Morgunblaðið - 04.08.1994, Blaðsíða 2
2 FIMMTUDAGUR 4. ÁGÚST 1994
MORGUNBLAÐIÐ
FRÉTTIR
* THí
PUCK
STOPS
HERE!
mm mviii
Morgunblaðið/Golli.
mXRs&ljÞ js|l " jj[
y •3*k" a
María í aðalhlutverki
SAMBÍÓIN hófu í gær sýningar á kvimyndinni
„D2 The Mighty Ducks“, en í myndinni leikur
María Ellingsen, ung íslenzk leikkona, eitt af
kvenaðalhlutverkunum. Hún var viðstödd frum-
sýningu í gærkveldi og þar var einnig framleið-
andi myndarinnar, Jordan Kerner og einn aðal-
leikarinn, Carsten Noorgaard. Myndin er fram-
hald vinsællar kvikmyndar, sem heitir „Sigur-
vegararnir". Hún fjallar um ísknattleikslið, sem
á í keppni við íslenzkt ísknattleikslið. Á mynd-
inni er María ásamt Jordan Kerner við upphaf
sýningarinnar í gærkveldi.
Varaformannsstaða
Framsóknarflokksins
Guðmundur verð-
ur í framboði
Ingibjörg Pálma-
dóttir íhugar að gefa
kost á sér
FLEST bendir nú til að kosningar
muni fara fram á milli frambjóð-
enda til varaformanns á flokksþingi
Framsóknarflokksins sem haldið
verður í haust. Guðmundur Bjarna-
son, alþingismaður og ritari flokks-
ins, hefur ákveðið að gefa kost á
sér í varaformennskuna og Ingi-
björg Pálmadóttir alþingismaður
segist vera að hugleiða framboð til
varaformanns.
Halldór Ásgrímsson, fyrrv. vara-
formaður, tók sl. vor við for-
mennsku í Framsóknarflokknum af
Steingrími Hermannssyni til bráða-
birgða fram að flokksþinginu sem
á að hefjast 20. nóvember en eng-
inn hefur gegnt varaformannsstöð-
unni frá í vor. Nær öruggt er talið
að Halldór verði einróma kosinn
formaður á flokksþinginu. Guð-
mundur sagði í samtali við Morgun-
blaðið að þetta gæfl tækifæri til
breytinga í stjórn flokksins og hann
hefði því ákveðið að gefa kost á
sér. Sagðist hann allt eins eiga von
á að fleiri yrðu í framboði og kæmu
hugsanlega úr hópi yngra fólks og
kvenna. Ingibjörg Pálmadóttir
sagði að ef hún byði sig fram yrði
það ekki gert sérstaklega í nafni
kvenna eða að hún ætlaðist til að
konur styddu sig frekar en karlar
innan flokksins.
F ramkvæmdastj órn ræðir
haustkosningar
Framkvæmdastjórn Framsókn-
arflokksins kemur saman í dag til
að ræða tilhögun kosningabarátt-
unnar vegna hugsanlegra haust-
kosninga og einnig verður rætt á
fundinum hvort ástæða sé til að
flýta flokksþinginu ef gengið verður
til þingkosninga í haust.
Ymsir örðugleikar eru þó taldir
á að færa flokksþingið fram í sept-
ember ef kosningar verða haldnar
1. október, m.a. vegna þings ftjáls-
Iyndra stjórnmálaflokka sem fram
fer hér á landi í byijun september
en Framsóknarflokkurinn er með-
limur í þessum samtökum.
!
i
»
I
í
Félagsmálaráðuneytið úr-
skurðar kosningamar ógildar
Kosning þarf að fara fram að nýju í
Stykkishólmi og á Hólmavík
Hitaveitan
Borað eftir
• •
vatni á 01-
kelduhálsi
HITAVEITA Reykjavíkur
undirbýr nú borun eftir heitu
vatni á Ölkelduhálsi á Heng-
ilssvæðinu milli Nesjavalla
og Hveragerðis. Stefnt er að
því að bora eina tilraunaholu
á þessu ári.
