Morgunblaðið - 02.11.1994, Blaðsíða 16

16 MIÐVIKUDAGUR 2. NÓVEMBER 1994
ERLENT
MORGUNBLAÐIÐ
Ævisaga Karls Bretaprins kennir í bókaverslanir í Bretlandi
Prinsinn las sögu Carls
Jungs í brúðkaupsferðinni
London. Reuter.
STRAX á hveitibrauðsdögunum bar á brestum
í hjónabandi Karls Bretaprins og Díönu og ekki
var ár liðið frá ævintýralegu brúðkaupi þeirra
1981 er hjúskaparörðugleikar þeirra voru yfir-
þyrmandi. Kemur þetta fram í ævisögu Karls
prins, sem kom í bókaverslanir í gær en hún
er rituð af blaðamanninum Jonathan Dimbleby.
í bókinni, sem ber heitið Prinsinn af Wales,
er dregin upp sú mynd af Díönu að hún sé hug-
sjúk ung kona sem eigi í leynimakki við fjöl-
miðla um að klekkja á manni sínum, ríkisarfan-
um.
Alúðlegur
Til samanburðar leggur Dimbleby sig í fram-
króka við að lýsa gjörvileik Karls og hetjusam-
legri glímu hans við skapgerðarsveiflur Díönu.
Hann segir prinsinn vera alúðlegan og væntum-
þykjandi föður og eiginmann sem bæði konan
hans og breskur almenningur geri sér ranghug-
myndir um.
„Það telst því tæpast til frumlegheita að halda
því fram að ókomnar kynslóðir muni kveða upp
þann dóm , að það hafi verið sérstakt lán Breta
á ofanverðri 20. öld hversu miklum kostum ríkis-
arfi þeirra var gæddur og hversu dyggðugur
einstaklingur hann var,“ segir í niðurlagi bókar
Dimbleby, sem er 566 síður.
Fram kemur í bdkinni að ósamþýðanleiki
Karls og Díönu hafi þegar komið í ljós er þau
sigldu á drottningarsnekkjunni Brittaniu á Mið-
jarðarhafi. Díana fékk strax þá forsmekkinn af
þvi sem koma vildi, að hún ætti eftir að finna
til einmanaleika.
Karl varði tímanum um borð til þess að
synda, sigla seglbáti, skrifa bréf og lesturs
Reuter
KARL Bretaprins ræðir við leikkonuna
Angelu Lansbury á heimili breska ræðis-
mannsins í Los Angeles þar sem hann
sæmdi hana breskri heiðursorðu.
ritverks um svissneska geðlækninn Carl Jung.
„Díana var á eilífum þeytingi um snekkjuna,
spjallandi við skipveija og matsveinana í eld-
húsinu meðan ég sat á sóldekkinuvar eins og
einsetumaður,“ skrifaði Karl í dagbók sína frá
þessum tíma.
Dimbleby segir í bókinni að Díana hafi verið
undrandi á hversu órómantískur maður hennar
var og fékk afbrýðiskast vegna vináttu hans og
Camillu Parker Bowles. „Það var eins og hann
legði sig fram um að komast hjá því að eiga
þá nánu fundi með Díönu sem hún sárþarfnað-
ist,“ segir höfundurinn.
Hjónabandið var einungis nokkurra mánaða
gamalt er Díana tók að brotna saman og há-
gráta áður en hún þurfti að koma fram opinber-
lega. Á þessum tíma sat hún klukkustundum
saman með ráðgjöfum Karls kvartandi undan
honum.
Óhuggandi
„Þegar óhamingjuköstin riðu yfir sat prinsess-
an í hnipri á stól, með höfuðið á hnjánum, og
var nær óhuggandi," segir í bókinni. Geðsveiflur
hennar urðu ofsafengnar og óútreiknanlegar.
Hún var haldin sjálfsvorkun og var mjög kvik-
lynd, skrifar Dimbleby.
Að hans sögn reyndi Karl prins að sefa Dí-
önu. „Þjakaður af álaginu sem stöðu hans og
skylduverkum fylgdi, og vegna skorts á hjart-
næmum stuðningi heima fyrir, sem hann hafði
sóst eftir svo lengi, og uppgefinn á viðstöðulaus-
um ásökunum, varð hann stundum hranalegur
við hana.“
Árið 1982 gerði Karl ráðstafanir til þess að
Díana gæti leitað til geðlæknis. Hún hélt að um
samsæri væri að ræða í þessu efni sem og mörgu
öðru. „í tilraunum sínum til þess að veita konu
sinni hugarró, fórnaði Karl meðal annars labrad-
or-hundi sínum, Harvey," segir Dimbleby.
Innan fimm ára var hjónábandið farið út um
þúfur þó svo til skilnaðar kæmi ekki fyrr en
1992. Og að mati Dimblebys var það að mestu
leyti sök Díönu.
Olíuhreinsun
í Rússlandi
RÚSSAR vinna nú að því að
skófla olíublönduðum aur úr
þverá Pechorafljótsins, um sjö
km frá þeim stað sem olíulekinn
hófst á í heimskautahéruðum
Rússlands fyrr á árinu. Stærst-
ur hluti olíunnar er hins vegar
undir snjólagi í afskekktu skóg-
lendi. Rússneskir starfsmenn
olíufyrirtækja segja að áhrif
olíulekans komi ekki að fullu í
ljós fyrr en í júní á næsta ári,
þegar snjóa hefur leyst og frost
er farið úr jörðu. Rússnesk sam-
tök umhverfissinna fullyrtu á
mánudag að alls hefðu um
200.000 tonn af olíu lekið úr
olíuleiðslunum en ekki 14.000
tonn eins og yfirvöld hafa full-
yrt. Þá segja Greenpeace-sam-
tökin að olía hafi nú þegar bor-
ist í Pechora-fljót, sem rennur
í Barentshaf.
