Morgunblaðið - 17.09.1994, Blaðsíða 4
4 LAUGARDAGUR 17. SEPTEMBER 1994
MORGUNBLAÐIÐ
FRETTIR
Landgræsluverðlaun Landgræðslu ríkisins afhent í gær
Sjálfboða-
liðar verð-
launaðir
ÁRNI Gestsson framkvæmda-
stjóri, Böðvar Jónsson, bóndi á
Gautlöndum, og Skógræktarfélag
Garðabæjar hlutu landgræðslu-
verðlaun Landgræðslu ríkisins í
ár. „Hlutverk landgræðsluverð-
launanna er að efla enn frekar það
sjálfboðaliðastarf sem unnið er
víðsvegar um land,“ sagði Sveinn
Runólfsson landgræðslustjóri.
Viðurkenningin að þessu sinni er
skjöldur skorinn út af Sigríði Jónu
Kristjánsdóttur á Grund í Villinga-
holtshreppi.
Davíð Oddsson forsætisráð-
herra afhenti viðurkennipguna og
sagði meðal annars að Árni hefði
um langt árabil verið einn helsti
hvata- og stuðningsmaður land-
græðslustarfsins hér á landi. Af-
skipti hans af landgræðslu hófust
þegar hann stóð fyrir ræktun
byggs á örfoka landi á Rángárvöll-
um árið 1960. Síðar stóð hann
fyrir Átaki í landgræðslu sem var
fjársöfnun meðal verslunarmanna
og þeirra sem standa í viðskiptum
til styrktar landgræðslu. Alls söfn-
uðust þá 27 milljónir á verðlagi
þess tíma.
Um Böðvar Jónsson sagði Dav-
íð, að hann hafí um árabil verið
landgræðslubóndi í orðsins fyllstu
merkingu. Böðvar hafi unnið ötul-
lega að uppgræðslu jarðar sinnar
um langt skeið bæði á eigin vegum
og í samstarfi við Landgræðsluna.
Hann hafi einnig verið brautryðj-
andi í gróðurvernd og sýnt fram
á að uppgræðsla og markviss
stjóm á beit yki arð af búrekstri.
Morgunblaðið/Kristín Gunnarsdóttir
ÁSGEIR Böðvarsson, sem tók við viðurkenningu Landgræðslunn-
ar fyrir hönd föður síns Böðvars Jónssonar, Erla Bil Bjarnadótt-
ir, formaður Skógræktarfélags Garðabæjar, og Árni Gestsson.
SVEINN Runólfsson landgræðslustjóri sýnir Davíð Oddsyni for-
sætisráðherra og eiginkonu hans, Ástríði Thorarensen, fræ úr
fræverkunarstöð Landgræðslunnar í Gunnarsholti.
Skógræktarfélag Garðabæjar
hlaut viðurkenningu fyrir framúr-
skarandi árangur af starfi sjálf-
boðaliða félagsins við gróðursetn-
ingu tijáplantna og sáningu gras-
fræs á lítt gróna mela. Síðastliðið
sumar unnu 120 ungmenni að
skógrækt, landgræðslu og stíga-
gerð ofan við byggðina í tvo mán-
uði. Þá voru meðal annars stungin
niður rofabörð og sáð í um 100
hektara svæði.
Ritari Félags frjálslyndra jafnaðarmanna
um fullyrðingu félagsmálaráðherra
Atburðarásin
ekki hönnuð
VILHJÁLMUR Þorsteinsson, ritari Félags fijálslyndra jafnaðar-
manna, vísar því algerlega á bug að ályktun félagsins vegna upplýs-
inga um embættisfærslu Guðmundar Áma Stefánssonar og að honum
sé ekki sætt í trúnaðarstörfum fyrir Alþýðuflokkinn, fáist ekki við-
hlítandi skýringar, sé „hönnuð atburðarás" eins og Guðmundur Árni
sagði í Morgunblaðinu í gær.
Stjórn Félags ungra jafnaðar-
manna í Reykjavík samþykkti á
miðvikudag samhljóða að skrifa
bréf, sem sent hefur verið Guð-
mundi Oddssyni, formanni fram-
kvæmdastjómar Alþýðuflokksins.
Samkvæmt upplýsingum Morgun-
blaðsins er innihald bréfsins að
miklu leyti á sama veg og ályktun
FFJ. Bæjarfulltrúar Alþýðuflokks-
ins í Hafnarfirði og stjórn fulltrúa-
ráðs alþýðuflokksfélaganna í bæn-
um hafa sent frá sér ályktun, þar
sem lýst er yfir fyllsta trausti við
störf Guðmundar Árna Stefánsson-
ar félagsmálaráðherra í ríkisstjóm-
inni og skelegga baráttu hans fyrir
framgangi jafnaðarstefnunnar hér
á Iandi.
