Morgunblaðið - 04.01.1995, Blaðsíða 2
2 MIÐVIKUDAGUR 4. JANÚAR 1995
MORGUNBLAÐIÐ
FRÉTTIR
Borgarráð samþykkir að samið verði um sölu á þremur lóðum til Irving Oil
Skilyrði að samningar takist
um birgðastöð í Reykjavík
Lóðaumsóknir annarra olíu-
félaga verða kannaðar
Aukið að-
hald vegna
gjaldeyris-
kaupa
BANKASTJÓRN Seðlabank-
ans hefur hert reglur um svo-
nefnda endurkaupasamninga í
þeim tilgangi að draga úr gjald-
eyriskaupum banka og spari-
sjóða. Áður var heimilt að gera
slíka samninga til allt að 90
daga en sá tími hefur nú verið
styttur í 30 daga.
„Þetta er aðhaldsaðgerð sem
hefur þann tilgang að draga
úr gjaldeyriskaupum hjá Seðla-
bankanum. Bankar og spari-
sjóðir hafa verið að selja hús-
bréf og spariskírteini til að Qár-
magna gjaldeyriskaup, aðal-
lega í tengslum við framvirka
samninga," segir Birgir ísleifur
Gunnarsson, seðlabankastjóri.
■ Vextir Seðlabankans/14
BORGARRÁÐ hefur samþykkt að
heimila borgarstjóra að ganga til
samninga við Irving Oil um sölu á
þremur lóðum fyrir bensínstöðvar
og verslun í Reykjavík. Jafnframt
er sett það skilyrði fyrir sölu lóð-
anna að samningar takist við fyrir-
tækið um lóð og uppbyggingu
birgðastöðvar við Reykjavíkurhöfn.
Þá samþykkti borgarráð að fela
Borgarskipulagi og borgarverk-
fræðingi að fara yfir aðstöðu olíufé-
laganna í borginni og umsóknir
þeirra um lóðir fyrir bensínstöðvar
og leita lausna í því sambandi.
í heimild borgarstjóra er fyrirvari
um endanlega staðsetningu lóð-
anna, fyrirkomulag og breytingu á
landnotkun að lokinni umfjöllun
umhverfismálaráðs, umferðar-
nefndar, skipulagsnefndar og ann-
arra skipulagsyfírvalda.
Ákveðið verð á fermetra
Gert er ráð fyrir að lóðir ætlaðar
Irving Oil verði seldar á ákveðnu
fermetraverði sem taki mið af verði
samkvæmt útboði á lóð við Gagnveg
2, en auk þess greiðast gatnagerð-
argjöld af öllum húsum. Lóðimar
eru við Eiðisgranda, Stekkjarbakka
og Bæjarháls og þarf að samþykkja
breytingar á skipulagi vegna þeirra.
Borgarráðsmenn Sjálfstæðis-
flokksins samþykktu tillöguna á
fundi borgarráðs með fyrirvara í
sérstakri bókun. Þar segir að þeir
telji áhugavert að erlendir aðilar
sýni vilja til fjárfestingar í Reykja-
vík á næstu mánuðum er geti num-
ið 1,5 milljörðum króna. Staðsetn-
ingar stöðvanna á grónum svæðum
séu að sjálfsögðu viðkvæmt mál
og ekki síður þótt erlendir aðilar
eigi í hlut.
Þá segir: „Því er það áhersluat-
riði að málið verði rækilega kynnt
fyrir íbúum í nálægð þeirra, svæða
sem til álita koma áður en frekari
ákvarðanir verða teknar um stað-
setningu þeirra. Hvað varðar þær
þijár lóðir sem tilgreindar eru telj-
um við staðsetningu bensínstöðvar
norðan Stekkjarbakka við Elliðaár-
dal ekki heppilega vegna um-
hverfissjónarmiða. “
Staðsetning verður kynnt
í bókun borgarstjóra segir að
gert sé ráð fyrir að fjallað verði
um málið í fagnefndum borgarinn-
ar. Það væri og sjálfsagt og eðli-
legt að skipulagsnefnd kynni stað-
setningu lóðanna fyrir nærliggjandi
íbúum. Hvað varðaði lóðina við
Stekkjarbakka þá væri hún ekki á
grænu svæði heldur á helgunar-
svæði milli tveggja gatna.
Morgunblaðið/Kristinn
SKIPVERJAR af hollenska skipinu Hendrik B mættu til sjó-
prófa í Héraðsdómi Reykjavíkur í gær.
