Morgunblaðið - 23.02.1994, Blaðsíða 20

20
MORGUNBLAÐIÐ MIÐVIKUDAGUR 23. FEBRÚAR 1994
5.000 manns vilja 945 þingsæti á Italíu
Margir nýliðar
frambjóðenda
Rómaborg. The Daily Telegraph.
FRESTURINN til að leggja fram framboðslista vegna þingkosning-
anna á Ítalíu 27.-28. mars rann út á mánudag og Ijóst er nú að um
5.000 manns verða í framboði. Þeir beijast um 945 sæti í báðum
þingdeildunum. Flestir þeirra hafa ekki látið stjórnmálin til sín taka
að ráði áður.
Kosningabaráttan hefst um helg-
ina. Flestir þingmenn gamla þings-
ins gefa ekki kost á sér að þessu
sinni; nokkrir hafa einfaldlega feng-
ið nóg af stjómmálunum en fjöl-
margir aðrir, þeirra á meðal fimm
fyrrverandi forsætisráðherrar, em
viðriðnir spillingarmál og kusu að
draga sig í hlé.
Margir þeirra sem bjóða sig fram
hafa m.a. getið sér frægðarorð í
íþróttum og atvinnulífinu, sem sak-
sóknarar í spillingarmálunum og
skemmtikraftar.
Á meðal þeirra er Oliviero Tosc-
ani, sem býður sig fram í Bologna.
Hann hefur enga reynslu í stjóm-
málunum en er þekktur fyrir ljós-
myndir sem Benetton hefur notað
í djarfar og umdeildar auglýsingar
sínar.
Reuter
Hommar mótmæla
HOMMAR á mótmælafundl við þinghúsið í Lundúnum þegar neðri
málstofan greiddi atkvæði um hvort bréyta ætti lögum sem kveða á
um að refsa megi körlum sem hafa kynmök við karla yngri en 21
árs. Samþykkt var að færa lágmarksaldurinn niður í 18 ár, en ekki
16 eins og hommar vildu.
Annar er kvikmyndaleikstjórinn
Franco Zeffirelli, sem býður sig
fram til öldungadeildarinnar fyrir
„Forzá Italia" (Áfram Ítalía), flokk
íjölmiðlakóngsins Silvios Berlusc-
onis, í Cataníu á Sikiley. Mariella
Scirea, ekkja knattspyrnustjörnu,
er einnig á meðal frambjóðenda
„Forza Italia", sem er nú stærsti
flokkurinn, með 25% fylgi sam-
kvæmt nýjustu skoðanakönnunum.
Hommar í Bretlandi for-
dæma „mannréttindabrot ‘ ‘
Lundúnum, Páfagarði. Reuter.
HOMMAR í Bretlandi mótmæltu í gær harðlega þeirri ákvörðun
neðri málstofu breska þingsins að færa ekki lágmarksaldur þeirra
karla, sem geta veitt samþykki sitt fyrir kynmökum við aðra karla,
úr 21 ári í 16. Hommar og stuðningsmenn þeirra í Evrópu mótmæla
nú einnig yfirlýsingu Jóhannesar Páls páfa þar sem hann gagnrýndi
ályktun Evrópuþingsins um að heimila bæri hommum og lesbíum
að ganga í hjónaband og ættleiða börn.
Mælt með
afskrift-
um lána
Kaupmannahöfn. Frá Sigrúnu Davíðsdótt
ur, fréttaritara Morgunblaðsins.
1 NÝRRI skýrslu um Færeyjar
er komist að þeirri niðurstöðu
að of seint sé að ætla að leysa
vandann á efnahagslegum for-
sendum. Aðgerðir Dana hafi ekki
dugað og nú verði að grípa til
pólitískra aðgerða, þar á meðal
að afskrifa stóran hluta af skuld-
um Færeyinga, til að hindra
fólksflótta og um leið enn verra
ástand.
Lise Lyck lektor við Verslunarhá-
skólann í Kaupmannahöfn hefur
skrifað skýrsluna, sem fæst einkum
við bankamál eyjanna. í skýrslunni
bendir hún meðal annars á að ólíkt
íslandi, geti Færeyjar ekki hagrætt
genginu, þar sem þeir hafi ekki
sjálfstæðan gjaldmiðil. Lyck er
einnig mjög gagnrýnin á hlut
dönsku bankanna, einkum Den
danske bank í færeýskum banka-
rekstri og gjaldþrotauppgjöri bank-
anna.
