Morgunblaðið - 17.09.1994, Blaðsíða 2

2 LAUGARDAGUR 17. SEPTEMBER 1994
FRETTIR
MORGUNBLAÐIÐ
Niðurstaða nefndar skipaðrar af bæjarstjórnum á Akranesi og í Borgarbyggð
Uppstokkun orku-
fyrirtækja til umræðu
NEFND SEM skipuð var af oddvit-
um meirihluta í bæjarstjórnum
Akraness og Borgarbyggðar í júní
síðastliðnum til að leita lausna á
fjárhagsvanda Hitaveitu Akraness
og Borgarness (HAB) hefur komist
að þeirri niðurstöðu að ekki sé hag-
kvæmt að skipta veitukerfi HAB
heldur beri að halda því undir einni
stjórn. Nefndin mælir með því að
raforkufyrirtæki verði seld og
skuldir HAB greiddar niður.
HAB og Undirbúningsfélag
Orkubús Borgarfjarðar (UOB)
skulda nú rúmlega 2,3 milljarða
króna. Skuldabyrðin er að sliga
hitaveituna og er orkuverð hátt.
Önnur tillagan og sú sem mælt
er með felst í því að Akranesbær
og Borgarbyggð selji Rafmagns-
veitum ríkisins (Rarik) rafveitur
Akraness og Borgamess. Sömuleið-
is verði eignarhluti þeirra og And-
akílshrepps í Andakílsárvirkjun
seldur Rarik og andvirðið riotað til
að bæta skuldastöðu HAB og UOB.
Lauslegt mat gerir ráð fyrir að fyr-
ir rafveitumar og 65% hlut þessara
sveitarfélaga í Andakílsárvirkjun
fengjust um 1.100 milljónir króna.
Ef ríkissjóður tæki á sig skuldir í
hlutfalli við eignarhlut sinn í HAB
og miðað við niðurgreiðslu skulda
á þessu ári yrðu skuldir HAB um
einn milljarður. Miðað við óbreytt
hitaverð og 7% raunvexti yrði hægt
að greiða skuldina að fullu á 7 til
8 árum.
Ef hitaverð yrði lækkað strax
um 20% tæki 11 til 12 ár að greiða
skuldimar miðað við sömu raun-
vexti. Ef tækist að lækka skuldir í
900 milljónir gæti hitaverð lækkað
um 10% til viðbótar eftir 5 ár. Þeg-
ar full skuldaskil nálguðust eftir
rúman áratug mætti lækka hitaverð
í helming þess sem nú gildir. Raf-
magnsverð á Akranesi myndi lík-
lega hækka um 10%.
Orkubú Borgarfjarðar
Bent er á aðra leið sem felst í
að samkomulag takist um stofnun
Orkubús Borgarfjarðar (OB) sem
tæki -yfir rekstur og eignir orkufyr-
irtækja í Borgarfirði auk eigna
Rarik á svæðinu. Ekki yrði unnt
að lækka orkuverð sem neinu næmi
á næstu árum. Reiknað er með að
OB gæti greitt niður skuldir HAB
á 15 ámm miðað við 7% vexti. Inn-
an Rarik mun hafa verið andstaða
gegn þessari leið. Ef Rarik yrði
ekki með myndi endurgreiðslu-
tíminn lengjast um nokkur ár.
Aðilar málsins hafa til þessa haft
ólíkra hagsmuna að gæta varðandi
verð á raforku og hitaorku auk
áhrifa á atvinnulíf og hefur það
tafið að samkomulag næðist um
leiðir til að leysa alvarlega skulda-
stöðu HAB. Heimildarmenn blaðs-
ins á Akranesi og í Borgarbyggð
töldu að nú hillti undir að samkomu-
lag næðist um lausn.
Hjarta- og lungnaþegi í Gautaborg
Fer af gjörgæslu-
deild
„HÚN HEFUR ekki fengið höfn-
unareinkenni og til stóð að færa
hana af gjörgæsludeild á föstudag,"
sagði Vigdís Hansdóttir, svæfínga-
læknir á gjörgæsludeild Sahl-
grenska sjúkrahússins í Gautaborg,
Samningur
FÍH sam-
þykktur
KJARASAMNINGUR Félags ís-
lenskra hljómlistarmanna og ríkis-
ins var samþykktur með öllum
greiddum atkvæðum á fundi FÍH í
gær. Þar með hefur verkfalli endan-
lega verið aflýst. Frumsýning óper-
unnar Valds örlaganna á því að
geta farið fram með eðlilegum
hætti í kvöld.