Sjópróf vegna Hendriks B
Engir blindhlerar
til að verja glugga
SJÓPRÓF vegna hollenska flutn-
ingaskipsins Hendriks B, sem var
yfirgefið suður af landinu 29. desem-
ber síðastliðinn, hófust í Héraðsdómi
Reykjavíkur kl. 16 í gær.
Állan Vagn Magnússon er dóms-
formaður og Þorvaldur Ingibergsson
skipstjóri og Hrafnkell Guðjónsson
kennari í Stýrimannaskólanum eru
meðdómendur.
I gær voru lögð fram ýmis gögn
um skipið og áhöfn þess og teknar
skýrslur af skipstjórnarmönnum.
Aðspurður sagði Klaas Bruin skip-
stjóri meðal annars að enginn búnað-
ur, svonefndir blindhlerar, til að
veija glugga aftan á brú skipsins
hefði verið um borð. Hann hefur
ekki áður siglt á þessum slóðum.
í dag mæta varðskipsmenn af Tý
og gefa skýrslu um sinn þátt í björg-
un skipsins. Reiknað er með að sjó-
prófum ljúki í dag.
Atkvæðagreiðsla um kjarasamninga
Sjúkraliðar
samþykktu
samninga
TALNING í atkvæðagreiðslu um
kjarasamninga sjúkraliða fór fram
í gærkvöldi og voru samningarnir
samþykkir með 94,2% atkvæða
þeirra sem þátt tóku í atkvæða-
greiðslunni.
82,6% kjörsókn
Á kjörskrá á landinu öllu voru
1.054. Þar af greiddu 752 atkvæði
og var kjörsókn því 82,6%. Já
sögðu 710 eða 94,2% en nei sögðu
40 eða 5,4%. Auðir seðlar voru
tveir eða 0,2%. Engin atkvæði
voru ógild.
Kjarasamningar við meginþorra
sjúkraliða voru undirritaðir 30.
desember til rúmlega eins sólar-
hrings eftir um sjö vikna verkfall.
Samningurinn felur í sér 7% launa-
hækkun og var afturvirkur að
hluta frá 15. júní og að hluta frá
1. október. Síðasti hópur sjúkra-
liða, á Garðvangi, gekk frá kjara-
samningum í fyrradag.
Morgunblaðið/Þorkell
FRÁ atkvæðagreiðslu sjúkra-
liða í gær.
SH eykur utflutning
um þriðjung milli ára
SlÐASTLIÐIÐ ár varð metár í
framleiðslu og sölu afurða innan
Sölumiðstöðvar hraðfrystihúsanna.
Leita verður allt aftur til ársins
1979 til að finna svipaða fram-
leiðslu, sem þá byggðist á miklum
þorskafurðum.
„Góð loðnuvertíð árið 1994, mik-
il rækjuvinnsla og vaxandi vinnsla
úthafskarfa eru meginþættimir er
vega nokkuð á móti minnkandi
þorskafla," segir Friðrik Pálsson,
forstjóri SH, meðal annars í sam-
tali við Morgunblaðið.
Alls seldi SH 121.700 tonn af
afurðum á síðasta ári. íslenzkar
afurðir, bæði frystar og kældar,
voru 104.200 tonn, en frystar er-
lendar afurðir voru 17.500 tonn.
Verðmæti seldra afurða var 28,4
milijarðar króna (cif) og er það
aukning í verðmætum um 34% frá
fyrra ári, en aukning í magni var
33%.
Frá íslandi voru fluttar út sjávar-
afurðir til 28 landa á vegum SH í
fyrra. Viðskipti við Rússland hófust
Alls var selt fyrir
28,4 milljarða kr.
á síðasta ári
á ný eftir nokkurra ára hlé og út-
flutningur á síld hófst til Kína.
Framleiðendur fyrir SH á árinu
voru yfír 100 talsins, þar af voru
33 frystiskip í eigu 17 útgerða.
Frystiskipum hjá SH fjölgaði um 6
á árinu.
Heildarframleiðsla hjá íslenzkum
framleiðendum SH var rúm
100.000 tonn árið 1994 og jókst
um 8% frá árinu áður. Framleiðsla
erlendra vinnsluskipa - var um
16.000 tonn og jókst um 34% milli
ára.
Breytt sölusvæði
Nokkrar breytingar hafa orðið á
vægi sölusvæða á síðasta ári. Frið-
rik Pálsson bendir meðal annars á
að í fyrsta sinn í sögu SH megi
leggja að jöfnu útflutning til Aust-
ur-Asíu og Bandaríkjanna. Aukning
var á sölu til allra markaðssvæða,
en miðað við verðmæti fer mest til
þessara svæða, eða fyrir um sjö
milljarða króna á hvort fyrir sig.
