Morgunblaðið - 21.12.1994, Blaðsíða 35
MORGUNBLAÐIÐ
MIÐVIKUDAGUR 21. DESEMBER 1994 35
LISTIR
ELISABET Waage og Peter Verduyn Lunel
Harpa o g flauta
TONLIST
Áskirkja
Flytjendur. Eiísabet Waage
hörpu, Peter Verduyn Lunel
flautu. 18. des.
SÍÐUSTU dagamir fyrír jól eru
ekki heppilegustu dagar ársins fyr-
ir tónleikahald, nema þá um sér-
staka aðventutónleika sé að ræða.
Þetta fengu þau að reyna, Elísabet
og Peter í dag í Áskirkju. Elísabet
er búin að sýna ágæti sitt sem
hörpuleikari og það undirstrikaði
hún við tónleikana í dag. Sónatan
fyrir hörpu eftir Benjamin Britten
er byggð upp af fimm þáttum, mjög
ólíkum, þar sem síðasti þátturinn
er velskt sálmalag. Þættirnir eru
mjög ólíkir í byggingu og innihaldi
og tæknilega reyna þeir á marga
þætti og hæfni flytjendans. Elísabet
lék þessa þætti alla mjög vel, hver
þeirra fékk. sitt ákveðna yfirbragð
og mjög svo trúverðuga innihald.
Elísabet virðist eiga allt það til að
bera sem prýða má góðan hörpu-
leikara, m.a. skáldlegt innsæi.
Flutningur þessarar hörpusónötu
var hápunktur tónleikanna. Engar
upplýsingar er að finna í efnisskrá
um flautuleikarann, en af nafni
hans mætti geta sér til að niður-
lenskur sé. Peter Verduyn Lunel
er góður flautuleikari, öruggur og
með góða tækni. Tónninn er þó
örlítið sár og beittur og þótt allt
sé rétt gert saknar maður mýktar
og hlýrri tóns og um leið skapmeiri
túlkunar.
Ballada Henks Badings, þess
merka Hollendings, er þónokkuð
frönskuskotið verk og vissulega var
um margt fallega flutt, en einhvem
veginn fannst mér vanta það skáld-
lega í flautuleikinn.
Franz Schubert er sjálfum sér
líkur í Sónötunni í a-moll - Arp-
eggione - sem hann skrifaði fyrir
selló og píanó, að ég best veit. Fyrsti
þátturinn ætlar engan enda að taka,
eins og Schubert ætli aldrei að tíma
að setja punktinn fyrir aftan i-ið,
auk þess var fyrsti þátturinn í hæg-
ara lagi fluttur, Eftir tiltölulega
stuttan adagio-þátt var síðasti þátt-
urinn, í sínu fjölbreytta formi aftur
í anda höfundar, endalaus söngur.
í þessari hljóðfærasamsetningu,
harpa og flauta, ætti þessi sónata
þó að geta unnið sér varanlega
hlustun.
Ragnar Björnsson.
Nýjar bækur
• BOÐSKAPUR Maríutil mann-
kynsins er að sögn útgefanda bók
með miðluðum upplýsingum frá
Maríu mey.
í kynningu útgefanda segir:
„Efni bókarinnar er miðlað af
Bandaríkjakonunni Annie Kirk-
wood og meginboðskapurinn fjall-
ar um það hvernig við getum opn-
að hjörtu okkar fyrir Guði og lifað
lífinu fullkomlega meðvituð um
veru okkar og tilgang á jörðinni
fyrir endurkomuna í heima andans
eftir dauða líkamans. María leggur
ríka áherslu á kærleikann og mikil-
vægi þess senj hún kallar almenn-
an kærleika, kærleika til alls og
allra“.
í bókinni er kafli um líf Maríu
og Jósefs og koma þar fram marg-
ar sérstæðar upplýsingar. Bókin
er þýdd af Önnu Maríu Hilmars-
dóttur, en hún hefur þýdd fjölda
bóka um svipuð málefni. Bókin er
175 bls. að stærð og útgefandi er
Leiðarljós hf. og Bókaklúbbur Birt-
ings.
• RAGGI litli og týndijóla-
sveinninn er ný barnabók eftir
Harald S.
Magnússon.
Myndir eru eftir
Brian Pilking-
ton.
Raggi litli fer
í heimsókn til
Grýlu, Leppa-
lúða og sona
þeirra, jóla-
sveinanna.
Honum er vel
fagnað og hann
Haraldur S.
Magnússon
kemst að því að Grýla gamla er
ekki dauð úr öllum æðum.
Útgefandi er Iðunn. Bókin er 24
blaðsíður prentuð í Prentbæ. Hún
kostar 1.280 kr.
'W
MJÚKIR PAKKAR
FYRIR ALLA
ALDURSHÓPA
PANTANIR OSKAST
SÓTTAR
ATHLETIC
VERSLUN LAUGAVEGI 51 - S. 17717
HREYSTI i
SKEIFUNNI 19-S: 68 17 17- FAX: 81 30 64
SENDUM í PÓSTKRÖFU