Morgunblaðið - 23.11.1993, Qupperneq 4

4
MORGUNBLAÐIÐ ÞRIÐJUDAGUR 23. NÓVEMBER 1993
Tveir víetnamskir menn grunaðir um að hafa stungið tvo pilta með hnífi
Úrskurðaðir í varð-
hald til 1. desember
„ÞETTA hafði ekkert með kynþáttahatur að gera, ég hugsa ekki
svoleiðis og ég heyrði ekkert svoleiðis tal áður en þetta gerðist,"
sagði Hlynur Eiríksson, annar tveggja pilta sem meiddust eftir
að lagt var til þeirra með hnífi í Lækjargötu aðfaranótt sunnudags-
ins. Slagæð í upphandlegg félaga Hlyns fór í sundur. Hann missti
mikið blóð og er í sjúkrahúsi. Hnífurinn sem lagt var til Hlyns
nam staðar í rifbeini, sem talið er hafa forðað honum frá hættuleg-
um áverkum. Tveir víetnamskir nýbúar, 34 og 36 ára gamlir, voru
í gær úrskurðaðir í gæsluvarðhald til 1. desember næstkomandi
vegna rannsóknar málsins en þeir voru handteknir strax eftir
átökin. í fórum þeirra fundust aðgerðarhnífar.
Annar Víetnamanna hafði að
sögn Hlyns tekið að sér að aka
með harin og fjóra félaga hans úr
miðbænum í Kópavog gegn 1.000
króna greiðslu eftir að fólkið hafði
gengið fram á bílinn á leigubíla-
stæði í Lækjargötu. „Ég man ekki
hvort við stoppuðum hann eða hvort,
hann bauð okkur far en hann vildi
fá greitt fyrirfram. Við vorum sest
inn og einn okkar tók upp heftið
til að skrifa ávísun, þá virtist hann
verða reiður og fór að öskra eitt-
hvað og svo kallaði einhver upp
„hann er með hníf“. Hlynur sagði
að þegar hann heyrði þetta hefði
fólk flýtt sér út úr bílnum og tvístr-
ast í allar áttir. Annar víetnamskur
Morgunblaðið/Sverrir
HLYNUR Eiríksson á heimili
sínu í gærkvöldi. Hann fékk
hnífstungu í bijóstið’, en rifbein
stöðvaði lagið.
VEÐUR
VEÐURHORFUR I DAG, 23. NOVEMBER
YFIRLIT: Nálægt Hvarfi er allmikil 958 mb djúp lægð sem hreyfist norð-
austur, en 1.054 mb hæð er yfir Finnlandi.
STORMVIÐVÖRUN: Búist er við stormi á öllum miðum, Vesturdjúpi,
Norðurdjúpi, Austurdjúpi, Færeyjadjúpi, Suðurdjúpi og Suðvesturdjúpi.
SPÁ: Á morgun verðs skil á leið norðaustur yfir landið og því hvöss
suöaustanátt á undan þeim, en hægari suðvestanátt í kjölfarið. Víða
um land mun rigna en styttir upp suðvestanlands er líður á morguninn.
Hiti á bilinu 3 til 10 stig.
VEÐURHORFUR NÆSTU DAGA:
HORFUR Á MIÐVIKUDAG, FIMMTUDAG OG FÖSTUDAG: Umhleyping-
ar. Suðlægar áttir, fremur hlýtt, og rigning um sunnan- og vestanvert
landið, en þurrt að kalla norðaustanlands bæði á miövikudag og föstu-
dag. Suövestanátt og snjó- eða slydduél á Suður- og Vesturlandi, en
léttskýjað austan og norðaustanlands á fimmtudag, og þá fremur kalt
í veðri.
Nýir veðurfregnatímar: 1.30, 4.30, 7.30, 10.45, 12.45, 16.30, 19.30,
22.30. Svarsími Veðurstofu Isiands — Veðurfregnir: 990600.
Heiðskirt Léttskýjað Hálfskýjað Skýjað
r r r
r r
r r r
Rigning
* r *
* /
r * r
Slydda
* * *
* *
* * *
Snjókoma
Alskýjað
V $ V
Skúrir Slydduél Él
Sunnan, 4 vindstig.
Vindörin sýnir vindstefnu
og fjaðrimar vindstyrk,
heil fjööur er 2 vindstig.
10° Hitastig
v Súld
= Þoka
itig-.
FÆRÐA VEGUM: (Kl. 17.30 ígær)
Greiðfært er um land allt en hálka er sumstaðar svo sem á Hellisheiði,
fjallvegum á Snæfellsnesi og Vestfjörðum og á Norðausturlandi.
Upplýsingar um færð eru veittar hjá Vegaeftirliti i síma 91-631500 og
í grænnilínu 99-6315. Vegagerðin.
VEÐUR VÍÐA UM HEIM
kl. 12.00 í gær að ísl. tíma
Akureyri
Reykjavfk
hitl veður
0 léttskýjað
1 skýjað
Björgvin +1 skýjað
Helsinki +6 skýjað
Kaupmannahöfn 1 snjókoma
Narssar6suaq 2 skafrenningur
Nuuk 4 alskýjað
Ósló +2 snjókoma
Stokkhólmur 0 snjókoma
Þórshöfn 4 léttskýjað
Algarve 13 alskýjað
Amsterdam +3 þokumóða
Barcelona 10 mistur
Berlín +3 snjókoma
Chicago 2 léttskýjað
Feneyjar 6 þokumóða
Frankfurt +2 skýjað
Glasgow 1 léttskýjað
Hamborg +3 mistur
London 1 snjók.ásið. klst.
Los Angeles 16 alskýjað
Lúxemborg +3 snjóél á sfð. klst.