Mikil aukning varð í sölu loðnuaf-
urða á árinu, en alls fóni um 12.600
tonn af loðnu og 4.000 af hrognum
til Japans. '
Rækjuframleiðsla jókst um fjórð-
ung og eru skelfiskafurðir nú um
19% af heildarverðmæti afurða SH.
Framleiðsluauking á úthafskarfa
innanlands var um 36% en 30% hjá
erlendum skipum. Heildarsala
karfaafurðajókst úr 21.000 tonnum
í 36.000 tonn milli ára.
Um fjórðungs samdráttur var í
framleiðslu þorskafurða frá fyrra
ári. Þann samdrátt má rekja til
minni veiði, því hlutdeild SH í þorsk-
inum jókst milli ára. Samdráttur í
framleiðslu á grálúðu var af sömu
sökum, en meiri samdráttur varð í
ufsaframleiðslu en aflaminnkun
nemur.
Utflutningsverðmæti SH til
helstu viðskiptasvæða ’94
Upphæðir í milljörðum kr., fob
JAPAN (42.000 tonn) 7,1
BANDARÍKIN (23.300 tonn) 7,0
ÞYSKALAND (27.500)
BRETLAND
FRAKKL.
5,3
3.2 (12.600 tonn)
5.3 (14.300 tonn)
SH flytur einnig út fersk flök,
ferskan og frystan lax, ígulkera-
hrogn, reyktan lax, hrossakjöt og
kavíar. Útflutningur þessara afurða
var um 1.400 tonn að verðmæti um
800 milljónir króna.
Friðrik Pálsson segir, að rekja
megi þennan góða árangur til
styrkrar markaðsstarfsemi og þró-
unar. Lögð hafi verið áherzla á að
styrkja innlenda framleiðendur og
auka vinnsluvirði afurðanna. Þá
hafí einnig verið lögð áherzla að fá
erlend frystiskip í viðskipti.
Ráðist á
unga konu
RÁÐIST var á unga konu í mið-
borginni laust fyrir kvöldmat í
gær. Hún slapp naumlega inn á
Hótel Borg frá árásarmanninum.
Konan átti leið niður Laugaveg-
inn og veitti þar eftirtekt manni
sem bauð ekki af sér góðan þokka.
Þegar hún kom niður í miðbæ tók
hún eftir að maðurinn veitti henni
eftirför. Hún reyndi að hrista hann
af sér en tókst ekki og elti maður-
inn hana að strætisvagnaskýli við
Ráðhúsið. Maðurinn var greinilega
undir annarlegum áhrifum og þótti
konunni nærvera hans mjög
óþægileg. Hún ákvað því að leita
skjóls á kaffihúsi.
Þegar kom á Austurvöll hljóp
konan í átt til Hótel Borgar og tók
sá skuggalegi einnig á sprett. Fyr-
ir framan anddyri hótelsins náði
maðurinn konunni og tók hana
kverkataki. Henni tókst að slíta
sig lausa og komst naumlega inn
á hótelið. Konan er ómeidd en
henni var mjög brugðið.
Atvikið var kært til lögreglu.
---------♦---------
Vörur
sviknar
út á kort
VÖRUR voru sviknar út úr nokkr-
um verslunum í Reykjavík dagana
28. og 29. desember að verðmæti
rúmlega 230 þúsunda króna. í öll-
um tilvikum var hringt til verslan-
anna og gefið upp númer og gildis-
tími á gullkorti ásamt nafni og
kennitölu korthafa og varan afhent
gegn því.
Við móttöku vörunnar var í
fæstum tilvikum aflað móttöku-
kvittunar en í þeim tilvikum sem
það var gert voru dæmi um að
gefnar væru upp kennitölur sem
ekki eru til.
Upp komst um hvernig málið
var vaxið þegar afgreiðslumann í
verslun, sem fékk pöntun, grunaði
að ekki væri allt með felldu og
hafði samband við korthafann.
Korthafinn setti sig síðan í sam-
band við Visa ísland, kortinu var
lokað þegar í stað og málið kært
til Rannsóknarlögreglu ríkisins.
Að sögn Einars S. Einarssonar,
forstjóra Visa íslands, gefur þetta
mál ekki tilefni til að herða reglur
um þessi viðskipti heldur þarf að
brýna fyrir starfsfólki verslana að
fara eftir þeim.