Morgunblaðið - 10.11.1993, Blaðsíða 20

20
MORGUNBLAÐIÐ MIÐVIKUDAGUR 10. NÓVEMBER 1993
Leita sann-
ana fyrir
íkveikju
THOMAS Lee Larsen, sem áður
hefur verið dæmdur fyrir að mis-
þyrma börnum kynferðislega, var
ákærður í fyrradag í Los Angeles
fyrir að hóta að koma af stað skóg-
areldum. Enn hefur þó ekki tekist
að sanna, að hann hafi átt sök á
skógareldunum, sem eyddu meira
en 1.000 íbúðarhúsum og ollu dauða
þriggja manna á síðustu tveimur
vikum. Larsen hefur áður verið
handtekinn fyrir íkveikju og lög-
reglan telur engan vafa leika á, að
hann sé sá, sem skrifaði tugi bréfa
í ágúst sl. og hótaði og koma af
stað miklum eldum til að ,jafna
sakirnar" við yfirvöldin.
Alnæmissýkt
blóð finnst
VIÐ rannsókn á birgðageymslum
þýska fyrirtækisins UB Plasma
hafa fundist tveir pokar eða hylki
með alnæmissýktu blóði. Var þá
búið að rannsaka 2.000 af 25.000
pokum en talið er, að fyrirtækið
hafi í heilan áratug selt óskimað
blóð til meira en 80 sjúkrahúsa og
annarra stofnana. Hefur það valdið
skelfíngu meðal milljóna Þjóðveija,
sem óttast, að þeir kunni að hafa
smitast við blóðgjöf.
Díana ætlar
í mál
DÍANA prinsessa af Wales fékk í
gær sett lögbann á birtingu fleiri
mynda, sem teknar voru af henni
á laun í heilsuræktarstöð í London,
og hún ákvað einnig að höfða mál
á hendur Mirror-útgáfunni og eig:
anda heilsuræktarstöðvarinnar. í
mörg ár hafa ýmsir fjölmiðlar virt
friðhelgi einkalífs prinsessunnar og
annarra í konungsfjölskyldunni lít-
ils en sagt er, að nú hafi Díönu
verið nóg boðið. Aðrir fjölmiðlar
harma myndbirtinguna og segja,
að hún hafi aukið hættu á, að frelsi
fjölmiðla verði takmarkað.
Þingdeild sam-
þykkir styttri
vinnuviku
ÖLDUNGADEILD franska þings-
ins hefur samþykkt frumvarp sem
heimilar fyrirtækjum að minnka
vinnuvikuna niður í 32 klukku-
stundir til að stemma stigu við at-
vinnuleysi. Gert er ráð fyrir að laun-
in lækki eitthvað á móti. Neðri
málstofan á eftir að samþykkja
frumvarpið.
Winnie Mandela
snýr aftur
WINNIE Mandela, fyrrverandi eig-
inkona blökkumannaleiðtogans
Nelsons Mandela, hefur verið kjörin
í framkvæmdastjórn deildar innan
Afríska þjóðarráðsins (ANC).
Winnie Mandela nýtur enn mikilla
vinsælda meðal herskárra ung-
menna í ANC, þótt forysta hreyf-
ingarinnar sé lítt Hrifin af málflutn-
ingi hennar.
Listaverkaþjófnaðurinn úr Nútímalistasafninu í Stokkhólmi
Leynilögreglan varaði við
yfirvofandi listaverkaráni
„RÁNIÐ ómögulega" kölluðu sænskir fjölmiðar listaverkaþjófnaðinn
úr Nútímasafninu á Skeppsholmen í Stokkhólmi um helgina en þá
höfðu bíræfnir þjófar sex verk eftir Pablo Picasso og tvö eftir Georg-
es Braque, á brott með sér. Er þetta einn af mestu listaverkaþjófnuð-
um sögunnar. Um þrjár vikur eru síðan sænska leynilögreglan varaði
forstöðumenn listasafna við því að við að stór listaverkaþjófnaður
væri yfirvofandi. Var gæsla m.a. aukin í kringum Nýlistasafnið.
