Morgunblaðið - 05.01.1995, Blaðsíða 16
16 FIMMTUDAGUR 5. JANÚAR 1995
MORGUNBLAÐIÐ
_____________UR VERIIMU__________
Nord Morue kaupir
flokkara frá Marel hf.
Kaupverðið er um 34 milijónir íslenzkra króna
MAREL hf. og Nord Morue í Frakk-
landi hafa gert með sér samning
um afhendingu á fjórum flokkara-
kerfum í verksmiðju Nord Morue í
Jonzac í Frakklandi. Heildarupp-
hæð samningsins er um 34 milljón-
ir króna. Nord Morue er dótturfyrir-
tæki Sölusambands íslenzkra fisk-
framleiðenda og framleiddi um
9.000 tonn af ýmsum afurðum að
söluverðmæti um 3 milljarðar króna
á síðasta ári.
Flokkunarkerfin fjögur byggjast
öll á innmötunarbúnaði, vigtarein-
ingu, útkastseiningu og frátöku-
búnaði á flokkuðum afurðum. Einn
flokkari er fyrir reykt síldarflök.
Með honum fylgir hugbúnaður til
að lágmarka yfirvigt. Afköst eru
um 150 flök á mínútu með ná-
kvæmni upp á eitt gram til eða frá.
Annar flokkari er fyrir saltflök.
Honum fylgir einnig hugbúnaður
til að lágmarka yfírvigt, en afköst
hans eru um 100 flök á mínútu
með eins gramms nákvæmni. Þá
er flokkari fyrir saltaða flakahluta.
Afköst hans eru 120 stykki á mín-
útu og nákvæmni sú sama og hinna.
Tveir gæðaflokkar í einu
Loks er flokkari fyrir þurrkaðan
Saltfisk með innmötunarbandi
ásamt pökkunar- og stýrikerfi fyrir
saltfískpakka. Hægt er að flokka
tvo gæðaflokka í einu og velja sam-
an saltfisk til þess að lágmarka
yfirvigt. Með þessum flokkara
verða tvær Marel M2000 vogir og
límmiðaprentarar. Allir flokkararn-
ir verða afhentir með hugbúnaði
sem tengist tölvu til að fylgjast með
afköstum og vinnslu flokkaranna.
Kaupin hluti
endurskipulagningar
Birgir Jóhannsson, fram-
kvæmdastjóri Nord Morue, segir
að kaupin á flokkurunum séu hluti
endurskipulagningar, sem nú fer
fram í verksmiðju fyrirtækisins,
bæði á húsakosti og tækjum. Gert
er ráð fyrir afhendingu tveggja
flokkara í febrúar og tveggja í
marz á þessu ári.
Nord Morue valdi flokkunarbúað-
inn frá Marel eftir að hafa kannað
vandlega flokkunarbúnað frá öðr-
um framleiðendum. Var það mat
fyrirtækisins að Marelbúnaðurinn
mætti tæknilegum og vinnslulegum
þörfum þess á hagstæðasta verðinu.
Við val á búnaði var, meðal ann-
ars, tekið mið af hugbún'aði til að
lágmarka yfirvigt í pakkningum,
hraða, nákvæmni og rekstrarör-
yggi-
Birgir Jóhannsson segir, að nýju
flokkararnir muni auka hagræð-
ingu, spara vinnu og draga úr yfir-
vigt, en hvert 1% í yfirvigt sé mik-
ils virði, einkum þegar verið sé að
tala um 9.000 tonna framleiðslu.
Morgunblaðið/Þorkell
LÁRIJS Ásgeirsson, markaðsstjóri Marel, og Birgir Jóhannsson,
framkvæmdasljóri Nord Morue, undirrita samninginn.
Fékk 205 krónur fyrir
karfakílóið í Þýzkalandi
Góð sala í síðasta túr Engeyjar til Þýzkalands
ENGEY RE fékk 205 krónur fyrir
kíló af karfa að meðaltali er skipið
seldi afla sinn í Þýzkalandi í vik-
unni. Alls seldi Engey 144,6 tonn
fyrir 674.000 mörk eða 29.6 millj-
ónir króna. Þetta er eitthvert hæsta
meðalverð í krónum talið, sem feng-
izt hefur á þessum markaði, sn
nokkur dæmi eru um hærri heildar-
sölu og verðmæti í mörkum, enda
seldi Engey aðeins 144,6 tonn.
Arinbjörn Sigurðsson er skip-
stjóri á Engey og hefur hann verið
með hana í nokkur ár. Þetta var
þó væntanlega síðasti siglingatúr-
inn hans, því hann er nú að láta
af störfum hjá Granda hf., sem
gerir Engey út, og verður skipinu
lagt við heimkomuna.
Sigurbjörn Svavarsson, útgerð-
arstjóri Granda, segir að þessi
glæsilega sala breyti engu um þá
ákvörðun fyrirtækisins að leggja
Engey.
Venjulega borgar sig
ekki að sigla
„Sala af þessu tagi er algjör
undantekning og auðvitað mjög
ánægjuleg. Staðreyndin er hins
vegar sú, að afli siglingaskipanna
hjá okkur dróst mikið saman á síð-
asta ári og verð á markaðnum í
Bremerhaven var aðeins það sama
og í hitteðfyrra að meðaltali, þrátt
fyrir mikinn samdrátt í sölu karfa
á árinu. Venjulega borga svona 150
tonna túrar sig ekki. Það fer 21
dagur að öllu jöfnu í „siglingar-
hringinn" og til að standa undir
kostnaði þarf aflaverðmæti að vera
um milljón á dag. Þeir hafa verið
afar fáir 150 tonna túrarnir á síð-
asta ári, sem skiluðu meiri en 21
milljón í aflaverðmæti," segir Sigur-
björn Svavarsson.
