Morgunblaðið - 13.04.1994, Qupperneq 30

30
MORGUNBLAÐIÐ MIÐVIKUDAGUR 13. APRÍL 1994
Hvað er svæðanudd?
eftir Sigurósk H.
Svanhólm
Svæðanudd er gömul aðferð sem
hefur verið notuð í mörg þúsund
ár. Dr. William H Fitzgerald,
bandarískur læknir, og aðstoðar-
kona hans, Eunice Ingham, lögðu
grunn að og þróuðu þá aðferð sem
svæðanudd á iljum byggir á í dag.
Svæðanudd byggist á þeirri
kenningu að á fætinum séu svæði
sem svari til sérhvers líffæris og
allrar starfsemi líkamans. Með því
að nudda og/eða þrýsta á þessi
viðbragðssvæði getur nuddari
dregið verulega úr spennu í líkama
þess sem hann nuddar. Þannig
stuðlar svæðanudd að endurnýjun
líkamsþróttar og eflir sjálfshjálp-
arhæfni líkamans. Svæðanudd er
að mestu nudd á fætur og undir
iijum. Þar er þumlum og öðrum
fingrum þrýst á tiltekna punkta
og svo nefnd viðbragðssvæði. Við
það næst svörun um allan líkaman.
Nudd á fótum hefur vakið undr-
un og tortryggni margra, sérstak-
lega þegar óþægindi sem ekki
tengdust neitt fótunum voru tekin
Jtil meðferðar. Þó almennt sé vitað
í dag vegna aukinnar þekkingar á
nálastungumeðhöndlun að undra-
vert samband er á milli ákveðinna
staða á líkamanum og líffæra sem
liggja langt frá fótunum.
Aðalávinningur svæðanudds er
slökun og vellíðan og með því að
draga úr spennu örvast blóðrás,
jafnvægi líkamsstarfseminnar
verður meiri og úthreinsun eykst.
Rekja má marga kvilla nútíma-
mannsins til streitu. Þannig getur
nudd þjálfaðs svæðanuddara kom-
ið að gagni í sumum tilfellum. Það
krefst bæði tíma og æfingar að
finna svæðin sem eru aum á fætin-
um. Svæðanudd stendur venjulega
í 45 til 50 mín.
í nóvember 1977 kom hingað
til landa Norðmaðurinn Harald
Thiis og hélt fyrsta námskeiðið í
svæðanuddi, sem mikill áhugi var
fyrir. Boðað var til fundar 28. apríl
1978 sem varð til þess að samtök
um „svæðameðferð og heilsu-
vernd“ voru stofnuð.
Á aðalfundi 21. maí 1981 varð
breyting á starfsemi félagsins og
var ákveðið að stofna nýtt félag
upp úr því gamla og var það nefnt
„Félagið svæðameðferð" og hefur
það starfað undir því heiti síðan.
Það var mikið um námskeið á þess-
um árum alveg til ársins 1989, þá
var ákveðið að stofna skóla sem
var nefndur Svæðameðferðarskóli
íslands. Útskrifaðir voru tveir ár-
gangar úr þessum skóla en þessi
skóli starfar ekki lengur. í dag
rekur Félag íslenskra nuddara
skóla sem nefndur er Nuddskóli
Íslands.
Tilgangurinn
Tilangur félagsins er að sameina
í félaginu það fóik sem starfar að
svæðanuddi og uppfyllir þau skil-
yrði um kunnáttu sem félagið fer
fram á og haldi uppi upplýsinga-
þjónustu til félagsmanna.
Félagið gefur út fréttabréf,
einnig eru fræðslufundir einu sinni
í mánuði þar sem ýmislegt er tek-
ið fyrir og haldin eru námskeið
fyrir þá sem vilja auka þekkingu
sína. Innan félagsins er starfandi
sérstök deild á Akureyri.