Á milli 50 og 60 manns voru á
fundinum. Um 500 manns eru í
félaginu.
í dag
um líðan Ásdísar Stefánsdóttur,
hjarta- og lungnaþega úr Garði, í
gær. Vigdís sagði að af skipulagsá-
stæðum hefði Ásdís ekki verið flutt
af gjörgæsludeild í gær, en það
yrði væntanlega gert í dag.
Ásdís Stefánsdóttir var með fæð-
ingargalla og hafði beðið í um fímm
ár eftir að komast í hjarta- og
lungnaskiptaaðgerð þegar loksins
kom að því föstudaginn 9. septem-
ber. Aðgerðin gekk vonum framar
og hafa höfnunareinkenni ekki
komið fram nú viku síðar.
IVtjög hress
Vigdís sagði að Ásdís væri mjög
hress. „Hún situr, borðar og gengur
um í herberginu,“ sagði Vigdís. Hún
sagði að Ásdís yrði að minnsta kosti
hálfan mánuð á sjúkrahúsinu. Á
eftir færi hún væntanlega á endur-
hæfíngarheimili í tengslum við
sjúkrahúsið. Ef allt gengi vel kæm-
ist hún heim í vetrarbyrjun.
Ásdís á heima í Garði. Eiginmað-
ur hennar og systir dveljast hjá
henni í Gautaborg.
Gjaldskrá Veðurstofu
hækkuð um 30%
UMHVERFISRÁÐUNEYTIÐ hefur
gefíð út nýja gjaldskrá fyrir þjón-
ustu Veðurstofu íslands. Hún
hækkar, að sögn Guðmundar Haf-
steinssonar, forstöðumanns þjón-
ustusviðs Veðurstofunnar, að með-
altali um 30%. Hann segir að til
grundvallar liggi mat á þeirri vinnu
sem fari í að framleiða tilteknar
upplýsingar.
Gjaldskrá Veðurstofunnar hækk-
aði síðast fyrir taepu ári. Þá hækk-
uðu t.d. drög að Islandsveðurkorti,
24 tíma spár, úr 561 krónu í 1.113
krónur, eða um 98%. Nú hækkar
sama kort í 1.440 krónur, eða um
29,4%. Magnús Jóhannesson, ráðu-
neytisstjóri umhverfísráðuneytis,
segir að verið sé að færa greiðslu
fyrir þjónustu til samræmis við
kostnað og að hækkunin í fyrra
hafí ekki að öllu Ieyti náð til raun-
verulegs kostnaðar.
Eðlilegt að borga það sem
þjónustan kostar
Aðspurður um það hvort Veður-
stofan hafi í raun verið að gefa
þjónustu sína áður en hækkunin í
fyrra hafí verið gerð sagði Magnús
að því væri sjálfsagt mjög víða
þannig farið að raunverulega væri
þjónusta seld fyrir minna en hún
kosti. „Við höfum verið að fara
yfír þetta hjá ýmsum stofnunum til
þess að reyna að færa sli'ka sérþjón-
ustu, sem veitt er einstaklingum
og fyrirtækjum, til þess verðs sem
hún raunverulega kostar," segir
Magnús.
Magnús sagði að á þessum tím-
um, þegar verið væri að reyna að
hagræða og láta enda ná saman
hjá stofnunum, skera niður og halda
ríkisútgjöldum í horfinu, verði menn
að grípa til þeirra úrræða sem í
sjálfu sér séu eðlileg. „Ég held að
það hljóti að teljast mjög eðlilegt
að fyrir svona sérþjónustu sé borg-
að það sem hún kostar."
Gamla verðskráin ekki
raunhæf
Guðmundur segir að hækkun
gjaldskrárinnar nú sé um 30% að
meðaltali. Þegar hún hafi verið
hækkuð í fyrra hafí hún ekki verið
hreyfð frá 1988. „Þá var hún leið-
rétt til þess verðlags sem þá var
yfírleitt í gildi." Aðspurður um það
hvers vegna hafí þurft að hækka
um 30% til viðbótar nú, þar sem
það sé mun meiri hækkun en al-
mennt hafi orðið á verðlagi á því
ári sem liðið er, sagði Guðmundur
að gamla verðskráin hafí ekki verið
raunhæf. „Þetta á að vera raunhæf-
ara. Forsendurnar fyrir þessari
verðlagningu voru endurskoðaðar
frá grunni."
