Morgunblaðið - 07.01.1995, Blaðsíða 44

TVÖFALDUR1. vinningur
N/íirDr>cnPT
':íSS^
MICROSOFT. einarj.
WlNDOWS. SKÚLASONHF
MORGUNBLADID, KRINGLAN 1, 103 REYKJA VÍK, SÍMl 691100, SÍMBRÉF 691181,
PÓSTHÓLF 3040, NETFANG MBL@CENTRUM.IS / AKUREYRl: HAFNARSTRÆTI 85
LAUGARDAGUR 7. JANÚAR 1995
VERÐ í LAUSASÖLU 125 KR. MEÐ VSK
Lj 6s vetningabúð
Slysá
flugelda-
sýningu
FÉLAGI í björgunarsveit slas-
aðist við flugeldasýningu á
þrettándagleði í Ljósvetninga-
búð í gærkvöldi.
Verið var að skjóta tívolí-
bombu úr járnhólki, sem hafð-
ur var í blikkfötu með sandi.
Að sögn lögreglu virðist sem
bomban hafi sprungið utan
rörsins en í fötunni sem
splundraðist. Málmflís, 13 sm
löng og 7 sm breið, gekk á kaf
í bakið á björgunarsveitar-
manni sem var um 5 til 6
metra frá sprengingunni.
Bjargaði miklu hvað
flísin var stór
Hinn slasaði var fluttur á
sjúkrahúsið á Húsavík og gert
að sárum hans. Að mati lækn-
is bjargaði það miklu hvað
jámflísin var stór. ella hefði
verið hætta á að hún hefði
gengið inn á milli rifja. Maður-
inn var lagður inn á sjúkrahús-
ið og að sögn læknis var líðan
hans góð eftir atvikum.
Siyóflóð
í Oshlíð
BÍLL á leið frá ísafirði til Bol-
ungarvíkur króaðist . af á milli
tveggja snjóflóða sem féllu í Ós-
hlíð á ellefta tímanum í gærkvöldi.
Femt var í bílnum, tveir karlar
og tvær konur. Fólkið komst í
vegskála og gat hringt þaðan eft-
ir hjálp. Fór lögreglan á ísafirði
'að flóðinu sem innar féll og sótti
fólkið sem gekk yfir flóðið sem
lokaði veginum.
Hugsanlegur flutningur höfuðstöðva ÍS til Akureyrar
Meirihlutavilji bjóð-
ist viðskipti við ÚA
Varðund-
ir strætis-
vagni
FJÓRTÁN ára piltur slasað-
ist alvarlega, þegar hann
varð undir strætisvagni við
Hagaskóla í hádeginu í gær.
Að sögn lögreglu varð slys-
ið þegar strætisvagninn kom
að biðstöð við skólann.
Troðningur var við dyrnar
og féll pilturinn og rann und-
ir afturhjól strætisvagnsins.
Pilturinn var í aðgerð á
Borgarspítala síðdegis í gær
og þar fengust þær upplýs-
ingar að hann væri ekki í
bráðri lífshættu en mikið
meiddur.
Hann var meðal annars
sagður nyaðmagrindarbrot-
inn og hafði einnig hlotið inn-
vortis meiðsli.
MIKILL meirihluti eigenda íslenskra
sjávarafurða hf., um eða yfir 80%
hluthafa, er því htynntur að ÍS flytji
höfuðstöðvar sínar norður til Akur-
eyrar, svo fremi sem um það tekst
samstaða að ÍS bjóðist öll viðskipti
við Útgerðarfélag Akureyringa.
Bæjarráð Akureyrar hefur ekki
ákveðið að selja hlutabréf sín í ÚA,
en í gær höfðu þrír aðilar, KEA, SH
og Samheiji, óskað eftir viðræðum
um kaup á bréfum bæjarins, en
bærinn á 53% hlut í ÚA. Þorsteinn
Már Baldvinsson, forstjóri Samherja,
kveður fyrirtækið reiðubúið að kaupa
allan hlut bæjarins og áætlar hann
að markaðsvirði bréfanna sé um 900
milljónir króna.