Vilhjálmur sagði að ákvörðunin
hefði verið tekin sjálfstætt af stjórn
félagsins og það þyrfti ekki að koma
neinum á óvart að þessu félagi renni
blóðið til skyldunnar þegar svona
mál séu annars vegar. Félagið hefði
lengi haft áhyggjur af siðferðismál-
um í íslenskum stjórnmálum og
hefði flutt tillögu í flokksstarfs-
nefnd 1991 að setja á fót siðanefnd
og samþykkja siðareglur í flokkn-
um. Enginn forystumanna Alþýðu-
flokksins hefði komið nálægt þess-
ari ályktun með einum eða neinum
hætti. „Það eru bara þessi málefni
sem valda því að við tökum þetta
skref, að samþykkja þessa ályktun
og Guðmundur Árni kemur sér í
þessi mál sjálfur auðvitað," sagði
Vilhjálmur.
Strangari kröfur
Hann sagði að sér fyndist per-
sónulega eðlilegt að gera strangari
kröfur í þessum efnum til forystu-
manna Alþýðuflokksins en annarra,
þar sem flokkurinn gerði kröfu til
þess að beijast fyrir jafnrétti, rétt-
læti og hagkvæmni í opinberum
rekstri og atvinnulífí. „Þess vegna
er fljótt að koma upp ósamræmi
ef Alþýðuflokksráðherrar síðan fara
illa með almannafé eða eitthvað
slíkt og eðlilegt að það verði fljótt
trúnaðarbrestur milli þeirra og kjós-
enda,“ sagði Vilhjálmur einnig.
Ályktun FFJ „fáheyrð"
í ályktun bæjarfulltrúanna í
Hafnarfirði og stjórnar fulltrúa-
ráðsins er fordæmd „áróðursherferð
íjölmiðla sem í gangi hefur verið“
gegn Guðmundi Árna. Þá er lýst
furðu á því að félag innan Alþýðu-
flokksins taki þátt í atlögunni. Al-
þýðuflokksmenn í Hafnarfírði segja
um ályktunina að slíkt sé „fá-
heyrt". Jafnframt kemur fram að í
bæjarstjóratíð Guðmundar Árna
hafi Hafnarfjörður tekið stakka-
skiptum og bæjarbúar hafi sýnt að
þeir kunni að meta störf hans.
Niðurstöður skoðanakönnunar Félagsvísindastofnunar um fylgi flokkanna nokkuð óvæntar
Jóhanna ógnar
krötum — en
ekki eingöngu
Alþýðuflokksmenn hafa ástæðu til að óttast
Jóhönnu Sigurðardóttur, en hún gæti einnig
gert Alþýðubandalaginu skráveifu og höggv-
ið úr fýlgi Sjálfstæðisflokksins. Oiafur Þ.
Stephensen skrifar um niðurstöður þjóð-
málakönnunar á fylgi stjómmálaflokkanna.
FYLGI við hugsanlegt framboð Jó-
hönnu Sigurðardóttur í komandi
þingkosningum telst helzt til tíðinda
í niðurstöðum þjóðmálakönnunar
Félagsvísindastofnunar Háskóla ís-
lands, sem Morgunblaðið birti á
miðvikudag. Jóhanna fékk þar
stuðning 10,1% svarenda, en gamli
flokkurinn hennar, Alþýðuflokkur-
inn, fékk 5,8%, sem er versta út-
koma krata í skoðanakönnunum
Félagsvísindastofnunar á kjörtíma-
bilinu.
Tvisvar sinnum hefur fylgi Al-
þýðuflokksins farið niður í 6,8%, í
febrúar 1993 og aftur í maí á þessu
ári. Flokkurinn var hins vegar kom-
inn upp í 10,4% í júní síðastliðnum
og fylgistapið er þess vegna slá-
andi. Miðað við kjörfylgi Alþýðu-
flokksins í seinustu kosningum, sem
var 15,5%,. er útlitið heldur ekki
sérstaklega bjart.
Aukin trú á félagshyggju-
framboði Jóhönnu?
Alþýðuflokksmenn hafa nú fulla
ástæðu til að óttast Jóhönnu. Fylgi
hennar er nærri helmingi meira en
þeirra sjálfra og það þrátt fyrir að
ekki hafi sérstaklega borið á henni
opinberlega að undanförnu. Spyija
má hvernig Jóhönnu gangi að
manna framboðslista í öllum kjör-
dæmum með frambærilegu fólki og
halda dampi út kosningabaráttuna.
