Morgunblaðið - 06.01.1995, Blaðsíða 8
8 C FÖSTUDAGUR 6. JANÚAR 1995 •
MORGUNBLAÐIÐ
DAGLEGT LÍF
Im verður ekki
skoðuð á einum degi
HLUTI af loftinu í „Litlu Paradís",
kapellunni í Santa Prassede.
Morgunblaðið/Hildur
FJÖLDI ferðamanna heimsækir Róm
árlega. Hér sést niður Via Condotti.
Við enda hennar er spænska torgið
og tröppurnar frægu.
RÓM ER yndisleg og ein af þeim
borgum sem kallar á endurkomu.
Sagan er greypt í hvem stein og
andrúmsloftið er sérstakt. Mið-
borgin, þar sem geysilega margt
er að sjá af fornum minjum, fögr-
um húsbyggingum og iðandi
mannlífi, er ekki mjög stór, sem
gerir það að verkum að maður
er tiltölulega fljótur að átta sig á
umhverfinu, þó það virki ruglings-
legt í fyrstu.
Ef fólk er vel á sig komið er
ráðlegast að fara í góða gönguskó
og ferðast gangandi milli staða.
Þegar þreytan segir til sín er allt-
af hægt að setjast inn í kirkju eða
á kaffihús. Að kvöldi er síðan
hægt að taka „metróinn" til baka,
strætisvagn eða leigubíl.
Bílamenningin
Það sem kom mér einna mest
á óvart í Róm, fyrir utan Péturs-
kirkjuna, var hin sérkennilega
umferðarmenning ítala. Ætli
maður yfir götu þýðir lítið að bíða
eftir að bílstjórarnir stöðvi farar-
tæki sín til að hleypa fólki yfir,
jafnvel við gangbraut. Vænlegra
til árangurs er að draga djúpt
andann og vaða út á götuna, mis-
munandi varkár eftir því hversu
umferðarhraðinn er mikill. Þá
gerist hið undarlega; bílstjóramir
stöðva bílana eins og ekkert sé
sjálfsagðara. Það tók ótrúlega
stuttan tíma að venjast þessari
aðferð og vaða út á götuna eins
og hver annar Rómarbúi.
Sýna þarf varkárni
Einna neinkvæðast við borgina
fannst mér vera hversu þjófnaðir
og prettir virðast algengir. Leið-
sögumaður okkar lagði ríkt á við
okkur að gæta fjármunanna mjög
vel fyrir sígaunum og öðrum þjóf-
um, sem hann sagði að væru með
þeim slyngustu í heimi.
Gætti hann þess gjarnan þegar
við gengum framhjá tveimur eða
þremur sígaunum að standa á
milli þeirra og okkar. „Ef þið eruð
fá saman og þeir nálgast ykkur
skuluð þið búast til atlögu, því
það er betra að verða fyrstur til
að beija þá en að þeir ráðist á
ykkur,“ sagði hann af stóískri ró
þegar við horfðum stjörf á hann.
Þegar ég lýsti þessu síðar fyrir
íslendingi sem býr á Ítalíu gerði
hann ekki mikið úr þjófnuðum og
sagði Róm ekki frábrugðna öðrum
stórborgum. „Auðvitað á að fara
varlega, en leiðsögumenn gera
alltaf of mikið úr þessu að mínu
mati.“
Frá öðrum íbúa borgarinnar
höfðum við fengið þá viðvörun að
kæmu sígaunabörn í hópum til
að biðja um pening skyldum við
öskra á þau í því skyni að bregða
þeim og jafnvel slá höndunum á
lærin til að auka hávaðann. Til
þessa kom þó aldrei, en við urðum
vitni að tveimur sígaunabörnum
ræna mann á mjög lúmskan hátt.
Verðlagning er
mjög mismunandi
ítalskir veitingamenn
eru einnig mjög slyngir
gagnvart útlendingum,
því þegar spurt er um
verð til dæmis á bjór
eiga þeir til að nefna
verð á litlum bjór án
þess að taka fram
ákveðna stærð en bera
síðan stórt glas á borð.
