Morgunblaðið - 11.09.1994, Síða 11

MORGUNBLAÐIÐ
GÖMLU kempurnar úr úrvalsdeildarliðinu Stuttgart mættu galvaskir við opnun drykkjarvörumark-
aðarins og gáfu eiginhandaráritanir; f.v. Karl-Heinz Förster, Fritz Walter, Ásgeir, Bernd Förster
og Guido Buchwald.
inlega orða það svo. Hitinn var
óbærilegur og salan á drykkjum tók
kipp í samræmi við það. Júlí og
ágúst eru yfirleitt mjög rólegir
mánuðir hjá verslunarfólki hér í
Þýskalandi, en þá standa skólafrí
yfir og margir að heiman í sum-
arfríi sínu. Vegna hinna miklu hita
var hins vegar geysilega mikil sala
á drykkjum þennan tíma, sem kom
sér auðvitað ákaflega vel fyrir okk-
ur sem erum að fóta okkur í við-
skiptum."
Aðspurður kveðst Ásgeir vera
ókvíðinn, enda þótt efnahags-
ástandið í Þýskalandi hafi oft verið
betra. „Salan hefur aukist jafnt og
þétt frá því að við opnuðum, eða
um 10-15% á mánuði. Ég er með
mjög góðan ráðgjafa mér til halds
og trausts, sem hefur sérhæft sig
í rekstri drykkjarvörumarkaða og
hann er mjög ánægður með hvernig
málin hafa þróast. Ég hef því ekki
ástæðu til annars en að vera bjart-
sýnn á framhaldið."
Heldurðu að það hafi haft sitt
að segja að þú ert ekki með öllu
óþekktur í Þýskalandi?
„Það hefur trúlega ekki skaðað
að ýmsir muna eftir mér úr fótbolt-
anum. Þó varð ég einna helst var
við það í byrjun, fyrstu vikurnar
eftir að við opnuðum. Þá dreif fólk
sem var forvitið að sjá hvernig til
hefði tekist og hafði ekkert á móti
því að hitta Sigurvinsson. Nú er
nýjabrumið hins vegar farið af
markaðinum og við höfum náð að
byggja upp fastan hóp viðskipta-
vina, sem 'koma til að kaupa drykki
en ekki til að hitta mig. Að vísu
eru alltaf nokkrir sem grípa tæki-
færið og spjalla við mig um fót-
bolta, en ég hef bara gaman af því.“
Þú ert ekkert að velta því fyrir
þér að selja íslenska drykki. Bjóða
viðskiptavinum þínum til dæmis upp
á besta vatn í heimi?
„Jú, vissulega er það hugmynd
sem heillar. Það er nokkuð síðan
að ég byijaði að þreifa fyrir mér
heima varðandi útflutning á íslensk-
um drykkjum, en ekkert hefur kom-
ið út úr því ennþá. Mér virðist vera
takmarkaður áhugi fyrir hendi með-
al íslenskra framleiðsluaðila að selja
til Þýskalands, enda allt stílað inn
á Bandaríkja- og Evrópumarkað.
,, Ég gæti vel hugsað mér að bjóða
upp á íslenskt vatn, bjór og til
dæmis brennivín, enda sann-
færður um að því yrði vel
tekið af Þjóðverjum. Eins
fyndist mér til dæmis
spennandi að bjóða við-
skiptavinum mínum
upp á klaka úr
Vatnajökli, sem fyr-
irtækið Eðalís hef-
ur selt um nokkurt
skeið.“
Ásgeir kveðst
meðal annars
vera í sambandi
við Akva hf. á
Akureyri varð-
andi hugsan-
legan út-
flutning á
drykkjum.
„Enn hafa
þó engar
ákvarðanir verið teknar. Ég verð
því áfram með augu og eyru opin.“
Ertu með eitthvað fleira á pijón-
unum?