Reutcr
Mótmæla
skógarhöggi
GRÆNFRIÐUNGAR mótmæltu
skógarhöggi í fornskógi í Clayogu-
otsundi í Kanada við sendiráð
Kanadamanna í Vínarborg í gær.
Drógu þeir tijábol að byggingunni
og söguðu hann niður.
Höggmynd Picassos, „Handlegg-
ur“ vísaði á mánudagsmorgun að
því er virðist ásakandi á gatið í þaki
listasafnsins en þjófunum tókst ekki
að fjarlægja verkið. Forstöðumaður
safnsins, Björn Springfeldt, og yfir-
maður öryggismála voru miður sín
er þeir ræddu við blaðamenn. Kváð-
ust þeir vera með tárin í augunum
vegna málsins.
Verður krafist lausnargjalds?
Verkin sem stolið var eru vel
þekkt og segir safnstjórinn illmögu-
legt að selja þau. Því hefur komið
fram sú tilgáta að verkunum hafi
verið stolið að beiðni auðugs lista-
verkasafnara. Ekki leggja þó allir
trúnað á þá tilgátu, til dæmis ekki
forstöðumaður safnsins. Þá kemur
til greina að um svokallað listrán sé
að ræða, að krafist verði lausnar-
gjalds fyrir verkin. Ræða sum
sænsku blaðanna, m.a. Expressen
um „alþjóðlega listamafíu" og telja
að krafist verði allt að 500 milljóna
kr. ísl. fyrir verkin. Þau voru
ótryggð, í Svíþjóð tíðkast ekki að
tryggja verk ríkissafna nema þegar
þau fara út fyrir veggi safnanna.
Nýlistasafnið er til húsa í byggingu
frá síðustu öld og stóðst salurinn
ekki öryggiskröfur. Höfðu örygg-
isverðir veitt athygli dularfullum bíl-
ferðum nærri safninu og að nokkrir
menn höfðu sýnt útgönguleiðum
safnsins óeðlilega mikinn áhuga.
Vegna mikils kostnaðar við öryggis-
gæslu ákvað safnstjómin að láta
nægja að bæta við einum öryggis-
verði er viðvaranir bárust um að lista-
verkaþjófnaður væri yfirvofandi.
Engu að síður tókst þjófunum að
komast upp á þak safnsins, gera á
það gat litlu breiðara en stærsta
verkið og hífa verkin upp, koma
þeim niður af þakinu og út í bíl, á
tuttugu mínútum. Hvorki öryggis-
vörður né hundur hans urðu nokkurs
varir og þjófavarnarkerfi safnsins
fór ekki í gang, þar sem þjófunum
tókst að taka það úr sambandi. Einu
ummerkin sem þjófarnir skildu eftir
sig eru gatið í þakinu og fótspor á
veggjum salarins þar sem þeir hafa
spyrnt sér í er þeir sigu niður og upp.
Skipveijum bjargað við Hjaltland
SEXTÍU manna áhöfn lettnesks verksmiðjutogara, Lunokhud, bjargaðist í fyrrinótt er togarinn strandaði við
klettótta strönd eynnar Bressay á Hjaltlandi. Versta veður var á strandstað og tók rúmar þijár stundir að hífa
áhöfnina um borð í björgunarþyrlur sem urðu að athafna sig við mjög slæm skilyrði. Einn skipveijanna synti
til lands og komst lífs af. Talið var í gær að togarinn myndi liðast í sundur.
Jórdanía
• •
Ofgamenn
tapa fjórð-
ungi fylgis
Amman. Reuter.
FYLGI Islömsku fylkingarinnar,
flokks heittrúaðra múslima, dróst
saman um rúmlega fjórðung í
þingkosningum sem fram fóru í
Jórdaníu á mánudag. Fengu þeir
16 þingsæti af 80 en höfðu 22
sæti. Hussein Jórdaníukonungur
fagnaði í gær úrslitunum en Isl-
amska fylkingin er aðalandstæð-
ingur friðarsamninga við Israela.
