Morgunblaðið - 15.11.1994, Blaðsíða 45
MORGUNBLAÐIÐ
ÞRIÐJUDAGUR 15. NÓVEMBER 1994 45
Aðalfundur Féiags hrossabænda
Þátttaka í Saga
Reitschulen
var samþykkt
með fyrirvara
Hlutur íslendinga 44
SAMÞYKKT var á aðalfundi
Félags hrossabænda sem
haldinn var nýlega að félagið
tæki þátt í stofnun þýsk-
íslenska fyrirtækisins Saga-
Reitschulen og tæki lán að
upphæð 34 milljónir íslenskra
króna til kaupa á hlutafé sem
verði greitt til baka á 10 til 15
árum.
Samþykktin er gerð með fyrir-
vara um að deildir félagsins
gerist hluthafar í fyrirtækinu og
leggi fram sem svarar um 10 þús-
und krónur á hvern félagsmann.
Hér var um að ræða tvær tillögur,
aðra sem varðar þátttöku félagsins
í fyrirtækinu en hin var í formi
áskorunar til deilda félagsins um
hlutafjárkaup. Þýskir aðilar hafa
samþykkt að leggja fram 1 milljón
þýskra marka (u.þ.b. 44 milljónir
íslenskra króna) og verða íslending-
ar að leggja fram sömu upphæð.
Leitað eftir hluthöfum
í greinargerð með áskoruninni
segir að lánið verði greitt með
5-10% gjaldtöku af hverjum útflutt-
um hesti sem seldur verður á vegum
fyrirtækisins. Þá er gert ráð fyrir
að leitað verði eftir íslenskum hlut-
höfum meðal einstaklinga, fyrir-
tækja og félagasamtaka sem hags-
muni hafa af hrossaútflutningi.
Báðar tillögurnar voru samþykktar
samhljóða en ákvörðun um þátttöku
deilda félagsins þarf að liggja fyrir
í síðasta lagi 1. desember n.k.
milljónirífyrirtækinu
Hér um að ræða fyrirtæki sem
myndi reka hestamiðstöðvar vítt og
breytt um Þýskaland þar sem eig-
endum íslenskra hesta stæði til
boða reiðkennsla og önnur þjónusta
varðandi hestinn og einnig yrðu
reknar hestaleigur og að sjálfsögðu
seld hross á þessum stöðvum. Nú
þegar hefur verið óskað eftir stuðn-
ingi Landbúnaðarráðherra við út-
vegun lánsábyrgðar auk þess sem
leitað var eftir lánafýrirgreiðslu hjá
Framleiðsluráði landbúnaðarins,
Byggðastofnun og þriggja stærstu
banka landsins. Formlegt svar um
synjun hefur borist frá Landsbank-
anum og Framleiðnisjóði en aðrir
aðilar eru með málið í skoðun að
því er segir í skýrslu stjórnar.
Gefið verði út myndband
Af öðrum samþykktum aðalfund-
arins mætti nefna tilmæli til stjóm-
ar um að gefið verði út myndband
til kynningar á íslenska hestinum,
sögu hans og ræktun og verði
myndbandið til afnota fyrir félags-
menn. Þá var stjórn falið að vinna
að, í samstarfi við Búnaðarfélagið,
að koma tafarlaust á samræmdu
örmerkjakerfi til merkingar og
skáningar á hrossum landsmanna.
Einnig var stjórninni falið að leita
eftir samkomulagi við félag dýra-
lækna, lyfjanefnd ríkisins og aðra
er málið varðar að ormalyf í hross
verði selt bændum með magnaf-
slætti svo sem tíðkast um aðrar
rekstrarvörur séu þær keyptar í
stórum einingum.
Morgunblaðið/Valdimar Kristinsson
Formaðurinn í kynbótamat
FÓTAGERÐ í tæpara lagi. Bergur Pálsson formaöur Félags
hrossabænda var tekinn í kynbótamat af Hermanni Árnasyni á
uppskeruhátíð hestamanna á föstudagskvöldið og þótti mörgum
Bergur heppinn að vera ekki stóðhestur eftir þann dóm.