„Eins og er hef ég nóg á minni
könnu. Ég reikna með að við Ásta
munum vinna sjálf í markaðnum
næstu 2-3 árin, á meðan fyrirtæk-
ið er að festast í sessi. Á meðan
mun ég því einbeita mér að rekstri
þess. Hins vegar er allt óráðið með
það hvað tekur við hjá mér að þeim
tíma liðnum. Mér þykir ráðlegast
að taka eitt skref í einu.“
Boðið að gerast þjálfari
hjá Stuttgart
Undir lok síðasta árs var Ásgeir
nefndur sem líklegur aðstoðarþjálf-
ari Uli Stielike hjá úrvalsdeildarlið-
inu Stuttgart, eftir að Christoph
Daum lét af störfum hjá liðinu.
Þýskir fjölmiðlar veltu því mikið
fyrir sér hveijir tækju við og sumir
gengu jafnvel svo langt að fullyrða
að Ásgeiri yrði falið starfið. Að-
spurður vill hann gera sem minnst
úr máli þessu.
„Það er að vísu rétt að stjórn
Stuttgart hafði samband við mig
þegar Daum hætti og bauð mér að
gerast þjálfari liðsins í sex mánuði
og síðan aðstoðarþjálfari þess aðila
sem þá tæki við, en ég hef aðeins
réttindi sem aðstoðarþjálfi í þýsku
1. deildinni. Ég og stjórnarmenn
Stuttgart ræddum þetta mál aðeins
okkar á milli og það var aldrei
ætlunin að fara með það í fjöl-
rniðla."
Ásgeir kveðst vissulega hafa ver-
ið mjög ánægður með að leitað
skyldi hafa verið til hans. „Af minni
hálfu kom þó aldrei til greina að
taka boðinu, þótt það væri freist-
andi. Á þessum tíma var ég með
hugann allan við byggingafram-
kvæmdir enda átti að opna markað-
inn aðeins nokkrum mánuðum síð-
ar. Hefði þessi staða aftur á móti
komið upp fyrr, hefði ég vafalaust
slegið til og gerst þjálfari hjá
Stuttgart."
Gætirðu hugsað þér að snúa þér
að knattspyrnuþjálfun í framtíð-
inni?
„Það er ekki óhugsandi mögu-
leiki, enda um mjög áhugavért starf
að ræða. Ég sótti þjálfaranámskeið
í Köln eftir að ég hætti atvinnu-
mennsku og hef lokið helmingnum
af því sem þarf til að þjálfa í þýsku
1. deildinni. Ég get alltaf bætt hinu
við seinna, ef ég tel mig hafa þörf
fyrir réttindin."
Bróðursonur þinn, Sigurvin
Olafsson, gerði nýverið eins árs
samning við áhugamannalið Stutt-
gart, hið sama og Eyjólfur Sverris-
son byijaði hjá. Telurðu frænda
þinn eiga góða möguleika á að kom-
ast í úrvalsdeildarlið Stuttgart þeg-
ar fram líða stundir?
„Já, mér finnst mjög líklegt að
Venni eigi eftir að komast í liðið,
fyrr eða síðar. Hann er ekki nema
18 ára gamall og því eðlilegt fyrir
hann að byija í amatörliðinu.“
Hefur þú leiðbeint honum í knatt-
spyrnu?
„Venni þarf ekki á leiðbeiningum
mínum að halda. Hann veit alveg
hvað hann er að gera.“
Kann illa við íslenska
hugsunarháttinn „þetta
reddast“
Ummæli þín í viðtali í Morgun-
blaðinu í fyrra um agaleysi Islend-
inga vöktu umtalsverða athygii og
var víða vitnað í orð þín, bæði í
mæltu og rituðu máli. Hefurðu allt
aðra sögu að segja af Þjóðveijum;
eru þeir ef til vill til fyrirmyndar?
„Já, það má eiginlega segja það.