Madríd 8 léttskýjað
Malaga 13 skýjað
Mallorca 16 skýjað
Montreal 7 skýjað
NewYork 6 léttskýjað
Orlando 18 þokumóða
Parfs +1 skýjað
Madeira 16 hálfskýjað
Róm 12 heiðskfrt
Vfn +1 snjókoma
Washington vantar
Wlnnípeg +17 snjók.ásfð. klst.
íDAG kl. 12.00
HeimiW: Veöurstofa íslands
(Byggt á veöurspó kl. 16.15 í gær)
Morgunblaðið/Júlíus
HLYNUR Eiríksson færður í sjúkrabílinn skömmu eftir árásina.
*
maður var á bíl í Lækjargötunni
þegar þetta var og kom hann að.
Hlynur sagðist hafa hlaupið frá
bflnum en verið eltur upp túnið við
Menntaskólann. Þar kvaðst Hlynur
hafa hrasað og hafi þá hinn sótt
að honum og slegið til hans nokkr-
um sinnum en Hlynur kvaðst hafa
varist með því að reyna að sparka
frá sér. Hann sagðist ekki vita
hvernig á því stæði en árásar-
maðurinn hefði verið blóðugur í
framan. Hlynur kvaðst ekki hafa
gert sér grein fyrir því að verið
væri að stinga hann með hnífi fyrr
en árásarmaðurinn var farinn, en
þá hafí fólk komið að og sagt hon-
um að liggja kyrrum meðan beðið
væri eftir sjúkrabfl.
Sá bíll kom skömmu síðar en
félagi Hlyns var hins vegar fluttur
í snarhasti með lögreglubíl á slysa-
deild vegna mikilla blæðinga þar
sem hann hafði verið skorinn á
handlegg og slagæð gengið í sund-
ur við lagið. Sá missti að sögn
Hlyns fjóra lítra af blóði og gekkst
undir aðgerð á handlegg við komu
á sjúkrahús þar sem hann liggur
enn en Hlynur fékk að fara heim
um morguninn, eftir rannsókn og
aðhlynningu. Hann segir að hnífur-
inn hafi gengið í 7. rifbein og
skemmt þar skinn og valdið mari
en beinið hafí hindrað að hnífurinn
gengi inn í brjóstholið.
Gæsluvarðhald
Mikinn fjölda fólks dreif að
staðnum þar sem þetta gerðist og
fótgangandi lögreglumenn komu
fljótlega að og voru árásarmenn-
irnir tveir handteknir og félagi
þeirra sem sést hafði á bíl við stað-
inn þegar þessu fór fram var hand-
tekinn síðar um nóttina en sleppt
fljótlega. Mennimir tveir voru yfír-
heyrðir með aðstoð túlks á sunnu-
dag og gerð krafa um gæsluvarð-
hald yfir þeim í Héraðsdómi á
mánudag. Sú krafa var tekin til
greina samdægurs og hefur ekki
verið kærð til Hæstaréttar.
Annar hefur játað
að hafa beitt hnífi
Samkvæmt upplýsingum Morg-
unblaðsins hefur annar mannanna
gengist við því að hafa beitt hnífi
í átökum og að hafa lagt til félaga
Hlyns. Annars hafa mennirnir ekki
verið yfírheyrðir frá því á sunnu-
dag, að sögn Lúvíks Bergvinsson-
ar, lögfærðings hjá RLR, þar sem
yfírheyra þarf þá með aðstoð túlks
vegna litillar kunnáttu þeirra í ís-
lensku. Mennirnir hafa samkvæmt
upplýsingum Morgunblaðsins dval-
ist hér á landi um 2 ára skeið og
eiga hér fjölskyldur. Þeir hafa dval-
ar- og atvinnuleyfi en ekki ríkis-
borgararétt.
Formaður Skotveiðifélags Reykjavíkur
Meiri ij úpna-
veiði en í fyira
RJÚPNAVEIÐITlMABILINU lauk í gær og segir Jón S. Bragason,
formaður Skotveiðifélags Reykjavíkur og nágrennis, að sér virðist
sem veiðin sé heldur meiri á þessu tímabili en í fyrra. „Menn eru
almennt mjög ánægðir með veiðina og það var almennt meira af
rjúpu en í fyrra, þrátt fyrir að tíðarfarið hafi verið mjög slæmt,
sérstaklega hér suðvestanlands,“ segir Jón. Hann segir að vegna
veðurfarsins séu skotveiðimenn ekki sáttir við að hætta veiðum nú.
Þrátt fyrir óánægju félags-
manna Skotveiðifélags Reykjavík-
ur og nágrennis með styttingu
veiðitímans segir Jón að félagið
leggi á það ríka áherslu við þá og
aðra veiðimenn að hlíta landslög-
um í þessu sambandi og leggja frá
sér vopnin. „Við skjótum bara
máefnalega á ráðherra í staðinn,"
segir Jón, en Skotveiðifélag
Reykjavíkur og nágrennis, Skot-
veiðifélag íslands og Skotveiðifé-
lag Suðurnesja halda í sameiningu
málfund með Össuri Skarphéðins-
syni umhverfísráðherra á fímmtu-
dagskvöld. A fundinum á að ræða
styttingu ráðuneytisins á rjúpna-
veiðitímabilinu, forsendur hennar
og hvaða rannsóknir séu fyrirhug-
aðar af hálfu ráðuneytisins á
rjúpnastofninum á næstunni.
Jón segir að framboð og verð á
rjúpum muni haldast óbreytt frá
liðnu ári, og þannig sé algengt að
veiðimenn selji verslunum ijúpur á
500 kr., sem sé u.þ.b. sama verð
og í fyrra.