Morgunblaðið - 02.11.1994, Blaðsíða 33
MORGUNBLAÐIÐ
DAIMS
MIÐVIKUDAGUR 2. NÓVEMBER 1994 33
Rúmlega 200 þátttakendur
á fyrstu alþjóðlegu dans-
keppnínní á Islandi
___________Dans_______________
íþróttahúsiö við
Strandgötu
Ilafnarfirði
FYRSTA alþjóðlega danskeppnin,
Viking Open Hafnarfjörður 1994, var
haldinn síðastliðinn laugardag, 29.
oktbóber. Keppnin var haldin á veg-
um Nýja dansskólans og Flugleiða
og fór fram í íþróttahúsinu við
Strandgötu í Hafnarfírði.
Dagskráin hófst með því að fána-
beri bar inn íslenska fánann, eins
og hefð er orðin á danskeppnum á
íslandi. Gestir risu úr sætum og
heilsuðu íslenska fánanum og þótt
viðstaddir hafi margir hveijir oft
áður upplifað athöfn af þessu tagi,
er hún alltaf jafn hátíðleg og kemur
við viðkvæmustu strengi í okkar litla
og stolta þjóðarhjarta. Þar næst tók
skipuleggjandi keppninnar og keppn-
isstjórinn Níels Einarsson danskenn-
ari til máls. Hann bauð gesti og kepp-
endur velkomna og sagðist vona að
allt gengi sem best fyrir sig. Hann
minntist á að þetta væri fyrsta al-
þjóðlega danskeppni á íslandi og
vonast hann eftir að hún verði að
árlegum viðburði.
Keppendur voru rúmlega 200 og
var keppendum skipt í nokkra aldurs-
flokka, og gátu flestir keppendur
valið hvort þeir kepptu í einum dansi
eða 4 og 4 og eldri keppendur og
atvinnumenn í 5 og 5 dönsum. Flest-
ir keppendurnir voru íslenskir, en að
þessu sinni voru erlendu pörin 3.
Eitt par frá Skotlandi sem keppti í
flokki 16 ára og eldri, par frá Austur-
ríki sem keppti í flokki 35 ára og
eldri og loks fyrrum heimsmeistarar
í 10 dönsum, Martin og Allison Lamb
frá Englandi. Áhorfendur voru fjöl-
margir og oft vel með á nótunum.
Það blés ekki byrlega í upphafí,
því að fyrsta liðnum þurfti að fresta
því það vantaði eitt keppnisparið í
húsið. En gamla máltækið um að „fall
sé fararheill“ sannaði sig svo sannar-
lega í þetta sinn, því tímatafla stóðst
nokkuð vel það sem eftir var dags-
ins. En mikið mundi það hjálpa skipu-
leggjendum danskeppna og annarra
íþrótta-og listkeppna ef keppendur
væru stundvísir og tilbúnir þegar að
þeim kemur, það er með öllu óþol-
andi að láta nokkur hundruð áhorf-
endur og keppendur bíða eftir einum
kærulausum einstaklingi!
Miklar framtíðarvonir
bundnar yngsta fólkinu
Það er óhætt að segja að keppend-
ur hafi staðið sig með mjög vel í alla
staði og augljóst að dansinn er í hraðri
jákvæðri þróum hér á landi, a.m.k í
flestum tilfellum. Eins og við var að
búast slógu yngstu keppendumir
rækilega í gegn, þarna var jú margt
af okkar bestu keppnisdönsurum, sem
framtíðarvonir okkar era hvað mest
bundnar við. Því eins og Ferenc Polai,
einn dómaranna, sagði þá eigum við
Islendingar mikið af mjög góðum
dönsurum, sérstaklega í yngstu flokk-
unum. Hann sagði jafnframt að við
þyrftum að halda áfram skynsam-
legri uppbyggingu ungu kynSlóðar-
innar, því aðeins með því að hlúa vel
að henni gætum við náð miklum
árangri á alþjóðlegum vettvangi.