Mikil fundahöld voru á Akureyri
í gær með fulltrúum SH og bæjarfull-
trúum á Akureyri, auk þess sem
bæjarráð Akureyrar fundaði í fjóra
tíma síðdegis um málið. Bæjarráð
samþykkti að láta fara fram skoðun
á áhrifum þess á starfsemi ÚA ef
sölumál félagsins færðust frá Sölu-
miðstöð hraðfrystihúsanna til ís-
lenskra sjávarafurða og var ákveðið
að ljúka henni innan tveggja vikna.
Dreifð eignaraðild betri
Halldór Jónsson, formaður stjómar
ÚA, kvaðst í samtali við Morgunblað-
ið í gær fagna þeim áhuga sem menn
sýndu á að gerast eignaraðilar í ÚA.
„Ég tel hins vegar að hagsmunum
öllum væri best borgið með dreifðri
eignaraðild, þannig að það sé ekki
endilega einn stór meirihlutaeigandi
sem ráði ferðinni," sagði Halldór.
Gísli Bragi Hjartarson, fulltrúi
Alþýðuflokks í meirihluta bæjar-
stjórnar Akureyrar, segir þá stefnu
Alþýðuflokksins að selja ekki bréf
bæjarins í ÚA óbreytta. Hann kvaðst
telja það sérstakt að KEA byði fram
í sínum pakka að höfuðstöðvar ÍS
flyttust norður til Akureyrar. Það
væri að hans mati ekki eðiilegt, að
félagið setti bæjarstjórn stólinn fyrir
dyrnar og vildi fá svör fljótlega,
vegna flutnings ÍS.
■ Sala hlutabréfa ÚA/6/10
Morgunblaðið/Júlíus
Stóreignir
skipta um
eigendur
SAMNINGAR voru undirritaðir í
gær milli íslandsbanka hf. og dótt-
urfélags hans, Sigtúns 38 hf., ann-
ars vegar og Samvinnulífeyrissjóðs-
ins hins vegar um makaskipti á eign-
um. Jafnframt var gengið frá samn-
ingum Samvinnulífeyrissjóðsins við
hlutafélag sem ber heitið Hótelið við
Sigtún 38 í Reykjavík hf. um sölu
á Holiday Inn.
Islandsbanki yfirtekur húseign
sjóðsins á Kirkjusandi sem kennd
hefur verið við Sambandið en lætur
í staðinn Holiday Inn hótelið og skrif-
stofuhúsnæði bankans í Húsi verslun-
arinnar, Kringlunni 7. Þær eignir sem
hvor aðili ieggur fram eru metnar á
yfir hálfan milljarð króna, að því er
segir í frétt frá bankanum.
■ Baklóðin kostaði/12
Uttekt endurskoðenda á viðskiptum Hagvirkis-Kletts hf. við Hafnarfjarðarbæ
Abyrgðaveiting bæjar-
sjóðs er talin lögbrot
LÖGGILTIR endurskoðendur hf. hafa að beiðni
bæjaryfirvalda í Hafnarfirði tekið út viðskipti
Hagvirkis-Kletts hf. við Hafnarfjarðarbæ. Fram
kemur að í árslok 1992 og í byijun árs 1993
hafí bæjarsjóður gengist í almenna ábyrgð fyrir
víxlum, samtals 43 milljónum króna, sem fyrirtæk-
ið var greiðandi að og féllu á bæjarsjóð. Að áliti
endurskoðenda brýtur ábyrgðaveiting bæjarsjóðs
í bága við 89. gr. sveitarstjórnarlaga. Fram kem-
ur að aldrei hafí náðst að jafna fyrirframgreiðslur
upp í verk, samtals 30 miltjónir króna, sem áttu
sér stað vorið 1992. Þá segir: „Ekki liggja fyrir
neinar bókaðar samþykktir um þessar eða aðrar
fyrirframgreiðslur yfírleitt og þar af leiðandi leik-
ur verulegur vafí á um heimildir fyrir þeim. Skuld
fyrirtækisins sem stofnast með þessum hætti er
viðvarandi og hækkar þrátt fyrir umtalsverð verk-
efni sem félagið er með fyrir bæjarsjóð á árunum
1991 til 1994.“
í úttekt endurskoðendanna eru viðskipti bæjar-
sjóðs við Hagvirki-Klett hf. rakin allt frá árinu
1992 til ársloka 1994. Árið 1992 var gerður verk-
samningur um gatnagerð við Mosahtíð og annar
um byggingu Tónlistarskóla og safnahúss. I árslok
er skuld fyrirtækisins við bæjarsjóð rúmar 29
milljónir. Áuk þess hafi bæjarsjóður gengist í
ábyrgð fyrir víxlum að upphæð 25 millj. kr. með
gjalddaga í febrúar 1993. „Við getum ekki séð
að þær fyrirframgreiðslur, sem greiddar voru í
apríl 1992 inn á verk vegna Mosahlíðar, séu gerð-
ar á grundvelli bókaðrar samþykktar bæjarráðs.
