Morgunblaðið - 04.01.1995, Blaðsíða 32

32 MIÐVIKUDAGUR 4. JANÚAR 1995
MORGUNBLAÐIÐ
MINNINGAR
ÞÓRDÍS
SIGURÐARDÓTTIR
+ Þórdís Sigurðardóttir
fæddist í Vestmannaeyjum
2. febrúar 1939. Hún lést í
Landspítalanum 24. desember
síðastliðinn. Utför hennar fór
fram frá Hafnarkirkju 3. jan-
úar síðastliðinn.
Á HAUSTDÖGUM 1992 var ég
komin austur á Hornafjörð, hóf
störf á nýjum vinnustað og þekkti
ekki sálu á staðnum utan börnin
tvö sem ennþá fylgja mér hvert sem
ég fer. Ein sú fyrsta sem ég kynnt-
ist á staðnum utan vinnufélaganna
var Dísa grannkona mín. Það var
alltaf jafn notalegt að smeygja sér
inn hjá Dísu, sníkja kaffibolla og
gleyma sér við spall um alla heima
og geima enda lumaði hún á vitn-
eskju um eitt og annað sem forvitni-
legt var að heyra og það var stutt
í kímnisglampann í augunum og
ljúft brosið. Það var líka hún sem
reyndist mér mesta hjálparhellan
þegar til þess kom síðar sama vetur
að finna búninga á leikara úr hópi
nemenda þegar sett var upp leik-
sýning. Dísa tíndi fram úr skápum
sínum hina og þessa kjóla, blússur
og pils sem hún var tilbúin að lána
að þyí ógleymdu að hún saumaði
þennan líka stórglæsilega kjól á
aðalleikkonuna eftir mynd sem ég
fann í bók, það vafðist ekki mikið
fyrir henni að bjarga smáatriðum
eins og að búa til flókið snið og
láta 16 ára Hafnarstúlku líta út
eins og veraldarvana heimsdömu.
Það var líka sama hjálpsemin og
umhyggjan sem einkenndi sam-
skipti hennar við grunnskólanem-
endur sem hún hafði umsjón með
á vistarganginum, alltaf var Dísa
tilbúin að aðstoða unglingana og
að hlusta á og hafa áhuga því sem
þeim var efst í huga hveiju sinni
og vanlíðan hennar síðustu mánuði
hafði engin áhrif þar á. Það varð
mér og börnunum mínum mikil
ánægja og gleði að kynnast þessari
konu og þó kynnin hafí verið alltof
stutt urðu þau nógu löng til þess
að hún lifir áfram í hugum okkar
þó Dísa sé sjálf farin af sviðinu og
ef til vill búin að fá hlutverk í nýju
leikriti.
Sigrún Ragnarsdóttir.
íbúðin þeirra Dísu og Guðbrands
var tilbúin fyrir jólahaldið, jólatréð
skreytt og jólapakkar stóðu á borð-
inu. Það var huggulegt og notalegt
eins og Dísa var sjálf og eins og
hún vildi hafa hlutina í kringum
sig. Dísa var nýkomin úr skoðun á
sjúkrahúsi og ætlaði að halda jólin
heima með eiginmanni sínum áður
en hún færi aftur á sjúkrahúsið.
Hún hafði fengið krabbamein í
lungu fyrir ári, var búin að ná sér
vel á strik í sumar og hafði von
um bata. Heilsunni fór hins vegar
hrakandi þegar nær dró jólum, en
hún var ekki mikið fyrir að kvarta
og vildi umfram allt sinna því starfi
sem hún hafði með höndum og lauk
vinnu sinni við heimavistina áður
en hún fór til Reykjavíkur. Við skilj-
um núna hvílíkt æðruleysi og kjark
hún sýndi, hún ætlaði ekki að gef-
ast upp. Jólin voru að koma og þau
ætluðu að eiga þau tvö saman, en
kallið kom fyrr en varði. Á aðfanga-
dag versnaði henni og var hún send
suður. Hún lést í örmum eigin-
manns síns, þegar þún var nýstigin
inn á sjúkrahúsið. Á heimilinu stóðu
jólapakkarnir óopnaðir.
