Morgunblaðið - 05.01.1995, Blaðsíða 36

36 FIMMTUDAGUR 5. JANÚAR 1995
MORGUNBLAÐIÐ
Dýraglens
BREF
TIL BLAÐSINS
Kringlan 1103 Reylgavík • Sími 691100 • Símbréf 691329
Tommi og Jenni
GREINARHÖFUNDUR nefnir m.a. Nesjavallavirkjun sem dæmi um
framkvæmdir borgarinnar þegar Sjálfstæðisflokkurinn var við völd.
R-LISTINN
ENN SEFUR
Smáfólk
Frá Gunnlaugi Eiðssyni:
STUNDUM var haft á orði í síð-
ustu borgarstjórnarkosningum, að
R-iistinn væri hvorki nýr né fersk-
ur. Þetta væri sama gamla og sjúsk-
aða liðið, sem hefði lafað á mót-
mælanöldri í borgarstjórn síðustu
árin. Og þetta lið virðist eiga erfitt
með að breyta þessu og fara að
hefjast handa. Þrennu hefur verið
komið í verk síðustu átta mánuði:
1) Ráðinn aðstoðarborgarstjóri (lík-
lega vegna peningaleysis). 2) Rimp-
að saman einhvers konar skýrslu
um að borgin sé næstum gjald-
þrota. 3) Samþykkt að selja bensín
á fleírí stöðum í borginni.
Skýrslunni var ætlað að sýna og
sanna, að borgarsjóður sé í kalda-
koli vegna óstjórnar sjálfstæðis-
manna. Og allt frá því hún var birt
hefur R-listinn hangið við sama
heygarðshomið og þulið upp sömu
romsuna aftur og aftur eins og bil-
uð hljómplata. En dropinn holar
steininn og þess vegna verður að
svara.
Á krepputímum minnka
tekjurnar
Hið rétta'er, að sjálfstæðismenn
hafa farið afbragðs vel með borgar-
sjóð: Greiðslubyrði af lánum í árslok
1993 og 1994 var um 3%. Af hveij-
um 100 kr., sem borgin fær í tekj-
ur, fara 3 kr. í afborganir af lánum
og vexti af þeim. Spáin um greiðslu-
byrði á árinu 1995 er 10%. Það er
ekki mikið. Sveitarfélag verður að
sinna mörgum verkefnum, sem eru
lítið eða ekki arðbær. Á krepputím-
um rýrna tekjur sveitarfélagsins og
við það eykst greiðslubyrði. Jafn-
framt verður að halda uppi fram-
kvæmdum (fyrir lánsfé ef ekki vill
betur) til að draga úr atvinnuleysi
eða stemma stigu við því. Auðvitað
rýrir þetta borgarsjóð. Það væri
gersamlega ábyrgðarlaus sveitar-
stjórn, sem á atvinnuleysistímum
héldi að sér höndum og safnaði
digrum sjóðum.
Fróðlegt er að bera saman sveit-
arfélög, t.d. Akureyri og Reykjavík:
Á Akureyri voru nettóskuldir marg-
falt minni en í Reykjavík og fram-
kvæmdir talsvert minni. Hins vegar
var greiðslubyrði af lánum Akur-
eyringa þyngri en Reykvíkinga og
atvinnuleysi mun meira.
Borgarstjórinn í Reykjavík lítils-
virðir borgarbúa með suði sínu um
slæma stöðu sveitarfélagsins og
vonda fjármálastjórn sjálfstæðis-
manna. Staðreyndirnar tala sínu
máli og Reykvíkingar skilja það án
aðstoðar borgarstjórans. Ein síbylj-
an um síðustu sveitastjórnarkosn-
ingar var sú, að sjálfstæðismenn
héldu uppi framkvæmdum og
þenslu á góðæristímum. Meira að
segja R-listamenn hljóta að vita,
að hér hefur verið samdráttur og
atvinnuleysi síðustu 6-7 ár. En hér
á höfuðborgarsvæðinu hefur at-
vinnuástand verið með skaplegra
móti en víðast annars staðar vegna
þess að sjálfstæðismenn sköpuðu
góðæri með framkvæmdum og
þenslu. Auðvitað hefur borgarsjóð-
ur ekki gildnað við þetta. Og nú
er boðskapur borgarstjórans þessi:
Samdráttur, aukið atvinnuleysi. Og
hann er svo ósvífinn að reyna að
telja okkur trú um, að orsakanna
sé að leita hjá sjálfstæðismönnum.
Miklar framkvæmdir
á vegum borgarinnar
Framkvæmdir á vegum borgar-
innar eru fleiri en Ráðhús og Perlan
og líklega ekki pláss til að telja það
allt upp hér, en t.d.: Nesjavallavirkj-
un og kaup á útivistarsvæðum í
Grafningi; stækkun Hitaveitunnar,
nýir tankar á Grafarholti og Öskju-
hlíð; uppbygging Grafarholtshverfis
(nýjar götur, holræsi, skólar, dag-
heimili o.s.frv. o.s.frv.); leikhús LR;
skolphreinsistöðvar og hreinsun
fjörunnar; endurbætur á Laugavegi
og vaxandi trjárækt um alla borg;
Húsdýragarður og Fjölskyldugarð-
ur í Laugardal; fegrun miðbæjarins
(Gijótaþorpið, Miðbakkinn, Ingólfs-
torg, Arnarhóll); Sæbrautin og sjáv-
arbakkinn þar; göngu- og hjólreiða-
stígar (Öskjuhlíð, Skeijastígurinn
o.fl.); endurnýjun tjarnarbakkanna
og Tjarnargötu. Svo er allur hinn
venjulegi rekstur, svo sem end-
urnýjun holræsa, bygging dagheim-
ila 'og leikskóla.
Að öllu þessu og mörgu fleiru
býr R-listinn. Hann er þreyttur og
ætlar að hafa það náðugt, sofa og
kenna sjálfstæðismönnum um
framkvæmdaleysið.
GUNNLAUGUR EIÐSSON,
Lindargötu 42, Reykjavík.
Allt efni :sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.