Morgunblaðið - 23.02.1994, Blaðsíða 7
MORGUNBLAÐIÐ MIÐVIKUDAGUR 23. FEBRÚAR 1994
7
RÚV telur lítið því til fyrirstöðu að nýta ljósleiðara
Telur gjaldskrá Pósts o g
síma stærstu hindrunina
Póstur og sími vill fá greitt samkvæmt flutningsgetu
UPPBYGGING gjaldskrár Pósts og síma er ein megin ástæða þess
að ljósleiðarinn er vannýttur, segir Hörður Vilhjálmsson fjármála-
sljóri Ríkisútvarpsins. Að hans sögn vill RÚV fá tiltekna flutnings-
getu í ljósleiðara til eigin nota og ekki þurfa að gréiða meira fyrir
það en eigin örbylgjukerfi með sömu möguleikum. Guðmundur
Björnsson aðstoðar póst- og símamálastjóri segir að fyrirtækið bjóði
ekki upp á leigu á flutningsgetu heldur selji þeir flutning á mynd.
Greiðsla fyrir myndflutning sé út af fyrir sig miklu lægri en fyrir
annars konar afnot og ekki komi til greina að selja hana á sama
verði. Ólafur G. Einarsson menntamálaráðhera segir aðspurður að
ætla megi að hægt sé að ná samkomulagi milli tveggja ríkisstofn-
ana, einkum og sér í lagi þegar það liggi fyrir að slíkt samkomulag
spari 400 milljónir króna í fjárfestingu fyrir aðra þeirra.
Greint var frá því í Morgunblað-
inu í gær, samkvæmt skýrslu Við-
skiptafræðistofnunar, að það væri
400 milljónum hagkvæmara fyrir
RÚV og þjóðarbúið að leigja ljós-
leiðara af Pósti og síma. Hörður
Vilhjálmsson ijármálastjóri hjá
RÚV segir að í skýrslu Viðskipta-
fræðistofnunar sé gengið út frá
miklu meiri hagkvæmni en í raun
og veru sé hægt að færa rök fyrir.
„Það er fjarri öllu lagi að tala um
400 milljóna króna sparnað. Við
höfum rætt langtum fjölþættari
notkunarmöguleika á' ljósleiðara-
kerfinu heldur en þarna er verið
að tala um og RÚV hefur brýna
þörf fyrir að eiga aðgang að. Fyrir
þá viðbótar notkunarmöguleika
sem væru umfram dagskrárflutn-
ing myndum við þurfa að greiða
samkvæmt háum taxta sem ekki
er gert ráð fyrir í þessum útreikn-
ingum.“
Póstur og sími sparar
Hörður segir ennfremur að ýmis
rök hnígi að sparnaði en hann þurfi
ekki allur að vera á kostnað Rík-
isútvarpsins og það eigi einnig að
njóta góðs af vannýttri flutnings-
getu ljósleiðarans en ekki Póstur
og sími einvörðungu. Hann segir
eina möguleikann á að sameina
sjónarmið um þjóðhagkvæmni og
þarfir RÚV þann að fyrirtækið fái
til eigin afnota tvíátta 140 mega-
bita flutningsgetu í ljósleiðara og
greiði ekki meira fyrir það en eigin
örbylgju með sömu möguleikum.
Jafnræði milli fyrirtækja
Guðmundur Björnsson aðstoðar
póst- og símamálastjóri segir að
Ríkisútvarpið geti ekki ætlast til
þess að greiða eftir annarri gjald-
skrá en Stöð 2 greiðir fyrir afnot
af ljósleiðara. „Eg lít svo á að í
landinu eigi að gilda jafnræði og
sé ekki að Ríkisútvarpið eigi að
borga minna en Stöð 2 þótt um sé
að ræða viðskipti milli ríkisstofn-
ana. RÚV hefur viljað taka á leigu
ákveðinn hluta af ljósleiðarakerfinu
til að nota til eigin þarfa en við
bjóðum ekki slíka leigoi. Við tökum
gjald fyrir flutning á mynd en þeir
vilja fá meiri flutningsgetu fyrir
sama verð. Myndflutningur kostar
miklu minna en flutningur á hljóði
og annars konar gögnum og ekki
hægt að ætlast til þess að við leigj-
Lagning ljósleiðara.
um það út á sama verði, reyndar
teljum við að það sé svo lágt að
ekki sé hægt að fara neðar. RÚV
vill kaupa bitastraum sem getur
flutt 2.100 talrásir og borga brot
af kostnaðinum. Myndflutningur
hefur mikla sérstöðu og er gjald-
lagður samkvæmt því og ef RÚV
vill kaupa óheftan bitastraum verð-
ur fyrirtækið að greiða sama verð
og krafist er þegar hann er seldur
til annarra nota,“ segir Guðmundur
loks.
Nefnd miðli málum
Menntamálaráðherra, Ólafur G.