Það eru aðeins sex ár síðan Guð-
brandur kynnti okkur hjónin fyrir
Dísu, en hann hafði áður starfað
með okkur í tvö ár. Það er skemmst
frá að segja að okkur líkaði strax
mjög vel við hana og fundum að
hún myndi falla vel inn í sveitasam-
félagið hjá okkur í Nesjum. Um
haustið kom hún svo til starfa við
skólann. Hún kenndi hannyrðir og
það lá mjög vel fyrir henni, hún var
einstaklega myndarleg í höndunum.
Einnig vann hún í mötuneytinu.
fyrir þremur árum var gerð breyt-
ing á heimavistinni, nemendum
fækkað eins og hægt var og ákveð-
ið að ráða eina manneskju í fullt
starf sem umsjónarmann. Dísa varð
fyrir valinu og hefur gegnt starfinu
með mikilli prýði og áunnið sér ást
og virðingu unglinganna. Heimili
hennar og Guðbrands hefur staðið
opið hvenær sem er fyrir vistarbúa
og hún hefur sinnt þeim eins og
hún væri móðir þeirra. Á vistinni
hafa búið 7-13 unglingar á þessum
þremur árum. Ef eitthvað hefur
komið upp á í skólanum sem þurft
hefur að leysa með stuttum fyrir-
vara hefur oft verið leitað til Dísu
og hún yfirleitt verið boðin og búin
að leysa málið. Á það jafnt við um
forfallakennslu, gæslu yngstu bam-
anna eða pössun fyrir börn kenn-
ara. Skarð hennar verður ekki auð-
fyllt og hennar verður sárt saknað
bæði sem starfskrafts og mann-
eskju.
Nú hafa jarðneskar leifar hennar
verið lagðar til hinstu hvílu í hom-
firska mold. Kaldir vindar munu
gnauða yfir byggðinni um sinn. En
með hækkandi sól birtir á ný og
upp af legstað hennar spretta litfög-
ur blóm, tákn kærleika og friðar,
sem minna okkur á konuna sem
kom inn í líf okkar sem bjartur
sólargeisli. Minningin um hana yljar
okkur um hjartarætur og vísar veg-
inn til betra mannlífs.
Eiginmanni jhennar, börnum,
systkinum og ástvinum öllum vott-
um við innilega samúð okkar.
Ó, sólarfaðir sipdu nú hvert auga,
en sér í lagi þau, sem tárin lauga,
og sýndu miskunn öllu því, sem andar,
en einkum þvi, sem böl og voði grandar.
(M. Joch.)
Kristín og Hreinn.
Okkur langar að minnast Dísu í
fáum orðum, en henni kynntumst
við fyrir íjórum árum þegar við
vorum að heija nám í Nesjaskóla.
Dísa var umsjónarmaður á heima-
vist skólans og reyndist hún okkur
og öðrum nemendum þar mjög vel.
Ef eitthvað var að var gott að
geta leitað til Dísu, hún vildi allt
fyrir okkur gera.
Við vissum að hún var haldin
alvarlegum sjúkdómi en samt sem
áður bjuggumst við ekki við að hún
færi svona fljótt.
Dísa, við eigum eftir að sakna
þín, við þökkum þér fyrir allt sem
þú gerðir fyrir okkur.
Guðbrandur, við vottum þér inni-
lega samúð.
Berglind, Brynja,
Helga, Hulda,
Lovísa og Sigrún.
. „blabib
- kjarni málsins!
Sjáðu hlutina í víðara samhengi!
Helgi Áss með fullt
hús í Noregi
skák
Alþjóðiegt mót í
Gausdal, Noregi
JÓLAHRAÐSKÁKMÓT
TR
Skákþing Reykjavíkur hefst
8. janúar.
HELGI Áss Grétarsson, stór-
meistari, hefur unnið fimm
fyrstu skákir sínar á alþjóðlegu
nýjársmóti í Gausdal í Noregi.
Helgi hefur tekið örugga forystu
á mótinu, en á því tefla tíu kepp-
endur. Hann er fimmti stiga-
hæsti þátttakandinn. Meðalstig-
in eru nákvæmlega 2.400 stig,
en þau hefðu þurft að vera einu
stigi hærri til að mótið kæmist
í sjöunda styrkleikaflokk. Þá
væri stórmeistaraárangur sjö
vinningar.