Mér finnst til dæmis vera sláandi
heima að stjórnmálamenn þurfa
aldrei að bera ábyrgð á orðum sínum
eða gerðum. Þeir hika ekki við að
svíkja gefin loforð og virðast komast
upp með alls kyns óheiðarleika, án
þess nokkurn tímann að verða látnir
gjalda þess. Þetta er hlutur sem ég
á bágt með að sætta mig við. Sömu-
leiðis kann ég ákaflega illa við ís-
lenska hugsunarháttinn í viðskiptum
„þetta reddast". Líkast til ræður þar
mestu hve ég hef verið lengi í Þýska-
landi. Þjóðverjar hugsa allt öðruvísi
hvað þetta varðar. Það hvarflar ekki
að nokkrum manni hér að halda að
hlutirnir einfaldlega reddist.“
Ásgeir segir þetta viðhorf Þjóð-
veija líkast til hvergi eins áberandi
og einmitt í sambandsríkinu Baden-
Wúrttemberg, þar sem hann er bú-
settur. „Hér dettur athafnamönnum
ekki í hug að treysta á guð og lukk-
una. Ég hef sérstaklega orðið var
við þennan hugsunarhátt í kringum
stofnun fyrirtækisins. Ráðgjafi minn
lagði til dæmis ríka áherslu á það
við mig strax í upphafi, að ef eitt-
hvað færi úrskeiðis og ég lenti í
rekstrarörðugleikum, þá þyrfti ég
ekki að gera mér neinar vonir um
að bankastofnanir réttu mér hjálpar-
hönd. Þetta væri alfarið mitt mái
og því væri að duga eða drepast!
Af þessum sökum var afar mikil-
vægt fyrir mig að leggja dæmið
nákvæmlega á borðið og hafa alla
hluti á hreinu, áður en ég legði út í
að byggja."
Ættirðu erfitt með að fara út í
atvinnurekstur á íslandi?
„Ef satt skal segja, þá hefur það
aldrei komið til tals.“
Tveir áratugir í útlöndum er lang-
ur tími. Áttu von á að þú flytjir ein-
hvern tímann aftur til íslands?
„Við Ásta hlaupum ekki svo auð-
veldlega frá öllu hér, allra síst eftir
að við stofnuðum fyrirtækið. Áuk
þess eru krakkarnir í skóla og eiga
hér sína vini og svo það er meira
en að segja það að rífa sig upp.
Einhvern tímann kemur þó að því
að við íjölskyldan flytjum heim, þó
það verði ekki í bráð.“
Hann segist reikna með að það
verði gífurlega mikil viðbrigði að
flytja, sérstaklega fyrir hann, þar
sem hann hafi verið búsettur erlend-
is svo lengi. „Jafnvel þótt ég hafi
farið heim á hveiju ári, hef ég misst
mikið niður samband við niína fyrri
kunningja og fjarlægst ísland eftir
allan þennan tíma. Og kannski ekki
við öðru að búast. Að því leyti er
ég sjálfsagt orðinn hálfgerður út-
lendingur. Ég á samt ekki von á
öðru en að ég muni aðlagast lífinu
heima, þegar þar að kemur.
Reyndar er ég hálfsmeykur við
skammdegið á íslandi. Ég held að
ég ætti einna helst erfitt með að
venjast því. Og rokinu."
SUNNUDAGUR 11. SEPTEMBER 1994 11
ImUn'vi
Fyrstu
sætin á sértilboði
Bókaðu fyrír 1. okt og
njóttu þessara
frábæru kjara
Við erum stolt af að kynna glæsilega nýja
ferðaáætlun vetrarins með spennandi nýjum
áfangastöðum eins og Indlandi og Bali á lægra verði
en áður hefur sést og glæsilegum nýjum
gististöðum á Kanaríeyjum. Tryggðu þér góða ferð á
góðu verði með fyrsta flokks þjónustu Heimsferða.
m Brottfarir:
m 17. des. - jólaferð
m 4. janúar - 4 vikur
® 1. febrúar - 3 vikur
22. febrúar - 3 vikur
15. mars - 3 vikur
5. apríl - páskaferð
Frá aðeins kr.
í fyrra seldust þær upp
Bæklingurinn
kominn út i
verðlækkun
Verð p. mann m.v. 3 í smáhýsi
HEIMSFERÐIR
Austurstræti 17, 2. hæð • Sími 624600