Þegar kvartað er yfir
verðlagningu yppta þeir
öxlum og allt í einu
kunna þeir ekki stakt
orð í ensku! Bæði vegna
þess að allar upphæðir
eru óeðlilega háar í aug-
um okkar Islendinga og
af því að alltaf er verið
að reyna að svindla á
viðskiptum, hvort sem
er í farmiðasölu „met-
rósins" eða hjá kaup-
manninum á horninu,
var reynsla okkar sú að
við vorum einlægt í vörn
og breyttumst nánast í
aurapúka, sem var
óþægileg tilfinning.
Sérstakar kirkjur
í Róm eru um 500 kirkjur og
erfítt að velja hverjar eigi að
skoða. ítalir eru mjög siðvandir
þegar kemur að klæðaburði og
kirkjum og því verða karlmenn
að vera í síðbuxum og ekki má
sjást í berar axlir kvenna né hné.
Þetta á við í öllum stærri kirkjum
að minnsta kosti.
Sjálfgefið er að skoða Péturs-
kirkju, Postulakirkjuna (St. Gio-
vanni in Laterano), Maria Maggi-
ore og að því er okkur var sagt
en náðum ekki að skoða: Páls-
kirkju utan múra (Basilica di S.
Paolo fuori le mura), en þá er
tekin B-lína metrósins að stöðinni
S. Paolo.
Af smærri kirkjum má nefna
Basiliku di Santa Prassede, sem
er í lítilli hliðargötu skammt frá
Maria Maggiore. Ekki hef ég
STIGINN í Vatíkansafninu er ótrúlega vel hannaður. Þeir sem
eru á íeiðinni upp sjá ekki þá sem koma niður, því stigarnir
liggja á misvíxl.
götunafnið en hún
er á milli breiðgöt-
unnar Via Merul-
ana og Via dell’Ol-
mata. í kirkjunni
er örsmá kapella
skreytt einstaklega
fallegum mósaik-
myndum. Gengur
kapellan undir
nafninu Litla Para-
dís meðal íbúa.
Basilikan Inferiore di S. Cle-
mente, sem er ekki langt frá Co-
losseum, er byggð ofan á gamalli
kirkju, þar sem ennþá má sjá
freskur, þótt litirnir séu farnir að
dofna. Þessi kirkja er þekkt og
því auðvelt að spyija til vegar.
Þegar komið er út úr henni er
tekin stefnan til hægri og síðan
upp bratta brekku á vinstri hönd.
Á leið upp hæðina er komið að
tröppum til hægri og þegar þær
hafa verið gengnar blasir við
klaustrið Monace Agostiniane
hægra megin. Skemmtilegt er að
heimsækja það og fá að skoða
klausturgarðinn. Einnig má fá
leyfí til að skoða gamla kapellu,
en þar eru afar fallegar gamlar
freskur. Er fólki bent á að hringja
bjöllu í anddyrinu og fá þar leyfi
hjá klaustursystrum.
Símarnlr
ómissandi
Það vakti einn-
ig athygli okkar
að sjá Italana sem
skilja farsímana
aldrei frá sér. Eitt
sinn þegar við
vorum á leið í
kirkju var brúð-
kaupi að ljúka.
Ekki voru gestirnir fyrr komnir
út en sími eins hringdi og hófust
miklar samræður með viðeigandi
handapati. Sagði leiðsögumaður
okkar þetta vera daglegt brauð
og að stundum kæmi fyrir að sími
einhvers kirkjugests hringdi í
miðri messu ög þá mætti heyra
„Pronto, pronto...“ eða „Fljótur,
fljótur".
í annað skipti sátum við á kaffi-
húsi í hádegi og fólkið á næsta
borði var greinilega í viðskiptaer-
indum. Fyrr en varði dró fólkið
upp úr pússi sínu sinn símann
hvort sem það spjallaði í. Við lítt
veraldarvanir íslendingarnir velt-
um því hins vegar fyrir okkur
hvort það væri ef til vill að ræða
saman! ■
Hildur Friðriksdóttir
MARGAR tilkomumiklar
byggingar eru í Róm.