HESTAR
ÞAÐ þykir vart tíðindum sæta að Sigurbjörn Bárðarson skuli hljóta titilinn hestaíþróttamaður árs-
ins. Frá því farið var að veíta verðlaunin hefur hann hreppt titilinn öll árin að einu undanskildu;
árangur sem seint verður lelkinn eftir en það er Jón Albert Sigurbjörnsson formaður Hestaíþrótta-
sambands íslands sem afhenti verðlaunagripinn Alsvinn sem gefinn er af Félagi hrossabænda.
Morgunblaðið/Valdimar
Sigurbjörn hestaíþróttamaður ársins
Aldrei að trúa spattmyndum, segir Brynjólfur Sandholtyfirdýralæknir
SVO virðist sem dómarar skili
betri vinnu ef þeir gefa ein-
kunnir hver fyrir sig heldur en
að vinna saman í þriggja
manna dómnefnd, ef marka
má niðurstöðu úr samanburð-
arkönnun á framkvæmd
hrossadóma sem gerð var í
sumar. í niðurstöðunum kemur
einnig fram að þeir dómarar
sem þátt tóku íkönnuninni
þykja nákvæmir í einkunnagjöf
og öll frávik mun minni en í
sambærilegum könnunum í
búfjárdómum erlendis.
Þetta kom fram í erindi Jóns Við-
ars Jónmundssonar búfjár-
ræktarráðunauts á samráðsfundi
l—immi fagráðs hrosarækt-
Valdimar arinnar. Jón, sem
Kristinsson hafði umsjón með
skrífar könnunni, sagði að
þessi niðurstaða
hefði komið nokkuð á óvart þvi frá-
vikin væru nokkru lægri en það sem
þætti vel viðunandi erlendis. Taldi
hann þetta tvímælalaust meðmæli
með þeim dómurum sem þátt tóku
í könnunni og mætti ætla að íslend-
ingar væru vel á vegi staddir í þess-
um efnum.
Ánægjuefni
Kristinn Hugason hrossaræktar-
raðunautur sagði það ánægjuefni
út af fyrir sig hversu vel dómararn-
ir kæmu út úr þessari könnun. Hann
benti hinsvegar á að niðurstaða
könnunarinnar hefði ekki verið rædd
innan hrossaræktarnefndar en ljóst
væri að ávinningur virtist að því að
dómarar gæfu einkunnir hver fyrir
sig.
Til fróðleiks
UMRÆÐUR á samráðsfundum fagráðs bera þess merki að ekki
er um tillöguflutning eða afgreiðslur einstakra mála að ræða
heldur er fundurinn ætlaður til upplýsinga fyrir aðila fagráðs.
Á samráðsfundinum sem nú er
haldinn í annað skipti voru flutt
margvísleg erindi viðkomandi hesta-
mennsku og fulltrúar aðildarstofn-
ana eða félagasamtaka fluttu hver
um sig stuttar skýrslur um starfsem-
ina. Frekar voru umræður um mál-
efnin litlar enda ekki um neinar til-
lögur eða atkvæðagreiðslur að ræða.
Athygliverð ummæli
Ummæli Brynjólfs Sandhoits yf-
irdýralæknis í umræðu um röntgen-
myndatökur vegna spatts vöktu at-
hygli, en þar sagði hann að aldrei
skyldu menn trúa slíkum myndum.
Þess má geta að slíkar myndatökur
eru framkvæmdar í hundraðatali
árlega vítt og breytt um landið vegna
sölu hrossa bæði innan- sem utan-
lands og notaðar sem sönnunargagn
um spatt eða spattleysi hrossa og
því þykja þessi ummæli hans athygli-
verð.
Samráðsfundurfagráðs hrossaræktar haldinn í annað sinn
----;---------------------------
SjðHstæði betra en sam-
vinna í kynbótadómum