Einarsson, segir að útvarpslaga-
nefnd leggi til að nefnd skipuð full-
trúum úr menntamála- og sam-
gönguráðuneytum, frá Pósti og
síma, Ríkisútvarpinu og Viðskipta-
fræðistofnun komi saman og skili
tillögum að gjaldskrá og samkomu-
lagi um nýtingu ljósleiðarans. Ólaf-
ur segir aðspurður að ætla megi
að hægt sé að ná samkomulagi
milli tveggja ríkisstofnana, einkum
og sér í lagi þegar það liggi fyrir
að slíkt samkomulag spari 400
milljónir króna í fjárfestingu fyrir
aðra þeirra. „Ég skil þetta svo að
nýtingin á ljósleiðaranum sé ekki
mikil og trúi ekki að óreyndu að
ekki sé hægt að semja um eðlilega
gjaldskrá, því ég held það hljóti að
vera hagsmunamál fyrir Póst og
síma að fá betri nýtingu á ljós-
leiðarann, auk þess sem það er til
bóta fyrir aðra sem nýta sér hann.
Það gæti orðið til þess að gjaldskrá-
in yrði skaplegri," segir mennta-
málaráðherra að lokum.
Islendingur
strýkur enn
úr dönsku
fangelsi
Kaupmannahöfn. Frá Sigrúnu Davíðs-
dóttur, fréttaritara Morgunblaðsins.
ÍSLENSKA fanganum í Vestra-
fangelsi í Kaupmannahöfn, sem
gerði tilraun til að flýja úr fang-
elsinu síðastliðinn fimmtudag,
verður ekki hegnt fyrir flóttatil-
raunina, en hann bíður nú dóms
fyrir önnur brot. Mál hans mun
væntanlega verða tekið til dóms
fyrir vorið.
í frétt dagblaðsins BT á föstu-
daginn var sagt frá flóttatilrauninni
undir fyrirsögn um íslenska flótta-
kónginn og var þá vitnað til þess
að hann flýði úr fangelsi á Hels-
ingjaeyri fyrir áramót, en náðist þá
fljótlega. Eftir það var hann fluttur
í Vestrafangelsið, en þar eru varð-
haldsfangar hafðir. Á fimmtudags-
kvöld um kl. 19 gerðu hann og
samfangi hans tilraun til að flýja.
Samkvæmt Ilse Cohn fangaverði
fóru fangarnir upp á fangelsisþakið
í gegnum þakglugga og beittu þeirri
sígildu aðferð að notast við saman-
bundin lök. Af þakinu og niður í
fangelsisgarðinn eru tíu metrar og
virðast þeir hafa stokkið niður á
grasflötina í garðinum. Þaðan fóru
þeir að múrnum, sem umlykur fang-
elsið, en hann er fimm metra hár
og voru þeir að reyna að sveifla
lökunum yfír múrinn og festa þau,
þegar verðirnir komu að.
Samkvæmt frétt BT var íslenski
fanginn slasaður og var því fluttur
á Hvidovre-sjúkrahúsið, þar sem í
ljós kom að hann var fótbrotinn á
báðum fótum. Ilse Cohn sagði í
samtali við Morgunblaðið að hún
mætti ekki tjá sig um einstaka
fanga, en hún gæti staðfest að
annar fanganna hefði slasast við
flóttatilraunina.
Fanginn, sem reyndi að flýja með
íslenska fanganum, býður dóms
fyrir tilefnislausa ránárás á lestar-
farþega. Árásina framdi hann þegar
hann var í leyfi án fangavarðar frá
fangelsinu, þar sem hann afplánaði
dóm fyrir samskonar árás 1991.
Fórnarlambið þá var Tom McEwan,
sem er þekktur, danskur gaman-
leikari.
Suzuki Swift býður upp á lægri rekstrarkostnað því hann er sparneytnasti bíllinn
á markaðnum. Bensíneyðslan er frá 4,0 1 á 100 km. Hann er einnig léttur, sem
þýðir lægri þungaskatt. Síðast en ekki síst er endursöluverðið sérstaklega hátt.
Við bjóðum hagstæð lánakjör. Dæmi: Suzuki Swift GA, verð kr. 798.000. Útborgun (eða gamli bíllinn)
kr. 250.000, meðalafborgun af láni kr. 18.375 í 36 mánuði.
Ódýrasti japanski bíllinn á markaðnum er
SUZUKI SWIFT
á verði frá kr. 798.ooo,
Handhafar bifreiðastyrks
Tryggingastofnunar ríkisins!
$ SUZUKI
ViÖ sjáum um pappírsvinnuna fjrirykkur og gerum úthlutunina
aö peningum STRAX.
SUZUKI BÍLAR HF
SKEIFUNNI 17 SÍMI 68 51 00
SUZUKI SWIFT - ódýr, sparneytinn og
aldrei betri