Félagið var stofnað til að stuðla
að því að þeir sem þarfnast nudds
fái þá bestu þjónustu sem völ er
á, en góð grunnmenntun er trygg-
ing fyrir rétíri meðhöndlun og ráð-
gjöf. Þess vegna er meðhöndlun
af viðurkenndum svæðanuddara
trygging fyrir þá sem nudd þurfa.
Athugaðu vel hvort þú sjáir merki
félagsins á hurð eða glugga hjá
svæðanuddaranum þínum.
Félagið svæðameðferð og Félag
Sigurósk H. Svanhólm
„Aðalávinningur
svæðanudds er slökun
og vellíðan og með því
að draga úr spennu örv-
ast blóðrás, jafnvægi
líkamsstarfseminnar
verður meiri og út-
hreinsun eykst.“
íslenskra nuddara hafa tekið hönd-
um saman og leigja sameiginlegt
skrifstofuhúsnæði í Asparfelli 12
í Reykjavík. Þar er rekin starfsemi
félaganna og hefur það starf geng-
ið með ágætum. Einnig er þar til
húsa Nuddskóli íslands.
Verða félögin með sameiginlega
kynningu á nuddi á ráðstefnu sem
verður í íþróttahúsinu Digranesi í
Kópavogi. Hefst hún á sumardag-
inn fyrsta, 21. apríl, og stendur til
24. apríl. Einnig verðum við með
snyrtisérfræðingum á norrænu
þingi á Hótel Loftleiðum 24. til 28.
maí næstkomandi. Verðum við með
sýningarbás þar sem við kynnum
störf félaganna og hinar ýmsu teg-
undir af nuddi.
Kröfur um menntun
Fullgildir svæðanuddarar geta
þeir einir orðið sem lokið hafa námi
í eftirtöldum greinum:
Fornám að svæðanuddnámi.
Sjúkraliðabraut 2 annir 35 ein.
1. Móðurmál
íslenska ÍSL 103-203 6 ein.
2. Erlend tungumál
Danska DAN 102-202 4 ein.
3. Samfélagsgreinar
Sálfræði SAL 103 3 ein.
4. Raungreinar
Efnafræði EFN 103
Líffræði LÍF 103
Líffæra og lífeðlisfr. LOL 103-203
12 ein.
5. Sérgreinar
Heilbrigðisfr. HBF 102-203
Líkamsbeiting LIB 101
Næringarfræði NÆR 103
Skyndihjálp SKY 101 10 ein.
Sérnám í svæðanuddi
Bóklegt svæðanudd 60 klst.
Verklegt svæðanudd 200 klst.
Verklegt svæðanudd 10 klst.
Samtals 270 klst.
Höfundur er formaður Félagsins
svæðameðferðar.
Landið og- tilveran
eftir Jens í Kaldalóni
Einn nokkuð torkennilegan ský-
hnoðra sáu Sunnlendingar fyrir
nokkrum árum, svífa um loftið
áustur með Suðurlandinu og setj-
ast í Vestmannaeyjum. Kom þar í
ljós, þá betur var að gáð, að þarna
var á ferðinni „loftbelgur" mikill,
og þóttust menn bera á hánn nokk-
ur kennsl, þar sem hann í öllu sínu
mikla veldi svifið hafði kringum
landið til frekari eftirgrennslan um
það, hver ætti ísland. En nú var
aftur á móti erindið þau glæsitíð-
indi, að hver einasti bóndasauður
á Islandi ætti ekki einungis landið
allt, heldur og ekki síður að hver
einasti bóndi fengi vel útilátin ráð-
herralaun send heim til sín á rúm-
stokkinn frá höfuðborgarskatt-
kóngunum og þar með upplýsa
hina, að hans mati, fáfróðu Vest-
manneyinga, um það, hversu
ógegndar fjármálum þjóðarinnar
væri í allri óstjórn sóað á altari
hinna dáðlausu vesalinga, út um
allar byggðir þessa lands í auðnu-
leysi þeirra og aumingjaskap og
sýna þar með Vestmönnum talandi
dæmi um þann munað, auð og
velsæld sem á borðin borin væru
til allra gæludýranna hans Jónas-
ar, vinar okkar á Dagblaðinu, það
er bændanna.