Þingkosningarnar voru fyrstu
fjölflokka kosningar sem fram hafa
farið í Jórdaníu í 37 ár. Teljast flest-
ir þingmenn nú vera miðjumenn og
íhaldsmenn. Þá náði kona í fyrsta
sinn kjöri, Toujan al-Faisal. Kvaðst
hún vera yfir sig ánægð með úrslit-
in en viðurkenndi jafnframt að seta
hennar á þingi yrði ekki átakalaus.
Heittrúaðir múslimar hafa beint
spjótum sínum að henni og sagt
hana trúníðing en Faisal hefur með-
al annars barist gegn fjölkvæni og
ofbeldi innan hjónabands.
Clifton Wharton segir af sér sem aðstoðarutanríkisráðherra Bandaríkjanna
Fórnaiiamb vandræðafirangs
H'r. I. i .1 „ .1
Washington. Reuter.
CLIFTON Wharton, aðstoðarutanríkisráðherra Bandaríkjanna, sagði
af sér embætti í fyrradag. Er litið á afsögnina sem fyrstu afleiðing-
ar þeirrar gagnrýni og deilna, sem verið hafa um utanríkisstefnu
ríkisstjórnar Bills Clintons forseta. í afsagnarbréfi sínu segir Whar-
ton, að hann hafi margsinnis orðið fórnarlamb nafnlauss leka til fjöl-
miðla og því telji hann rétt að segja af sér fremur en að sætta sig við,
að áfram verði grafið undan sér og verkum sinum með þeim hætti.
Orðrómur hefur verið um yfirvof-
andi afsögn Whartons í nokkrar vik-
ur en yfirmaður hans, Warren Chri-
stopher utanríkisráðherra, og ríkis-
stjórnin hafa verið gagnrýnd harð-
lega fyrir klúður í afskiptum sínum
af Bosníu, Haítí og Sómalíu. Eftir
heimildum er samt haft, að afsögn
Whartons tengist minnst þessum
málum. Sagt er, að Christopher
hafí um nokkurt skeið talið sig þurfa
á öðrum manni að halda í embætti
aðstoðarutanríkisráðherra, ein-
hveijum, sem hefði meiri reynslu
en Wharton hafði lítið nærri utan-
ríkismálum komið.
Afsögn Whartons breytir litlu
Þótt Wharton hafí ekki verið álit-
inn sterkur embættismaður segjast
fréttaskýrendur ekki sjá, að brott-
hvarf hans verði til að breyta miklu
um utanríkisstefnu stjómarinnar.
Hún sé óákveðin og tvístígandi og
kannski aðallega vegna þess, að
Clinton virðist ekki hafa nægan
áhuga á henni. Þá hefur það líka
komið fram, að Wharton kom ekki
nærri mótun stefnunnar í málefnum
Bosníu, Haítí og Sómalíu.
Clinton forseti og Christopher
utanríkisráðherra lofuðu báðir
Wharton fyrir frammúrskarandi
starf en vangaveltur um eftirmann
hans em þegar komnar af stað.
Hafa verið nefndir til Thomas Pic-
kering, sendiherra Bandaríkjanna í
Rússlandi; Winston Lord, háttsettur
embættismaður í utanríkisráðuneyt-
inu; Don McHenry, fyrrverandi
sendiherra hjá Sameinuðu þjóðun-
um, og Michael Armacost, fyrrver-
andi sendiherra í Japan.
Wharton er blökkumaður og faðir
hans var fyrsti blökkumaðurinn,
sem náði langt innan bandarísku
utanríkisþjónustunnar og varð
sendiherra.
SILFIIRBÍJDM, KREVGliVMW, AUGLÝSIR
Vegna breytinga verður verslunin lokuð til 12. nóvember.
Opnum aftur 13. nóvember og- bjóðum alla viðskiptavini velkomna
í nýja og glæsilega Silfurbúð.
$Z> SILFURBÚÐIN Kringlunni, sími 689066.