Morgunblaðið - 13.01.1994, Blaðsíða 24
24
MORGUNBLAÐIÐ FIMMTUDAGUR 13. JANÚAR 1994
lí'
Morgunblaðið/Rúnar Þór
Hrossin fóðruð
HARALD Jespersen bóndi á Engimýri; fremsta bænum í Öxnadal, hefur staðið í ströngu síðustu daga við
að fóðra hross sín, blindbylur upp á hvem dag og sér vart úr augum.
Ingi R. Helgason stj órnarformaður VIS
Bakábyrgð ógild
vegna yfirlýsing-
ar frá bæjarstjóra
INGI R. Helgason stjórnarformaður Vátryggingafélag Islands seg-
ir að þegar félagið hafi ætlað að greiða Akureyrarbæ út verk-
ábyrgð vegna byggingar fjölbýlishúss við Ilelgamagrastræti eftir
gjaldþrot verktakans hafi bakábyrgðaraðilar lagt fram bréf dag-
sett degi fyrir gjaldþrotið sem innihélt yfirlýsingu þáverandi bæjar-
stjóra um að verktakinn væri laus undan framkvæmdaskyldum
sinum. Þetta mál var til umræðu á bæjarstjórnarfundi í fyrradag.
Ingi sagði að Brunabótafélag
íslands hafi á sínum tíma gefið
út nokkrar verkábyrgðir vegna
Híbýla hf. gagnvart Akureyrarbæ
og eftir sameiningu trýggingafé-
laganna hafi VÍS tekið við þeim
skuldbindingum. Þessar verk-
ábyrgðir væru uppgerðar og
greiddar nema ein, en hún er
vegna byggingar fjölbýlishússins
Helgamagrastræti 53.
Akureyrarbær og þrotabú Hí-
býla hf. hafa staðið í löngum mála-
ferlum vegna ágreinings um eðli
samninga þeirra um byggingu fjöl-
býlishússins, en niðurstaða
Hæstaréttar síðastliðið vor var sú
að um verksamning væri að ræða.
Bréfið
VÍS hefur baktryggingu í fast-
eignaveði að fjárhæð 9 milljónir
króna hjá stjórnarmönnum Híbýla
og þegar VIS ætlaði að gera upp
verkábyrgðina eftir uppkvaðning
Hæstaréttardómsins lögðu bak-
ábyrgðaraðilamir fram bréf sem
dagsett var degi fyrir gjaldþrot
Híbýla og áritað af fyrrverandi
bæjarstjóra með þeirri yfirlýsingu
að Akureyrarbær leysi Híbýli hf.
sem verktaka undan framkvæmda-
skyldum sínum samkvæmt verk-
samningi. Á grundvelli þessarar
Framtíð Slippstöðvarinnar-Odda rædd á fundi stærstu eigenda stjórnarmenn að bakábyrgð þeirra
— r væri í gildi.
Þessa uppákomu hafi VÍS borið
undir forráðamenn Akureyrarbæj-
ar, en umrætt bréf og innihald
þess virtist koma þeim á óvart.
Til að flýta fyrir urskurði um gildi
bréfsins bauð VIS upp á gerðar-
dóm, en Akureyrarbær vildi venju-
legu dómsmálaleiðina.
„Samskipti Akureyrarbæjar og
Brunabótafélags íslands og síðar
Vátryggingarfélags íslands hafa í
áratugi verið góð og farsæl, enda
voru forystumenn í bæjarstjórn
Akureyrar lengst af stjómarmenn
í Brunabótafélaginu og þessi uppá-
koma núna breytir engu þar um,“
sagði Ingi.
Vonast til að viðræður lán-
ardrottna leiði til lausnar
Niðurstaða á að liggja fyrir í næstu viku
STÆRSTU eigendur Slippstöðvarinnar-Odda ræddu framtíð fyr-
irtækisins á fundi í gær og er þess vænst að niðurstaða um hver
örlög hennar verða liggi fyrir í næstu viku. Greiðslustöðvun fyrirtæk-
isins rennur út 22. febrúar næstkomandi, en stefnt er að því að
gera nauðasamninga við lánardrottna þess. Sá dráttur sem orðið
hefur á þvi að ákvarðanir sé teknar um framtíð stöðvarinnar hafa
valdið óöryggi meðal viðskiptamanna og vonleysi meðal starfsmanna.