Gnótt frambærilegra dansara
Um eldri pörin, þá sérstaklega
flokk 16 ára og eldri, vil ég aðeins
segja það að þar var gnótt frambæri-
legra dansara sem sýndu þó nokkur
tilþrif, en þar var eitt sem mér fannst
skyggja töluvert á. Andlits grettur
og fettur keyrðu fram úr hófi í þetta
sinn og á stundum var eins og sumir
dansaranna væra með óbragð í munn-
inum. Þegar slíkt gerist verður dans-
inn hálf innihaldslítill og yfírborðs-
kenndur. Eins og málarinn notar liti
og form til að tjá sig og söngvarinn
röddina sína þá notar dansarinn lík-
amann og hreyfíngar hans til að tjá
sig, ekki bara andlitið. Vandinn við
suður-amerísku dansanna er einmitt
sá að mörgum er kennt, eða öllu held-
ur ekki kennt, að andlitstjáningin og
líkamstjáningin séu tveir aðskyldir
hlutir, að grettumar, sem ég vil kalla,
séu punkturinn yfir i-ið. Við þetta þá
virðast tilfinningar og tjáning ekki
vera í neinu samhengi við hreyfíngar
líkamans, dansarinn bætir einhveij-
um andlitsæfingum við sporin sín,
sem eru afar óeðlilegar, í stað þess
að þetta komi allt af sjálfu sér. Þá er
í raun sáralítið eftir. Annað var það,
sem mér þótti ósmekklegt í hæsta
lagi, en það er þegar keppandi rekur
út úr sér tunguna framan í áhorfend-
ur og dansfélagann sinn. Þetta á víst
að vera fyndið, en er ekkert annað
en rætinn dónaskapur, sem ég vona
svo sannarlega að ég sjái aldrei aft-
ur, því þetta á ekkert skylt við dans.
Gott skipulag keppninnar
Rúsínan í pylsuendanum var svo
keppni atvinnumannanna. Þar voru
tvö íslensk pör mætt til leiks og eitt
enskt, fyrrverandi heimsmeistarar í
10 dönsum, Martin og Alison Lamb.
Atvinnumennirnir kepptu aðeins í
ÁRNI Traustason og Helga
Þóra Björgvinsdóttir.
Morgunblaðið/Gunnlaugur Rögnvaldsson
FYRRVERANDI heimsmeistarar í 10 dönsum, Martin og Alison
Lamb, voru ánægð með ferð sína hingað.
BENEDIKT Einarsson og Berglind Ingvarsdóttir
sigruðu bæði í standard og suður-amerískum
dönsunum í flokki 12-13 ára.
ANNA Björk Jónsdóttir og Gunnar Sverrisson
sýna okkur hér fallega „oversway“- línur en
þau sigruðu í suður-amerískum dönsum í flokki
16 ára og eldri.
suður-amerísku dönsunum 5 að þessu sinni. Mér fannst
virkilega gaman að sjá íslensku pörin dansa við hliðina
á Martin og Alison og við megum vera stolt af þeim
því þau sýndu okkur góðan dans í háum gæðaflokki
og ég trúi ekki öðru en að þau eigi eftir að komast
þónokkuð áfram í keppnum. atvinnumanna í næstu
framtíð.
Keppnin var vel skipulögð og fór einstaklega vel
fram, í flesta staði, og í raun ótrúlegt að svo fáar
hendur hafí unnið svona gott og mikið verk. Starfs-
menn keppninnar stóð sig með mestu ágætum. Einu
hnökrarnir voru, að mér fannst, í tónlistinni. Hún var
“fade-uð“ alltof hægt niður, þannig að keppendur vissu
ekki hvort þeir ættu að hætta eða dansa áfram. Oft
á tíðum fannst mér “jive-in“ í hægari kantinum, en
það er jú smekksatriðið hversu hröð þau eigi að vera.
En þó er það eitt sem mér fannst slæmt, en það er að
í flokki 11 ára og yngri var spilað mambó-lag þegar
börnin áttu að dansa samba. Það er ekki nógu gott
og getur ruglað þessa keppendur, lagið virkar hægt
og svolítið silalegt. Að þessu þarf að gæta vel. En að
öðru leyti var tónlistin vel valin, falleg og taktgóð, en
það að velja góða tónlist fyrir danskeppni er enginn
hægðarleikur.
Góðir dómarar
Dómaramir vora þrír og ekki af verri endanum,
David Roberts frá Englandi, Jesper Fredriksen frá
Danmörku og Ferenc Polai frá Austum'ki. Þeir stóðu
sig vel og held ég að undantekningalítið hafi allir verið
ánægðir með störf þeirra.
Verðlaunagripimir fyrir fyrsta
sætið voru módelhannaðir víkingar,
sem voru ákaflega fallega og
skemmtilega hannaðir af Sigríði
Bjamadóttur og komu mikið á óvart.
Það væri of langt mál hér að telja
upp alla starfsmenn keppninnar en
þeir stóðu sig ákaflega vel í alla staði,
eins og fyrr var skráð, og eiga þakk-
ir og hól skilið fyrir sín störf.
Þessari fyrstu alþjóðlegu dans-
keppni á íslandi lauk á tíunda tím-
anum, eftir mjög svo skemmtilegan
og vel heppnaðan dag. Andrúmsloft-
ið var sérlega afslappað og gott og
allir wvora í spariskapinu sínu, sem
skemmir jú ekki fyrir á hátíðarstund-
um sem þessari. Ég vil fyrir hönd
áhorfenda óska aðstandendum
keppninnar til hamingju með hana,
með óskum um að hún verði að árleg-
um viðburði.
