Morgunblaðið - 29.09.1994, Page 10

10 FIMMTUDAGUR 29. SEPTEMBER 1994
MORGUNBLAÐIÐ
FRÉTTIR
Bæjarstjóri Snæfellsbæjar um skuldastöðu sveitarfélagsins
Hlutfall skamm-
tímaskulda
mjög óhagstætt
BÆJARSTJÓRN Snæfellsbæjar
undir Jökli, hins nýja sameinaða
sveitarfélags á utanverðu Snæ-
fellsnesi, hefur þurft að grípa til
aðgerða vegna slæmrar skulda-
stöðu sveitarfélagsins. Ástæðan
er sú að samsetning lána bæjar-
sjóðs er mjög óhagstæð, og var
hlutfall skammtímaskulda Nes-
hrepps utan Ennis, eins þeirra
fjögurra sveitarfélaganna sem
sameinuðust 11. júní sl., mjög
hátt eða um 70% af heildarskuld-
um þess. Til samanburðar voru
um 85% af skuldum Ólafsvíkur í
formi langtímalána, skv. upplýs-
ingum Stefáns Garðarssonar, bæj-
arstjóra Snæféllsbæjar.
Skuldbreyting og hagræðing
Stefán segir að sveitarstjórnin
hafi þegar gert ýmsar ráðstafanir
til að mæta þessum vanda og m.a.
tekið 40 millj. kr. langtímalán til
breyta samsetningu skulda bæjar-
sjóðs. „Hlutfall skulda er hinu
nýja bæjarfélagi mjög óhagstætt,"
sagði Stefán og kom fram í máli
hans að það hefði gert mönnum
erfitt fyrir að þurfa að byrja á því
eftir sameininguna að semja sig
út. úr óhagstæðum skuldum og
vanskilum en skv. upplýsingum
hans má áætla að 50-60 millj. kr.
séu gjaldfallnar.
Að sögn Stefáns hefur peninga-
leg staða sveitarfélaganna þó
styrkst eftir sameininguna og
heildarskuldir lækkað. Skv. milli-
uppgjöri á fjárhag sveitarfélag-
anna fyrir sameiningu voru heild-
arskuldir þeirra 337 millj. kr. og
peningaleg staða þeirra neikvæð
um 151 millj. kr., þannig að nettó-
skuldir á hvern íbúa Snæfellsbæjar
eru í kringum 80 þús. kr. Skv.
upplýsingum Stefáns er veltufjár-
hlutfall hins nýja sveitarfélags við-
undandi eða 1,6 en veltufjárhlut-
fall Ólafsvíkur var 2,2 og 0,65 í
Neshreppi. Að sögn hans er meg-
invandi sveitarfélagsins minnk-
andi tekjur og því nauðsynlegt að
bregðast við þessu með ennfrekari
aðgerðum, annað hvort með því
að semja um frekari lánalengingar
eða með verulegri hagræðingu í
rekstri, sem yrði skoðað á næstu
vikum.
Gunnar Már Kristófersson, fyrr-
verandi sveitarstjóri Neshrepps,
segir að hlutfall skammtímaskulda
hafi verið þetta hátt vegna þess
að sveitarfélagið hafi staðið að
talsverðum framkvæmdum á sein-
asta ári en á sama tíma hafi tekj-
ur minnkað. Heildarskuldir sveit-
arsjóðsins hefðu þó ekki verið
miklar eða um 80 millj. kr. Sagði
hann að til samanburðar hefðu
skuldir Ólafsvíkur verið mun meiri
en skuldir Neshrepps.
Greiðslur til tryggingayfirlæknis
Ráðuneytíð hefur
áður samið um
slíkar greiðslur
PALL Sigurðsson, ráðuneytisstjóri
í heilbrigðisráðuneytinu, segir að
samningur um greiðslu á ónýttu
námsleyfi, sams konar og gerður
var við Björn Önundarson trygg-
ingayfirlækni, hafi einnig verið
gerður við Stefán Bogason, aðstoð-
artryggingayfirlækni, sem lét af
störfum á sama tíma. Þá hafi Guð-
jón Magnússon, fyrrverandi aðstoð-
arlandlæknir og núverandi skrif-
stofustjóri heilbrigðisráðuneytisins,
fengið greitt ónýtt námsleyfi þegar
hann hóf störf hjá ráðuneytinu, I
ráðherratíð Guðmundar Bjarnason-
ar.
„Hvað greiðslur til Björns Ön-
undarsonar varðar, þá var eingöngu
verið að greiða laun fyrir námsleyfi
sem hann átti inni og hafði ekki
getað nýtt,“ sagði Páll Sigurðsson.