Reuter
„Mundu að
þitt atkvæði
vegur þungté
Stöndum
sanutn að
sterkum
lista,u
SKRIFSTOFA DALSHRAUNI 1 1
□ PIÐALLA DAGA KL.1 0-22
SÍMAR: 65 43 89 /65 43 92

Efnahagsuppgangur í Afríkuríkjum
Arðsemi fjárfest-
inga meiri en í Asíu
Abidjan. Reuter.
EDWARD Jaycox, varaforseti Al-
þjóðabankans, sagði á mánudag að
þrátt fyrir fréttir um fjöldamorð,
stríð og pólitíska ringulreið í Afríku
væri Uppgangur í efnahagslífi álf-
unnar og arðsemi fjárfestinga miklu
meiri en í Austur-Ásíu.
Jaycox sagði að nokkur af stærstu
löndunum væru í miklum vandræð-
um - Angóla, Zaire, Nígería, Súdan
og nokkur minni ríki eins og Rú-
anda, Sómalía og Líbería - en í raun
virtist bölið, sem Afríka er þekkt
fyrir, hafa safnast saman í þessum
sjö ríkjum og hin löndin 40 væru
komin á skrið.
Jaycox sagði að fjárfestar gætu
vænst góðs hagnaðar í Afríku, jafn-
vel þótt miðað sé við ríki í Asíu þar
sem hagvöxturinn er mestur. „Arð-
semin í Afríku er mikiu meiri en í
Austur-Asíu en áhættan líka rneiri."
Jaycox lagði þö áherslu á að Afr-
íkuríkin gætu ekki laðað til sín er-
lendar ijárfestingar nema með því
að byggja upp öflugan einkageira.
Afrískir ráðamenn þyrftu að skapa
pólitískan stöðugleika, varast skyndi-
legar stefnubreytingar í efnahags-
málum og hvetja innlenda kaupsýslu-
menn til að fjárfesta og hagnast til
að fá erlend fyrirtæki til að fjárfesta
í Afríku frekar en í Asíu, Rómönsku
Ameríku og Austur-Evrópu. Enn-
fremur þyrfti að koma á auknu frjáls-
ræði í viðskiptum og auka efnahags-
samvinnu Afríkuríkja.
10.000
manns
ræða um
fátækt
BORÍS Jeltsín Rússlandsfor-
seti og Francois Mitterrand
Frakklandsforseti verða með-
al 65 þjóðarleiðtoga sem
ákveðið hafa þátttöku í félags-
málaráðstefnu Sameinuðu
þjóðanna í Kaupmannahöfn í
mars á næsta ári. Búist er við
að þátttakendur verði 10 þús-
und frá 187 ríkjum. Tilgangur
ráðstefnunnar er m.a. að ná
samkomulagi um atvinnu-
skapandi aðgerðir, leiðir til að
draga úr fátækt og auka fé-
lagslegt öryggi í kjölfar Kalda
stríðsins. Af hálfu SÞ er áætl-
að að um einn milljarður jarð-
arbúa búi við sára fátækt.
Elskar Hill-
ary Clinton
ÍSRAELSK kona á fertugs-
aldri fór í gær fram á skilnað
frá eigin-
manni sínum
sem hún segir
blindaðan af
ást á Hillary
Clinton for-
setafrú
Bandaríkj-
anna. „Þegar
hann heyrði
að Clinton-hjónin væru á leið
til ísraels fór hann alveg af
hjörum," sagði í skilnaðarum-
sókninni. Eiginmaðurinn hef-
ur safnað öllum fréttum og
myndum af Hillary sem birst
hafa í blöðum frá því Bill
Clinton komst til valda. „Fyrir
mánuði gerði hann þá kröfu
að ég litaði hárið eins og for-
setafrúin og fengi mér sömu
klippingu," stóð ennfremur í
skilnaðarskjölunum.
FIS heldur
stríði áfram
FIS, samtök bókstarfstrúar-
manna í Alsír, sögðust ekkert
mark taka á því fyrirheiti yfir-
valda að efna til forsetakosn-
inga fyrir lok næsta árs. Sögð-
ust samtökin myndu halda
baráttu sinni fyrir klerkaveldi
áfram. Af því tilefni sprengdu
samtökin sprengju í gær og
biðu fimm börn bana.
Bjargað úr
gíslingu
ÞREMUR Bretum og einum
Bandaríkjamanni var bjargað
í gær á Indlandi úr klóm
mannræningja sem kröfðust
sjálfstæðis Kashmírs.
Aukið ofbeldi
í skólum
KÖNNUN í 700 bandarískum
borgum og bæjum hefur leitt
í ljós að ofbeldi er vaxandi
vandamál í skólum þar í landi.
Ekki bara í stórborgum, held-
ur í smábæjum og úthverfum
einnig. I aðeins 11% sveitar-
félaga voru svörin þann veg
að ofbeldi væri þar ekki
vandamál. Þá kom í Ijós að
lögregluvörður hefur verið
settur upp í 70% skólanna
vegna ofbeldisverka.
Hillary