FERÐIR UM
HELGINA
FiNNFf/R
ri
Finnair kaupir
notaðar MD-80 vélar
ÚTIVIST
AÐ VENJU verður fyrsta dagsferð
Útivistar á nýju ári nýárs- og kirkju-
ferð. I tilefni af því að 23. mars nk.
eru liðin 20 ár síðan Ferðafélagið
Útivist var stofnað er ferðin hafin á
því að ganga gamla þjóðleið að Krísu-
víkurkirkju, en hún er
fyrsta kirkjan sem heim-
«ótt var í árlegum nýárs-
og kirkjuferðum fé-
iagsins. Að því loknu
verður ekið til Hafnar-
fjarðar og fjallað um kirkj-
ur - sem Hafnfírðingar
hafa sótt gegnum aldir.
Komið er við á kirkju-
stæðum og kirkjur heim-
sóttar. Kl. 14 er farið í messu í Görð-
um hjá sr. Braga Friðrikssyni pró-
fasti og þaðan er gengin gömul alf-
araleið niður í bæinn.
Farið verður kl. 10.30 á sunnud.
8. janúar frá Umferðarmiðstöðinni
og rúta fylgir hópnum allan tímann.
Stansað er á Kópavogshálsi, við Ás-
garð í Garðabæ og við Sjóminjasafn-
ið í Hafnarfirði. Þar kemur Kristján
Bersi Ólafsson skólameistari í rútuna
og verður fylgdarmaður í ferðinni.
Áætlað er að koma til baka um kl. 18.
Fí
FÖSTUDAG 6. jan. verður þrett-
ándaganga og blysför Ferðafélags-
ins og Vals um álfa- og huldufólks-
byggðir í Öskjuhlíð.
Brenna og flugeldasýn-
ing í lok göngunnar.
Brottför er frá Perl-
unni kl. 20 og er gengið
um skógarstíga í Oskju-
, hlíð. Á huliðsvættakorti sem
Borgarskipulag gaf út fyrir
nokkrum árum, eftir tilsögn
Erlu Stefánsdóttur, er sýnd álfa-
byggð í Öskjuhlíðinni. Gangan tekur
um 30-45 mín. og verður þá brenna
og sungnir álfasöngur. Að flugelda-
sýningu lokinni eru veitingar, vöfflur
og kakó i Valsheimilinu.
Sunnud. 8. janúar kl. 13 verður
gengið um Skógarhlíðarkrika í
Heiðmörk. Létt og þægileg göngu-
leið. Brottför frá Umferðarmiðstöð-
inni og Mörkinni 6. ■
Snjóþykkt á
austurrískum
skíðastððum
í í
Staður.............dal fjalli
Badgast./Bd Hofgast...20 100
Bad Kleinkirchen.....10 50
Flachau/Wagr/St.Joh.. 15 45
Innsbruck/Igls......... 15 50
Kitsbuhel/Kirchb.... 10 30
Lech/Zurs...............20 100
Obertauern..............70 110
Saalbach/Hintergl... 15 20
Sölden/Höchsölden.....5 30
St.Johann,Oberndorf.... 10..30
Zell /Kaprun............ 5 25
Heimild: Ferðamálaráð
Austurríkis 28. des. 1994.
STJÓRN Finnair hefur ákveðið að
skipta út 17 vélum af gerðinni
DC-9 og fá í staðinn notaðar MD-
80 flugvélar og er þetta fjárfesting
upp á 1,7 milljarða finnskra marka.
Þá hefur stjórn Finnair birt reikn-
ingstölur fyrsta helming fjárhags-
ársins, þ.e. frá 1. apríl til 30. sept-
ember, sem sýnir bætta stöðu fyrir-
tækisins. Hagnaður var um 300
milljónir marka á móti 100 milljón
mörkum á sama tíma í fyrra.
Elstu DC-9 vélarnir verður að
taka úr umferð ekki seinna en árið
2002 og fimm þeirra þegar á næsta
ári því þær hafa þá náð 25 ára
markinu. Antti Potila, frkv.stj.
Finnair, segir að mikið framboð sé
af notuðum MD-80 vélum og þær
sem Finnair hafi þegar á að skipa
í flota sínum hafi reynst vel og séu
hagkvæmar í rekstri.
Finnair ætlar að auka hlutafé á
næsta ári og erlendum fjárfestum
er heimilt að kaupa hlutabréf.
Finnska ríkið hefur ákveðið að auka
ekki eignarhluta sinn og mun hann
minnka ef nýja hlutabréfasalan
gengur upp úr 71,5% í 57,5%. ■