„Það var mat Tryggingastofnunar
ríkisins að hann ætti inni námsleyfi
í sex mánuði og það var fallist á
að greiða honum það. Hann fékk
sem svaraði launum í sex mánuði,
dagpeninga þann tíma og kostnað
við eitt ferðalag. í öðrum tilvikum,
sem ráðuneytið hafði komið nálægt
áður, var fallist á að menn gætu
átt námsleyfi inni, ef þeir höfðu að
mati vinnuveitandans ekki getað
tekið það á ætluðum tíma.“
Páll sagði að aðstoðartrygginga-
yfirlæknir, Stefán Bogason, sem
sagði upp störfum á sama tíma og
Björn, hefði einnig fengið sams
konar greiðslu fyrir námsleyfi og
hefði Tryggingastofnun ríkisins
metið að hann ætti inni þrjá mánuði.
Ráðuneytið áður samið á
þennan hátt
Páll var inntur eftir því hvort
fordæmi væru fyrir samningum af
þessu tagi. „Hér í ráðuneytinu höfð-
um við gert einn svona samning
áður, í ráðherratíð Guðmundar
Bjarnasonar. Þá var samið við fyrr-
verandi aðstoðariandlækni, sem nú
er skrifstofustjóri ráðuneytisins,
Guðjón Magnússon," svaraði hann.
„Það var staðfest af embætti land-
íæknis að hann hefði ekki tekið
námsleyfi þau 10 eða 11 ár sem
hann starfaði hjá embættinu, en
námsleyfi er tvær vikur á ári. Þá
tók ráðherra þá ákvörðun að fella
námsleyfið ekki niður, þar sem
Guðjón hafði ekki getað tekið það
þegar hann átti að gera það.“
Páll sagði að hann myndi ekki
gefa upp sundurliðun á samningn-
um við Björn, þ.e. hver stór hluti
var laun, hve háar dagpeninga-
greiðslur voru og hver ferðakostn-
aður var áætlaður. Það væri Björns
að ákveða hvort hann vildi gefa upp
laun sín eða aðrar greiðslur.
Dæmdir fyrir inn-
flutning LSD og sölu
HÉRAÐSDÓMUR Reykjavíkur hef-
ur dæmt tvo pilta um tvítugt til Vh
og 2 ára fangelsisvistar vegna inn-
flutnings á eitt þúsund skömmtum
af LSD og sölu á hluta efnisins.
Þá var tvítugur félagi þeirra dæmd-
ur í 10 mánaða fangelsi, skilorðs-
bundið í 3 ár, fyrir að hafa falið
hluta efnisins.
Tveir piltanna fóru til Amster-
dam í desember á síðasta ári og
keyptu þar 1.000 skammta af LSD.
í dóminum kemur fram, að lögregl-
unni bárust upplýsingar um för
þeirra og var leitað hjá þeim við
komuna til landsins, en ekkert
fannst. Þegar piltarnir voru hand-
teknir 14. janúar sl. viðurkenndu
þeir að hafa falið efnið í ferðatösku
annars þeirra. Þegar þeir voru
handteknir höfðu þeir selt hluta
efnisins, en annað fannst m.a.
heima hjá þriðja piltinum.
í hópi hættulegustu fíkniefna
í dóminum segir, að LSD sé í
hópi hættulegustu fíkniefna. „Vel
eru þekktar varanlegar og alvarleg-
ar afleiðingar af neyslu efnisins
fyrir heilsu neytenda. Ákærðu
fluttu þetta hættulega efni til lands-
ins í söluskyni. Ekki hafa gengið
margir dómar, þar sem jafn mikið
magn af þessu hættulega efni kem-
ur við sögu og í þessu máli. Hins
vegar verður ráðið af dómafram-
kvæmd, þ.á m. af dómum Hæsta-
réttar, þar sem um þessa efnisteg-
und hefur verið fjallað, að beitt
hefur verið ströngu refsimati,“ seg-
ir dómarinn, Guðjón St. Marteins-
son.
