Morgunblaðið - 03.01.1995, Blaðsíða 20
20 ÞRIÐJUDAGUR 3. JANÚAR 1995
ERLENT
MORGUNBLAÐIÐ
Bílslys í Svíþjóð
Tveir
biskupar
fórust
BISKUPINN í Váxjö í Svíþjóð, Jan
Arvid Hellström, og fyrirrennari
hans í embætti, Sven Lindegárd,
fórust í bílslysi aðfaranótt fímmtu-
dags.
Biskuparnir voru ásamt blaða-
manni, er einnig týndi lífí, á leið
í bíl til Váxjö er bíllinn rann til
hliðar og lenti á öðrum bíl sem
kom á móti þeim.
Rann í hálku
Biskuparnir voru á leið frá
Kalmar þar sem þeir höfðu sótt
frímúrarafund.
Hálka var á veginum, að sögn
Svenska Dagbladet.
Efnt var til minningarguðsþjón-
ustu strax á fímmtudagskvöld í
dómkirkjunni í Váxjö.
Hellström þótti vera alþýðlegur
í embættisstörfum sínum og naut
mikilla vinsælda.
Reuter
*
Aramótum fagnað í Köln
BORGARBÚAR í Köln fögnuðu áramótunum með mikilli flugeldasýningu á nýársnótt. Var flugeldun-
um skotið frá einni af mörgum brúm yfir Rín, nærri Kölnardómkirkju.
Fjöldamorðingi fannst hengdur
Gloucester, London. Daily Telegraph. Reuter.
LÖGREGLA útilokar
ekki að samfangar
Frederieks Wests, hins
illræmda fjöldamorð-
ingja í Gloucester, hafí
ráðið honum bana.
West fannst hangandi
í klefa sínum klukkan
12:55 á nýjársdag.
Ákafar lífgunartil-
raunir fangavarða
báru ekki árangur og
var hann úrskurðaður
látinn hálftíma síðar.
West er grunaður um
að hafa myrt 12 konur,
þar á meðal fyrrver-
andi eiginkonu sína og
tvær dætur. Jarðneskar leifar níu
fómarlamba hans fundust í fyrra í
garði eða grunni húss hans í Glouc-
ester og leifar þriggja á opnum
svæðum svæðum skammt frá æsku-
heimili hans fyrir utan borgina.
West hékk í snöm sem útbúin
hafði verið úr skyrtunni hans fest
við rimla í klefaglugganum. „Við
reyndum ákaft að biása aftur í hann
lífi,“ sagði Terry O’Dwyer fanga-
vörður í Winson Green fangelsinu í
Birgmingham, þar sem West var í
varðhaldi.
Yfirskoðunarmaður fangelsa,
Stephen Tumim dómari, sagði að
það hefðu verið mistök að fylgjast
ekki stöðugt með West.
Fangaverðir kváðust
hafa kíkt í klefa hans
á 15 mínútna fresti og
héldu því fram að úti-
lokað væri að stöðva
mann sem ákveðinn
væri í að stytta sér ald-
ur.
Tumim gagnrýndi
aðbúnað í Winson Gre-
en fangelsinu í úttekt
á því árið 1992. Það
var reist fyrir 555
fanga á síðustu öld en
þar eru nú vistuð rúm-
lega 1.000 delinkventi.
Tony Miles, lögmað-
ur Wests, sagði það óskiljanlegt að
varðhaldsfangi á borð við hinn
meinta fjöldamorðingja, gæti hengt
sig á hádegisverðartíma í fangadeild
. sem sögð væri undir sérstöku eftir-
liti, en West var vistaður á sjúkra-
deild fangelsins.
Fantar biðu færis
Menn, sem fróðir eru um fangels-
ismál, telja að West kunni að hafa
fært sér í nyt, að þá eigi sér stað
vaktaskipti og fangaverðir upptekn-
ir við að skiptast á upplýsingum.
Sömuleiðis kunni Qöldi varða að
hafa verið í lágmarki vegna áramót-
anna.
Stephen Palmer, sem nýlega lauk
afplánun sex mánaða refsingar fyr-
ir innbrot og þjófnað, sagði að West
hefði verið hataður af samföngum
og margur fanturinn í þeim hópi
hefði beðið óþreyjufullur færis á að
gera út af við hann. West hefði hins
vegar jafnan verið í fylgd tveggja
varða og því erfitt að komast í tæri
við hann. Annar fangi, Hammam
Shemsin, hélt því reyndar fram, að
samfangar Wests hefðu ráðið hon-
um bana. „Ég held að einhver varð-
anna hafí ákveðið að láta sem hann
tæki ekki eftir neinu óeðlilegu,"
sagði hann.
Eina góðverkið
Aðstandendur fórnarlamba Wests
gloddust flestir er þeim barst fregn-
in um dauða hans. Joan Owen,
móðir 17 ára stúlku sem West myrti
og gróf ásamt sex öðrum fórn-
arlömbum undir gólfi húss síns við
Cromwellstræti 25, sagðist ganga
út frá því að West hefði framið
sjálfsmorð. „Það er þá eina góða
verkið sem hann hefur unnið um
ævina,“ sagði hún.
„Hann mun rotna í helvíti," sagði
Chris Davis sem kvæntur er Anna-
Marie, dóttur Wests af fyrra hjóna-
bandi. Joan Owen er þó efins um
að West fái inngöngu neðra. „Ég
efast um að hann komist þangað
því til þess verða menn að hafa
svolítið af sál. Maður sem fremur
verknaði af því tagi sem hann hefur
gert og gengur síðan um eins og
ekkert hafi í skorist er djöfullegur,“
sagði hún.