Guðmundur Tuliníus fram-
kvæmdastjóri Slippstöðvarinnar-
Odda sagði að á fundi um framtíð
fyrirtækisins í gærmorgun hafí ver-
ið lagðar fram«aipplýsingar um þá
fjárhagslegu endurskipulagningu
sem verið hefur í gangi á greiðslu-
stöðvunartíma stöðvarinnar, en
hugmyndir um slíka endurskipu-
lagningu hafí verið lagðar fyrir
stærstu lánardrottna fyrirtækisins
í byijun nóvember. Þeir eru Lands-
banki íslands, Iðnlánasjóður og Iðn-
þróunarsjóður. Forsvarsmenn
Landsbankans tóku fljótt jákvæða
afstöðu til hugmyndanna, að sögn
Guðmundar, en erfiðara reyndist
að fá jákvæðar undirtektir frá sjóð-
unum. Þess er vænst að viðræður
Landsbankamanna og fulltrúa sjóð-
anna tveggja, sem komið hefur ver-
ið, á leiði til þess að farsæl lausn
fínnist.
Vonleysi meðal starfsmanna
„Þær tafir sem hafa orðið hafa
gert okkur erfítt fyrir á allan hátt,
það er slæmur andi í fyrirtækinu,
vonleysi meðal starfsmanna og við-
skiptavinir okkar búa við óöryggi.
Þetta ástand hefur kostað okkur
ómældar upphæðir og það er
ábyrgðarleysi að draga það svo
lengi að taka ákvarðanir um hver
framtíð fyrirtækisins verður. Það
hefði vel verið hægt að flýta þeirri
ákvarðanatöku, taka af skarið af
eða á,“ sagði Guðmundur.
Slippstöðin-Oddi óskaði eftir því
í lok síðasta árs að Akureyrarbær
legði fram 20 milljónir króna í
fyrirtækið, en það er sú upphæð
sem þarf til að fjármagna nauða-
samninga sem stefnt er að því að
gera við lánardrottna. Bæjarstjórn
taldi sig ekki geta orðið við erind-
inu eins og það lá fyrir. Samkvæmt
9 mánaða uppgjöri varð um 35
milljóna króna tap af rekstri fyrir-
tækisins, þar af var tap -vegna
gengisbreytinga um 20 milljónir
króna.
Viðhald í lágmarki
Erfíð staða í sjávarútvegi á liðnu
ári hefur valdið því að sögn Guð-
mundar að viðhaldsvinnu og öðrum
verkefnum er haldið í algjöru lág-
marki og það ásamt erfíðri lausa-
fjárstöðu í greininni væri hluti af
þeim erfíðleikum sem við væri að
glíma í skipasmíðaiðnaðinum. Til
marks um það hefðu viðskiptakröf-
ur Slippstöðvarinnar-Odda hækkað
úr 80 milljónum í 160 milljónir á
síðasta ári.
Framkvæmdastj óri A. Finnssonar hf.
Aðför formannsins
með öllu óskiljanleg
AÐALGEIR Finnsson, framkvæmdastjóri byggingafyrirtæksins A.
Finnssonar hf., segir að Vilhjálmur Ingi Arnason formaður Neytendafé-
lags Akureyrar og nágrennis haldi uppi aðför gegn sér og fyrirtæki
sínu, en Vilhjálmur Ingi hefur óskað eftir því við fjóra opinbera aðila
að kannað verði hvort óeðlileg hagsmunatengsl séu á milli fyrirtækis-
ins og íslandsbanka annars vegar og Húsnæðisnefndar Akureyrarbæj-
ar hins vegar.
Undirbúningxir Sjálfstæðisflokks fyrir bæjarstjórnarkosningar
11 taka þátt í prófkjöri
ELLEFU manns taka þátt vpróf-
kjöri Sjálfstæðisflokksins vegna
bæjarstjórnarkosninganna á Ak-
ureyri í vor. Próflgör verður um
aðra helgi, 22. og 23. janúar.
