Morgunblaðið - 13.11.1993, Blaðsíða 27

MORGUNBLAÐIÐ LAUGARDAGUR 13. NÓVEMBER 1993
27
Yfirlýsing leiðtoga rússneskra kommúnista
Segir ofríki Jeltsíns
ógna einkaframtaki
Moskvu. Reuter.
GENNADI Búrbúlís, einn af helstu ráðgjöfum Borís Jeltsíns Rúss-
landsforseta, hvatti í gær umbótasinna til að fylkja liði í komandi
þingkosningnm. Búrbúlís, sem er í flokknum Rússneskum valkosti,
sagði að landinu stafaði enn hætta af afturhaldsöflunum. „Þeir
hafa ekki gefist upp en hafa aðeins breytt um aðferðir“, sagði
hann. Gennadí Zjúganov, leiðtogi hins endurreista kommúnista-
flokks landsins, hvatti landsmenn til að fella stjórnarskrárdrög
forsetans í desember þar sem þau veittu honum allt of mikil völd
og græfu undan myndun einkaeignar.
Zjúganov minnti á að sam-
kvæmt drögunum fengi forsetinn
einn vald til að tilnefna menn í
embætti mikilvægustu dómara og
saksóknara. Þetta ofurvald forset-
ans gæti seinkað myndun raun-
verulegrar einkaeignar í landinu.
„Ég dreg í efa að upp rísi ný stétt
auðugra frumkvöðla eða eigna-
manna vegna þess að það er aldr-
ei hægt að vera fijáls, aldrei hægt
að treysta því að eignarréttur
manns sé tryggður þegar einn
maður tilnefnir alla þá sem skipa
dómstóla, gerðardóma og sak-
sóknaraembætti landsins", sagði
kommúnistaleiðtoginn.
Jeltsín gagnrýnir Gratsjov
Jeltsín forseti sagði í viðtali við
þýsku ARD-sjónvarpsstöðina í
gær að hann hefði verið búinn að
semja tilskipun um upplausn
þingsins löngu áður en hann hófst
loks handa 21. september sl. For-
setinn sagði þingleiðtogana hafa
ætlað að taka sig og fjölskyldu
sína af lífi ef uppreisnin heppnað-
ist. Hann sakaði Pavel Gratsjov
varnarmálaráðherra um að hafa
verið hikandi gagnvart uppreisn
þingmanna, með þessu staðfesti
forsetinn loks ummæli nokkurra
aðstoðarmanna sinna. „Mér fannst
að varnarmálaráðherrann ætti
sjálfur að hefjast handa [gegn
uppreisnarmönnum] en það gerði
hann ekki. Þess vegna varð ég að
gefa skipunina".
Jeltsín sagðist viðurkenna að
hann ætti erfitt með að taka gagn-
rýni en vísaði harðlega á bug sögu-
sögnum um mikinn drykkjuskap,
„Ég drekk aldrei svo mikið að ég
verði ölvaður“. Hann sagðist ekki
bera neina virðingu fyrir Míkhaíl
Gorbatsjov, hvorki sem manni né
stjórnmálaleiðtoga en hins vegar
virti hann mjög Margaret Thatc-
her, hún væri „töfrandi Járnfrú
með jámvilja“. Rússneski forset-
inn sagði að andófsmaðurinn og
friðarverðlaunahafinn Andrej Sak-
harov, sem lést 1989, væri fyrir-
mynd sín, hann hefði verið „heil-
steyptur og heiðarlegur maður“.
Aðild Norðmanna að Evrópubandalaginu
EB gagnrýnir hæga-
gang í viðræðunum
Kaupmannahöfn. Frá Sigrúnu Davíðsdóttur, fréttaritara Morgunblaðsins.
GRO Harlem Brundtland, forsætisráðherra Noregs, hefur látið
þau orð falla að sennilega geti Noregur ekki gengið í Evrópubanda-
lagið í ársbyijun 1995, eins og staðið hefur til, því ekki verði
hægt að kjósa um inngönguna fyrr en síðla næsta árs eða snemma
1995. Viðræður um aðildarsamninga ganga hægt og af hálfu Evr-
ópubandalagsins hefur seinagangur landanna fjögurra sem sækja
um aðild verið gagnrýndur.