Breska þingið hafnaði á mánu-
dag lagabreytingartillögu er laut
að frelsi karla til kynmaka við aðra
karla. Samkvæmt breskum lögum
er hægt að refsa körlum fyrir að
hafa samræði við aðra karla yngri
en 21 árs burtséð frá samþykki
viðkomandi. Til stóð að lækka þann
aldur niður í 16 ár en tillaga um
það var felld naumlega í neðri mál-
stofunni. Samþykkt var málamiðl-
unartillaga um að miða aldurinn
við 18 ár. Samkvæmt lögunum er
refsivert að hafa samræði við konur
yngri en 16 ára og það á við um
lesbíur jafnt sem karla.
„Lýðræðið veitir enga heimild til
að ofsækja minnihlutahópa,“ sagði
Peter Tatchell, talsmaður samtaka
breskra homma. Hann bætti við að
málinu yrði skotið til Mannréttinda-
dómstóls Evrópu.
6.000 manns efndu til mótmæla
við inngang breska þinghússins
þegar atkvæðagreiðslan fór fram
og reyndu að komast inn. Hótað
var að kveikja í byggingunni og
flöskum var kastað í dyrnar. Tals-
menn hommasamtakanna vöruðu
við því að efnt yrði til „fjölmenn-
ari og róstusamari mótmæla" síð-
ar.
„Siðferðisleg meinsemd"
Evrópuþingið samþykkti 8. febr-
úar ályktun þar sem hvatt er til
þess að hommar og lesbíur njóti
sama réttar og aðrir borgarar Evr-
ópusambandsríkjanna, fái m.a. að
ganga í hjónaband og ættleiða börn.
Ályktanir þingsins eru ekki bind-
andi fyrir Evrópusambandið.
Jóhannes Páll páfi gagnrýndi
þessa ályktun í vikulegri ræðu sinni
í Páfagarði á sunnudag. „Með þess-
ari ályktun er Evrópuþingið að biðja
um að siðferðisleg meinsemd verði
í lög leidd,“ sagði páfi. Hann kvað
það geta haft skaðleg áhrif á börn
að alast upp með tveimur körlum
eða konum, í stað föður og móður.
Páfi áréttaði þetta í bréfi til rjöl-
skyldna heimsins sem birt var í gær.
„Boðskapur páfa er til marks um
fyrirlitningu á grundvallarmann-
réttindum," sagði Alessandro Pil-
otti, talsmaður hreyfingar ungra
vinstrisinnaðra fulltrúa á Evrópu-
þinginu.
Derjabín, sendiherra Rússa í Finnlandi
Mætti endurskoða
fríðarsamningana
Helsinki. Frá Lars Lundsten, fréttaritara Morgunblaðsins.
JÚRÍJ Derjabín, sendiherra Rússa í Finnlandi, segist vilja að friðar-
samningur Finna og Rússa sem batt enda á seinni heimsstyijöldina
verði endurskoðaður. Ummæli Deijabíns birtust í finnsku blaðavið-
tali á föstudaginn. Hann lagði samt áherslu á að að þetta væri per-
sónuleg skoðun hans, ekki afstaða rússneskra stjórnvalda.
AFMÆUSRH
tabula gratulatoria
til heiðurs dr. Jónasi Kristjánssyni
forstöðumanni Arnastofnunar.
Á sjötugsafmæli Jónasar, hinn 10. aprfl nk., kemur út
tveggja binda afmælisrit með 76 frumsömdum greinum
eftir innlenda og erlenda fræðimenn, flestar á sviði íslenskra
fombókmennta. Ritið verður um 850 bls. og því stærsta rit
af þessu tagi sem komið hefur út hérlendis.
Yður er hér með boðið að taka þátt í að heiðra
dr. Jónas Kristjánsson og gerast áskrifandi að
afmælisritinu. Nafn yðar yrði þá birt með nöfnum
annarra áskrifenda á tabula gratulatoria fremst í ritinu.
Þeim sem vilja þiggja boðið er bent á að hringja í síma 679060 eða snúa sér
til afgreiðslu Hins íslenska bókmenntafélags og tilkynna þátttöku fyrir 1. mars nk.
Áskriftarverð fyrir þetta mikla rit er aðeins kr. 4.980.- auk sendingargjalds.
HIÐ ÍSLENSKA BÓKMENNTAFÉIAG
SÍÐUMÚLA21-108 REYKJAVÍK- SÍMI 91-679060 • FAX 91-6790 95
%1816|
\ttri. ^

Friðarsamningurinn frá árinu
1949 þótti á sínum tíma afar harð-
ur í garð Finna. Þar sem banda-
menn, þ.e. Sovétmenn og Bretar,
litu svo á að Finnar hefðu verið
samherjar Þjóðvetja var ekki tekið
tillit til óska Finna. Samningurinn
fól í sér takmörkun á vamargetu
Finna og kvað m.a. á um að Kirj-
ála-héraðið á suðausturhorni lands-
ins tilheyrði Rússlandi.