Verður því ekki hjá því komist að velta því fyrir
sér hvort hér hafi verið um óheimilar greiðslur
að ræða,“ segir í úttekt endurskoðenda.
Ábyrgðir bæjarsjóðs
í byijun desember samþykkir bæjarsjóður að
ábyrgjast fímm víxla, samtals að upphæð 25 millj-
ónir, sem Hagvirki-Klettur hf. er greiðandi að.
Til baktryggingar ábyrgðinni samþykkir fyrirtæk-
ið að skuldajafna reikninga fyrirtækisins vegna
verka sem félagið var að vinna fyrir bæjarsjóð
samkvæmt verksamningi. í öðru lagi er trygging-
in uppsafnað geymslufé vegna verkanna og vekja
endurskoðendur athygli á að geymslufé sé ætlað
að tryggja verkkaupa eða bæjarsjóði ýmiskonar
vanefndir af hálfu verksala, það er Hagvirkis-
Kletts. I þriðja lagi er tryggingin hönnunarvinna
á leikskóla sem fyrirhugað er að fyrirtækið byggi,
hönnunarvinna vegna skolpútrásar og 16 milljóna
króna tryggingarvíxill, sem Jóhann Bergþórsson
gefur út. Samskonar ábyrgð er veitt í janúar 1993
fyrir víxla að upphæð samtals 18 milljónir króna
og eru baktryggingar þær sömu. Þessar trygging-
ar standa því samtals fyrir 43 milljónum króna.
Brýtur í bága við 89. gr.
sveitarstj órnarlaga
Að mati endurskoðenda brýtur þessi ábyrgðaveit-
ing í bága við 89. grein sveitarstjómarlaga en þar
segir: „Sveitarstjóm getur veitt einfalda ábyrgð til
annarra aðila gegn tryggingum sem hún metur
gildar." Endurskoðendur benda á að tryggingamar
fyrir fyrirframgreiðslum bæjarins og ábyrgðum séu
nánast allar fólgnar í framtíðartekjum félagsins
vegna verka sem verið er að vinna fyrir bæjarsjóð.
Pizza-
sendill
upplýsti
kortasvik
PIZZA-sendill upplýsti greiðslu-
kortasvik í fyrrinótt þegar tveir
menn um tvítugt, sem komist
höfðu yfír greiðslukort manns,
hugðust nota það til að kaupa
sér pizzu í svanginn.
Að sögn lögreglu hafði kort-
inu verið stolið af eigandanum
um klukkan hálftvö í fyrrinótt
þegar hann lagði það frá sér
andartak á afgreiðsluborð sölu-
turns. Maðurinn tilkynnti strax
að kortinu hefði verið stolið.
Síðar um nóttina var hringt
í Pizza 67 og pöntuð pizza að
húsi við Laugaveg. Kaupandinn
sagðist mundu greiða með
greiðslukorti og gaf upp númer
þess. Við athugun starfsfólksins
kom í ljós að um vákort var að
ræða en pizza-sendillinn fór
engu að síður á staðinn og sneri
til baka með kortið í sinni vörslu.
Kortafyrirtækið gerði þá lög-
reglu viðvart og voru mennirnir
handteknir skömmu síðar.