Morgunblaðið - 04.01.1995, Blaðsíða 1

Morgunblaðið - 04.01.1995, Blaðsíða 1
64 SIÐUR B/C/D tvttunftliiMfr STOFNAÐ 1913 2. TBL. 83. ARG. MIÐVIKUDAGUR 4. JANUAR 1995 PRENTSMIÐJA MORGUNBLAÐSINS Segja nýbyggðir ógna fríðarsamníngunum Jerúsalem, Gaza. Reuter. TALSMENN PLO, Frelsissamtaka Palestínumanna, sögðu í gær, að friðarsamningarnir við ísraela hlytu að fara út um þúfur þar sem nú væri ljóst, að ísraelsstjórn ætl- aði sér ekki að stöðva nýbyggðir gyðinga á Vesturbakkanum. Á mánudag bannaði ísraelska ríkisstjórnin byggingu 500 íbúða á hæð skammt frá palestínska þorp- inu al-Khader en leyfði hana nær gyðingabyggðinni Efrat í sama héraði. Palestínumaðurinn Zakariya al- Agha, sem sér um húsnæðismál á sjálfstjórnarsvæðunum, sagði, að ísraelar hefðu nú lagt blessun sína yfir frekari byggðir gyðinga á Vest- urbakkanum og því hlytu friðar- samningamir að vera úr sögunni fljótlega. ísraelsher ekki á brott? Samkvæmt samningum ísraela og PLO á ísraelska hernámsliðið að vera búið að koma sér fyrir á nýjum stöðum í maí á næsta ári en Yitz- hak Rabin forsætisráðherra og fleiri ísraelskir frammámenn hafa verið að draga í land með það. Segjast þeir óttast auknar árásir araba, sem andvígir séu friðarsamningunum. Lögregla Palestínumanna hand- tók í gær 12 ísraela á Gaza og sagði þá yera ísraelska leyniþjón- ustumenn., Talsmenn lögreglunnar sögðu mennina hafa verið vopnaða. ¦ Misskilningi kennt um/16 Serbar í Krajina virða vopnahléð Reuter SARAJEVOBÚI heldur á reið- hjóli og hangir utan á spor- vagni í miðborginni. Sænsk stjórnvöld fordæma framferði rússneska hersins í Grosní Tsjetsjenar verjast enn af hörku Grosní, Moskvu, Stokkhólmi, Bonn. Reuter. HARÐIR bardagar geisuðu enn í Grosní, höfuðborg_ Tsjetsjníju, í gær en Tsjetsjenar héldu enn miðborginni og forsetahöllinni. Oljóst er hvar Dzhokar Dúdajev, forseti héraðsins, heldur sig. í sjónvarpsávarpi á mánudagskvöld skoraði hann á stjórn Borísar Jeltsíns Rússlandsforseta að hefja viðræður um frið, ella gæti svo farið að rússneskir stríðsfangar yrðu drepnir. Lena Hjelm-Wallen, utanríkisráðherra Svíþjóðar, fordæmdi í gær framferði Rússa í Tsjetsjníju, sagði að Moskvustjórnin gæti ekki lengur réttlætt hrottalega árás sina á Grosní með því að um innanlandsmál væri að ræða. Reuter NOKKRIR hermenn Tsjetsjena leita skjóls við húsvegg í hörðum götubardö'gum við innrásarher Rússa í miðborg Grosní í gær. „Rússar hafa ásamt öðrum aðild- arþjóðum Öryggis- og samvinnu- stofnunar Evrópu (ÖSE) lýst því yfir að meðferð sérhvers ríkis á þegnum sínum skipti öll aðildarríkin máli, ekki aðeins umrætt ríki," sagði Hjelm-Wallen. Utanríkisráðherra Þýsklands, Klaus Kinkel, ítrekaði stuðning sinn við Jeltsín en sagði Rússa fara offari í Tsjetsjníju. Loftárás á Ingúsetíu Stjórnvöld í Moskvu fullyrtu að herlið hennar hefði treyst tökin í miðborginni í gær. Rússneskar flug- vélar gerðu loftárásir á Grosní en auk þess réðst ein vélin á smáborg í nágrannahéraðinu Ingúsetíu og féllu fjórir óbreyttir borgarar. Að sögn i/ííerfax-fréttastofunnar rússnesku var hart barist við járn- brautarstöðiná*" í Grosní sem er í um 1,5 km fjarlægð frá forsetahöllinni. Við höllina og nálægar götur væri fjöldi brunninna brynvagna. „Frétta- maður okkar taldi um 100 lík rúss- neskra hermanna á götunum við höllina," sagði Interfax. Innrásin hefur valdið því að and- stæðingar Dúdajevs í héraðinu berj- ast nú með mönnum hans gegn Rúss- um en heimildarmenn segja að vart muni nema nokkur þúsund manns vera reiðubúin að halda áfram skæruhernaði taki Rússar Grosní. Særður Tsjetsjenahermaður sagðist í gær óttast 'að borgin félli senn vegna þess að skotfæri verjendanna væru á þrotum. Hernaðarsérfræðingar eru sam- mála