Morgunblaðið - 23.04.1994, Blaðsíða 27

MORGUNBLAÐIÐ LAUGARDAGUR 23. APRÍL 1994
27
Dagbjartur Helgi Guðmundsson er nýkominn frá Gorazde í Bosníu
Ástandið í borginni öm-
urlegt fyrir árás Serba
„ÁSTANDIÐ í Gorazde var ömurlegt, eins og við var að búast eftir
2 ára umsátur. Það hlýtur að vera enn ömurlegra nú, fólkið var
algerlega háð hjálpargögnunum,“ segir Dagbjartur Helgi Guð-
mundsson, en hann fór fyrir síðasta hópi Rauðakrossmanna sem
komust til og frá Gorazde í Bosníu með matvæli, áður en Serbar
hófu atlögu sína að borginni. Dagbjartur er nýkominn heim eftir
nær eins og hálfs árs starf sem sendifulltrúi Rauða krossins í lýð-
veldum fyrrum Júgóslaviu.
Dagbjartur er verkfræðingur og
hefur verið í Bosníu, Króatíu og
Serbíu frá því í desember 1992.
Hann starfaði fyrst sem vörubíl-
stjóri í Króatíu og síðar leiðangurs-
stjóri en hélt í maí á síðasta ári til
Tuzla í Bosníu þar sem hann vann
að endurbyggingu geðsjúkrahúss.
Að þeirri vinnu lokinni var Dag-
bjartur beðinn um að vinna í þrjá
mánuði til viðbótar sem leiðangurs-
stjóri með aðsetur í Belgrad í Serb-
íu. Hlutverk hans var að fara fyrir
vörubílum sem fluttu hjálpargögn.
í starfi sínu átti Dagbjartur því
töluverð samskipti við Serba og
segist ekki hafa yfir neinu að
kvarta. „Okkar samskipti gengu
yfirleitt vel fyrir sig. Þessar ferðir
voru auðvitað misjafnar, stundum
gengu hlutirnir hratt fyrir sig en
í öðrum tilvikum gátu þeir dregist
á langinn."
Dagbjartur komst fimm sinnum
til Gorazde á jafnmörgum vikum
og fór fyrir síðustu sveitinni sem
komst með hjálpargögn inn og út
úr Gorazde á vegum Rauða kross-
ins 25. mars sl. „Bærinn bar merki
umsátursins, hús sundurskotin og
matur, vatn og sjúkragögn af
skornum skammti. Gorazde hefur
án efa verið fallegur bær, okkur
voru sýndar myndir þaðan sem
teknar voru áður en stríðið hófst
og ég ætlaði ekki að þekkja hann
aftur. Það var erfitt að sjá þessa
breytingu og ég treysti mér ekki
til að horfa á myndina nema í
nokkrar mínútur. Af öllum þeim
stöðum sem ég kom til, m.a.
Sarajevo og Tuzla, var ástandið
verst í Gorazde."
Dagbjartur á engar myndir frá
Gorazde, enda er hjálparstarfs;
mönnum bannað að taka myndir í
starfi sínu. „Við erum hvorki ferða-
menn né fréttamenn og ekki í
Bosníu til að taka myndir.“ Hann
segir fólkið vera þakklátt fyrir
hjálpina og að það beri sig vel þrátt
fyrir það vonleysi sem einkenni
fórnarlömb stríðsins.
Hlutleysi er grundvallarregla
Rauða krossins og hvorki getur né
vill Dagbjartur tjá sig um allt það
sem á daga hans hefur drifið í
starfmu. Hann segist þó aldrei
hafa verið í mikilli hættu.
Dagbjartur bendir á það að eitt
af helstu vandamálum starfmanna
Rauða krossins, sé hversu starfi
Dagbjartur Helgi Guðmunds-
son
þeirra er ruglað sama við starf
Sameinuðu þjóðanna. Starfsmenn
SÞ geti látið af hlutleysi sínu og
séu sumir vopnaðir. Starfsmenn
Rauða krossins verði hins vegar
ávallt að gæta hlutleysis, séu aldr-
ei vopnaðir og starf þeirra háð leyfi
yfirvalda á hveijum stað.
Dagbjartur segir að erfitt hafi
verið að koma heim. Hann kom í
stutt frí um síðustu jól og segir
það sama hafa verið upp á teningn-
um þá. „Ég vildi auðvitað helst
vera þarna ennþá, nú þegar enn
meiri þörf er fyrir hálp en áður..“
Nixon sagð-
ur dauðvona
New York. Daily Telegraph. Reuter.
HEILSU Richards Nixons fyrr-
verandi Bandaríkjaforseta, sem
fékk heilablóðfall sl. mánudag,
hefur hrakað mjög síðustu daga.
Var hann í djúpu dái i gær og
sagður dauðvona. Fregnir
herma að hann hafi neitað lækn-
um að halda í sér lífi með öndun-
arvél.