Úrslit
9 ára og yngri einn dans, cha cha
1. Davíð G. Jónsson og Halldóra Sif Hall-
dórsdóttir,_ Reykjavík
2. Sigurður Ágúst Gunnarsson og Stefanía
Tinna Miljevic, Reykjavík
3. Gunnar Mar Jónsson og Anna Claessen,
Reykjavík
10—11 ára einn dans, enskur vals
1. ísak Halldórsson Nguyen og Halldóra
Ósk Reynis,d., Kópavogi
2. Fannar Helgi Steinsson og Sigríður H.
Guðmundsd., Reykjavík
3. Róbert Traustason og Ágústa Ósk Back-
man, Reykjavík
11 ára og yngri, latín
1. Haraldur Anton Skúlason og Sigrún Ýr
Magnúsdóttir, Garðabæ
2. Ámi Traustason og Helga Þóra Björg-
vinsdóttir, Reykjavík
3. Oddur Jónsson og Elísabet Kristofers-
dóttir, Garðabæ
11 ára og yngri, standard
1. Haraldur Anton Skúlason og Sigrún Ýr
Magnúsdóttir, Garðabæ
2. Gunnar H. Gunnarss. og Ragnheiður
E. Eiríksd., Reykjavík
3. Ámi Traustason og Helga Þóra Björg-
vinsdóttir, Reykjavík
12-13 ára einn dans, jive
1. Ragnar Már Guðmundss. og Elín Bima
Skarphéðinsd., Reykjavík
2. Hafsteinn Valur Guðbjartsson og Nfna
Haraldsdóttir, Reykjavik
3. Magnús S. Einarsson og Hrund Ólafs-
son, Reykjavík
14-15 ára einn dans, quickstep
1. Katrín íris Kortsdóttir og Magney Ósk
Bragadóttir, Reykjavík
2. Snorri Júlíusson og Eva Hermannsdótt-
ir, Reykjavík
3. Jóhann Gunnar Óskarss. og Guðrún H.
Hafsteinsd., Reykjavfk
16 ára og eldri einn dans, rumba
1. Þorvaldur Harðarson og Eva Magnús-
dóttir, Reykjavík
2. Frímann Sigurðsson og Eyrún Magnús-
dóttir, Reykjavík
25 ára og eldri einn dans, enskur vals
1. Guðmundur Æ. Guðmundsson og Aðal-
heiður Jóhannsd., Kópavogi
12-13 ára, latín
1. Benedikt Einarsson og Berglind Ingvars-
dóttir, Garðabæ
2. Eðvarð Þór Gíslason og Ásta Lára Jóns-
dóttir, Hafnarfirði
3. Hafsteinn Jónasson og Laufey Karitas
Einarsdóttir, Reykjavík
12-13 ára, standard
1. Benedikt Einarsson og Berglind Ingvars-
dóttir, Garðabæ
2. Hafsteinn Jónasson og Laufey Karitas
Einarsdóttir, Reykjavík
3. Eðvarð Þór Gíslason og Ásta Lára Jóns-
dóttir, Hafnarfirði
14—15 ára, latín
1. Sigursteinn Stefánsson og Elísabet Sif
Harðardóttir, Reykjavík
2. Brynjar Örn Þorleifsson og Sesselja Sig-
urðardóttir, Reykjavik
3. Þorvaldur Gunnarsson og Jóhanna Ella
Jónsdóttir, Hafnarfirði
14-15 ára, standard
1. Brynjar Örn Þorleifsson og Sesselja Sig-
urðardóttir, Reykjavík
2. Sigurður G. Sigmarsson og Lóa Ingvars-
dóttir, Reykjavík
3. Sigursteinn Stefánsson og Elfsabet Sif
Haraldsdóttir, Reykjavík
16 ára og eldri, latin
1. Gunnar Sverrisson og Anna Björk Jóns-
dóttir, Kópavogi
2. Davíð Arnar Einarsson og Eygló K.
Benediktsdóttir, Garðabæ
3. Halldór Örn Óskarsson og Dagbjört Rut
Bjamadóttir, Reykjavík
16 ára og eldri, standard
1. Davfð Arnar Einarsson og Eygló K.
Benediktsdóttir, Garðabæ
2. Gunnar Sverrisson og Anna Björk Jóns-
dóttir, Kópavogi
3. Stevart Marin og Andrea Marin, Englandi
35 ára og eldri, standard
1. Anton Novak og Susanna Novak, Aust-
urríki
2. Jón Stefnir Hilmarsson og Berglind
Freymóðsdóttir, Reykjavík
Atvinnumenn, latín
1. Martin Lamb og Alison Lamb, Englandi
2. Jón P. Úlfljótsson og Kara Arngríms-
dóttir, Kópavogi
3. Haukur Ragnarsson og Esther Inga
Níelsdóttir
Jóhann Gunnar Arnarsson