Morgunblaðið - 29.11.1994, Blaðsíða 18

18 ÞRIÐJUDAGUR 29. NÓVEMBER 1994
MORGUNBLAÐIÐ
UR VERIIMU
Stefnt að stofn-
un sjávarútvegs-
skóla á Dalvík
Skólinn verði tengdur atvinnulífinu
Morgunblaðið/Rúnar Þór
NEMENDUR í sjávarútvegsdeild eru í verklegri kennslu í frysti-
húsi Dalvíkur. Talið frá vinstri Anna Sigríður,
Ragnhildur, Katrín og Deane.
MIKILL áhugi er fyrir því að stofna
sjálfstæðan sjávarútvegsskóla á
framhaldsskólastigi á Dalvík og hafa
þau Þórunn Bergsdóttir skólastjóri
Dalvíkurskóla og Bemharð Haralds-
son skólameistari Verkmenntaskól-
ans á Akureyri ritað menntamálaráð-
herra Ólafi G. Einarssyni bréf þess
efnis. Bréfíð var ritað í janúarmán-
uði síðastliðnum en engin viðbrögð
hafa komið fram að sögn Þórunnar.
Framhaldsnám hefur verið á Dal-
vík frá árinu 1958, en þá var þar
iðnskóli. Árið 1977 hófst kennsla á
framhaldsskólastigi, á uppeldis- heil-
sugæslu- og viðskiptabrautum, frá
1981 hefur verið rekin þar skip-
stjórnardeild, 1. stigs og 2. stigið
bættist við 6 árum síðar. Ári síðar
bættist 1. bekkur framhaldsskóla við
og í beinu framhaldi fískiðnaðamám.
Starfsnámskeið fyrir ófaglært fólk
og 30 tonna réttindanám á báta hef-
ur um árabil staðið til boða við Dal-
víkurskóla. Árið 1989 var gerður
samningur milli Dalvíkurbæjar,
Verkmenntaskólans á Akureyri og
menntamálaráðuneytis um að sjávar-
útvegsdeild Dalvíkurskóla yrði hluti
af VMA undir daglegri yfírstjórn
skólastjóra Dalvíkurskóla; Sjávarút-
vegsdeildin á Dalvík - VMA. Alltfrá
þeim tíma hefur verið unnið að því
að gera deildina sjálfstæða og eru
menn sammála um að aldrei hafí hún
verið sjálfstæðari en einmitt nú og
því komin tími til að slíta nafla-
strenginn sem tengir hana við Dal-
víkurskóla og VMA. Við Sjávarút-
vegsdeildina eru tvær brautir, stýri-
manna og fiskvinnslu.
Skólinn tengist atvinnulífinu
„Við viljum leggja áherslu á að
tengja skólann atvinnulífinu," sagði
Þórunn. „Við höfum áhuga á að
bæta við fleiri greinum hjá okkur sem
tengjast atvinnulífínu sem mest.“
Þannig vildi skólinn slást í hóp þeirra
sem væru að þróa nýjar stuttar at-
vinnulífsbrautir í samræmi við
áfangaskýrslu nefndar um mótun
menntastefnu sem lagt hefði til að
frumkvæði kæmi frá skólum við
skipulagningu stuttra starfsmiðaðra
námsbrauta. Nefndi Þórunn að áhugf
væri fyrir að bjóða upp á stutt nám-
skeið t.d. fyrir háseta, kokka og vél-
stjóra auk þess sem skólinn vildi
vera með í þeirri þróun sem ætti sér
stað varðandi kennslu á sviði mat-
vælafræði, en skólinn á Dalvík gæti
orðið miðpunktur fískiðnaðarnáms í
Eyjafírði.
Nemendafjöldi tvöfaldast
Nemendafjöldi deildarinnar hefur
tvöfaldast á fjórum árum, úr 35 í
70. Lauslega hefur verið rætt við
skólamenn í Ólafsfirði þar sem
15-20 nemar eru í 1. bekk fram-
haldsskóla um að setja framhalds-
skólanámið á báðum stöðum undir
einn hatt. Samtals eru skólarnir tveir
með á bilinu 80-90 nemendur í námi
á framhaldsskólastigi og sagði Þór-
unn það nægan fjölda til að stofna
til sjálfstæðs framhaldsskóla og
væru fordæmi fyrir skólum af þeirri
stærðargráðu.
Barist hefur verið fyrir því að Sjáv-
arútvegsdeildin fái húsnæði við hæfi,
en nú er kennt á nokkrum stöðum.