Hús Wests við Cromwellstræti
25 hlaut fljótt viðurnefnið „Hryll-
ingshúsið" í fjölmiðlum. Nú er það
ásetningur bæjarráðsins í Gloucest-
er að rífa húsið og breyta lóðinni í
minningarreit um fórnarlömb
Wests.
Konunni sleppt?
Kona hans Rosemary er talin
meðsek í níu morðanna en hún er
í varðhaldsvist í Pucklechurch við
Bristol. Hún hefur neitað allri aðild
að morðunum og við lögregluyfír-
heyrslur hélt West því fram að hún
hefði hvergi komið nærri. Hvatti
lögmaður hennar til þess í gær, að
mál á hendur henni yrði fellt niður
það sem það stæði á veikum grunni.
Til stóð að réttarhöld yfir West
hjónunum hæfíst í byijun febrúar.
Með dauðanum fara leyndardómar
Wests með honum í gröfína og
kringumstæður fjöldamorðanna
verða því tæpast leiddar í ljós.
Fregnir fóru af því að hann hafí
unnið að ritun ævisögu sinnar í
fangelsinu.
Frederick West
Kaupmannahöfn
Einkaskólar verða
stöðugt vinsælli
Æ fleiri Kaupmannahafnarbúar
senda nú börn sín í einkaskóla
fremur en ríkisskólana, að sögn
dagblaðsins Det Fri Aktuelt.
Á þessu ári eru rúmlega 22%
grunnskólanemenda borgarinn-
ar í einkaskólum. Alls eru 44
einkaskólarnir, þar af 10 sem
ætlaðir eru bömum innflytj-
enda.
I hverfínu Frederiksberg,
sem er sjálfstætt sveitarfélag í
Kaupmannahöfn, ganga 42,5%
nemenda í 8.-10. bekk í einka-
skóla, að sögn dönsku hagstof-
unnar; samsvarandi hlutfall fyr-
ir allt landið er 13.3%.
Lítill agi
Hlutfall einkaskólanemenda
er einnig hátt meðal innflytj-
enda sem eru fjölmennir í sum-
um hverfum borgarinnar.
Foreldrum úr röðum innflytj-
enda finnst mörgum að agi sé
of lítill í dönskum grunnskólum
og jafnframt að þar safnist
nemendur sem komi úr fátæk-
um fjölskyldum.
Rcutcr
Stokkið í Tíber
ÍTALSKI sundmaðurinn Gius-
eppe Palmulli, 42 ára, stingur sér
til sunds í Tíberfljót af Cavora-
brúnni í Róm. Fjöldi manna sýn-
ir hreysti sína á nýársdag á ári
hveiju með því að stökkva í ískalt
fljótið af brúnni en það er um
tuttugu metra fa.ll.
Hartbarist
í Sómalíu
VOPNAÐAR sveitir börðust í
gær á götum Mogadishu í
Sómalíu þriðja daginn í röð.
Reyna þær að ná aðgangi að
höfninni, áður en friðargæslu-
lið Sameinuðu þjóðanna held-
ur á brott í mars. Ekki er tal-
ið að sveitirnar ætli að ráðast
á hermenn SÞ. í gær lést Siad
Barre, fyrrum forseti Sómalíu,
af völdum hjartaáfalls. Hann
hafði verið í útlegð í Nígeríu
frá árinu 1992.
Herferð gegn
reyknum
STJÓRNVÖLD í Króatíu hafa
hrint úr vör herferð fyrir „heil-
brigðara líferni" á árinu sem
er nýhafíð. Munu þau fyrst
beina spjótum sínum að reyk-
ingum, sem þeir segja algeng-
ustu dánarorsökina þar í landi.
Búist er við harðri andstöðu
við reykingabann á ýmsum
stöðum enda reykingamenn
víðast hvar í meirihluta.
Eitrað fyrir
Rússa
KAMPAVÍN, sem líkast til var
eitrað með blásýru, varð tíu
manns að aldurtila í Tadjíkist-
an um áramótin. Hinir látnu
voru sex rússneskir hermenn,
eiginkona starfsmanns rúss-
neska sendiráðsins og þrír
Tadjíkar. Kampavínið var
keypt í sölubúðum við rúss-
neskar herbúðir og er fullyrt
í frétt Tass að um hryðjuverk
gegn Rússum hafí verið að
ræða.
Stjórnin flækt
í flugrán?
ALSIRSKI stjórnmálamaður-
inn Hocine Ait Ahmed hefur
látið í Ijós grunsemdir um að
mennirnir sem rændu franskri
farþegaþotu um jólin, hafi
notið aðstoðar alsírskra
stjórnvalda. Telur hann að
ætlun stjórnarinnar með þessu
hafí verið að þrýsta á frönsk
stjórnvöld um að auka aðstoð
til að berjast gegn bókstafs-
trúarmönnum.
Gullfundur í
Balmoral
JARÐFRÆÐINGAR hafa
fundið gull á landareign Elísa-
betar Bretadrottningar í Skot-
landi, Balmoral. Tekur Karl
prins nú þátt í leitinni að gull-
inu sem fundist hefur í gran-
íti og í árfarvegum. Þá hafa
fundist merki um silfur, plat-
ínum, blý og wolfram. Ekki
eru nema nokkrir mánuðir síð-
an olía fannst nærri Windsor-
kastala.
Þingsalur
brennur
ÞINGSALUR á þingi Norður-
Irlands eyðilagðist í eldsvoða
í gær. Þingsalurinn hefur um
langt skeið verið talinn tákn
um yfirráð mótmælenda á
N-írlandi en þingið var leyst
upp 1972. Salurinn hefur að
undanförnu verið vettvangur
friðarviðræðna kaþólikka og
mótmælenda. Lögregla segir
ekkert benda til þess að um
íkveikju hafi verið að ræða.