Bjartsýni gætti um að Nixon
myndi ná sér því hann brosti til
fólks og heilsaði því með handa-
bandi á þriðjudag og miðvikudag.
Síðan tók honum að hraka á ný
og var settur aftur í gjörgæslu.
Talsmaður forsetans fyrrverandi
sagði í gær að ástand hans væri
„mjög alvarlegt." Vegna bólgu-
myndunar í heila hefur Nixon misst
málið og hægri helmingur líkamans
lamast. Dætur Nixons, Tricia Cox
og Julie Eisenhower, hafa ekki vik-
ið frá sjúkrabeði föður síns undan-
farna daga.
Nixon er 81 árs og varð forseti
frá janúar 1969 en sagði af sér í
ágúst 1974 til að koma í veg fyrir
ákæru vegna Watergate-hneykslis-
ins. Engin annar forseti í sögu
Bandaríkjanna hefur sagt af sér
meðan hann hefur setið í embætti.
Fundnar 3
reikistjöm-
ur á stærð
• >C • •• 5C
við jorðu
London. The Daily Telegraph.
BANDARÍSKUR stjörnufræðing-
ur hefur staðfest tilvist þriggja
reikistjarna í öðru sólkerfi, sem
eru á stærð við jörðina. Það var
Alexander Wolszczan, við rikishá-
skóiann í Pennsylvaníu, sem fann
stjörnurnar fyrir tveimur árum
en honum tókst ekki að staðfesta
tilvist þeirra fyrr en honum hafði
tekist að nema óreglulegar bylgju-
hreyfingar í útvarpssjónauka í
Puerto Rico. Reikistjörnurnar eru
með öllu óbyggilegar.
Stjörnurnar þijár eru í sólkerfi tif-
stjörnunnar PSR B1257+12 en hún
er 1.200 ljósár frá jörðu. Hundruð
stjarna eru nær jörðu en hún og síð-
ar kann að koma í ljós að þeim fylgi
einnig reikistjörnur. Segir Wolszczan
að uppgötvun sín bendi til þess að í
Vetrarbrautinni, sem sólkerfi okkar
er í, séu tjöldi reikistjarna á stærð
við jörðu, sem mannskepnan geri
einhvern tíma að nýlendum sínum.
OECD þannig að stofnunin verði á
ný jafn mikilvægur samráðsvett-
vangur fyrir ráðherra og háttsetta
embættismenn aðildarríkjanna og
hún hafi verið í upphafi. Því miður
hafi þróunin verið sú að skrifræðið
innan OECD hafi aukist og ráðherrar
sýnt starfi hennar sífellt minnkandi
áhuga.
Hann segir einnig mikilvægt að
hann sé sá eini er keppi um stöðuna
sem ekki komi frá Evrópu en til þessa
hafi allir framkvæmdastjórar OECD
verið evrópskir. Þetta hafi leitt til
þess að mörg ríki, ekki síst í austur-
hluta Asíu, telji áhugasvið stofnunar-
innar of einskorðað við Evrópu. Þetta
sé mjög miður þar sem t.d. Japanir
hafi mikinn áhuga á að efla OECD.
Eitt helsta verkefni OECD á næstu
árum telur hann vera að aðstoða ríki
Mið- og Austur-Evrópu við uppbygg-
ingu á efnahagslegum stjórnkerfum
sínum, en á því sviði búi OECD yfir
mikilli þekkingu. Það þýði hins vegar
að skera verði niður á öðrum sviðum
starfseminnar og nefnir Johnston að
athuga verði hvort að einhvers stað-
ar sé OECD að vinna svipað verk
og aðrar alþjóðastofnanir, t.d. Al-
þjóðagjaldeyrissjóðurinn. Þá komi vel
til greina að skera eitthvað niður það
mikla pappírsmagn sem stofnunin
sendir frá sér árlega.
|—
Aiit að: 75.000,-krónur!
í ókeypis aukahlutum þegar þú kaupir
Paradiso fellihýsi. Örugglega bestu kaupin!
Sama verð og í fyrra!
HOBBV HiÓLHYSl
Verð aðeins frá kr. 1.072.600,-
fyrir nýtt glæsilegt Hobby hjólhýsi
Sama verð og í fyrra!
Einn ástsælasti tjaldvagn hér á landi býðst nú
með 5% afslætti. Er fullkomnasti tjaldvagninn
nú einnig á lang-besta verðinu? Gildir til 15/5.
Óbreytt verð frá því fyrra!
GÍSLI Jónsson hf
Bíldshöfða 14, 112 Reykavík, s. 686644. Umboðsmenn: BSA, Akureyri; Bílasalan Fell, Egilstöðum
MÚ FERDUMST VID
I INNANLANDS í SUMAR!
FRABÆR TILBOÐ A
VÖGNUM OKKAR ÆTTU AÐ .
ÝTA UNDIR FERDALÖNGUNINA I