Grænmetið
liggur undir
skemmdum
EKKI eru allir skólagarðar
rændir, eins og sannast hefur
á skólagarði sem mun vera á
vegum borgarinnar við Þorra- /
götu í Skeijafirði. Börnin sem
þar hafa ræktað margvíslegt
grænmeti, virðast ekki hafa
haft rúm fyrir meira í hirslum
heima hjá sér og því eru tæp
10% af uppskerunni óupptekin,
að sögn Dídi Ananada Sukrti
sem rekur Sælukot, barna-
heimili systrasamtaka Ananda
Marga á íslandi. Dídi segir að
börnin hafi þó tínt meira græn-
meti úr garðinum en oft áður,
stundum hafi blasað við græn
beð í breiðum röðum, löngu
eftir að krakkarnir voru byrj-
aðir aftur í skólanum og hættir
að yrkja landið. Enginn hafi
hirt um tínsluna. Frá aðsetri
heimilisins er ágætt útsýni yfir
skólagarðinn og segir Dídí að
henni finnist viðeigandi að
leyfa almenningi að tína græn-
metið áður en frost kemur í
VAkJAty !
jörðu og það eyðileggst. „Það
er óþarfi að láta þessi matvæli
skemmast, ieeberg-salatið og
blómkálshausarnir virðist mér
að vísu þegar skemmdir en
grænkálið og brokkolíið o.fl.
virðist hafa haldið sér ágæt-
lega, þó að aðeins sé spurning
um tíma hvenær kólnar fyrir
alvöru og grænmetið eyði-
leggst,“ segir Dídi. Hún segist
ekki vita um afstöðu þeirra sem
hafa umsjón með skólagörðum
í borginni til þess að almennir
borgarar bjargi grænmetinu
frá skemmdum, en hvarvetna
megi þó sjá skilti sem banni
tínslu þess. Það sé miður þar
sem óþarft sé að sóa grænmet-
inu með því að láta það liggja.
Stjórnarnefnd
Ríkisspítala
Guðmund-
ur Karl nýr
formaður
HEILBRIGÐIS- og trygginga-
málaráðherra hefur skipað Guð-
mund Karl Jónsson, forstjóra
Fríhafnarinnar á Keflavíkur-
flugvelli, formann stjóm-
arnefndar Ríkisspítalanna, frá
1. október 1994.
Guðmund-
ur Karl er
fæddur 20.
nóvember árið
1940. Hann
lauk stúdents-
prófi árið
1961 og tók
kandídatspróf
í lögfræði frá
Háskóla ís-
lands í janúar
1969. Guðmundur var fulltrúi
bæjarfógeta í Hafnarfirði 1969
þar til í ágúst 1970 er hann
varð bæjarstjóri á Seyðisfirði til
ársins 1974.
Hann var fulltrúi og síðar
deildarstjóri í félagsmálaráðu-
neytinu frá september 1973 til
janúar 1976. Hann var deildar-
stjóri í launadeild fjármálaráðu-
neytisins þar til í janúar 1981.
Síðan hefur hann verið forstjóri
Fríhafnarinnar á Keflavíkurvelli.
Fram kemur að á starfstíma
hans í félagsmálaráðuneyti og
Ij'ármálaráðuneyti hafi hann átt
sæti í vinnumálanefnd ríkisins
frá 1973 til 1981 og í samninga-
nefnd ríkisins frá 1976 til 1988.
Hann hefur setið í skaðabóta-
nefnd ríkisins frá 1986.
Guðmundur Karl var stjórn-
arformaður Ríkisspítala frá
október 1992 til ársloka 1993.
Vilhjálmur
ekkií
prófkjör
VILHJÁLMUR Þ. Vilhjálmsson,
borgarfulltrúi í Reykjavík, hefur
ákveðið að taka ekki þátt í próf-
kjöri Sjálfstæðisflokksins í
Reykjavík vegna alþingiskosn-
inga næsta vor.
í yfirlýsingu frá Vilhjálmi
segir að á undanfömum vikum
og mánuðum hafi margir komið
að máli við hann og hvatt hann
til þátttöku í prófkjörinu og sé
hann þakklátur fyrir það traust
sem honum hafi verið sýnt með
þessum hætti. Að vandlega at-
huguðu mál hafí hann ákveðið
að taka ekki þátt í prófkjörinu
að þessu sinni.
„Ástæðumar eru einkum þær
að mér hafa verið falin mikilvæg
trúnaðarstörf í borgarstjóm,
borgarráði og sem formaður
Sambands íslenskra sveitarfé-
laga. Á þeim vettvangi hef ég
verk að vinna og tel því rétt að
sinna þeim trúnaðarstörfum
heill og óskiptur," segir í yfírlýs-
ingu Vilhjálms Þ. Vilhjálmsson-
ar.
Braut ljós
og rúður
MAÐUR vann skemmdir á fjór-
um bílum við Grandagarð í fyrri-
nótt.
Til mannsins sást þar sem
hann gekk um með hamar og
skemmdi ljós og rúður fjögurra
bíla, þar af tveggja vörubíla.
Mikil leit var gerð að mann-
inum en hann fannst ekki.
Guðmundur Karl
Jónsson