Á efstu hæð Ráðhúss Dalvíkinga eru
þijár kennslustofur sem þjóna stýri-
mannanáminu, efsta hæðin í kaupfé-
lagshúsinu er notuð undir fískvinnsl-
una og stjómun og greiðir Dalvíkur-
bær fjórðungs kostnað vegna leigu
þar en ríkið hefur ekki tekið þátt í
leigukostnaði hingað til. Verkleg
kennsla fer fram í frystihúsinu á
staðnum auk fleiri fiskvinnsluhúsa
þar og í nágrenni og líka hjá Rann-
sóknarstofnun fiskiðnaðarins á Ak-
uréyri. Nemendur sjávarútvegsdeild-
ar eiga þess kost að vera á heima-
vist Dalvíurskóla, en hún er rekin á
kostnað Dalvíkurbæjar. Farið hefur
verið fram á að ríkið taki við rekstrin-
um með öllum þeim skyldum sem
heimavistum framhaldsskóla fylgja.
Námið úr takt við tímann
Miklar umræður hafa farið fram
innan skólans um nám á sjávarút-
vegssviði, en mörgum þykir það
staðnað og langt í frá í takt við tím-
ann. Nefndi Þórunn að sífellt væri
verið að setja á stofn n'efndir um
það, þær skiluðu áliti, legðu fram
tillögur um úrbætur, sem síðan í
flestum tilvikum væri stungið undir
stól. Menn væru svo hissa á að sókn
í nám á sjávarútvegssviði væri lítil,
en sjálf sagðist Þórunn ekki í nokkr-
um vafa um að dvínandi aðsókn í
nám í skipstjórnarfræðum og físk-
vinnslu væri vegna þess að skólamir
hefðu ekki fengið skilyrði til að þróa
námið í takt við tímann og gætu því
ekki boðið upp á nám sem freistaði
ungs fólks. Störf skipstjórnarmanna
væru sífellt að verða fióknara,
ábyrgðin meiri, skipin stærri og
sæktu á fjarlægari mið, en yfirvöld
virtust áhugalaus um að mennta fólk
betur enda kostaði það peninga.
Altæk
gæða-
stjórnun
RANNSÓKNAÞJÓNUSTA
Háskólans stendur dagana
5.-9. desember fyrir nám-
skeiði um gæðastjórnun í
sjávarútvegi sem ber heitið
„Altæk gæðastjórnun“. Nám-
skeiðið sem haldið verður í
Tæknigarði við Dunhaga er
það síðasta í röð þriggja nám-
skeiða sem haldin verða hér-
lendis á vegum Quality Fish
verkefnisins.
Quality Fish er verkefni
sem styrkt er af Evrópusam-
bandinu og hefur það að
markmiði að þróa og prófa
námsefni á sviði gæðastjórn-
unar í sjávarútvegi.
Opið öllum aðilum í
sjávarútvegi
Búið hefur verið til náms-
efni til þriggja námskeiða og
hafa tvö þeirra þegar verið
haldin, annað á Akureyri og
hitt í Vestmannaeyjum. Nám-
skeiðið í Tæknigarði er opið
öllum þeim aðilum í sjávarút-
vegi sem telja hag sínum bet-
ur borgið með aukinni vitn-
eskju um gæðamál í grein-
inni.
Námskeiðið stendur í fimm
daga og er námskeiðsgjald
kr. 35.000 að meðtöldum
fæðiskostnaði.
Borgarstjórn Reykjavíkur hefur ákveðið
að taka upp greiðslu húsaleigubóta fyrir
árið 1995, í samræmi við lög nr. 100/1994. Skilyrði húsaleigubóta eru m.a. eftirfarandi:
Húsaleigubætur eru ætlaðar tekju- og
eignalitlu fólki sem leigir á almennum
markaði.
Húsaleigubætur koma til greiðslu frá og
með næsta mánuði eftir að réttur til bóta
hefur verið staðreyndur.
Tekið er við umsóknum hjá Félags-
málastofnun Reykjavíkurborgar,
Síðumúla 39. Upplýsingabæklingur og
umsóknareyðublöð liggja þar frammi.
Umsóknarfrestur er 15. hvers mánaðar,
í fyrsta sinn 15. desember 1994.
• að umsækjandi hafi lögheimili í Reykjavík.
• að umsækjandi hafi þinglýstan húsaleigu-
samning til a.m.k. sex mánaða.
• að umsækjandi leigi íbúð, en ekki
einstaklingsherbergi.
• að leiguhúsnæðið sé ekki í eigu borgar eða
ríkis.
Reykjavík, 24.11.1994
Borgarstjórinn í Reykjavík