Þeir sem taka þátt í prófkjörinu
eru: Anna Björg Bjömsdóttir, starfs-
maður á sýsluskrifstofunni, Bima
Sigurbjömsdóttir, hjúkrunarfræð-
ingur og bæjarfulltrúi, Bjöm Jósef
Amviðarson, lögfræðingur og bæjar-
fulltrúi, Borghildur Blöndal, kennari,
Einar S. Bjarnason, rafvirki, Guð-
mundur Jóhannsson, framkvæmda-
stjóri, Jón Kr. Sólnes, lögfræðingur
og bæjarfulltrúi, Ólafur Rafn Ólafs-
son, háskólanemi, Sigurður J. Sig-
urðssón, framkvæmdastjóri og for-
seti bæjarstjómar, Valgerður Hrólfs-
dóttir, kennari og varabæjarfulltrúi,
og Þórarinn B. Jónsson, fram-
kvæmdastjóri.
Kosið verður á skrifstofu Sjálf-
stæðisflokksins í Kaupangi við Mýr-
arveg frá kl. 10-19 laugardaginn 22.
janúar og 10-15 sunnudaginn 23.
janúar. Kosning utan kjörstaðar
verður þar um næstu helgi og hægt
verður að kjósa á skrifstofunni alla
næstu viku. Þá verður kosið á skrif-
stofu Sjálfstæðisflokksins í Reykja-
vík, 17. og 18. janúar kl. 13-17.
Flokksbundnir sjálfstæðismenn
hafa kosningarétt og eins þeir sem
undirritað 'nafa stuðningsyfirlýsingu
við flokkinn í næstu kosningum. Nið-
urstaða prófkjörsins verður bindandi
fyrir fimm efstu sætin.
Nokkur ólga hefur verið á Akur-
eyri síðustu vikur vegna kaupa Hús-
næðisnefndar á fímm félagslegum
íbúðum í Drekagili 28 af A. Finns-
syni hf., kaupverð íbúðanna hefur
verið til umræðu, breytingar sem á
þeim voru gerðar og eins meint hags-
munatengsl fyrirtækisins við íslands-
banka og Húsnæðisnefnd.
Aðalgeir sagði að breyting íbúð-
anna úr þriggja í fjögurra herbergja
hefði verið samþykkt athugasemda-
laust í byggingarnefnd og bæjar-
stjóm og það sé því rangt að þær
standist ekki byggingareglugerð.
Um kaupverðið sagði hann að heild-
arkostnaður við kaup íbúðanna væri
36 milljónir króna eða 7,2 milljónir
fyrir hveija íbúð og það væru því
ósannindi að kostnaður bæjarins
vegna kaupanna næmi 40 til 50 millj-
ónum króna eins og haldið hefði ver-
ið fram.
„Ég hefur átt viðskipti við íslands-
banka lengi og eins hef ég verið í
samstarfí við Húsnæðisnefnd Akur-
eyrar rétt eins og fjölmörg önnur
fýrirtæki í bænum og ávallt hefur
verið um gott samstarf að ræða við
báða aðila.
Skila góðu verki
Ég hef rekið þetta fyrirtækið í 33
ár og aldrei orðið var við annað en
að við höfum skilað frá okkur góðu
verki. Þessi aðför formanns Neyt-
endafélagsins er mér með öllu óskilj-
anleg og hún hlýtur að eiga sér sál-
rænar orsakir," sagði Aðalgeir, en
hann telur að formaður standi einn
að aðförinni gegn sér, aðrir stjórnar-
menn í Neytendafélaginu séu þar
aðeins til málamynda. Þá segir hann
að Húsnæðisnefnd hafi einungis
keypt umræddar fímm íbúðir af fyrir-
tæki sínu á síðasta ári og vart sé
hægt að segja að það sé óeðlileg
fyrirgreiðsla þegar um sé að ræða
fyrirtæki sem hafi 50 starfsmenn í
vinnu auk fjölda undirverktaka.