Morgunblaðið - 21.12.1994, Blaðsíða 27
LISTIR
MORGUNBLAÐIÐ
Ovæntur og fínn
TONLIST
Illjómdiskar
Kjartan Óskarsson (klarinett)
og Hrefna U. Eggertsdóttir
(píanó) leika tónlist eftir Gustav
Jenner, Victor Urbancic og Jos-
eph Rheinberger. Útgefandi
Kjartan Óskarsson. Dreifing
JAPIS.
ÉG HELD að þessi diskur hafi
komið mest flatt uppá mig - í öllu
jólaflóðinu. Ekki vegna tónlistarinn-
ar, og ekki vegna þess að fallega er
leikið. Einfaldlega vegna þess að hér
eru listamenn sem ég vissi ekki haus
eða sporð á, og líka - og ekki síst
- vegna þess hversu diskurinn er
settur á markað af mikilli hógværð
(ekki einusinni mynd af listamönnun-
um) - án þess þó að biðjast afsökun-
ar á sjálfum sér. Enda engin ástæða
- nema síður væri. Hér höfum við
ekta og fallega tónlist í ekta og fal-
legri túlkun. Efninu sjálfu er ætlað
að mæla með diskinum - og látið
hann ekki fram hjá ykkur fara, unn-
endur góðrar tónlistar!
Kjartan Oskarsson nam klarin-
ettuleik við Tónlistarskólann í
Reykjavík, og var Vilhjálmur Guð-
jónsson aðalkennari hans. Fram-
haldsnám stundaði hann við Hoch-
schule fiir Musik und Darstellene
Kunst í Vínarborg. Er nú m.a. kenn-
ari við Tónlistarskólann í Reykjavík.
Hrefna U. Eggertsdóttir nam píanó-
leik við Tónlistarskólann í Reykjavík.
Framhaldsnám stundaði hún í Vínar-
borg, við sama skóla og Kjartan.
Verkin eru Sónata op. 5 eftir
Gusatv Jenner (1865-1920), Fant-
asíusónata op. 5 eftir Dr. Victor
Urbancic (1903-1958) og Sónata op.
105a eftir Joseph Rheinberger
(1839-1901). Þetta eru ekki sérlega
frumlegar tónsmíðar, en fínar (síð-
asta verkið sérdeilis fallegt). - Dr.
Victor Urbancic er sá sem er áhuga-
verðastur og innihaldsríkastur.
(Kemur heldur ekki á óvart.) - Auð-
vitað á maður eftir að hlusta betur
- og jafnvel endurmeta.
Kominn er tími til að við sýnum
Victor Urbancic, þessum menntaða
og hæfileikamikla velgjörðamanni
íslenskrar menningar, einhvern
sóma. í stuttri umsögn er mér á
móti skapi að fara að útþynna pistil-
inn með nánari útskýringum.
Þessi hljómdiskur er hlédræg en
sterk röksemd, sem höfðar til kúltúrs
og sannrar tónlistariðkunar. Enn ein
röksemdin fyrir þá sem vilja vita: við
rísum hæst í tónlistinni. Og það er
flott!
Oddur Björnsson
MIÐVIKUDAGUR 21. DESEMBER 1994 27
Hjá okkurer alK á
: : :
Tölvuborð kr. 5.980.
Skrifborðsstóll kr. 3.280.
Hjólavagn fyrir bílaviðgerðir.
Verð kr. 1.980.
^— -----------------
Rafmagnsmælir
Mjög gott tæki á góðu verði
Samlokugrill
Verð kr. 2.490.
Inni/útihitamælar
fyrir heimili, bíl o.fl.
Tvær gerðir kr. 1.590.
SIMI
671400
rlslensku Pdstvcrslunin
Smiðjuvegi 30
Nýjar bækur
• STÓRA fluguhnýtingabókin
er eftir Jacqueline Wakeford og
í þýðingu Friðjóns Árnasonar.
Áður hafa komið út hér á landi
nokkrar bækur með upptalningum
og myndum af ólíkum fluguteg-
undum, en þessi bók er óvenjuleg
fyrir það að hún lýáir efni, tækjum
og tækni við hnýtinguna ítarlega,
bæði gerð votflugna og þurr-
flugna.
Þá eru sérstakir þættir um stél,
búka, kraga, skegg, vængi og síð-
an um óvenjulegar aðferðir, lökk-
un, þyngingu, kjalflugur, sam-
hangandi flugur og þríkrækjur og
ótal margt fleira,..
Til skýringar á öllum þessum
þáttum, stig fyrir stig, fylgja 350
ljósmyndir í fullum litum. I bókar-
lok koma svo listar yfir ólíkar
flugugerðir og þar á meðal yfir
100 íslenskar tegundir, m.a. eftir
Kristján Gíslason.
Útgefandi er Fjölvaútgáfan. Stóra
fluguhnýtingabókin er 150 bls.
Verð 3.280 krónur.
Fylgstu meb í
Kaupmannahöfn
Morgunblabib
fæst á Kastrupflugvelli
og Rábhústorginu
-kjarni málsins!
Kjötvörur frá Höfn
Jiegar hatda skal
gleðjleg j óU
Kjötiðnciðanncim frá Höfn tóku þátt ífagkeppni i kjötiðn
á INTERFAIR fagsýningunni í Danmörku árið 1988, fyrstir íslendinga.
Ávallt síðan hafa kjötvörur frá Höfn hlotið verðlaun i þeirri keppni.
Þú gengur að gæðunum vísum þegar þú \elur hjötvörur frá Höfn því þar
erfagmennsha í fyrirrúmi.
• •
HOFN
SELFOSSI