um að innrásin hafi verið ein- staklega illa undirbúin og yfirstjórnin sé í molum. Umbótasinninn Jegor Gajdar segist óttast að einræði verði komið á í landinu í kjölfar ófaranna í Tsjetsjnfju. AHORFENDUM að jólaávarpi El- ísabetar Bretadrottningar á bresku sjónvarpsstöðvunum BBC og ITV hefur fækkað um helming á ára- tug. Kemur til álita að hætta út- sendingunni. Jólaávarpið er flutt á besta tíma, klukkan þrjú eftir há- degi á jóladag, eða rétt eftir að Bretar eru staðnir upp frá aðal jólamáltíðinni. Áhorf hefur ekki mælst minna frá því nákvæmar mælingar hóf- ust. Þannig horfðu aðeins 14,6 millj- ónir á sjónvarpsávarp drottningar Æ færri hlýða ájólaræðu drottningar að þessu sinni eða tveimur milljón- um færra en í fyrra. Áhorfendum hefur fækkað jafnt og þétt. Fyrir áratug horfðu 28 milljónir á ávarp- ið og rúm 21 milljón fyrir fjórum árum. Árið 1991 var fjöldi áhorf- enda einnig yfir 20 miiyónir. Niðurstöðurnar eru í samræmi við niðurstöður könnunar sem Harris-stofnunin gerði og birt var í breska blaðinu Independent á annan dag jóla. Spurt var hvort hætta bæri að útvarpa jólaávarpi drottningar sem verið hefur fastur liður í sjónvarpsdagskránni frá 1957. Aðeins þriðjungur sagði / ávarpið ómissandi hefð, 54% sögð- ust ekki myndu sakna þess og 10% svöruðu afdráttarlaust, að fella bæri ávarpið niður. Elísabet Bretadrottning Flogið á nýtil Sarajevo Sarajevo. Reuter. FLUGVÖLLURINN í Sarajevo var opnaður í gær að nýju og var gert ráð fyrir, að þangað kæmu 28 flug- vélar með hjálpargögn. Sðmuleiðis var það talið til marks um mjög batnandi ástand í borginni stríðs- hrjáðu, að ferðir sporvagna hófust á ný í gær. Þær hafa legið niðri í nokkrar vikur vegna árása serb- neskra leyniskyttna. Sir Michael Rose, yfirmaður frið- argæslusveita Sameinuðu þjóðanna (SÞ) í Bosníu, freistaði þess í gær að koma í kring fyrstu fundum samráðsnefnda stríðsaðila um framkvæmd fjögurra mánaða vopnahlés. Sveitir friðargæsluliða tóku sér í gær stöðu víða í Sarajevo til þess að reyna koma í veg fyrir að leyniskyttur gætu athafnað sig. Flylja vopn frá Bihac Bosníu-Króatar, sem tekið hafa afstöðu með stjórninni í Sarajevo, gerðust aðilar að vopnahléssam- komulaginu í fyrradag. Og 5 gær hétu Krajina-Serbar að hætta hern- aði á svæðinu við Bihac en fulltrúar SÞ sögðu múslimaherflokka, sem berjast gegn stjórninni í Sarajevo, hafa efnt til átaka á nokkrum stöð- um. Talsmaður SÞ sagðist hafa upplýsingar um að Serbar hefðu hafið brottflutning hersveita og vopna frá Bihac-svæðinu. Vopnahléssamkomulagið sem nú er komið til framkvæmda í Bosníu er árangur af sáttaumleitunum Jimmy Carters fyrrverandi Banda- ríkjaforseta. Ef sýnt þykir að stríðs- aðilar ætli að virða vopnahléð, er búist við að nýjar samningaumleit- anir fyrir tilstilli fímmveldanna svo- nefndu hefj'ist upp úr miðjum janúar. ? ? ? Norðmenn reykja mikið Ósló. Reuter. NORÐMENN eru stórtækari reyk- ingamenn en flestar aðrar þjóðir í Vestur-Evrópu. Þó er verðlag á tób- aksvörum þar himinhátt. Norska tóbaksvarnarnefndin skýrði frá því í gær, að 35% lands- manna á aldrinum 16-74 ára reyktu að staðaldri. Er það lítils- háttar lækkun frá 1980 er 37% Norðmanna á þessu aldursbili reyktu. Grikkir eru eina Vestur-Evrópu- þjóðin sem reykir meira en Norð- menn; kannanir sýna að 37% Grikkja reykja að staðaldri. Danir reykja nær jafn mikið og Norðmenn en einungis 23% Svía reykja að staðaldri. Terje Svendsen, formaður tób- aksvarnarnefndar Noregs, sagði að skortur á áróðri gegn reykingum ætti sinn þátt í því hve margir Norðmenn reyktu að staðaldri. Þar í landi kostar pakki með 20 vindl- ingum 45 krónur eða jafnvirði 450 islenskra króna.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.