Hjólastóla-
bátur á
Reynisvatni
JÓHANNES Þór Guðbjartsson,
framkvæmdastjóri Sjálfsbjargar
í Reykjavík, Ólafur Skúlason,
umsjónarmaður Reynisvatns, og
Guðmundur Jónasson, verkfræð-
ingur Sjálfsbjargar, skoðuðu í
gær aðstöðu fyrir fatlaða við
Reynisvatn ofan við Grafarholt í
Reykjavík. Ólafur Skúlason efndi
til dorgveiðikeppni fatlaðra á
Reynisvatni í fyrravetur og gaf
farandbikar fyrir stærsta fisk-
inn. Erfiðara var um vik fyrir
fatlaða þegar ísa leysti, en nú
hefur verið ráðin bót á því. Magn-
ús bóndi Hjaltested á Vatnsenda
við Elliðavatn átti sérbúinn bát
fyrir hjólastóla og bauðst til að
lána hann á Reynisvatn. Fatlaðir
fá bátinn og veiðileyfi endur-
gjaldslaust á Reynisvatni fyrst
um sinn. Á næsta ári er ætlunin
að leigja bátinn út og rennur þá
leigan til Sjálfsbjargar.
Veiði-
tíminn
óstyttur
UMHVERFISRÁÐHERRA
hefur ákveðið að ijúpnaveiði-
tíminn í ár verði frá 15. októ-
ber til 22. desember, eða líkt
og gilti áður en hann var stytt-
ur um einn mánuð í fyrra.
Gripið var til verndaraðgerða
vegna fækkunar sem orðið
hafði í stofninum.
Talningar Náttúrufræði-
stofnunar sýna nú að stofninn
er ekki lengur á niðurleið og
hlutföll ungfugla í varpstofn-
inum benda til hins sama.
Best er fylgst með ijúpunni í
Þingeyjarsýslum. Samkvæmt
talningu á sex svæðum mæld-
ist þar engin fækkun í ár, en
um fimmtungsfækkun í fyrra.
Aðalfundur SSS
Nýi bærinn
í minnihluta
Keflavík. Morgunblaðið.
SAUTJÁNDI aðalfundur
Sambands sveitarfélaga á
Suðurnesjum hófst í Keflavik
í gær og þar var samþykkt
tillaga stjórnarinnar um að hið
nýja sameinaða sveitarfélag,
Keflavík, Njarðvík og Hafnir,
skuli eiga 3 menn í stjórn en
hin sveitarfélögin, Gerða-
hreppur, Grindavík, Sandgerði
og Vatnsleysustrandarhrepp-
ur,_ 4 menn.
I hinu nýja sameinaða sveit-
arfélagi búa nú 66,2% íbúa á
Suðurnesjum á móti 33,8% í
hinum fjórum. Ellert Eiríksson
bæjarstjóri í Keflavík sagði að
samkomulag hefði orðið um
þessa skipan mála að sinni.
Fíkniefna-
lögregla
fann brugg
LÖGREGLAN lokaði stórri
bruggverksmiðju við Suður-
landsbraut í fyrrakvöld og
lagði hald á 137 lítra af eimuð-
um landa og 200 lítra af
gambra, auk bruggtækja.
22 ára maður, sem ekki
hefur áður komið við sögu
mála af þessu tagi, var hand-
tekinn vegna málsins og hefur
játað á sig bruggun og sölu.
Samkvæmt upplýsingum
Morgunblaðsins vann fíkni-
efnalögreglan að þessu máli
en henni hefur nú verið falið
að rannsaka bruggmál.
ísafjörður
Skíðasvæði
endurbyggt
ENDURUPPBYGGING skíða-
svæðis ísfirðinga hefst með
formlegum hætti í dag með
því að Davíð Oddsson forsætis-
ráðherra tekur fyrstu skóflu-
stunguna. Athöfnin hefst
klukkan 11.30 á Seljalandsdal.
Skíðasvæðinu verður nú
skipt í tvennt og verður ann-
ars vegar á Seljalandsdal og
hins vegar í Tungudal. Gert
er ráð fyrir að hægt verði að
skíða á milli svæðanna.