Hins vegar má búast við að þessi
góða útkoma hennar verði til þess
að ýmsir, sein velkzt hafa í vafa
um hvort þeir ættu að styðja hana,
öðlist aukna trú á félagshyggju-
framboði undir merkjum Jóhönnu.
Sialfstæðisflokkur
Fylgi stjórnmálaflokka í kosningum 1991
og í skoðanakönnunum frá þeim tíma
Alþýðuflokkur
----1-----1----1 I I t|l I M
u '01 'OO '00 100,1 'OK
Framsóknarflokkur
r+^rh
, , -|—M 4 I 14 1 I
'91 ’92 '93 1994 95 ’91
Jóhanna
Sigurðar-
(vennalisti dóttir
Þetta fólk gæti meðal annars
komið úr Alþýðubandalaginu. Sam-
kvæmt upplýsingum Morgunblaðs-
ins vonast Ólafur Ragnar Grímsson,
formaður Alþýðubandalagsins, til
þess að stofnun nýja Alþýðubanda-
lagsfélagsins í Reykjavík, Framsýn-
ar, verði til þess að halda í þá
flokksmenn, sem líklegir væru til
að renna hýru auga til Jóhönnu.
Þriðjungur fylgis Jóhönnu
frá Sjálfstæðisflokknum
Þegar niðurstöður skoðanakönn-
unar Félagsvísindastofnunar eru
greindar nánar og skoðað hvaða
flokka fólk kaus í seinustu alþingis-
kosningum, kemur ýmislegt athygl-
isvert í ljós. Hafa ber í huga að
með slíkum aðferðum er verið að
bijóta úrtakið niður í nokkuð smáa
hópa og samanburðurinn er ekki
tölfræðilega mjög marktækur, en
hann gefur þó einhvetjar vísbend-
ingar.
Þegar skoðað er með þessum
hætti hvað þeir, sem nú styðja Jó-
hönnu, kusu í seinustu alþingis-
kosningum, kemur í ljós að um 30%
kusu Alþýðuflokkinn, sem kemur
ekki á óvart. Af stuðningsmönnum
Jóhönnu kusu nánast engir kvenna-
listann í seinustu kosningum og í
kringum 10% kusu Alþýðubandalag
og Framsóknarflokk. Það, sem hins
vegar kemur á óvart, er að 30%
stuðningsmanna Jóhönnu Sigurðar-
dóttur segjast hafa kosið Sjálfstæð-
isflokkinn í seinustu kosningum.
Ekki er þar með sagt að félags-
hyggjuboðskapur Jóhönnu höfði til
þeirra einn og sér; óánægja með
eigin fiokk eða ríkisstjórnina gæti
spilað inn í.
Þegar heildarniðurstöður könn-
unarinnar eru skoðaðar, er þetta
reyndar ekki ólíklegt, því að fylgi
Sjálfstæðisflokksins minnkar nokk-
uð frá seinustu könnun, um rúm-
lega fjögur prósentustig. Hafa ber
í huga að aldrei er hægt að aihæfa
að fylgisaukning eins flokks komi
„beint“ frá einhveijum öðrum. Und-
anfarna tvo áratugi hefur verið
meiri lausung á fylgi flokkanna en
áður, og „nettó“ breytingar á fylgi
segja ekki til um „brúttó“ flokka-
flakk kjósendanna.
Tekur af Alþýðubandalagi og
Sjálfstæðisflokki í Reykjavík
Það, sem Jóhanna tekur af Al-
þýðubandalaginu, tekur hún mjög
sennilega að mestu leyti í Reykja-
vík. Það gæti einnig átt við um
Sjálfstæðisflokkinn. í seinustu
könnun Félagsvísindastofnunar
höfðu Alþýðubandalag og Alþýðu-
flokkur rúmlega 10% stuðning í
Reykjavík og Sjálfstæðisflokkur
48,3%. Nú fær Alþýðuflokkurinn
4,6% í borginni, Alþýðubandalag
6,9% — og Sjálfstæðisflokkur
42,3%. Úti á landi heldur Alþýðu-
bandalagið sínu og Sjálfstæðis-
flokkur sömuleiðis, miðað við sein-
ustu könnun, en Alþýðuflokkur
missir fylgi.
I
>
l
i
í
I
I
I
t
I
I
I
>
t
t
I
I
t
I'
I
>
f