Morgunblaðið - 27.11.1994, Page 1

104 SÍÐUR B/C/D
272. TBL. 82. ÁRG.
SUNNUDAGUR 27. NÓVEMBER 1994 PRENTSMIÐJA MORGUNBLAÐSINS
Jafn lokasprettur fyrir þjóðaratkvæðagreiðsluna um Evrópusambandið í Noregi
Andstæðing-
ar aðildar
sigurvissir
Ósló. Morgunbiaðið.
ANDSTÆÐINGAR aðildar Noregs að Evrópusambandinu voru sigur-
vissir tveimur sólarhringum áður en þjóðaratkvæðagreiðslan um aðild
átti að hefjast. Niðurstöður skoðanakannana, sem birtar voru í gær,
laugardag, sýna litla breytingu. Stuðningsmenn aðildar bæta lítið eitt
við sig og eru rúmlega 47% þeirra, sem gert hafa upp hug sinn, þegar
tekið er meðaltal þriggja kannana. Andstæðingarnir eru tæplega 53%.
Munurinn er þó innan skekkju-
marka og í raun ómögulegt að spá
hvorir hafa betur. Samkvæmt
könnunum, sem gerðar voru meðal
áhorfenda eftir sjónvarpskapp-
ræður flokksleiðtoga á föstudags-
kvöld, kom Gro Harlem Brundt-
land forsætisráðherra bezt út úr
umræðunum og meirihluti svar-
enda taldi stuðningsmenn aðildar
hafa komið boðskap sínum betur
á framfæri. Hins vegar höfðu
umræðurnar ekki afgerandi áhrif
á hóp óákveðinna.
Engar tryggingar fyrir EES
Norska ríkissjónvarpið hafði á
föstudag eftir Jóni Baldvin Hanni-
balssyni utanríkisráðherra að ís-
lendingar hefðu fengið tryggingar
fyrir því frá ESB að innihaldi
EES-samningsins yrði ekki breytt,
jafnvel þótt ísland og Noregur
yrðu ein eftir í Fríverzlunarsam-
tökum Evrópu, EFTA.
í gær bar Henning Christopher-
sen, varaforseti framkvæmda-
stjórnar Evrópusambandsins,
þetta til baka. Hann segir að eng-
ar tryggingar hafi verið gefnar,
og að Hans van den Broek, sem
fer með utanríkismál í fram-
kvæmdastjórninni, sé sér sammála
í því efni. Christophersen telur að
samningurinn muni hafa takmark-
aða þýðingu fyrir ísland og Noreg
eftir að hin EFTA-löndin verða
komin inn í ESB.
■ Gróa gömul sár?/12
Daglegir bæna-
fundir gegn ESB
Ósló. Morgunblaðið.
FRAMTÍÐ Noregs ræðst ekki
af Evrópusambandinu (ESB),
heldur blessun guðs, að sögn
prests í óháðum söfnuði í Staf-
angri sem hefur staðið fyrir
bænasamkomum gegn ESB á
hveijum morgni síðustu vikur.
Aðild Norðmanna að Evrópu-
sambandinu færir Norðmenn frá
blessun guðs, að mati prestsins,
Arnfmns Clementsens. „Kristið
fólk kýs að heyja slíka baráttu
með bænum og bænir okkar
beinast ekki fyrst og fremst
gegn Evrópusambandinu, he(d-
ur biðjum við einkum fyrir Nor-
egi. Þetta er ekki spurning um
flokkapólitík, en við verðum að
benda á það sem gengur í ber-
högg við orð Drottins,“ segir
presturinn.
Ekki þörf á aflausn
Clementsen telur aðild að
Evrópusambandinu brjóta í
bága við boðskap biblíunnar um
sjálfstæði og frelsi. Hann segir
hins vegar að þótt einhver úr
söfnuðinum greiði atkvæði með
aðildinni í þjóðaratkvæðinu á
morgun þurfi hann ekki að óska
eftir syndaaflausn hjá sér.
Reuter
Innan skekkjumarka
KOMIÐ hefur verið upp mæli í Ósló sem sýnir stöðuna í skoðanakönnunum vegna þjóðaratkvæðis-
ins um aðild Norðmanna að Evrópusambandinu á morgun, mánudag. Eins og sjá má á myndinni
voru andstæðingar ESB 55% samkvæmt könnun í einu dagblaðanna, en þegar tekið var meðaltal
kannana í gær voru þeir tæp 53% og stuðningsmennirnir 47%. Munurinn var þó innan skekkjumarka.
Bandarískir hermenn
sendir til Adríahafs
Washington, Sar^jevo. Reuter.
BANDARÍKJASTJÓRN ákvað í
gær að senda 2.000 hermenn á
þremur herskipum til Adríahafs
vegna harðra bardaga í Bosníu.
Serbneskar hersveitir, sem hafa
sótt að Bihac-borg í norðvestur-
hluta landsins, hættu árásum sín-
um í gær og veittu stjórnarher-
mönnum, sem veija borgina, frest
til að gefast upp.
Talsmaður bandaríska varnar-
málaráðuneytisins lýsti ákvörðun-
inni um að senda hermenn til
Adríahafs sem „varúðarráðstöfun
eingöngu“. Hermennirnir hefðu
ekki fengið fyrirmæli um að fara
Serbar veita
múslimum frest
til að gefast upp
til Bosníu eftir að þeir koma til
Adríahafs á næstu dögum. Líklegt
þykir að Bandaríkjastjórn vilji
hafa hermennina til taks ef bjarga
þyrfti friðargæsluliðum Samein-
uðu þjóðanna eða áhöfnum her-
þotna Atlantshafsbandalagsins
(NATO).
Serbnesku hersveitirnar í
grennd við Bihac-borg áttu í gær
yfir höfði sér loftárásir af hálfu
NATO eftir að flugskeyti hafði
verið skotið að herþotum banda-
lagsins sem leituðu skotmarka í
grennd við borgina á föstudag.
Manojlo Milovanovic hershöfð-
ingi, yfirmaður serbneska árásar-
liðsins, krafðist þess að stjórnar-
hermennirnir gæfust upp fyrir
klukkan 19.00 í gær og hann lof-
aði að ábyrgjast öryggi allra þeirra
sem legðu niður vopn. Hann gaf
til kynna að Serbar væru reiðu-
búnir að elta stjórnarhermennina
inn í Bihac-borg, þrátt fýrir að
Sameinuðu þjóðirnar hafi markað
„griðasvæði“ umhverfis hana.
HUGUR
FYLGIR
HENDI