Helgi vann fyrst norska al-
þjóðlega meistarann Östenstad
og síðan gömlu kempurnar Sven
Johannessen og Per Ofstad, sem
tefldu í landsliði Norðmanna fyr-
ir 2-3 áratugum. í fjórðu umferð
sigraði hann danska alþjóða-
meistarann Kristensen örugg-
lega og Norðmanninn Bjerke í
þeirri fimmtu. Staðan á mótinu
er þessi:
1. Helgi Áss Grétarsson 5 v.
2. Rune Djurhuus, Noregi 4 v.
3. Einar Gausel, Noregi 3'h v.
4. -6. Heikki Westerinen, Finnlandi 2'A v.
4.-6. Bjarke Kristensen, Danmörku 2% v.
4.-6. SvenJohannessen,Noregi 2'/2 v.
7. PeterHeine-Nielsen,Danmörku 2 v.
8. Berge Ostenstad, Noregi l'A v.
8. RichardBjerke,Noregi 1 v.
9. -10. Per Ofstad, Noregi 'h v,
Helgi Áss valtaði yfir danska
alþjóðameistarann og skákblaða-
manninn Bjarke Kristensen í
fjórðu umferðinni. Eftir að Dan-
inn teflir byijunina of óvirkt á
hann sér ekki viðreisnar von:
Hvítt: Helgi Áss Grétarsson
Svart: Bjarke Kristensen
Kóngsindversk vörn
1. d4 - Rf6, 2. c4 - g6, 3. Rc3
- Bg7, 4. e4 - 0-0, 5. f4 - d6,
6. Rf3 - Bg4, 7. Be3
- Rfd7, 8. h3 -
Bxf3, 9. Dxf3 - e5,
10. dxe5 - dxe5, 11.
f5 - Rc6, 12. 0-0-0
- Rd4, 13. Df2 - c6,
14. Kbl - De7, 15.
g4 - Hfd8, 16. g5 -
Bf8, 17. h4 - Rc5,
18. h5 - a5, 19. Bh3
- Hd6, 20. f6 -
Dc7, 21. hxg6 -
fxg6, 22. Bxd4 -
exd4, 23. Hxd4 -
Hxd4, 24. Dxd4 -
Hd8
Ef hvítur viki nú
drottningunni undan
gæti svartur lagað
stöðuna talsvert. En Helgi slekk-
ur snarlega þann vonarneista:
25. f7+! - Kxf7, 26. Hfl+ -
Kg8, 27. Hxf8+ - Hxf8, 28.
Dxc5 - He8, 29. Rd5 og svart-
ur gafst upp.
Skákþing Reykjavíkur
að hefjast
Mótið hefst sunnudaginn 8.
janúar kl. 14 í félagsheimili TR,
Faxafeni 12. Teflt verður á
sunnudögum, miðvikudags- og
föstudagskvöldum með svipuðu
fyrirkomulagi og undanfarin ár.
Óllum er heimil þátttaka.
Jólahraðskákmót TR
Arnar E. Gunnarsson, 16 ára,
sigraði á jólahraðskákmóti TR
eftir harða keppni við Braga
Þorfmnsson. Þeir urðu jafnir að
vinningum en Arn-
ar var úrskurðaður
sigurvegari með
stigaútreikningi.
Mótið fór fram með
því fyrirkomulagi
að fyrra kvöldið
voru háðar undan-
rásir en seinna
kvöldið fóra fram
úrslit.
Þeim bræðram
Braga og Birni
Þorfínnssonum
gekk afar vel í und-
anrásum jólahrað-
skákmóts TR,
Bragi vann A-riðil-
inn með 17 vinning-
um af 18 mögulegum og Björn
vann það ótrúlega afrek að vinna
allar 18 skákir sínar í B-riðli. En
í úrslitunum hafði talsvert af þeim
bræðram dregið, sérstaklega
Birni:
A-úrslit:
1. ArnarE.Gunnarsson 13‘/2 v. af 17
2. BragiÞorfinnsson 13 'h v.
3. Jón Viktor Gunnarsson 12'h v.
4. Bragi Halldórsson 11 v.
5. ÖgmundurKristinsson 10% v.
6. Bogi Pálsson 10 v.
7. -8. Bergsteinn Einarsson 9% v.
7.-8. Páll A. Þórarinsson 9% v.
9.-10. Eiríkur Björnsson 8V2 v.
9.-10. TorfiLeósson 8% v.
11. BjömÞorfinnsson 8 v. o.s.frv.
B-úrslit:
1. Pétur Gíslason 13% v. af 15
2. Ingólfur Gíslason ' 13% v.
3. Adolf H. Petersen 12 v.
4. Stefán Kristjánsson 11 v.
5. -6. Ingi Ágústsson 10 v.