Að sögn Gunnars Krist-
inssonar hitaveitustjóra hef-
ur verið samið við landeig-
endur á svæðinu sem um
ræðir og hefst lagning vegar
að staðnum innan skamms,
en sjálft verkið er nú í um-
hverfismati. Sagði Gunnar
að 10-15 ár gætu liðið þar
til endanlegar niðurstöður
fyrirhugaðra rannsókna á
svæðinu lægju fyrir.
FÉLAGSMÁLARÁÐUNEYTIÐ
hefur úrskurðað sveitarstjómar-
kosningarnar í Hólmavíkurhreppi
og Stykkishólmsbæ ógildar. Kjósa
verður að nýju í þessum sveitarfé-
lögum. Dómsmál hefur verið höfðað
vegna sameiningar Stykkishólms
og Helgafellssveitar.
Einstaklingar í sveitarfélögunum
tveimur kærðu kosningamar sem
fram fóm 28. maí í vor. Eins og
lög mæla fyrir um var skipuð nefnd
til að úrskurða um kæmrnar. I
báðum tilvikunum úrskurðuðu
nefndirnar kosningarnar ógildar.
Þessir úrskurðir voru kærðir til fé-
lagsmálaráðuneytisins og hefur
ráðuneytið nú staðfest úrskurðina.
Ástæðan fyrir því að ráðuneytið
úrskurðar kosningamar ógildar er
að framboðsfrestur vegna kosning-
anna var of skammur. Skömmu
fyrir kosningar var Stykkishólmur
og Helgafellssveit sameinuð í eitt
sveitarfélag og Hólmavík og Naut-
eyrarhreppur í annað. Félagsmála-
ráðuneytið staðfesti þessar samein-
ingar 19. og 11. maí með auglýsing-
um í B-deild Stjórnartíðinda. Fram-
boðsfrestur rann út 30. apríl, fjómm
vikum fyrir kosningar, þannig að í
reynd var ekki um neinn framboðs-
frest að ræða í sveitarfélögunum
tveimur.
í úrskurði ráðuneytisins segir að
það hefði gert sér ljóst að réttar-
staðan var ekki að öllu leyti skýr
hvað varðar þetta atriði. Það taldi
sig hins vegar ekki hafa lagaheim-
ild til að fresta kosningum og því
hefði verið ákveðið að heimila undir-
búning að kosningum í hinum sam-
einuðu sveitarfélögum áður en búið
var að birta auglýsingu um stað-
festingu á sameiningu sveitarfélag-
anna.
Sameiningin kærð
Ólafur Sverrisson, bæjarstjóri í
Stykkishólmi, sagðist vera undrandi
á úrskurði félagsmálaráðuneytisins.
Það væri hins vegar ekki við stjórn-
endur Stykkishólmsbæjar að sak-
ast. Þeir hefðu í einu og öllu farið
eftir fyrirmælum ráðuneytisins, en
það hefði gert mistök.
Ólafur sagði að upphafið að
þessu máli mætti rekja til óánægju
með sameiningu Stykkishólms og
Helgafellssveitar. Ráðuneytið hefði
dregið að birta auglýsingu um sam-
einingu sveitarfélaga vegna kæru-
mála sem upp risu eftir að kosið
var um sameininguna. Þessi kæru- »
mál virðast reyndar ekki vera á 1
enda því að Hólmfríður J. Hauks-
dóttir, Arnarstöðum í Helgafells- \
sveit, hefur kært sameiningu sveit-
arfélaganna til Héraðsdóms Vestur-
lands. Ólafur sagðist helst vilja fá
botn í það mál áður en boðað verði
til nýrra kosninga. Hann sagði hins
vegar ekki víst að það væri fram-
kvæmanlegt vegna þess að búast
mætti við að nokkurn tíma taki að
fá niðurstöðu fyrir dómi.
Hjálmar Halldórsson, sjómaður á
Hólmavík, er einnig að íhuga að
kæra sameiningu Hólmavíkur og
Nauteyrarhrepps. Hann sagði í gær
að hann myndi taka ákvörðun um
það í samráði við lögfræðing sinn.
