Morgunblaðið - 23.11.1993, Blaðsíða 44

Morgunblaðið - 23.11.1993, Blaðsíða 44
44 MORGUNBLAÐIÐ ÞRIÐJUDAGUR 23. NOVEMBER 1993 „ þettu erekJcert iiC cxð hafto d^hyQQjur af, &* '&} <//£> 0.% ÞÍt / ' W Ast er... pfl) W^t^r^ (L/^z^^X/ \) JP V \__^" / *,slrx ¦¦¦-=€ Y^, ii-ií. heilbrigt líttð barn TM Reg. U.5 Pat Ofl -all righls reserved * 1992 Los Angeles Times Syndicate Ég hefði átt að vera heima og hjálpa konunni að gera við bílinn. HOGNI HREKKVfSI BREF TTL BLAÐSINS Kringlan 1 103 Reykjavík - Sími 691100-Símbréf 691329 Opið bréf til þingmanna Frá Nemendum Fjölbrautaskólans viðÁrmúla: Háttvirtu þingmenn. Ekki alls fyr- ir löngu sendum við, nemendur í Fjöl- brautaskólanum við Ármúla, bréf þar sem við sögðum ykkur stuttlega frá þeirri félagsaðstöðu sem við þurfum að búa við. Eins og þið hafið eflaust lesið, þá er sú aðstaða mjög slæm og langt frá því fullnægjandi fyrir nemendur skólans sem eru hátt á áttunda hundrað. Það eina sem nem- endur geta nýtt sér er „hátíðarsalur- inn", sem getur varla flokkast sem slíkur þar sem hann er aðeins tvær samliggjandi skólastofur sem rúma í hæsta lagi 150 manns í sæti. Ekki er einu sinni hægt að halda þar al- menna fundi því fundur getur tæp- lega talist almennur ef aðeins 20% nemenda komast fyrir. Reyndar ger- ist það á hverju ári að nýnemar hafi þurft frá að hverfa þegar kynningar- fundir fyrir þá eru haldnir. Þessi aðstaða er algerlega til skammar. Þar til nú í haust hafa nemendur haft einhverja aðstöðu í kjallara skól- ans. Sú aðstaða er hins vegar það slæm að hún er ekki bjóðandi nokkr- um manni. Lágt er til lofts, umhverf- ið hráslagalegt og ólykt mikil. Á gólfinu voru alltaf vatnspollar og stundum bar við að vatnið náði allt upp í ökkla. Við þessar aðstæður voru dýr tæki, s.s. sjónvörp, ljós- myndastækkarar og myndbandstæki í eigu nemenda notuð. Engum þarf að dyljast að við aðstæður sem þess- ar er líftími tækja mjög lítill. Nú í sumar átti síðan að koma kjallaranum í almennilegt horf. Þáð átti að ræsa vatnið út í eitt skipti fyrir öll. Grafíð var í kringum skól- ann og komið fyrir nokkru sem kail- að er dreinlögn. Og viti menn: Ekk- ert gerðist. Enn þarf vaðstígvél til að komast þurrum fótum um kjallar- ann. Það er ljóst að ekki er hægt að bjóða nemendum upp á þessa aðstöðu svo kjallaranum hefur verið lokað. Eftir stendur aðeins „salurinn". Það er ekki einu sinni svo að til sé geymslupláss fyrir tæki svo hægt sé að forða þeim burt úr rakanum. Það sér hver maður að við þennan aðbúnað er ekki hægt að stunda neitt félagslíf svo heitið geti, nema með því að leigja húsnæði með ærn- um tilkostnaði sem nemendafélagið þarf að greiða. Vegna þessa förum við þess á leit við ykkur, kæru þingmenn, að þið styðjið málstað okkar og gerið það sem í ykkar valdi stendur til að breyta þessu. I á annan áratug hefur staðið til að klára byggingu skólans. Fyrir lá að það ætti að byggja nýja álmu, þar sem nemendur fengji aðstöðu og almennilegan sal. Einnig átti þar að vera til húsa mötuneyti, en þvílíkt er því miður ekki fyrir hendi í dag. Samkvæmt áætlunum fyrri rík- isstjórna stóð alltaf til að hefjast handa við bygginguna en því var frestað æ ofan í æ. Sú ríkisstjórn er nú situr' hætti hins vegar alger- lega við þessa áætlun svo nú er bygg- ingin aðeins fjarlægur draumur. Von okkar nemenda er sú að haf- ist verið handa við að klára byggingu skólans og að því verði lokið sem fyrst. Þar gætuð þið, þingmenn góð- ir, orðið okkur að miklu liði. Þrátt fyrir að stutt sé þar til fjárlög verði afgreidd hlýtur enn að vera mögu- leiki á að til þessa verkefnis verði varið einhverjum fjármunum svo framkvæmdir geti hafist á næsta ári. Til þess að svo megi verða þarf að flytja tillögu þar að lútandi, en til þess höfum við nemendur enga möguleika, en það hafið þið. Skammtímalausn á þessum hús- næðisskorti, eða þar til byggingin er að fullu kláruð, er að skólanum verði gert fjárhagslega kleift að taka á leigu eitthvert húsnæði í nágrenni skólans sem fullnægt geti húsnæðis- þörf okkar nemenda. Lifið heilir. F.h. ' nemenda Fjölbrautaskólans við Ármúla, BJÖRN INGI VICTORSSON, formaður NFFÁ, GUÐMUNDUR ODDSSON, fv. formaður NFFÁ, MATTHÍAS ÞÓRARINSSON, gjaldkeri NFFÁ, TRYGGVI GUÐBRANDSSON, formaður málfundafélagsins Til- Fullyrðingum um verð- hækkanir mótmælt Frá Ralph Slater: Ágæti ritsjóri: í framhaldi af símtali okkar vil ég nota tækifærið og hrekja fullyrð- ingar varðandi verðhækkanir sem fram koma í grein er fjaliar um heimsókn Guðmundar