Reuter
Páfi heim af sjúkrahúsi
JÓHANNES Páll II páfi yfirgefur Genelli-sjúkrahúsið í Róm í gær
ásamt líflækni sínum, Renato Buzzonetti (t.h.). Páfínn varð að eyða
nótt í sjúkrahúsinu eftir að hafa dottið og farið úr axlarlið. Talsmað-
ur Páfagarðs vísaði á bug orðrómi í ítölskum blöðum þess efnis að
ástæðan fyrir fallinu hefði verið að páfi væri sjúkur. Kirkjuhöfðing-
inn er 73 ára gamall og talsmaðurinn sagði að hann hefði þegar
byijað að sinna skyldustörfum sínum eftir heimkomuna. Hann mun
þó ekki taka á móti gestum næstu tvo dagana.
Hundruð bíða bana
í átökum á Srí Lanka
Colombo. Reuter.
ÓTTAST var í gær að allt að 400 stjórnarhermenn hefðu beðið bana
í harðri árás skæruliða úr röðum Tamíla á herstöð á Sri Lanka. 150
skæruliðar féllu í árásinni.
Þetta er harðasta árás sem
skæruliðarnir hafa gert og jafn-
framt mesti ósigur stjórnarhersins
frá því Tamílar hófu vopnaða bar-
áttu sína fyrir eigin heimalandi fyr-
ir tíu árum.
Árásin vakti spurningar um hvort
stjórnin ætti að halda áfram vægð-
arlausri baráttu sinni gegn skæru-
liðunum eða ganga til samningavið-
ræðna við þá. „Það liggur í augum
uppi að stjórnin getur ekki unnið
þetta stríð,“ sagði Harry Guna-
tillake, fyrrverandi yfirmaður flug-
hersins á Sri Lanka, sem er eyríki
í suðurhluta Asíu.
Þótt norska stjórnin hafi hingað
til stefnt að því að ganga í Evrópu-
bandalagið í ársbyijun 1995, eins
og Finnland, Svíþjóð og Austur-
ríki, lýsti Gro Harlem Brundtland
efasemdum sínum um að það
gæti gengið, þar sem ekki yrði
hægt að kjósa um aðildina fyrr
en eftir um ár eða síðar.
Samningum er ekki lokið en
Evrópubandalagið bent á að löndin
fjögur verði að gefa eftir einhveij-
ar sérkröfur sínar. Austurríki hef-
ur farið fram á undanþágur varð-
andi sumarbústaði og Norðurlönd-
in þijú vilja halda í áfengiseinka-
sölu sína. Hins vegar hafa löndin
fjögur fallist á meginatriði Ma-
astricht-samkomulagsins.
Ef það dregst að eitt eða fleiri
landanna fjögurra gangi í Evrópu-
bandalagið, lengir það not þeirra
af samningnum um Evrópska
efnahagssvæðið sem íslendingar
deila með þessum löndum.
Ný skoðanakönnun í Bandaríkjunum
Meirihlutinn andvíg-
ur NAFTA-samningi
Washington. Reuter.
SAMKVÆMT nýrri skoðanakönnun er meirihluti Bandaríkjamanna
enn andvígur Fríverslunarsáttmála Norður-Ameríku (NAFTA) þótt
helsti andstæðingur sáttmálans, Ross Perot, hafi þótt fara halloka
fyrir A1 Gore varaforseta í sjónvarpskappræðunum á þriðjudag.
í könnuninni sögðust 38% að-
spurðra vera fylgjandi NAFTA og
46% voni andvíg sáttmálanum.
Þegar þátttakendurnir voru spurð-
ir álits á Perot voru 34% jákvæð
í hans garð og 55% neikvæð. í
samskonar könnun fyrir mánuði
var niðurstaðan þveröfug - 54%
kunnu vel að meta Perot en 34%
ekki.
52% sögðust ánægð með
frammistöðu Bills Clintons forseta,
sem er þremur prósentustigum
minna en í samskonar könnun fyr-
ir þremur mánuðum.
Gengið verður til atkvæða um
NAFTA-sáttmálann í fulltrúadeild
Bandaríkjaþings á miðvikudag.
Clinton sagði á sunnudag að hann
þyrfti að fá 30 þingmenn í viðbót
til að snúast á sveif með sér til að
fá sáttmálann staðfestan. Forset-
inn kvaðst í gær vera að nálgast
það mark en vildi ekki skýra frá
því hversu marga hann hefði unnið
á sitt band.
/
25 ÁRA AFMÆLI
Blóma - og þurrskreytingasýning um helgina.
Blómvendirátilboði. Ný dúkasending.
BLÓMASTOFA FRIÐFINNS Suðurlandsbraut 10, sími 684499. I
________________________________________________/