Ákvarðanir um breytingu á legu CANTAT 3 ljósleiðarans teknar síðar í haust
Ekki unnt að breyta
lögn kapalsins
við Kötlutanga
KÖNNUN Pósts og síma á því hvort mögu-
legt væri að breyta nú þegar lagningu ljós-
leiðarakapalsins CANTAT 3 þar sem verið
er að leggja hann um Kötlutanga og taka
þar með tilliti til óska útvegsmanna í Vest-
mannaeyjum leiddi í ljós að of seint væri
að breyta út frá fyrri áætiun um lagningu
kapalsins. Að sögn Þorvarðar Jónssonar
framkvæmdastjóra fjarskiptasviðs Pósts og
síma verður ákvörðun um hugsanlega breyt-
ingu á Iegu kapalsins tekin á fundi fram-
kvæmdanefndar um lagningu CANTAT 3
sem haldinn verður í lok nóvember í haust.
Póstur og sími hélt í gær fund með útvegs-
mönnum úr Vestmannaeyjum þar sem þeim
voru kynntar allar upplýsingar sem fyrir
liggja um lagningu kapalsins. Þorvarður
Jónsson sagði fundinn hafa verið málefna-
legan, en fulltrúi Landssambands íslenskra
útvegsmanna og fulltrúi útvegsmanna í
Eyjum, hefðu gert fyrirvara um bótaskyldu,
ef strengurinn yrði fyrir skemmdum.
Þorvarður Jónsson sagði í samtali við
Morgunblaðið að farið yrði yfir kapalinn
eftir lögn hans og hann lagfærður og graf-
inn niður þar sem þörf þætti á, en þetta
hafi reyndar verið hluti af upphaflegu verk-
efni við lagningu kapalsins. Nefnd um stað-
arval kapalsins myndi síðan í haust mynda
sér skoðun á því hvaða leiðir væri hægt
að fara til að koma til móts við óskir útvegs-
manna, og stefnt væri að því að halda fund
með þeim í Vestmannaeyjum í byijun nóv-
ember þar sem þeim yrðu kynntar allar
upplýsingar varðandi CÁNTAT 3 ljósleiðar-
ann sem þá lægju fyrir. Niðurstöður þess
fundar yrðu síðan teknar fyrir á fundi fram-
kvæmdanefndar um lagningu kapalsins í
lok nóvember.
Skýrsla dansks sérfræðings afhent
Á fundinum með útvegsmönnum í gær
var þeim afhent ljósrit af skýrslu sem
danskur ráðgjafi vann á sínum tíma um
staðarval kapalsins. Hann kom hingað til
lands og ræddi m.a. við fulltrúa útvegs-
manna og Hafrannsóknastofnunar, en að
sögn Þorvarðar hafði hann ekkert samband
við Póst og síma. Daninn bauð á sínum tíma
fram vinnu sína og mæltu fulltrúar ís-
lands, Danmerkur og Þýskalands í nefnd
um staðarval kapalsins með því að tilboði
hans yrði tekið. Þorvarður sagði að því
hafi hins vegar verið hafnað þegar það var
tekið fyrir á fundi framkvæmdanefndar
CANTAT 3. Af þeim sökum hafi loka-
skýrsla sem ráðgjafinn hafði unnið aldrei
komist lengra en til dönsku fulltrúanna í
nefndinni, og Póstur og sími því ekki feng-
ið aðgang að niðurstöðum hans fyrr en eft-
ir að þeir óskuðu eftir skýrslunni í síðasta
mánuði.
Þorvarður sagði að í umræddri skýrslu
kæmu fram tillögur um að kapallinn yrði
lagður á meira dýpi hér við land eri raun
varð á. Það hefði hins vegar kostað lengri
kapal og aukin kostnað við heildarfram-
kvæmdina, og væri það kannski ásæðan
fyrir því að hluti af eigendum kapalsins
viidi ekki að fjallað væri um skýrsluna.
Sagðist Þorvarður telja að heildarnefndin
sem sér um lagningu CANTAT 3 hefði
hreinlega gert mistök hvað þetta varðar og
vanmetið áhrif flskveiða á það hvernig
standa ætti að staðarvali fyrir kapalinn.
Um fyrirvara útvegsmanna, sem áður er
getið, sagði Þorvarður, að ef til skemmda
á kaplinum kæmi, yrði að útkljá bótamál
fyrir dómstólum