Atlasonar og Sigurðar Gunnarssonar í verslun okkar, Slater Menswear, í Glasgow. Greinin vakti furðu okkar ekki síst þar sem hundruð íslenskra vina okkar sækja okkur heim á ári hverju og lýsa undantekningarlaust yfir ánægju sinni með verð okkar og þjónustu. I nokkrum tilfellum hefur verð okkar hækkað en þá aðeins um fimm prósent og því fer fjarri að verðhækkanir hafí verið í llkingu við þær sem fram kemur í grein blaðmannanna tveggja, jafnvel þótt tekið sé tillit til gengisbreytinga. Ég vil því bjóða þessum tveimur heiðursmönnum og blaðamanninum sem greinina skrifaði hingað til Glasgow á minn kostnað til þess að þeir geti sýnt mér þær vörur sem þeir segja að hækkað hafi svo mjög. Það myndi gleðja mig mjög ef þeir sæju sér fært að þiggja boð þetta og ég mun sjá um að bíll verði sendur eftir þeim til að flytja þá hingað í verslunina. Ég vonast til að heyra frá þeim sem fyrst. Virðingarfyllst Ralph Slater forstjóri Slater Menswear. Víkverji skrifar ,LÖE>eáirAl?_ EEMD'-'R afóffMNJA /MSsltóA." Víkverji var á tónleikum Sinfó- níuhljómsveitar íslands I síð- ustu viku og varð því vitni að leið- inda lesti sem við Islendingar virð- umst hafa tamið okkur. Þegar hljómsveitarstjórinn gekk fram á sviðið á þeim tíma sem tónleikarnir skykiu hefjast, voru áheyrendur enn að ganga í salinn og dyrum hafði ekki verið lokað. Það var greinilegt að hinn nýi aðalhljómsveitarstjóri Sinfóníuhljómsveitarinnar var hneykslaður á þessum ósið og verð- ur að segja honum það til hróss að hann lét það í ljós. Reyndar hefur Víkverji oft furðað sig á því að hleypt skuli inn I salinn eftir að tónleikar hefjast, jafnvel þótt tæki- færi sé notað til þess arna á milli flutnings 1. og 2. verks á tónleik- um. A tónleikunum í síðustu viku þusti stór hópur inn á milli verka. Þeir sem að tónleikum Sinfóníu- hljómsveitarinnar standa hljóta að geta vanið gesti sína á að mæta stundvíslega, rétt eins og leikhúsin, þar sem heyrir til undantekninga að hleypt sé inn í salinn eftir að ljósin slokkna þar. Víkverji lftur á óstundvísina sem viðgengst á sin- fóníutónleikum sem virðingarleysi við stjórnandann og þá listamenn sem flytja verkin (þeir þurfa að bíða eftir áheyrendunum) og er ekki frá því að þessir sömu áheyr- endur yrðu æði óánægðir með að þurfa að bíða eftir listamönnunum þegar þeir kæmu á tónleika. Jafn- vel þótt hleypt sé inn á milli verka, er það truflandi fyrir þá sem mæta stundvíslega og fyrir hljómsveitina. Þetta er löstur sem framkvæmda- fólk hljómsveitarinnar verður að uppræta. XXX En fyrst minnst er á leikhúsin, þá hefur Víkverji oft furðað sig á því hvað þau tvö stóru leikhús sem rekin eru af ríki og borg skeyta lítið um innbyrðis skipulag. Seinni hluta sumars er alveg ljóst hvaða dagsetningar eru á tónleikum Sin- fóníuhljómsveitar íslands - og tón- leikar sveitarinnar eru nánast und- antekningalaust á fimmtudags- kvöldum. Á tónleikunum í síðustu viku ræddi Víkverji við hóp fólks sem lýsti óánægju sinni með þann sið leikhúsanna, sem verður stöðugt algengari, að frumsýna ný verk á fimmtudagskvöldum og þá sömu kvöldum og tónleikar Sinfóníu- hljómsveitarinnar eru fluttir - og eru þeir þó oftast annanhvern fimmtudag. Það er algengt að fólk sem hefur þann áhuga á leiklist að vilja sjá frumsýningar - það er að segja vilja meta sýningarnar áður en umræða um þær fer af stað - hafi almennan áhuga á listum og sæki því líka sinfóníutónleika. Það átti við þann hóp sem Víkverji ræddi við síðastliðið fímmtudagskvöld. Þar kom meðal annars fram að fímmtudaginn 21. október hefði þetta fólk þurft að velja milli leik- hússins og tónleika þar sem franski píanóleikarinn Pascal Devoyon kom fram. Þetta endurtók sig 4. nóvem- ber þegar Guðný Guðmundsdóttir lék Fiðlukonsert Mendelssohns. Næstkomandi fímmtudagskvöld þarf síðan þetta fólk að velja á milli þess að hlýða á hina miklu mezzósópransöngkonu Teresu Berganza og fara á frumsýningu í Þjóðleikhúsinu. Þetta er í þriðja skipti á rúmum mánuði sem þessi staða kemur upp. Það segir sig sjálft að fólk hlýtur að hugsa sig um tvisvar áður en það kaupir áskrift að frumsýning- um, en þarf að sleppa þeim vegna þess að þær rekast á við tónleika Sinfóníuhljómsveitarinnar. Það er jú alltaf hægt að sjá leiksýninguna seinna, en tónleikarnir eru aðeins fluttir einu sinni. Það hlýtur að vera leikhúsinu í hag, þegar til lengri tíma er litið, að varast að hafa frumsýningar á tónleikakvöld- um hljómsveitarinnar.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.