Morgunblaðið - 04.01.1995, Blaðsíða 48
V í K
G
L#TT€>
alltaf á
MiövikudögTun
MORGUNBLAÐJÐ, KRINGLAN I, 103 REYKJAVÍK, SÍMI 691100, SÍMBRÉF 691181,
PÓSTHÓLF 3040, NETFANG MBL@ CENTRUM.IS / AKUREYKI: HAFNARSTRÆTl 85
MIÐVIKUDAGUR 4. JANUAR 1995
VERÐ I LAUSASOLU 125 KR. MEÐ VSK
Hrossahópi
bjargað úr
klettum
Morgunblaðið/RAX
Lánsfjárþörf ríkissjóðs 18-19 milljarðar króna næstu þijá mánuði
Tæpir 10 milljarðar króna
til innlausnar í febrúar
HROSSAHÓPI frá Tungu í
Svínadal, sem fælst hafði vegna
sprenginga og eldglæringa á
nýársnótt, var í gær bjargað úr
sjálfheldu af klettasyllu í
700-800 metra hæð í Skarðs-
hyrnu sunnan til í Skarðsheiði.
Eitt hrossið hafði runnið niður
urð þegar stóðið fór upp fjallið
og fannst þar slasað. Myndin var
tekin þegar bændur og fleiri
björgunarmenn voru að mýla
hestana uppi á syllunni. Þau voru
enn hrædd og tróðust um flug-
hála og hallandi sylluna svo
hætta var á að menn eða hestar
færu fram af brattri fjallsbrún-
inni. Björgunarsveitarmenn
hjuggu stíg I hjarn sem liggur
yfir brattri skriðu og þegar dýra-
læknir var búinn að gefa hross-
unum deyfilyf voru þau teymd
eftir einstiginu.
■ Klárinn fær ferð/4-5
LÁNSFJÁRÞÖRF ríkissjóðs og
byggingarsjóða Húsnæðisstofnunar
sem ríkissjóður hefur fjármagnað frá
því húsnæðisbréf hættu að seljast í
fyrrasumar er 18-19 milljarðar króna
fyrstu þrjá mánuði þessa árs. Rúm-
lega helming þessarar lánsfjárþarfar
eða tæplega 10 milljarða króna má
rekja til flokks fimm ára spariskír-
teina frá árinu 1990 sem kemur til
innlausnar í febrúarmánuði.
Magnús Pétursson, ráðuneytis-
stjóri í fjármálaráðuneytinu, segir að
til þess að mæta þessari fjárþörf
þurfi annað tveggja að grípa til er-
lendrar lántöku eða bjóða fjárfestum
sem eigi bréfin sem komi til innlausn-
ar upp á skiptikjör, en ríkissjóður
hljóti að leggja mikla áherslu á að
þetta fé haldist hjá honum og fari
ekki til annarra verðbréfakaupa.
Umræða fari nú fram um þessar leið-
ir innan ráðuneytisins og við þá að-
ila sem að málinu komi, en niður-
staða liggi ekki fyrir að svo komnu.
Auknar lántökur erlendis
Ríkissjóður sótti mun meira lánsfé
á erlenda markaði á síðasta ári en
ráð var fyrir gert í upphafi ársins.
Þannig er útlit fyrir að nettólántökur
erlendis hafi numið um 11 milljörðum
króna, en reiknað var með að þær
yrðu á bilinu 5-6 milljarðar króna.
Þá var við því búist að 11-12 millj-
arða króna yrði aflað á innlertdum
lánsfjármarkaði, en líklegt er að lán-
taka ríkissjóðs og byggingarsjóðanna
innanlands hafi aðeins numið á bilinu
3,5-4 milljörðum króna.