Samningnum val breytt árið
1990 þegar fínnsku ríkisstjórninni
fundust ákvæðin um takmörk á
varnargetu þjóðarinnar úrelt. Rök
Finna byggðust þá á því að samein-
ing Þýskalands hefði valdið því að
Finnum einum þeirra þjóða sem
töpuðu í síðari heimsstyijöldinni
væri ennþá refsað fyrir það.
Allt frá því stríðinu lauk hefur
Finna dreymt um að endurheimta
Kirjálahérað. Málið var rætt meðal
annars í kosningabaráttunni fyrir
forsetakosningarnar. Deijabín
sendiherra undirstrikar að hann
telji jákvætt að nýkjörinn forseti
Finna, Martti Ahtisaari, hafi ekki
krafist endurskoðunar nú þegar.
Deijabín harmar það að finnska
þjóðin skuli ennþá vera tortryggin
gagnvart Rússum. Af þeim sökum
telur Deijabín æskilegt að vera
opinskár í samskiptum við Finna.
Upplausn í
Afganistan
HÆTTA er á, að valdabaráttan
í Afganistan kyndi undir átök-
um og borgarastyijöld um land-
ið allt að því er fram kemur í
skýrslu frá Mannréttindanefnd
Sameinuðu þjóðanna. „Mikil
hætta er á, að borgarastríð
bijótist út í norðurhluta lands-
ins og í Kandahar- og Nangar-
har-héraði,“ segir Felix Ermac-
ora, austurrískur lagaprófess-
or, í skýrslunni en frá áramót-
um hafa að minnsta kosti 900
manns látist og 10.500 særst
í valdabaráttunni í Afganistan.
Friðarsamstarf
við Albaníu
SALI Berisha, forseti Albaníu,
mun undirrita samning um frið-
arsamstarf við NATO í Brussel
í dag en Albanía, síðasta vígi
stalínismans í Evrópu eins og
landið var kallað áður, var
fyrsta Austur-Evrópuríkið, sem
sótti um fulla aðild að NATO.
Umsókninni var þó hafnað að
sinni. Albanir hafa léð NATO
og Vestur-Evrópusambandinu
afnot af flugvöllum og höfnum
í iandi sínu vegna refsiaðgerð-
anna gegn Serbíu og Svart-
fjallalandi.
Þvermóðsku-
fullir Grikkir
GRÍSKA stjórnin hefur hafnað
tilmælum annarra aðildarríkja
Evrópusambandsins um að af-
létta viðskiptabanni á Makedó-
níu þrátt fyrir, að þeim hafi
verið hótað kæru eða málssókn
fyrir Evrópudómstólnum. Hef-
ur aístaða Grikkja, sem krefj-
ast þess, að Makedóníumenn
fjarlægi makedónsku stjörnuna
úr þjóðfánanum og breyti
stjórnarskránni, vakið mikla
reiði í öðrum Evrópusambands-
ríkjum en Evangelos Venizelos,
utanríkisráðherra Grikklands,
segir, að hvergi verði hvikað.
Samkynhneigð
ekki greind
á fósturstigi
BANDARÍSKIR vísindamenn,
sem uppgötvuðu hugsanlegar,
erfðafræðilegar ástæður fyrir
samkynhneigð, sögðu í fyrra-
dag, að aldrei yrði unnt að finna
á fósturstigi hvort viðkomandi
einstaklingur yrði samkyn-
hneigður. Samkynhneigt fólk
fagnaði fyrst uppgötvun vís-
indamannanna en síðan hafa
vaknað með því áhyggjur af,
að unnt verði í framtíðinni að
útrýma samkynhneigð með því
einu að skoða litninga fósturs-
ins og eyða því ef foreldrarnir
eru ekki ánægðir með útkom-
una.
Dýrseldur
kaffisopi
OPINBERIR starfsmenn á ítal-
íu, sem eru frægir fyrir tíðar
ferðir á næsta kaffihús í vinnu-
tímanum, verða nú látnir borga
drykkinn dýru verði. Ríkis-
stjórnin hefur nefnilega ákveð-
ið að hýrudraga þá í hvert sinn
sem þeir yfirgefa skrifborðið
sitt. Sabino Cassese, ráðherra
opinberrar þjónustu, segir, að
ítalir verði að koma opinberri
þjónustu í sama horf og annars
staðar í Evrópusambandinu og
hann segist ekki skilja hvers
vegna Ítalía, fimmta stærsta
iðnveldið, skuli vera það 50.
hvað varðar afköst í opinberri
þjónustu