En „loftbelgurinn" hélt áfram
norður um land allt þar til í þeirri
samkundu lenti að þar í loft upp
var sprengdur, svo hismið eitt ve-
sælt og visið til sinna heimkynna
flögraði við illan leik með skælandi
umkvörtun um þann ófögnuð sem
að honum stefnt hafði verið af illa
gerðum samtökum sem síst hefðu
mæla mátt gegn þeim heilaga boð-
skap, sem þar á borð borinn hafði
verið, af hans helgu trú og kær-
leika. En þegar nú hinir fjallháu
brimskaflar fjármálaóreiðu okkar
þjóðar bijóta svo við fætur okkar,
að milljarðatugi verði að borga í
vexti af erlendum skuldum, er það
æðsta trú og kenning þeirra mann-
leysingja sem þjóðin í angurgapa-
hætti sínum trúað hefur fyrir vegi
hennar og velmegun utanlands og
innan, að nú sé um að gera að
hætta allri framleiðslu matvæla
henni til handa, sem og öðrum
þörfum hennar sem mest mætti
henni að gagni koma, en flytja
inn, og aftur og aftur frá útlönd-
um, sem allra mestan andsk...
ófögnuð, lifandi bæði og dautt og
óætt, bara það sé frá útlöndum,
þá fyrst er sama hvað það kostar,
og hvað einskisnýtt sem það er.
Þetta eru hin nýjustu þjóðfræðin
sem við eigum að trúa á.
Einn var sá mikilsmetnasti ráð-
herra sem mikið sig teygði fram í
sjónvarpinu í vetur, boðandi þá
alsælu munaðarins, að bændur
fengju mánaðarlega einnig heim á
rúmstokkinn senda 3 og 4 hundruð
þúsund krónur sem hreina náðar-
gjöf í öllu falli, að skilja mátti, að
kostnaðarlausu í öllum gjöldum
eða tilkostnaði vegna búrekstrar.
En hver skyldi geta forsvarað
manngildi, virðingu og eða siðprýði
slíkra manna bæði fyrir sjálfum
sér og öðrum?
Ef þetta væri rétt fram sett,
mættu þessir dátar rassskella
sjálfa sig fyrir þá forsmán og vit-
leysu að koma þessu á stokkinn
og ráðskast með það. Allar þessar
Gættu
gagnanna þinna!
Bjoðum traustan og
öruggan afritunarbunað
iBOÐEIND
Austurströnd 12. Síini612061.Fax612081
niðurgreiðslur til bænda eru beint
og krókalaust hannaðar, stjórnað
og stýrt af þeim glapræðislegu
fádæma fáráðlingum sem stjórnað
hafa þessu landi um tugaára skeið.
Hækka vexti, lækka gengi æ ofan
í æ árum saman, auka skatta,
borga niður landbúnaðarvörur, svo
vísitalan hækki ekki eins mikið.
En eina fyrirtækið í landinu sem
trúandi var til að misnota ekki slík-
ar greiðslur var landbúnaðarfram-
leiðslan valin, en margbúið að
reyna þetta á ótal öðrum sviðum,
sem alltaf var misnotað á herfileg-
an hátt. I raun og sannleika var
verið að borga niður kaupið, svo
ekki allt spenntist upp jafnóðum í
óendanlegum píramída. En þarna
vantar þessa vísu menn dreng-
skapinn og heiðarleikann til að
greina þjóð sinni rétt og satt frá
gerð þeirra hluta sem fyrir þeirra
misvitru gerðir hafa og eru að
koma þessari þjóð á vonarvöl. Eða
hver gerir það nema fádæmalegir
vitleysingar að hækka vexti allt í
einu um 5% sem gerðist á sl. ári
ef ég man rétt, svo allt í einu voru
komnir í 20%, en voru þá er best
lét 47% og uppí 63% dráttarvextir.