í nýlegu erindi á fundi hjá Lands-
bréfum benti Magnús á þessar stað-
reyndir og sagði að ríkissjóður hefði
ekki haldið uppi eftirspurn innan-
lands eftir lánsfé á síðasta ári. Hins
vegar hefðu nýir aðilar komið inn á
markaðinn og haldið uppi eftirspurn-
inni. Sveitarfélögin hefðu gefíð út
bréf að upphæð 6 milljarðar króna
á síðasta ári, en það væri mun meira
en spáð hefði verið auk þess sem
atvinnufyrirtæki hefðu selt verðbréf
fyrir á bilinu 2,5 til 3 milljarða króna
í fyrra.
í erindinu kemur ennfremur fram
að í ár megi búast við að það dragi
úr lánsfjárþörf ríkissjóðs og tengdra
aðila. Það ætti að styðja við bakið á
5% vaxtaviðmiði stjórnvalda. Hins
vegar sé ekki ólíklegt að vegna þeirr-
ar óvissu sem ríkt hafi um þróun
vaxta og frjáls fjármagnsflæðis um
áramótin bafi margir íjárfestar
ákveðið að fjárfesta í skammtíma-
verðbréfum. Aðspurður um þetta og
þá þróun sem framundan sé sagði
Magnús að stjórnvöld og Seðlabank-
inn þurfi fljótlega að taka afstöðu
til stefnumörkunar í peningamálum
sem stuðli að þeirri'gengisfestu og
stöðugleika sem ríkt hafi.
Samtök kennara efna til atkvæðagreiðslu um verkfall sem gæti hafist 17. febrúar
Um fimm þúsund kennarar
greiða atkvæði um verkfall
FULLTRÚARÁÐ Kennarasambands
íslands og Hins íslenska kennarafé-
lags ákváðu í gær að efna til at-
kvæðagreiðslna um boðun verkfalls
meðal félagsmanna sinna. Verði
verkfallsboðunin samþykkt hefst
verkfall í öllum grunnskólum og
framhaldsskólum landsins 17. febr-
úar ef ekki semst fyrir þann tíma.
Að sögn Eiríks Jónssonar, formanns
KÍ, nær atkvæðagreiðslan til um
5.000 félagsmanna í báðum kennara-
félögunum.
„Ljóst er að með þessu gefast
aðrar sex vikur í vinnu við samninga
Kennara við fjármálaráðherra í viðbót
við þær sex vikur sem samninga-
umleitanir hafa staðið yfir,“ segir í
sameiginlegri ályktun fulltrúaráða
kennarafélaganna í gær. Þar segir
einnig að kennarafélögin muni fyrir
sitt leyti gera allt sem í þeirra valdi
stendur til að samningar megi takast
áður en til átaka komi og ef vilji sé
fyrir hendi hjá samninganefnd ríkis-
ins muni það takast.
Þorsteinn Geirsson, formaður
samninganefndar ríkisins, segir að
samninganefndin hafi verið að ræða
við félögin eitt af öðru að undan-
förnu. „Við höfum talið eðlilegt að
fara okkur hægt meðan launamark-
aðurinn í heild er kannaður,“ sagði
hann. Þorsteinn kvaðst ekki sjá neina
sérstaka ástæðu til að gera þeim
aðilum sem hefðu þegar afhent kröf-
ur gagntilboð strax. Samninganefnd-
in vilji skoða betur hvernig málin
þróist á vinnumarkaðinum, m.a.
hvort Vinnuveitendasambandið og
viðsemjendur þess komi fram með
einhverjar lausnir á næstunni.
Undirbúningur atkvæðagreiðsl-
unnar er þegar hafinn og hefur kjör-
stjórn félaganna verið boðuð til fund-
ar í dag en hún ákveður dagsetningu
sjálfrar atkvæðagreiðslunnar.
Fulltrúaráð kennarafélaganna
leggja áherslu á að miklar breytingar
hafi orðið á skólastarfi á seinustu
árum sem ekki hafi fengist ræddar
við samningaborðið. Ljóst sé að þörf-
in fyrir sérstaka kennarasamninga
sé orðin brýn vegna mikilla breytinga
á störfum og starfsumhverfí kenn-
ara.