Morgunblaðið - 18.01.1994, Blaðsíða 54
54
MORGUNBLAÐIÐ ÞRIÐJUDAGUR 18. JANUAR 1994
Tveir piltar vöktu íbú-
ana og slökktu eldinn
*
SORPTUNNAN við Tjarnargötu 30 fuðraði upp á skömmum tíma.
LITLU munaði að illa færi aðfara-
nótt sunnudags þegar eldur kom
upp í ruslatunnu við húsið að
Tjarnargötu 22. Þrjár konur voru
sofandi í húsinu, en tveir menn
vöktu þær og kölluðu á slökkvilið.
Eldurinn var þá farinn að læsa sig
í húsið og rúða í glugga var
sprungin.
Ásta Óskarsdóttir, einn íbúa húss-
ins, sagði í samtali við Morgunblaðið
í gær að meðleigjandi hennar, Heið-
rún Gígja Ragnarsdóttir, hefði vakið
hana og sagt henni frá eldinum.
'„Heiðrún Gígja vaknaði við hróp og
köll í tveimur strákum, sem höfðu
orðið varir við eldinn þegar þeir óku
Suðurgötuna," sagði Ásta. „Við
vöktum eiganda hússins, fullorðna
konu og komum okkur út. Strákarn-
ir, Ólafur' Haukur Haraldsson og
Viðar Þór Ásmundsson, voru þá bún-
ir að hringja á slökkviliðið og þeim
tókst að slökkva eldinn að mestu
með slökkvitæki. Töluverður reykur
komst samt upp í risið,_ en rúður í
gluggum þar sprungu. Ég er sann-
færð um að eldurinn hefði breiðst
mjög hratt út ef strákarnir hefðu
ekki verið svo snöggir að ráðast gegn
honum.“
Kveikt í sorpi
Slökkviliðinu var tilkynnt um eld-
inn að Tjarnargötu 22 kl. 3.14 og
þremur mínútum síðar barst tilkynn-
ing um eld í sorpi við Tjarnargötu
30. Þar urðu þó engar teljandi
skemmdir. Heldur þykir ólíklegt að
um tilviljun sé að ræða og hallast
menn að því að kveikt hafi verið í
ruslatunnunum við bæði húsin. Varð-
stjóri hjá slökkviliðinu sagði, að fólk
ætti að varast að hafa eldfimar
plasttunnur upp við húsveggi og
undir gluggum, því þannig ætti eld-
urinn greiða leið í húsin.
anuai'
i
#
Klukkan 17:00 föstudaginn 21. janúar
eru síðustu forvöð að panta auglýsingu
í Símaskrá 1994.
Forðist biðraðir og gangið frá
auglýsingapöntunum tímanlega.
Faxafeni 10 Sími 680599 Fax 678520
Morgunblaðið/Júlíus
Snarræði tveggja pilta
SNARRÆÐI þeirra Ólafs Hauks Harladssonar og Viðars Þórs Ás-
mundssonar var til þess að íbúar hússins að Tjarnargötu 22 sluppu
ómeiddir og ekki urðu meiri skemmdir á húsinu að Tjarnargötu 22
en raun ber vitni.
Skýrsla um heilsdagsskóla í Reykjavík
Leysir vanda fjöl-
margra fjölskyldna
ÞÖRFIN fyrir heilsdagsskóla er mikil og leysir þessi þjónusta vanda
fjölmargra fjölskyldna. Þetta kemur fram í skýrslu Kára Arnórsson-
ar skólastjóra uin heilsdagsskóla, en hún er unnin fyrir skólamála-
ráð Reykjavíkur og skólaskrifstofu. Bent er á að skipuleggja þurfi
starfið sem hluta af verksviði skólanna en afmarka þá engu að
síður sem sérstakan starfsþátt, en þessi þjónusta sé komin til að
vera.
„Hugtakið heilsdagsskóli er um-
deilanlegt og ef til vill heppilegra
að nota orðið heilsdagsvistun,“ segir
í skýrslunni. Þar segir að hugtakið
heilsdagsvistun hafi verið skilgreint
þannig að um viðbótar tíma væri
að ræða við skóladag nemenda svo
þeir ættu þess kost að dvelja í um-
sjá skólans heilan dag; það er við
hefðbundinn skóla með lengdri við-
veru og tómstundastarfi.
Vel tekið
Fram kemur að foreldrar hafa
tekið vel tilboði um lengri vistun.
Þann 1. desember voru 1.997 nem-
endur skráðir þátttakendur. Þjónust-
an er lengst boðin frá kl. 7:30 til
kl. 17:30 en algengast er að hún
vari frá kl. 7:45 til 17:15. Nemendur
6-9 ára nota mest þessa þjónustu
eða 1.316, enda er það sá aldurshóp-
ur sem talinn var mest þörf á að
koma til móts við. Aðsókn nemenda
á aldrinum 10-12 ára í aðstoð við
heimanám er nokkuð góð eða 454
nemendur og segir í skýrslunni að
skólastjórar séu þess meðvitaðir að
þar muni aðsókn aukast við nánari
kynningu. í eldri hópi nemenda á
aldrinum 13 til 15 ára er þátttaka
ekki mikil en skólastjórar sem kom-
ið hafa þessu á í sínum skólum telja
að aðstoðin skili góðum árangri sem
muni leiða til fjölgunar þegar fram
í sækir. Þá segir; „Almennt er það
viðhorf skólastjóra og starfsmanna
heilsdagsvistunar að foreldrar séu
ánægðir með þessa þjónustu og
kvartanir hafa nær engar borist frá
foreldrum. Engin spurning er um
það að þörfín fyrir þessa þjónustu
er mikil og framkvæmdin því brýn.“
Aðstaða
í skýrslunni er vikið að aðstöðu
skólanna sem er nokkuð misjöfn og
ljóst að húsnæðið er víðast fullsetið
enda þátttaka meiri en ráð var fyrir
gert við fyrstu athugun. Við því yrði
að bregðast sem fyrst fyrir næsta
skólaár. Undirbúningur fyrir þetta
skólaár hafi verið knappur og því
sé nauðsynlegt að hefjast strax
handa. Taka þurfi ákvörðun um
hvort þjónustan verði boðin öllum
eða hvort setja eigi takmörk og þá
hvernig.
Ónóg-ur undirbúningur
I niðurlagsorðum segir ennfremur
að gagnrýna megi að undirbúningur
hafi ekki alls staðar verið nægilegur
þegar farið var af stað. Þrátt fyrir
það verði að teljast að vel hafi til
tekist og að reynt hafi verið að Ieysa
þá hnúta sem upp komu á stöku
stað. „Það verður hins vegar ekki
of mikil áhersla á það lögð að standa
eins vel að þessu og hægt er því það
skiptir farsæld barnanna okkar í
borginni afar miklu. Það er óum-
ræðilegur léttir fyrir foreldra að
losna við sífelldan þveiting á börnum
sínum í kringum skólatíma en mun-
ar þó mestu fyrir börnin sjálf. Fróð-
legt væri að gera könnun í lok skóla-
árs á viðhorfum foreldra til þessarar
þjónustu og kanna m.a. hvort ekki
hafi dregið úr slysatíðni á börnurn."