Þeir standa svo gapandi yfir því
VEGLA
Glersteinn á
góðu verði
í< ÁLFAÐORG ?
KNARRARVOGI4 • « 686755
að fyrirtækin fari á hausinn í
hundraða og þúsunda tali, já, án
þess að hreyfa við hendi eða fæti
og æmta svo og veina um innflutn-
ing í öllum mæli á öllu því er þjóð-
in þarf og þarf ekki og hefur raun-
ar ekkert með að gera. Og hver
hefur orðið þessari elskulegu þjóð
sinni meira til skapraunar og
skammar en þeir sem svo lítilsigld-
ir geta læðst í smáninni að flytja
inn nokkrar kalkúnalappir, skinku-
bita og annað eins dót undir því
verðuga yfirskyni eða hitt þó held-
ur að með því sé verið að seðja
þá fátæku og smáu í því ófor-
skammasta matarverðsokri sem
bændur þessa lands stundað geti
með framleiðslu sinni? En séu svo
þar að auki þeir aumustu auðnu-
leysingjar sem hér nokkurn tímann
lifað hafi og þeir dýrustu ómagar
sem þjóðin ali, kennt er af Sumum.
Það er ekkert elskulegt eða að-
laðandi að þurfa að segja mönnum
til syndanna, en það er þó betra
stundum að segja en þegja, og
þegar slíkar holskeflur af rógi og
svívirðingum hafa dunið yfir þá
stétt þessarar þjóðar, sem bændur
nefnast, hefur það alltof lítið verið
tekið þeim tökum sem virkilega
hefði átt fullan rétt á sér og sýnt
það og sannað, að án bændastétt-
arinnar á íslandi yrði engin þjóð
hér til, því án búskapar yrði hér
engin byggð og ekkert mannlíf.
Og að okkar dreifðu byggðir lifi á
náðarbrauði höfuðborgarbúa er sú
dæmalausasta öfugmælapólitík
sem til er. Að búa sem mest og
best að sinni eigin framleiðslu er
íslendingum einn sá dýrasti mátt-
arstólpi sem við eigum kost á að
veita okkur og án þeirra matvæla
sem þaðan koma værum við ekki
til. Hitt er allt annað mál, að verð-
lag bæði á þeim hlutum sem öðrum
er í okkar eigin hendi að ráðskast
með, sem ekki verða gerð skil í
þessu spjalli, en er eins og allt
annað að hér hefur verið undanfar-
in ár, stjórnlaust og vitlaust í þeim
hörmulega og pólitíska hráskinna-
leik sem umlukið hefur þessa bless-
uðu þjóð okkar eins og blindsvart-
asti þokumökkur undanfarna ára-
tugi og líkist því einu einna helst,
þá er rammvilltir auðnuleysingjar
flakka um tilveruna án þess að
hafa nokkurn minnsta leiðarpunkt
til að stefna að.
Höfuhdur cr bóndi í Kaldalóni.
• Sjálfstyrking •
Námskeið þar sem á 30 stundum er unnið markvisst
með nemendum að eftirtöldum markmiðum:
• Kynnast betur eigin styrk og kostum
• Koma sjálfum sér og eigin hugmyndum á framfæri
• Læra að þola mótlæti og taka gagnrýni
• Standa á rétti sínum og bregðast við yfirgangi
• Laða það besta fram í sjálfum sér og öðrum
• Læra að gefa af sér og gera eðlilegar kröfur
• Móta eigin lífsstíl og persónuleika
Leiðbeinandi er:
Sœmundur Hafsteinsson
sálfrœðingur
Stiórntækniskóli íslands
sími 67 14 66 • opið til kl. 22