5.-6. Júlíus Guðmundsson 10 v.
7. Guðjón H. Valgarðsson 9% v.
8. Hjörtur Daðason __ 8 v. o.s.frv.
Skákstjóri var Ólafur H. Ólafs-
son.
Stórmeistarar til Linares
Hannes Hlífar Stefánsson,
Jóhann Hjartarson og Margeir
Pétursson tefla á sterku opnu
alþjóðlegu móti í Linares á Spáni,
sem hefst laugardaginn 7. jan-
úar. Því lýkur 16. janúar.
Margeir Pétursson
Grétarsson
Á-k
Ábendingar frá
LÖGREGLUNNI:
Vélsleðafólk taki til-
lit til hestamanna
Á SNJÓATÍMUM kvartar hesta-
fólk talsvert yfir akstri vélsleða á
svæðum sem það notar dags dag-
lega. Aðallega er um að ræða
svæði í kringum 0g í nágrenni við
hesthúsabyggðir, reiðgötur og al-
gengar reiðleiðir. Fólk bendir
réttilega á að samspil umferðar
þess og vélsleðafólks fari illa sam-
an af eðlilegum ástæðum og sé á
stundum beinlínis varhugavert.
Vélsleðar á eínkavegum
I 4. grein umferðarlaganna eru
almenn ákvæði um meginreglur
fyrir alla umferð og gilda því jafnt
fyrir reiðmenn og vélsleðafólk. Þar
segir m.a. að vegfarandi skuli sýna
tillitssemi og varúð svo að ekki
leiði til hættu eða valdi tjóni eða
óþægindum og þannig að ekki
trufli eða tefji umferð að óþörfu.
í 5. grein umferðarlaganna seg-
ir að í þéttbýli megi ekki í heimild-
arleysi aka, stöðva eða leggja vél-
knúnu ökutæki utan vega á svæði
sem ekki er ætlað fyrir umferð
vélknúinna ökutækja. Það gildir
ekki um akstur vegna óhjákvæmi-
legrar þjónustu, sjúkraflutninga
eða annarrar ámóta óhjákvæmi-
legrar umferðar sem upp kemur.
I 43. grein umferðarlaganna
segir m.a. að torfæratæki (þ.m.t.
vélsleðar) megi ekki aka á vegi,
sem ekki er einkavegur. Ef það
reynist hins vegar nauðsynlegt
má aka eftir veginum skemmstu
leið sem hentugt er og þá ekki
hraðar en 40 km/klst. í þéttbýli
má t.d. ekki aka vélsleðum á göt-
um og annars staðar sem bannað
er að aka vélknúnum ökutækjum,
s.s. á umferðareyjum eða annars
staðar utan vegar, nema í sérstök-
um tilvikum.
Vélsleðaumferð bönnuð á
fólkvöngum
Bann hefur verið lagt við akstri
vélsleða á fólkvöngum, s.s. á
skíðasvæðum í Bláfjöllum. Þá má
telja eðlilegt að vélsleðum sé ekki
ekið á reiðgötum sem og á göngu-
stígum.
Þegar horft er til samspils reið-
mennsku og aksturs vélsleða ber
að vekja sérstaka athygli á hug-
tökunum gagnkvæmri tillitssemi
og varúð. Þegar t.d. maður á hesti
og maður á vélsleða mætast má
telja sjálfsagt að sá síðarnefndi
dragi áður úr hraða og stöðvi jafn-
vel ef svo ber undir þangað til sá
fyrrnefndi hefur örugglega farið
framhjá. Einnig má telja sjálfsagt
að þegar vélsleðamaður þarf að
komast framhjá reiðmanni dragi
hann úr hraða, víki eins vel til
hliðar og aðstæður leyfa á hvetj-
um stað og gæti þess að valda
eins lítilli truflun og mögulegt er.
Hestafólk forðist
vélsleðasvæði
Jafn sjálfsagt má telja að vél-
sleðafólk aki ekki um á svæðum
á eða í nálægð við hesthúsabyggð-
ir og að reiðmenn forðist svæði
sem alla jafna eru notuð af vél-
sleðafólki.
Gagnkvæmur skilningur, tillits-
semi, virðing og varúð geta komið
í veg fyrir ótrúlegustu vandamál.