjá um vegagerðina.
Samdráttur í mjólkurframleiðslu norðanlands
Sex manns sagt upp hja
Mj’ólkursamlagi KEA
SEX starfsmenn Mjólkursamlags
KEA fengu uppsagnarbréf um
mánaðamótin, vegna verulegs
samdráttar í mjólkurframleiðslu
fyrir norðan.
„Almennur samdráttur og mun
minni mjólkurframleiðsla er ástæða
þess að við ákváðum að losa um
ráðningu sex starfsmanna," sagði
Þórarinn E. Sveinsson mjólkursam-
lagsstjóri. Hann sagði slæmt tíðar-
far í sumar og léleg hey valda því
að nytin í norðlenskum kúm hefði
hrunið. Þá hefði þurft að flytja tals-
vert af óunninni mjólk suður vegna
tilkomu fjörmjólkurinnar.
Þórarinn sagði uppsagnimar
vera varúðarráðstöfun, ep kvaðst
vona að úr rættist með mjólkur-
framleiðslu svo starfsmennirnir
yrðu ekki að hætta störfum. „Það
er búið að keyra mjólkurframleiðsl-
una allt of langt niður, það er ekki
lengur borð fyrir báru, ef eitthvað
kemur upp á,“ sagði Þórarinn. Hann
kvaðst óttast að ef ekki rættist úr
með mjólkina færi að skorta ost
þegar líður á veturinn.
í dag
Fyrstu Permaform-íbúöirnar
ArmannsfeU hf. afhendir eigendum
fyrstu sex Permaform-íbúðirnar 21
Karpov meistari
Anatolíj Karpov sigraði Jan Timm-
an í heimsmeistaraeinvígi FIDE og
endurheimti þar með heimsmeist-
aratitilinn í skák 22
/Vý fjármálaþjónusta___________
Búnaðarbankinn býður einstakl-
ingum nýja fjármálaþjónustu 28
Leiðari
Morgunblaðið 80 ára 24
íþróttir
► Andri Marteinsson með til-
boð frá Lyn. Tutschkin meidd-
ist og FH-ingar eygja von í
Evrópukeppninni. Haukar
efstir í handboltanum.
Morgunblaðið á tvo jafnaldra sem fagna tímamótum
Hafa báðir lesið blaðið að
staðaldri frá unga aldri
TVEIR núlifandi íslendingar eru
fæddir 2. nóvember 1913 og eiga
því áttræðisafmæli í dag, eins og
Morgunblaðið sem fyrst kom út
þennan dag fyrir áttatíu árum.
Þetta eru Valgarður Klemensson
sjómaður í Reykjavík og Anna
Markúsdóttir húsfreyja í Vestur-
holtum í Þykkvabæ. Þau hafa
bæði lesið Morgunblaðið að stað-
aldri frá unga aldri.
Valgarður er borinn og barn-
fæddur Reykvíkingur og var sjó-
maður á togurum meginhluta starf-
sævinnar. Hann byrjaði fimmtán
ára gamall sem hjálparkokkur á
togaranum Hilmi. Síðan var hann
háseti og stöku sinnum bátsmaður
á ýmsum togurum. „Þetta var það
besta sem hægt var að komast í á
þessum árum,“ sagði Valgarður í
gær. Hann fór í land fyrir um tutt-
ugu árum og vann eftir það í flski
og fleiru.
„Maður les Morgunblaðið alltaf
og hefur gert iengi. Þetta er blað
sem slegið hefur í gegn,“ sagði
Valgarður. Hann man eftir blaðinu
sem bam eða unglingur. „Maður
reyndi að ná í öll blöðin sem komu
út. Dagblöðin voru mikið lesin um
borð í togurunum. Það var ekki
fyrr en undir miðjan þann tíma sem
ég var á sjónum að það fóru að
koma bókasöfn og þess háttar lesn-
ing um borð. Það var skínandi gott
Anna Markúsdóttir.
að grípa í þetta þegar tími gafst,“
sagði hann.
Anna Markúsdóttir er fædd í
Dísukoti í Þykkvabæ og er því
Þykkvabæingur í húð og hár. Hún
og Ólafur Guðjónsson maður henn-
ar voru með blandaðan búskap í
Vesturholtum og eru enn með
fáeinar kindur í félagi við son sinn.
Anna segist alltaf hafa haft nóg
fyrir stafni. Hún eignaðist níu börn
og á alls 54 afkomendur. Þá hafi
vinnan við búskapinn gengið fyrir
öllu, allt hafi verið miklu erfíðara
Valgarður Klemensson.
áður fyrr miðað við þægindin nú
til dags. „Mér hefur liðið vel og
alltaf haft nóg að gera, lífið hefur
verið ljómandi gott við mig og þeg-
ar lundin er létt gengur allt rniklu
betur,“ sagði Anna í gær.
Anna hefur lesið Morgunblaðið
frá því hún var ung að árum og
fylgist vel með fréttum. „Mér fínnst
blaðið ágætt. Það mætti kannski
koma með meiri fréttir úr sveitum
landsins. Ég les mikið af alls konar
greinum í blaðinu og svo auðvitað
minningargreinamar," sagði hún.