Mikið af ufsa hjá
Sveini Jónssyni
Sveinn Jónsson KE seldi 125
tonn í bremerhaven í gær, en fékk
mun lægra verð en Engey. Skýr-
ingin á því er meðal annars hátt
hlutfall ufsa í afla hans, en verð á
ufsa er að öllu jöfnu mun lægra
en verð á karfa. Heildarverð var
18,2 milljónir og meðalverð 145,71
króna. Þá seldi Skapti SK hluta
afla síns í Hull í gær og var meðal-
verð allt að 200 krónur. Mikið af
grálúðu var í afla Skafta og er
mjög hátt verð á henni um þessar
mundir.
ruuarion
Reykjavíkurvegi 64 • Hafnarfiröi • Sími 651147
Útsalan er hafin
Mikill afsláttur
Opib á laugardögum frá kl. 10-14.
FRÉTTIR: EVRÓPA
NOKKRIR norrænir smákaupmenn tóku upp á því um áramótin
fyrir ári, er EES-samningurinn tók gildi, að hefja sölu á áfengi
í verslunum sínum. Þeir voru snarlega stöðvaðir enda ná ákvæði
EES einungis til lieildsölu og dreifingu á áfengi, líkt og ESA
hefur nú kveðið upp úrskurð um.
Eftirlitsstofnun EFTA
Norska
áfengiseinka-
salan ólögleg
NÚVERÁNDI fyrirkomulag
norsku áfengiseinkasölunnar
stenst ekki ákvæði EES-samnings-
ins, samkvæmt úrskurði Eftirlits-
stofnunar EFTA. Telur ESA að
einokun á innflutningi, heildsölu
og útflutningi áfengis í Noregi
stangist á við fjölmargar greinar
samningsins.
Norska ríkisstjórnin er ávítt fyr-
ir að hafa ekki gert nauðsynlegar
breytingar á fyrirkomulagi áfengis-
sölumála fyrir gildistöku EES-
samningsins, þann 1. janúar 1994.
Er norskum stjórnvöldum veittur
sex vikna frestur til að uppfylla
kröfur ESA ella verður málinu vís-
að til EFTA-dómstólsins.
„Við verðum að meta þetta,“
segir Hill-Marta Solberg, félags-
málaráðherra Noregs í samtali við
Aftenposten. Hún vildi ekki tjá sig
um það hvort að ríkisstjórnin myndi
láta reyna á málið fyrir dómstóln-
um, en hann hefur þegar úrskurðað
Finnum í óhag í svipuðu máli.
Er talið næsta víst að norska
stjórnin muni gefa sig og breyta
reglunum.
ESA sendi íslensku stjórninni
áminningarbréf á síðasta ári um
að stofnunin teldi íslensku einkasöl-
una ekki standast ákvæði EES.
Hún hefur hins vegar ekki fellt
formlegan úrskurð í málinu ennþá
og fyrir Alþingi liggur frumvarp,
sem gerir ráð fyrir breytingum,
sem uppfylla eiga skilyrði EES.
Greint frá
tollalækkunum
• FRAMKVÆMDASTJÓRN
Evrópusambandsins hefur
greint frá efnisatriðum sam-
komulags við Bandaríkin um
innflutningskvóta á lægri toll-
um fyrir ýmsa vöruflokka til
að bæta fyrir tollahækkanir á
sænskum, finnskum og austur-
rískum mörkuðum um áramót-
in. Alls eru þessar tollalækkan-
ir taldar nema nærri fimmtán
milljörðum íslenzkra króna.
Nokkur fleiri lönd en Bandarík-
in munu njóta góðs af innflutn-
ingskvóta með 0 - 3,6% tolli á
t.d. tölvuvörum, plasti, áburði
og Ijósmyndavörum. Tollar
hafa hins vegar ekki verið
lækkaðir á öðrum sjávarafurð-
um en kröbbum, sem Bandarík-
in flytja út í miklu magni. Enn
er ósamið við íslendinga og
Norðmenn á lækkun tolla á síld,
sem flutt er út á Finnlands- og
Svíþjóðarmarkað.
• STJÓRNVÖLD í Slóvakíu
hyggjast Ijúka undirbúningi
fyrir umsókn um aðild að Evr-
ópusambandinu fyrir júlílok á
þessu ári. Ekki liggur hins veg-
ar fyrir hvenær sótt verður um.
Augustin Huska, varaformaður
stjórnarflokksins Lýðræðis-
hreyfingar Slóvakíu, sagði að
eins og nágrannaríkin vonaðist
Slóvakía til að geta fengið inn-
göngu í ESB í kringum alda-
mótin. Tékkar ætla að sækja
um aðild á næsta ári og Pólland
og Ungverjaland hafa þegar
skilað inn umsóknum.
• FRAMKVÆMDASTJÓRN
ESB hefur samþykkt sam-
starfsverkefni franska símafyr*
irtækisins France Telecom og
þess þýzka, Deutsche Bundes-
post Telecom. Framkvæmda-
stjórnin telur samstarf fyrir-
tækjanna ekki bijóta í bága við
ákvæði evrópsks samkeppnis-
réttar um markaðsráðandi að-
stöðu.
• NORSKI Seðlabankinn hef-
ur tilkynnt að hann muni halda
áfram vaxtaskiptum við seðla-
banka í ESB-ríkjunum, þrátt
fyrir að Norðmennhafi hafnað
aðild að ESB. Vaxtaskipta-
samningarnir gefa Norðmönn-
um möguleika til að halda gengi
krónunnar stöðugu ef þrýsting-
ur á það eykst.